HESEKIEL 21
21
Egongamwele lyOmuwa
1Omuwa okwa lombwele ndje a ti: 2“Muna gwomuntu, lombwela Jerusalem. Hunganekela omahala agehe moka aantu haa gongala komambo. Londodha oshilongo Israel 3kutya ongame, Omuwa, tandi ti: Ngame omutondi gwoye. Otandi pweya mo egongamwele lyandje e tandi mu dhipaga po amuhe, aawanawa naawinayi sha faathana. 4Otandi ka ukitha egongamwele lyandje kushaa ngoka gwokuumbangalantu sigo okuumbugantu. 5Shaa ngoka ota ka tseya kutya ongame, Omuwa, nda pweya mo egongamwele lyandje noitandi li shuna mo we.
6“Muna gwomuntu, yematela montaneho yawo u na omutima gwa nyanyagulwa nogwa sa oluhodhi olunene. 7Ngele taye ku pula omolwashike wa yemata, ya lombwela kutya omolwonkundana ndjoka tayi ya. Uuna tayi thiki, omitima dhawo otadhi ka haluka kuumbanda, iikaha yawo otayi ka endjelela komvulwe, omukumo gwawo gwa tyololoka, noongolo dhawo tadhi kakama. Esiku lya thiki; lye ya.” Omuwa Omupangeliawike a popi.
8Omuwa okwa lombwele ndje a ti: 9“Muna gwomuntu, hunganeka.
Lombwela aantu shoka ngame, Omuwa, tandi popi.
Egongamwele, egongamwele
olya tsa nolya yagwa.
10Olyu upikwa lya tsa li dhipage,
lya yagwa li tayime ngolwaadhi.
Itaku kala we enyanyu.
Oshigwana shandje osha dhina elondodho negeelo.
11Egongamwele olya yagwa,
olyu upikilwa iilonga.
Olya tsa lya yagwa,
li kale meke lyomudhipagi.
12Muna gwomuntu, kololoka, u yemate.
Egongamwele ndika lyu uka aantu yandje
naawiliki ayehe yaIsrael.
Ayehe otaa ka dhipagwa po
pamwe noshihupe ashihe shaantu yandje.
Ikwata ombandamutse meihupulo!
13Otandi yeleke aantu yandje.
Ngele taa tindi okwiitedhulula,
mbika ayihe otayi ke ya ningilwa.
14“Muna gwomuntu, hunganeka ngashingeyi. Hakela nomake goye, negongamwele otali ka hahala lwaali, lutatu. Egongamwele otali dhipaga, egongamwele tali halutha notali ulula. 15Otali tyololokitha aantu yandje noku ya lontaukitha. Otandi tilitha oshilando shawo negongamwele tali tayima lya fa olwaadhi nolya hala okudhipaga. 16Gongamwele lya tsa, fegula ko olulyo nolumoho! Keka mpoka to thikile. 17Nangame wo otandi ka hakela nomake gandje, nondjahi yandje otayi ka pola. Ongame, Omuwa, nda popi.”
Egongamwele lyomukwaniilwa gwaBabilonia
18Omuwa okwa lombwele ndje a ti: 19“Muna gwomuntu, ndhindhilika oondjila mbali moka omukwaniilwa gwaBabilonia ta vulu okweenda negongamwele lye. Adhihe mbali otadhi zi moshilongo shimwe. Tula po omandhindhiliko mpoka oondjila tadhi topokele. 20Endhindhiliko limwe otali ulukile omukwaniilwa ondjila yu uka koshilando shAayammoni Rabba, nekwawo oondjoka yu uka kuJuda, koshilandohote Jerusalem. 21Omukwaniilwa gwaBabilonia ota thikama pendhindhiliko poompagiila dhoondjila. Opo a mone ondjila ndjoka ta yi nayo, ota shikashika iikuti; ota pula omayele kiimenka ye; ota simonona ehuli lyoshimuna sha yambwa. 22Ngashingeyi! Olulyo lwe olwa yelutha endhindhiliko lyoshikuti ‘Jerusalem’. Otashi mu lombwele, a ye aka dhike iikumunithi yekuma, a kuge onkugo, a tule iikumunithi pomiyelo, a tunge omutuni gwekondekela ye a fule omikanka. 23Aajerusalem inaye shi itaala, molwaashoka oye na euvathano nayo. Ihe eanekelo ndika otali ya dhimbulutha uulunde wawo, li ya londodhe kutya otaa ka kwatwa po. 24Shika osho shoka ngame, Omuwa Omupangeliawike, tandi popi. Uulunde weni we ya puuyelele. Shaa ngoka okwa tseya, nkene ne aalunde. Otamu holola uulunde weni miilonga yeni ayihe. Omwa pangulwa, notandi ke mu gandja kaatondi yeni.
