Zaburi Sya Daud 148
148
Laudate Dominum.
1Mundumbaye Bambo. Mundumbaye kuhuma Kunani:
Mundumbaye pandu pakututawusika.
2Mundumbaye, wakamalaika wake woha:
Mundumbaye, libanja lyake lyoha.
3Mundumbaye, lijuwa nu mwesi:
Mundumbaye, mwenga ndondo syoha sya lulangalila.
4Mundumbaye, Kunani kwa Kunani:
Na machi muyii panani, kulutila Kunani.
5 Galilumbe lihina lya Bambo:
Ndawa yombe atawike, na sipweleleka.
6Asiyimika kwa kitamile mumu pela:
Asipile kidumulano kila kyangalutalila kawili.
7Mundumbaye Bambo kuhuma pa nndima:
Fikoko fya munyanja, ni fina fyoha.
8Mwoto ni fula ya maganga, schnee ni kimbungululu:
Mbepo ya limbupulu, kilikite lilowe lyake.
9Fidunda ni fikweso fyoha:
Mikongo yene fipambiko ni mikunguza yoha.
10Kikoko na chakukwawa kiyii kyoha:
Chakukwawa na chakuguluka kyene mapapatilo.
11Watwa wa nndima ni yoha misafi:
Wanduna na woha wakulamula pa nndima.
12Wapalo ni kawili wadala wakali wangatuwulika:
Wagogola na kawili wana.
13Walilumbe lihina lya Bambo, ndawa lihina lyake lakape likwesike:
Mbili yake panani pa nndima ni Kunani.
14Na wapinda linyelo lya nnsafi wake, kulumba kwa wala wa lukolo lwake woha:
Kwa wana wa Israel, nnsafi gula guyii papipi nayombe. Mundumbaye Bambo.
Currently Selected:
Zaburi Sya Daud 148: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
