1 Tesalonik 4
4
Aribaj buroŋ beetoofe Atambatun
1Hahiyu kújakuwe, arijamajam t'uni buŋ b'ariware fu káhinu ariitoof Atambatun, abe múniyo bo yooŋ b'af'árihin. Bare uni bokondu ti kalawuuun tu huruwu hite Anahaan u Yesu, abe n'íriwasiyanuun bo yooŋ man n'árihin ahaŋ diyu. 2Ábuki árimoomi báhamin b'irisokuun bu, béenuutina bu t'Anahaan u Yesu. 3Bonde b'Atambatun ámaŋie fu: áriiyemi bakan keenabe. Aamo fu atum'ariŋot ni bakan k'ariseñeit. 4Huruw fe t'aruun awarawar biriiko n'anaar'o biriiko beenabe abe nu bujoŋoor#4.4 Bakaake, iye i kajoke fu eferse yende; kaane eenaan: Huruw fe t'aruun awarawar kámeyi kajoku hikawo, majokar meenabe abe nu mujoŋoor., 5abe atum'awas wúfaŋi weejakut wu weehaŋo sembe, naane *kéemeyiit ku Atambatun ii káhin. 6An awarut kahoofoor, man yooŋ n'abuut áwiyo éeyilene naane akina tu buroon bite haare hu. Irisokuunsok ayan faŋ kaanuku Anahaan u kaniju ásuf ti kiŋki káhin wuhoofoor naane wondu. 7Atambatun aruwut úne kaanuku núuyemi bakan *keekuurut, bare kaanuku núuyemi bakan keenabe. 8Iŋ'ite ho aamo fu an eeteñekee hirim hondu, húŋgowulaniit h'ateñekee fu, bare Atambatun aa awunuun Búwejet boone Beenabe bu a ateñekee fu.
9Kújakuwe, ti kámaŋioori keeware ku kabaju t'etut bakan *kéeyilene, arisawuleit ariikiñjee tu bondu, ábuki Atambatun humuumo áwufooruunwufoor naane ariware i kámaŋioori. 10Iyu yooŋ a arijoke fu kéeyilene ku fe bakate ku Maseduwan ereyi bif#4.10 A̱juk 2 Korent 1.16.. Bare uni bokondu ti káwasiyanuun man n'árihin ahaŋ diyu. 11Áriñiŋkaan ariikin ti káasuumaay, atum'ariyooso ti b'arikolut bu ne bo, abe n'aŋ'arinoŋk áriikuumanooro n'ésuwa yeenuun#4.11 Abajeebaj bakaake ti *kéeyilene ku, hi kajame hu kaanuku Yesu bíbatikeina, n'iŋi kaane man at'afiyee. Náami iŋi kateñeko burok bu, abe n'iŋi kaja kañoofo ti bakaniin Ekarjen. naane iribine i irisokuun. 12Af'árihin iyu, kéeyilenut ku ti *Kiris n'iŋi kasok t'aruun beejake, abe at'árilaaman an fe tu doon.
Bíbatikeina bite Anahaan u
13Kújakuwe, ti bite keekete ku, írimaŋiituun kawasu t'ébaani, kaanuku atum'áritaañian naane bakaaku keebajut ku eyakar. 14Íriyilenayilen kaanuku Yesu aketaket, abe n'arito t'eket i; iyu yooŋ i íriyilene fu kaanuku Atambatun karitan t'eket i kéeyilene ku ti Yesu kaanuku kéeyemi ne o.
15Bonde b'Anahaan u asoke bu b'irija fu kasokuuun: úne keeja ku káyemi buroŋ kane Anahaan u ábatikein, ut'úgilan keekete ku. 16Hunak hondu, úne kajamu ekaaw yómbokun yite buruw, ni kaaji kite aseef ite emalaka i, ni káabiinu kite Atambatun. N'aŋ'áami Anahaan u Yesu *Kiris humuumo n'aŋ'ánuutin t'etiir, éewanein. Kéeyilene ku te o abe ni kaket kaja fu kajabu káritein. 17Ahaban, úne keeyak ku káyemi buroŋ t'ewahatu yendu, úne kayitiee nu boko tu bufor bu, núuja úfimboor n'Anahaan u t'etiir. Iyu, n'uŋ'úyemi n'Anahaan u ko kireyi fe#4.17 Siferse su 15-17, a̱juk yooŋ 1 Korent 15.51-52.. 18Náami ariyaŋgananoor kikaw ni kirim kondu.