25“Muleli ngoye omukeenakalunga gwaIsrael, ngoka wi inyateka, esiku lyegeelo lyoye lyahugunina olya thikana. 26Ongame, Omuwa Omupangeliawike, nda popi. Ihula oshishani, kutha ko egala. Itashi ka kala we ngaaka. Omufupi ota nenepekwa, nomunene ota fupipikwa. 27Omakulukuma, omakulukuma! Otandi ningi oshilando omakulukuma. Ihe shika itashi ningwa, sigo ngoka tandi hogolola a geele oshilando, a thiki. Nena otandi shi mu pe.”
Egongamwele nAayammoni
28“Muna gwomuntu, hunganeka. Tumbula shoka ngame, Omuwa Omupangeliawike, tandi lombwele Aayammoni, mboka taa tuku Israel. Ya lombwela to ti:
‘Egongamwele otali ka hanagula;
olya yagelwa okutsela,
tali adhima lya fa olwaadhi.
29Omamoniko tamu mono, iifundja; omahunganeko tamu hunganeke, odhanakalindi. One aakolokoshi naalunde, esiku lyeni olya thikana, esiku lyokugeelwa kweni kwahugunina. Egongamwele otali ke mu keka koothingo.
30“ ‘Shuna mo egongamwele! Otandi ke mu pangulila mehala moka mwa shitilwa, mevi moka mwa valelwa. 31Otandi ke mu poolela ondjahi yandje ya fa omulilo gwa hwama. Otandi ke mu gandja kaantu aapwidhi, oonkulungu dhokuhanagula. 32Otamu ka lunguna po komulilo. Ombinzi yeni otayi ka tikila mevi lyeni yene, nopwaa na we ngoka te ke mu dhimbulukwa.’ ” Omuwa oye a popi.
Currently Selected:
HESEKIEL 21: ONDB
Highlight
Copy
Compare
Share
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
HESEKIEL 21
21
Egongamwele lyOmuwa
1Omuwa okwa lombwele ndje a ti: 2“Muna gwomuntu, lombwela Jerusalem. Hunganekela omahala agehe moka aantu haa gongala komambo. Londodha oshilongo Israel 3kutya ongame, Omuwa, tandi ti: Ngame omutondi gwoye. Otandi pweya mo egongamwele lyandje e tandi mu dhipaga po amuhe, aawanawa naawinayi sha faathana. 4Otandi ka ukitha egongamwele lyandje kushaa ngoka gwokuumbangalantu sigo okuumbugantu. 5Shaa ngoka ota ka tseya kutya ongame, Omuwa, nda pweya mo egongamwele lyandje noitandi li shuna mo we.
6“Muna gwomuntu, yematela montaneho yawo u na omutima gwa nyanyagulwa nogwa sa oluhodhi olunene. 7Ngele taye ku pula omolwashike wa yemata, ya lombwela kutya omolwonkundana ndjoka tayi ya. Uuna tayi thiki, omitima dhawo otadhi ka haluka kuumbanda, iikaha yawo otayi ka endjelela komvulwe, omukumo gwawo gwa tyololoka, noongolo dhawo tadhi kakama. Esiku lya thiki; lye ya.” Omuwa Omupangeliawike a popi.
8Omuwa okwa lombwele ndje a ti: 9“Muna gwomuntu, hunganeka.
Lombwela aantu shoka ngame, Omuwa, tandi popi.
Egongamwele, egongamwele
olya tsa nolya yagwa.
10Olyu upikwa lya tsa li dhipage,
lya yagwa li tayime ngolwaadhi.
Itaku kala we enyanyu.
Oshigwana shandje osha dhina elondodho negeelo.
11Egongamwele olya yagwa,
olyu upikilwa iilonga.
Olya tsa lya yagwa,
li kale meke lyomudhipagi.
12Muna gwomuntu, kololoka, u yemate.
Egongamwele ndika lyu uka aantu yandje
naawiliki ayehe yaIsrael.
Ayehe otaa ka dhipagwa po
pamwe noshihupe ashihe shaantu yandje.
