Bilang 35
35
Ti manga Banwa manga Libita
1Nagbagaw ti Panginuun tag kan Muysis ati sa karatagan Muab sa saruy Hurdan arani sa Hiriku, 2“Sabihi nimu ti manga Israilita kuntay ayawi nida ti manga Libita kanda maulianan pag manga banwa ginan sa matanggap nida pag daga. Bag-u pakan-i diman nida sida manga paraharaban sa sangput tunda pag manga banwa. 3Sa katunda pag paraan, may maulian sida banwa hanggan may mapaharaban kanda manga hayup. 4Ti manga paraharaban kanyu ipakaun sa sangput nida kada banwa pag may tab-anan 1,000 ka luk-an siku ginan sa alad batu nida banwa. 5Sa sangput nida kada banwa, pagsukat kamu ti 2,000 ka luk-an siku sa kada pagturunuhun pag banwa — sa butlakan, sa salatan, sa isalpan, hanggan sa kanaway — nakan asan sa kanda karaw-an tunda pag banwa. Tunda ngani ti paraharaban para sa kanda manga banwa.
6“Pakan-i diman niyu ti manga Libita unum ka banwa imaw kanda darangpan, asantag pag makapalagiw ti tawu nakamatay balaw tikis. Balaw inda labut sa 42 ka banwa kanyu ipakaun sa kanda. 7Nakan 48 tanan ka banwa kanyu ipakaun sa manga Libita kaibahan kanda manga paraharaban. 8Inda pag manga banwa ginan sa manga daga manga linahi Israil. Ti mayamu kay huray pag lahi pumakaun waydi mayamu pag banwa ag ti pira-pira kay huray pira-pira waydi kay ipakaun.”
Ti manga Banwa Darangpan
(Diyut. 19:1-13; Huswi 20:1-9)
9Bag-u magkun ti Panginuun sa kan Muysis, 10“Sabihi ti manga Israilita nu mandipay yi sida sa Hurdan atabug sa Kanaan, 11pagpili sida manga banwa kanda darangpan hampay makapalagiw atabug ti tawu nakamatay balaw niya tikis. 12Ribri siya siyun pag manga banwa sa manga tawu magkaibug bumalus sa kanya. Balaw siya mahimu matyun dahil udwaya siya nasintinsiyahan sa atubangan kadamlan. 13-14Inda pag unum ka banwa imaw kanyu banwa darangpan. Kay tulu ka banwa paulian niyu sa butlakan Hurdan bag-u kay tulu sa Kanaan. 15Inda pag unum ka banwa imaw ti darangpan balaw lang sa manga Israilita, nu unman hanggan diman sa manga day-uhan mag-ulian kaibahan nida, hampay una sitapu sa kanda ti makamatay balaw tikis makapalagiw atag sa tunda pag manga banwa.
16“Dapat nu pinulpug baul ti usa ka tawu ag namatay, kilalan-un manugmatay tunda pag tawu, ag kailangan matyun diman siya. 17Nu binintuk siya usa ka tawu ag namatay, kilalan-un siya manugmatay tawu ag kailangan matyun diman siya. 18Ngatay halimbawa pinulpug usa ka tawu pulud kayu ti usa ka tawu ag namatay inda, kilalan-un diman siya manugmatay tawu, ag kailangan matyun diman siya. 19Ti arani pag katawuhan minatay imaw ti may karampatan sa pagmatay sa manugmatay. Kailangan matyun niya ti manugmatay nu makitan niya.
20“Nu dahil sa kay dumut nakamatay ti usa ka tawu sa panab-anan pagtukmud, ngatay pagbintuk una hintay pag bagay, 21una abi nansuntuk, kilalan-un gid manugmatay tunda pag tawu ag kailangan matyun diman siya. Ti arani pag katawuhan minatay imaw ti may karampatan sa pagmatay sa manugmatay. Kailangan niya matyun ti manugmatay nu makitan niya.
