Zaburi Sya Daud 147
147
Laudate Dominum.
1Mundumbaye Bambo, ndawa kinofu kunjimbila Mlungu witu zabur:
Ndawa kyene neema, na chakuganika kulumba.
2Bambo ajenga Yerusalem:
Awawungana lilindu wakukangika wa Israel.
3Kilamasile wala wakudumuka mwoyo:
Kiniembele mawanga gawe.
4Asilingila ndondo kawalangiko kawe:
Asiluwula syoha mahina gawe.
5Unkulungu Bambo witu, na wakuyoloka pa makakala:
Kwa kuwalalila kwake pawaka mawalangiko.
6Bambo kiwakangamasile wakuselela:
Kiwakilamile pasi wakuwipa mpaka pa lidupi.
7Muyupaye nyimbo kwa Bambo:
Munjimbilaye Mlungu witu zabur nu mhabala.
8Yula afunakila Kunani na matoto, awikila nganila fula kwa nndima:
Afilukisa fidunda umela.
9Afipela fya kukwawa chakulya kyake:
Na wana wa likungulu wala wakulila.
10Nakwiganila pa kigosi kya frasi:
Nakuyitakila pa magulu ga nngosi.
11Bambo kiyitakile pa wala wanjogopa:
Wala wakwilindakisa lukolo lwake.
12Unnjumile Bambo, Yerusalem:
Undumbe Mlungu wako, Zion.
13Ndawa agahangamasa madindilo ga matanga gako:
Awapela kihomo wana wako kugati kwako.
14Asiwika mbaka syako kindamba:
Akutupalisa na mafuta ga ngano.
15Alituma lila akita pa nntima:
Mpaka lilowe lyake likimdila kiyumbatakile.
16Apeleka schnee ngati lwangi:
Ayiyambanisa frost ngati malifu.
17Ayataga ice ngati makombo:
Pa kyene kya ng’ala yake nani yayime?
18Alitumisa lilowe lyake, na asiwululula:
Ayamila ni mbepo yake, machi gayambanika‐yambanika.
19Alikokosa lilowe lyake kwa Yakobo:
Fidumulano fyake na fya kulamula fyake kwa Israel.
20Akite lepa wila kwa mhuko guyii goha:
Na fya kulamula fyake wafimanyi lepa. Mundumbaye Bambo.
Currently Selected:
Zaburi Sya Daud 147: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