Ikwata ombandamutse meihupulo!
13Otandi yeleke aantu yandje.
Ngele taa tindi okwiitedhulula,
mbika ayihe otayi ke ya ningilwa.
14“Muna gwomuntu, hunganeka ngashingeyi. Hakela nomake goye, negongamwele otali ka hahala lwaali, lutatu. Egongamwele otali dhipaga, egongamwele tali halutha notali ulula. 15Otali tyololokitha aantu yandje noku ya lontaukitha. Otandi tilitha oshilando shawo negongamwele tali tayima lya fa olwaadhi nolya hala okudhipaga. 16Gongamwele lya tsa, fegula ko olulyo nolumoho! Keka mpoka to thikile. 17Nangame wo otandi ka hakela nomake gandje, nondjahi yandje otayi ka pola. Ongame, Omuwa, nda popi.”
Egongamwele lyomukwaniilwa gwaBabilonia
18Omuwa okwa lombwele ndje a ti: 19“Muna gwomuntu, ndhindhilika oondjila mbali moka omukwaniilwa gwaBabilonia ta vulu okweenda negongamwele lye. Adhihe mbali otadhi zi moshilongo shimwe. Tula po omandhindhiliko mpoka oondjila tadhi topokele. 20Endhindhiliko limwe otali ulukile omukwaniilwa ondjila yu uka koshilando shAayammoni Rabba, nekwawo oondjoka yu uka kuJuda, koshilandohote Jerusalem. 21Omukwaniilwa gwaBabilonia ota thikama pendhindhiliko poompagiila dhoondjila. Opo a mone ondjila ndjoka ta yi nayo, ota shikashika iikuti; ota pula omayele kiimenka ye; ota simonona ehuli lyoshimuna sha yambwa. 22Ngashingeyi! Olulyo lwe olwa yelutha endhindhiliko lyoshikuti ‘Jerusalem’. Otashi mu lombwele, a ye aka dhike iikumunithi yekuma, a kuge onkugo, a tule iikumunithi pomiyelo, a tunge omutuni gwekondekela ye a fule omikanka. 23Aajerusalem inaye shi itaala, molwaashoka oye na euvathano nayo. Ihe eanekelo ndika otali ya dhimbulutha uulunde wawo, li ya londodhe kutya otaa ka kwatwa po. 24Shika osho shoka ngame, Omuwa Omupangeliawike, tandi popi. Uulunde weni we ya puuyelele. Shaa ngoka okwa tseya, nkene ne aalunde. Otamu holola uulunde weni miilonga yeni ayihe. Omwa pangulwa, notandi ke mu gandja kaatondi yeni.
25“Muleli ngoye omukeenakalunga gwaIsrael, ngoka wi inyateka, esiku lyegeelo lyoye lyahugunina olya thikana. 26Ongame, Omuwa Omupangeliawike, nda popi. Ihula oshishani, kutha ko egala. Itashi ka kala we ngaaka. Omufupi ota nenepekwa, nomunene ota fupipikwa. 27Omakulukuma, omakulukuma! Otandi ningi oshilando omakulukuma. Ihe shika itashi ningwa, sigo ngoka tandi hogolola a geele oshilando, a thiki. Nena otandi shi mu pe.”
Egongamwele nAayammoni
28“Muna gwomuntu, hunganeka. Tumbula shoka ngame, Omuwa Omupangeliawike, tandi lombwele Aayammoni, mboka taa tuku Israel. Ya lombwela to ti:
‘Egongamwele otali ka hanagula;
olya yagelwa okutsela,
tali adhima lya fa olwaadhi.
29Omamoniko tamu mono, iifundja; omahunganeko tamu hunganeke, odhanakalindi. One aakolokoshi naalunde, esiku lyeni olya thikana, esiku lyokugeelwa kweni kwahugunina. Egongamwele otali ke mu keka koothingo.
30“ ‘Shuna mo egongamwele! Otandi ke mu pangulila mehala moka mwa shitilwa, mevi moka mwa valelwa. 31Otandi ke mu poolela ondjahi yandje ya fa omulilo gwa hwama. Otandi ke mu gandja kaantu aapwidhi, oonkulungu dhokuhanagula. 32Otamu ka lunguna po komulilo. Ombinzi yeni otayi ka tikila mevi lyeni yene, nopwaa na we ngoka te ke mu dhimbulukwa.’ ” Omuwa oye a popi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.