22“Dapat nu abi ti usa ka tawu unman may dumut nakamatay balaw niya tikis dahil sa pagtukmud aw ngatay pagbintuk sa kanya una hintay pag bagay, 23ngatay nadugsakan niya batu balaw nakitan, ag dahil siyun namatay ti tawu una balaw niya kalaban, dapat balaw niya tikis kay pagmatay sa kanya, 24kailangan darahun siya tabug sa kadamlan kaibahan ti tawu magkaibug bumalus sa kanya ag iintirga inda sa manga may karampatan: 25Nu mapatutuuhanan balaw niya tikis kay pagmatay, kailangan apinan siya kadamlan manga tawu magkaibug bumalus sa kanya, bag-u ibalik siya sa banwa darangpan, ati yi siya pag muli. Kailangan gid pagpatayak siya ati tugka sa mamatay ti itinalaga sa pagsirbi pag pangulu manughandug.
26“Dapat nu ti nakamatay lumuwas sa banwa darangpan 27bag-u makitan siya tawu magkaibug bumalus sa kanya, mahimu siya matyun tunda pag tawu. Ti namalus pag tawu unman may saragtun. 28Nakan ngani ti nakamatay kailangan pag ati lang gid sa banwa darangpan tugka sa mamatay ti pangulu manughandug, siyun ginan bag-u di siya makauli sa kanda.
29“Inda ti manga surundanun kailangan niyu sundun tugka aban, una naan kamu pag mangulian.”
30“Una si unu ti makamatay sa kay kaparihu kailangan gid matyun, dapat ay kailangan pag may manga kastigus hampay pumatutuu kuntay nakamatay siya. Nu usa lang ka kastigus ti pumatutuu, balaw matyun tunda pag tawu.
31“Danga kamu magtanggap bayad para sa buhi nagkasala maratyun. Kailangan matyun gid siya. 32Danga diman kamu magtanggap bayad para sa buhi tawu nangulian sa banwa darangpan hampay makauli siya sa kay rugar tugka sa mamatay ti pangulu manughandug. 33Sa kainda pag paraan maamanan ti pag-uring sa kanyu pag-ulian pag daga, dahil ti pagmatay magpauring sa daga. Ag unman may lumumpiyu siyun purya lang sa kamatayan nakamatay. 34Nakan ngani danga niyu pag-uringi kanyu pag-ulian pag daga, dahil aku gid, ti Panginuun, mag-ulian kaibahan niyu manga Israilita.”
Currently Selected:
Bilang 35: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
Bilang 35
35
Ti manga Banwa manga Libita
1Nagbagaw ti Panginuun tag kan Muysis ati sa karatagan Muab sa saruy Hurdan arani sa Hiriku, 2“Sabihi nimu ti manga Israilita kuntay ayawi nida ti manga Libita kanda maulianan pag manga banwa ginan sa matanggap nida pag daga. Bag-u pakan-i diman nida sida manga paraharaban sa sangput tunda pag manga banwa. 3Sa katunda pag paraan, may maulian sida banwa hanggan may mapaharaban kanda manga hayup. 4Ti manga paraharaban kanyu ipakaun sa sangput nida kada banwa pag may tab-anan 1,000 ka luk-an siku ginan sa alad batu nida banwa. 5Sa sangput nida kada banwa, pagsukat kamu ti 2,000 ka luk-an siku sa kada pagturunuhun pag banwa — sa butlakan, sa salatan, sa isalpan, hanggan sa kanaway — nakan asan sa kanda karaw-an tunda pag banwa. Tunda ngani ti paraharaban para sa kanda manga banwa.
6“Pakan-i diman niyu ti manga Libita unum ka banwa imaw kanda darangpan, asantag pag makapalagiw ti tawu nakamatay balaw tikis. Balaw inda labut sa 42 ka banwa kanyu ipakaun sa kanda. 7Nakan 48 tanan ka banwa kanyu ipakaun sa manga Libita kaibahan kanda manga paraharaban. 8Inda pag manga banwa ginan sa manga daga manga linahi Israil. Ti mayamu kay huray pag lahi pumakaun waydi mayamu pag banwa ag ti pira-pira kay huray pira-pira waydi kay ipakaun.”
