2 Juan 1
1
Siunie ijiatk'i jla'yi ni inemijnaye
1I'lijwas atejwi'lase, asa'am ti Sinia' jilists'ase'm ti jleye as'wetits'ijk'i, ti Sinia' pajk'i ti int'ayejyits'i. Ya'am ti kijilk'i'm ajlo'wase siunie yamtik ti yimijna'yase'm ti kasjwanjliyik'i siunie ijiatk'i. Je yamkata, 'yina wikie'eyi 'neje siunapo pajk'i ti itiant'ieje siunie ijiatk'i ti wuj ti 'nama'ase. 2Siunie it'imina ti emina ka lajak'i naka siunie ijiatk'i ti yisajap jla'yi ti jlam kiajatajak'i'ni ti janesajap.
3'Esiji ka Sinia', jla'yi pi Sijwajieti Jesús ti Sinia' jlas siunie 'es, 'esiji ka insayis astepe'e ni jikap'ijliuskiye, jla'yi ni jikamankiye, kasjwanjliyik'i siunie ijiatk'i, jla'yi ti aninemina.
4Wuj ti ts'ajkaj'ni ti ajieye'ase ti po' siunapo ti je tajli siunie ijiatk'i,#3 Jn 2-3 iyo ni Sinia' ti iyotaja ka iyoki. 5Ajalaskinta'ase pet ka ininemina.#Jn 13.34; 15.12,17 Ti ajlo'wase je ajwe'el ka ink'ieye siunie awo, naka ti 'nelanjie'e ape'yakie. 6'Yina siuti jayoki siunie Sinia' jlamtis iyotaja ka iyoki, ja'nakaja pet ti semijnaye japoye. Iyo siunie ti 'nelanjie'e jininekiajlayi pi Sijwajieti, ti iyo'ate, “Ká aleyeyi siunie asemijnaye ti jiwoyeyi.”#Jn 14.15,23-24; 1 Jn 5.3
I'nio' siunapo 'yakajmank'iji'n napo ijia
7Je jlase' siunapo i'nio' ti iniu ape'e 'ni ajnat ti je ijiat paka injwelis, ka inekisi kanjwelis pi Jesús ti 'nes t'ipi ajnat'e ti iniwojwa'n i'nioye. I'nio' ni kia'iyo, nak i'nio' ti ijiuski'la'n, Sijwajieti jitiejiejwa.#1 Jn 2.18,22-23; 4.1-3 8Joskiyeyi, ja'nakayeyijna'a ka je inkajyina, ja ke injlankinayeyijna'a siunie jakajlayi ti jantajle ni Saka'niona Jesús.
9I'nio' ni iyo ka inkajmat ape'e siunie iyo ni Sijwajieti t'eyasajnaye, Sinia' je yijap. Jlampet siunie i'nio' ilisa'n nak inamtik ti 'es, siunie Sinia' jla'yi ni jlas yijap.
Sek jla'a niwa Juan jlamtis
10Siuti po'o ni i'nio' ijio'wase ti je yiyiji ka inamtiyi nak inamtik ti 'es, ká a'yena'yi ilia'm, ká atejwilayi. 11Siunie jantejwila, nak i'nio' iniuyeje siuniwa iyo ti je isis.
12Je piniyeta siu'niwa wask'i'nelaja ti awotaja ka ijwi'lase'm 'nakayi, lapakawo ti je awo ka yi'ne siunie ip'isinik. Ajwelta ka yama'aseyi ka ijio'wase, sek jane'yi ka ijiatayijijna'a ti jampots'e siunie sinikanitiejeye siuti kiak janwo.
13'Najata. Sinia' jilis siu'napo yi' pet ijiap, ti jla'am ti tijna'yi 'neje pet ti it'iajts'i, itijwi'lase.
Currently Selected:
2 Juan 1: CRT97
Highlight
Share
Copy
Want to have your highlights saved across all your devices? Sign up or sign in
Nuevo Testamento en Chorote © Sociedades Biblicas Unidas, 1997.