Zaburi Sya Daud 145
145
Exaltabo te, Deus.
1Yanikututawuse, Mlungu wangu, yutwa:
Na yanililumbe lihina lyako ngati kihomo kyene kitamile pela mumu pela.
2Ligono ni ligono yanikulumbe ngati kiomo kyene:
Na yanikalilumbe lihina lyako kitamile pela mumu pela.
3Unkulungu Bambo, na wakulumbika muno:
Nu unkulungu wake nakuhegalela.
4Kihogosi kwa kihogosi kiyine yawafijumise fya kukita fyako:
Na yawafikwise fya figosi fyako.
5Mapambiko ya kukwisika kwa mbili yako:
Na malowe ga fyakupambana fyako, yanijowe nakape.
6Na yawakite makakala ga fya kuyogopeka fyako:
Na yanifiwalange fikulungu fyako.
7Yawalapukise kikumbukiso kya unofu wako ukalungu:
Na yawalulutile kukita malinga kwako.
8Wakuganila nu mwene lipyana Bambo:
Wakusyela kudada, nu nkulungu pa lukolo.
9Unofu Bambo kwa woha:
Ni lipyana lyako bahapa pa fyakukita fyake fyoha.
10Fyoha fila fyakukita fyako yafikusengusa Bambo:
Na wa lukolo wako yawakulumbe ngati kihomo kyene.
11Yawakite yakukwisika ya utwa wako:
Na yawajowe kigosi kyako.
12Kumanyisa kwa wana wa adam fya kigosi kyake:
Nu kukwisika kwa mapambiko ga utwa wake.
13Utwa wako utwa wa kitamile mumu pela:
Ni kulinganisa kwako kwa kihogosi ni kihogosi.
14Bambo awakangamasa woha wala wagwa:
Na awatutawusa wala wakukotama.
15Miho goha galindalila kwako:
Na wenga kipelekele kwa wombe chakulya kyawe pa lukumbi lwake.
16Utambasulaye kiwoko kyako:
Na ukitupalisa umu kilondela kiyii kyoha chakulama.
17Wakukita malinga Bambo pa ndila syako syoha:
Na wa lukolo pa fyoha fila akita.
18Bambo ayii papipi na woha wakunkemalela:
Na woha makunkemalela pa fya chakaka.
19Yakite kulonda kwa wala wakunjogopa:
Na yayufwanile, na yakawayokole.
20Bambo agoha woha wakunngana:
Koma yaawakayule njwe wawifu woha.
21Pandomo pangu yapajowe kulumba kwake Bambo:
Ni nyama yoha yikalilumba lihina lyako ngati kihomo kyene kitamile pela.
Currently Selected:
Zaburi Sya Daud 145: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