Currently Selected:
1 Tesalonik 4: cwt
Highlight
Copy
Compare
Share
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
1 Tesalonik 4
4
Aribaj buroŋ beetoofe Atambatun
1Hahiyu kújakuwe, arijamajam t'uni buŋ b'ariware fu káhinu ariitoof Atambatun, abe múniyo bo yooŋ b'af'árihin. Bare uni bokondu ti kalawuuun tu huruwu hite Anahaan u Yesu, abe n'íriwasiyanuun bo yooŋ man n'árihin ahaŋ diyu. 2Ábuki árimoomi báhamin b'irisokuun bu, béenuutina bu t'Anahaan u Yesu. 3Bonde b'Atambatun ámaŋie fu: áriiyemi bakan keenabe. Aamo fu atum'ariŋot ni bakan k'ariseñeit. 4Huruw fe t'aruun awarawar biriiko n'anaar'o biriiko beenabe abe nu bujoŋoor#4.4 Bakaake, iye i kajoke fu eferse yende; kaane eenaan: Huruw fe t'aruun awarawar kámeyi kajoku hikawo, majokar meenabe abe nu mujoŋoor., 5abe atum'awas wúfaŋi weejakut wu weehaŋo sembe, naane *kéemeyiit ku Atambatun ii káhin. 6An awarut kahoofoor, man yooŋ n'abuut áwiyo éeyilene naane akina tu buroon bite haare hu. Irisokuunsok ayan faŋ kaanuku Anahaan u kaniju ásuf ti kiŋki káhin wuhoofoor naane wondu. 7Atambatun aruwut úne kaanuku núuyemi bakan *keekuurut, bare kaanuku núuyemi bakan keenabe. 8Iŋ'ite ho aamo fu an eeteñekee hirim hondu, húŋgowulaniit h'ateñekee fu, bare Atambatun aa awunuun Búwejet boone Beenabe bu a ateñekee fu.
9Kújakuwe, ti kámaŋioori keeware ku kabaju t'etut bakan *kéeyilene, arisawuleit ariikiñjee tu bondu, ábuki Atambatun humuumo áwufooruunwufoor naane ariware i kámaŋioori. 10Iyu yooŋ a arijoke fu kéeyilene ku fe bakate ku Maseduwan ereyi bif#4.10 A̱juk 2 Korent 1.16.. Bare uni bokondu ti káwasiyanuun man n'árihin ahaŋ diyu. 11Áriñiŋkaan ariikin ti káasuumaay, atum'ariyooso ti b'arikolut bu ne bo, abe n'aŋ'arinoŋk áriikuumanooro n'ésuwa yeenuun#4.11 Abajeebaj bakaake ti *kéeyilene ku, hi kajame hu kaanuku Yesu bíbatikeina, n'iŋi kaane man at'afiyee. Náami iŋi kateñeko burok bu, abe n'iŋi kaja kañoofo ti bakaniin Ekarjen. naane iribine i irisokuun. 12Af'árihin iyu, kéeyilenut ku ti *Kiris n'iŋi kasok t'aruun beejake, abe at'árilaaman an fe tu doon.
Bíbatikeina bite Anahaan u
13Kújakuwe, ti bite keekete ku, írimaŋiituun kawasu t'ébaani, kaanuku atum'áritaañian naane bakaaku keebajut ku eyakar. 14Íriyilenayilen kaanuku Yesu aketaket, abe n'arito t'eket i; iyu yooŋ i íriyilene fu kaanuku Atambatun karitan t'eket i kéeyilene ku ti Yesu kaanuku kéeyemi ne o.
15Bonde b'Anahaan u asoke bu b'irija fu kasokuuun: úne keeja ku káyemi buroŋ kane Anahaan u ábatikein, ut'úgilan keekete ku. 16Hunak hondu, úne kajamu ekaaw yómbokun yite buruw, ni kaaji kite aseef ite emalaka i, ni káabiinu kite Atambatun. N'aŋ'áami Anahaan u Yesu *Kiris humuumo n'aŋ'ánuutin t'etiir, éewanein. Kéeyilene ku te o abe ni kaket kaja fu kajabu káritein. 17Ahaban, úne keeyak ku káyemi buroŋ t'ewahatu yendu, úne kayitiee nu boko tu bufor bu, núuja úfimboor n'Anahaan u t'etiir. Iyu, n'uŋ'úyemi n'Anahaan u ko kireyi fe#4.17 Siferse su 15-17, a̱juk yooŋ 1 Korent 15.51-52.. 18Náami ariyaŋgananoor kikaw ni kirim kondu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.