Ti manga Banwa Darangpan
(Diyut. 19:1-13; Huswi 20:1-9)
9Bag-u magkun ti Panginuun sa kan Muysis, 10“Sabihi ti manga Israilita nu mandipay yi sida sa Hurdan atabug sa Kanaan, 11pagpili sida manga banwa kanda darangpan hampay makapalagiw atabug ti tawu nakamatay balaw niya tikis. 12Ribri siya siyun pag manga banwa sa manga tawu magkaibug bumalus sa kanya. Balaw siya mahimu matyun dahil udwaya siya nasintinsiyahan sa atubangan kadamlan. 13-14Inda pag unum ka banwa imaw kanyu banwa darangpan. Kay tulu ka banwa paulian niyu sa butlakan Hurdan bag-u kay tulu sa Kanaan. 15Inda pag unum ka banwa imaw ti darangpan balaw lang sa manga Israilita, nu unman hanggan diman sa manga day-uhan mag-ulian kaibahan nida, hampay una sitapu sa kanda ti makamatay balaw tikis makapalagiw atag sa tunda pag manga banwa.
16“Dapat nu pinulpug baul ti usa ka tawu ag namatay, kilalan-un manugmatay tunda pag tawu, ag kailangan matyun diman siya. 17Nu binintuk siya usa ka tawu ag namatay, kilalan-un siya manugmatay tawu ag kailangan matyun diman siya. 18Ngatay halimbawa pinulpug usa ka tawu pulud kayu ti usa ka tawu ag namatay inda, kilalan-un diman siya manugmatay tawu, ag kailangan matyun diman siya. 19Ti arani pag katawuhan minatay imaw ti may karampatan sa pagmatay sa manugmatay. Kailangan matyun niya ti manugmatay nu makitan niya.
20“Nu dahil sa kay dumut nakamatay ti usa ka tawu sa panab-anan pagtukmud, ngatay pagbintuk una hintay pag bagay, 21una abi nansuntuk, kilalan-un gid manugmatay tunda pag tawu ag kailangan matyun diman siya. Ti arani pag katawuhan minatay imaw ti may karampatan sa pagmatay sa manugmatay. Kailangan niya matyun ti manugmatay nu makitan niya.
22“Dapat nu abi ti usa ka tawu unman may dumut nakamatay balaw niya tikis dahil sa pagtukmud aw ngatay pagbintuk sa kanya una hintay pag bagay, 23ngatay nadugsakan niya batu balaw nakitan, ag dahil siyun namatay ti tawu una balaw niya kalaban, dapat balaw niya tikis kay pagmatay sa kanya, 24kailangan darahun siya tabug sa kadamlan kaibahan ti tawu magkaibug bumalus sa kanya ag iintirga inda sa manga may karampatan: 25Nu mapatutuuhanan balaw niya tikis kay pagmatay, kailangan apinan siya kadamlan manga tawu magkaibug bumalus sa kanya, bag-u ibalik siya sa banwa darangpan, ati yi siya pag muli. Kailangan gid pagpatayak siya ati tugka sa mamatay ti itinalaga sa pagsirbi pag pangulu manughandug.
26“Dapat nu ti nakamatay lumuwas sa banwa darangpan 27bag-u makitan siya tawu magkaibug bumalus sa kanya, mahimu siya matyun tunda pag tawu. Ti namalus pag tawu unman may saragtun. 28Nakan ngani ti nakamatay kailangan pag ati lang gid sa banwa darangpan tugka sa mamatay ti pangulu manughandug, siyun ginan bag-u di siya makauli sa kanda.
29“Inda ti manga surundanun kailangan niyu sundun tugka aban, una naan kamu pag mangulian.”
30“Una si unu ti makamatay sa kay kaparihu kailangan gid matyun, dapat ay kailangan pag may manga kastigus hampay pumatutuu kuntay nakamatay siya. Nu usa lang ka kastigus ti pumatutuu, balaw matyun tunda pag tawu.
31“Danga kamu magtanggap bayad para sa buhi nagkasala maratyun. Kailangan matyun gid siya. 32Danga diman kamu magtanggap bayad para sa buhi tawu nangulian sa banwa darangpan hampay makauli siya sa kay rugar tugka sa mamatay ti pangulu manughandug. 33Sa kainda pag paraan maamanan ti pag-uring sa kanyu pag-ulian pag daga, dahil ti pagmatay magpauring sa daga. Ag unman may lumumpiyu siyun purya lang sa kamatayan nakamatay. 34Nakan ngani danga niyu pag-uringi kanyu pag-ulian pag daga, dahil aku gid, ti Panginuun, mag-ulian kaibahan niyu manga Israilita.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines