Avruh 16
16
P'ret idan arna Nut Eia
1Sarei, avln nut a Elim, laha arm'ertu a Isrel udlani avier nut kaka, nahan iv'i Sin, la iter a p't nut na Elim m'a Sainai ha. Avier nut lera arna napn inal lman ilm' (15), arna tv'el nal na naran avruh arna nut a Itsip. 2Sarei, m'ertu a Isrel udlani avv'ana stu m'ei a Musis m'ei a Erun arna nut kaka. 3Laha, arm'ertu a Isrel avvr anr kavvr ti a, “U, imvr ti a Mlin Eia imrp kam'em' a lm'an arna nut a Itsip. Naran nvlak atlera ssv'en ilini a m'it, laha nvhan tim'ah inelnal kavrapd. V'eti kam'i krlev' kam'em' nvrama arna nut kaka, laha kam'em' udlani p'vrn nam'er dav'a kavram'a.”
4 #
Sun 6:31. Sarei, a Mlin Eia ivr an a Musis kavr ti a, “Pavrni, Kana p'etep'a tim'ah nam'i ipadan eia, kanep'a nu iparsrs a nadep'. Sarei, kam'i pavrav'a kavtktak ani ipaviviln a napn ipamk uaki arna napn udlani. Arna si lera p'eledu kam'i arna ti pavsapa v'nenak v'aha ikahei. 5V'eti arna napn ipalm'sei apavandedp' a tim'ah apavlav'i, apavlev' tim'ah ipav'aru a sei apavlav'i arna napn uraur kavandedp'i.”
6Laha, a Musis m'ei a Erun arvr anr arm'ertu a Isrel udlani, karvr ti a, “Dika knarev' kam'i pavrndu ti a Mlin Eia itlev'la sera kam'i arna nut a Itsip. 7Laha, arna m'etav'aran, kam'i pavla si p'sp'asan a Mlin Eia, sena Hin itrn sera v'nenam'i ti kvv'ana stu kavmlen a Mlin Eia. ?Kam'em' nrv'i hin ak, hin kvv'ana stu kavmlen kam'em'?” 8Laha, a Musis ivri ml, kavr ti a, “Dika knarev' a Mlin Eia ipatu m'it a kam'i, sarei arna m'etav'aran ipatu tim'ah ipastudau, sena ti a Mlin Eia itrn sera v'nen stuam'i kvv'ana kavmlani. Kaavv'ana stu kavmlen kam'em' uaki, v'eti kvv'ana stu kavmlen a Mlin Eia.”
9Sarei, a Musis ivr an a Erun kavr ti a, “Pavr anr arm'ertu a Isrel udlani, kavr ti a, ‘Pavrama kavp'tir mima asn a Mlin Eia, sena ti Hin itrn sera v'nen stuam'i la kvmlani ha.’ ” 10Laha, naran a Erun idv'ana uam m'er arm'ertu a Isrel udlani, hir avp'a nut kaka kavla si p'sp'asan a Mlin Eia iv'iv'en hin al p'knaran tva.
11Sarei, a Mlin Eia iv'ana m'ei a Musis, kavr ti a, 12“Kana ntrn sera v'nen stuar m'ertu a Isrel udlani la avmlen Kana ha. Pavr anr kavr ti a, ‘Knarev' laha pavhan m'it, m'etav'aran pavrapd a tim'ah. Laha, kam'i pavrndu ti Kana nv'i a Mlin Eia kav'i Atuam'i.’ ”
13Laha, arna knarev' lera, m'anh papa avnep'a navimar (naha m'anh lera iv'i kuel) avrama kavlinkar nut avlak. Sarei, m'etav'aran niu iter arna nut udlani atlera. 14Laha, naran niu nen ima kam'am'a sei inep'a ninar tilau iter arna nut udlani arm'ertu a Isrel avlak. 15#1 Kurin 10:3.Naran arm'ertu a Isrel avla si lera tv'aln ivr a tv'aln kavr ti a, “?V'ata hilera?” Avvri sena ti ahavrndu ti iv'i v'ata. Laha, a Musis ivr anr, kavr ti a, “Si lera iv'i tim'ah a Mlin Eia itu kam'i ti pavhani. 16A Mlin Eia itvr sarei kavr ti a, ‘M'ertu udlani ipatktak katupiani ipaviviln a tim'ah m'ertu udlani p'sev' apavrni. Ipav'i uma iamk (lita iru) arna m'ertu iamk. M'ertu udlani apavlev' nki ipaviviln a m'ertu udlani avlak al nmah kanuisar.’ ”
17Sarei, arm'ertu a Isrel avani inap'i lera kavtktak kavtupiani, hir kinkin avsiv' mak nen, hir kinkin ahaviari. 18#2 Kurin 8:15.Sarei, naran avp'ei ti ipaviviln a nut a Mlin Eia itaui inap'ei, m'ertu ilev' sei istudau ialn ki ml ipater, m'ertu ilev' sei isusupa, sei iaruh asnn. 19Laha, a Musis ivr ti a, “Maln ki ml ipater ipaier m'etav'aran.” 20V'eti ahavsapa mamh v'nenan a Musis, sena ti m'ertu kinkin avln pna tim'ah ier m'etav'aran. Sarei, m'etav'aran ptpat iter al tim'ah, laha tim'ah ipu. Laha, a Musis nln irer anr. 21Avtupiani m'etav'aran udlani iviviln a sei m'ertu udlani p'sev' avrni uaki. Laha, naran neiel ima eia nut ivuv, duanan irarev'.
22Laha, arna napn ilm'sei avtupien tim'ah iviviln a napn iru, iv'i uma iru (lita isatl) arna m'ertu udlani p'sev'. Sarei, ti mlinar nl nam'elar udlani avrama kavvr an a Musis. 23#Avruh 20:8-11.Sarei, ivr anr kavr ti a, “A Mlin Eia ivri inap'i lera kavr ti a, ‘M'ih ipav'i Sapat a ti m'ertu iparnrn hin. Iv'i Sapat kav'i napnet asn a Mlin Eia. Pavtup'en kavtahpa sei kvrni dika, laha pavtu mamh duanan ipater ipaier m'ih.’ ” 24Laha, avtaui ier m'etav'aran inep'a nut a Musis ivri inap'ei. V'eti iahpu, ptpat ihei a nln ml. 25Sarei, a Musis ivr ti a, “Pavhan si lera dika, sena ti dika iv'i Sapat kav'i napnet asn a Mlin Eia. Dika mkavpaslei av'aran. 26Pavtktk ani kavtupiani arna napn ipalm'sei nakl, v'eti arna saru na napn, iv'i Sapat, mkavpaslei ml.”
27V'eti dav'a m'ertu kinkin avrav'a a ti apavtupien ki arna saru na napn, v'eti akavpasla ki. 28Laha, a Mlin Eia ivr an a Musis kavr ti a, “?Pavmlen Kana a ti mkavuada sei ntaui m'a v'nen huak dav'a ipaier v'aran? 29Pavlei, a Mlin Eia ittu sera Sapat a kam'i. Sena si lera itu tim'ah a kam'i ipaviviln a napn iparu arna lm'sei na napn. M'ertu udlani p'sev' ipalak ms pr a utan. M'ertu kinkin ikaln a utan arna saru na napn.” 30Laha, m'ertu udlani avrnrn hir arna saru na napn.
31 #
Nut Kaka 11:7,8. Laha, nl nam'elan Isrel avtu nahan ani, iv'i Mana (naran avavi, iv'i “?Si lera iv'i v'ata lah?”). Si lera inep'a m'et na nai kinkin iamk itva kalalm, inep'a sei aani a ns sukapak.
32Sarei, a Musis ivr an a Erun kavr ti a, “A Mlin Eia ittu sera v'nen huan kavr ti a, ‘Panen naten ipamk, uma ipamk (lita iru) ipater a nln, a ti apavtu mamahi dav'a ti a netm'i apavlei, kavla tim'ah la Kana ntu kam'i kamsnen kam'i arna nut kaka ha, naran nlev'la kam'i arna v'anu a Itsip.’ ” 33#Isrel 9:4.Laha, a Musis ivr an a Erun, kavr ti a, “Palev' naten ipamk aani a nadep' iviviln a uma iamk (lita iru), katu mana a nln, katu mamahi arna nahn a Mlin Eia, dav'a ti a netm'i apavlei.” 34Sarei, a Erun iani inep'a nut a Mlin Eia ivr an a Musis inap'ei, katu mamahi arna nah Pukis na Turanien. 35#Susua 5:12.Laha, arm'ertu a Isrel avhan mana pai inelv'a (40), ier naran avier nut m'ertu uraur avlak. Avhan mana ier naran avrama asn tv'eliel na v'anu a Kenan. 36Uma inal iv'i Eva iamk (inap'i lera, Uma iv'i lita inelru).
Currently Selected:
Avruh 16: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Avruh 16
16
P'ret idan arna Nut Eia
1Sarei, avln nut a Elim, laha arm'ertu a Isrel udlani avier nut kaka, nahan iv'i Sin, la iter a p't nut na Elim m'a Sainai ha. Avier nut lera arna napn inal lman ilm' (15), arna tv'el nal na naran avruh arna nut a Itsip. 2Sarei, m'ertu a Isrel udlani avv'ana stu m'ei a Musis m'ei a Erun arna nut kaka. 3Laha, arm'ertu a Isrel avvr anr kavvr ti a, “U, imvr ti a Mlin Eia imrp kam'em' a lm'an arna nut a Itsip. Naran nvlak atlera ssv'en ilini a m'it, laha nvhan tim'ah inelnal kavrapd. V'eti kam'i krlev' kam'em' nvrama arna nut kaka, laha kam'em' udlani p'vrn nam'er dav'a kavram'a.”
4 #
Sun 6:31. Sarei, a Mlin Eia ivr an a Musis kavr ti a, “Pavrni, Kana p'etep'a tim'ah nam'i ipadan eia, kanep'a nu iparsrs a nadep'. Sarei, kam'i pavrav'a kavtktak ani ipaviviln a napn ipamk uaki arna napn udlani. Arna si lera p'eledu kam'i arna ti pavsapa v'nenak v'aha ikahei. 5V'eti arna napn ipalm'sei apavandedp' a tim'ah apavlav'i, apavlev' tim'ah ipav'aru a sei apavlav'i arna napn uraur kavandedp'i.”
6Laha, a Musis m'ei a Erun arvr anr arm'ertu a Isrel udlani, karvr ti a, “Dika knarev' kam'i pavrndu ti a Mlin Eia itlev'la sera kam'i arna nut a Itsip. 7Laha, arna m'etav'aran, kam'i pavla si p'sp'asan a Mlin Eia, sena Hin itrn sera v'nenam'i ti kvv'ana stu kavmlen a Mlin Eia. ?Kam'em' nrv'i hin ak, hin kvv'ana stu kavmlen kam'em'?” 8Laha, a Musis ivri ml, kavr ti a, “Dika knarev' a Mlin Eia ipatu m'it a kam'i, sarei arna m'etav'aran ipatu tim'ah ipastudau, sena ti a Mlin Eia itrn sera v'nen stuam'i kvv'ana kavmlani. Kaavv'ana stu kavmlen kam'em' uaki, v'eti kvv'ana stu kavmlen a Mlin Eia.”
9Sarei, a Musis ivr an a Erun kavr ti a, “Pavr anr arm'ertu a Isrel udlani, kavr ti a, ‘Pavrama kavp'tir mima asn a Mlin Eia, sena ti Hin itrn sera v'nen stuam'i la kvmlani ha.’ ” 10Laha, naran a Erun idv'ana uam m'er arm'ertu a Isrel udlani, hir avp'a nut kaka kavla si p'sp'asan a Mlin Eia iv'iv'en hin al p'knaran tva.
11Sarei, a Mlin Eia iv'ana m'ei a Musis, kavr ti a, 12“Kana ntrn sera v'nen stuar m'ertu a Isrel udlani la avmlen Kana ha. Pavr anr kavr ti a, ‘Knarev' laha pavhan m'it, m'etav'aran pavrapd a tim'ah. Laha, kam'i pavrndu ti Kana nv'i a Mlin Eia kav'i Atuam'i.’ ”
13Laha, arna knarev' lera, m'anh papa avnep'a navimar (naha m'anh lera iv'i kuel) avrama kavlinkar nut avlak. Sarei, m'etav'aran niu iter arna nut udlani atlera. 14Laha, naran niu nen ima kam'am'a sei inep'a ninar tilau iter arna nut udlani arm'ertu a Isrel avlak. 15#1 Kurin 10:3.Naran arm'ertu a Isrel avla si lera tv'aln ivr a tv'aln kavr ti a, “?V'ata hilera?” Avvri sena ti ahavrndu ti iv'i v'ata. Laha, a Musis ivr anr, kavr ti a, “Si lera iv'i tim'ah a Mlin Eia itu kam'i ti pavhani. 16A Mlin Eia itvr sarei kavr ti a, ‘M'ertu udlani ipatktak katupiani ipaviviln a tim'ah m'ertu udlani p'sev' apavrni. Ipav'i uma iamk (lita iru) arna m'ertu iamk. M'ertu udlani apavlev' nki ipaviviln a m'ertu udlani avlak al nmah kanuisar.’ ”
17Sarei, arm'ertu a Isrel avani inap'i lera kavtktak kavtupiani, hir kinkin avsiv' mak nen, hir kinkin ahaviari. 18#2 Kurin 8:15.Sarei, naran avp'ei ti ipaviviln a nut a Mlin Eia itaui inap'ei, m'ertu ilev' sei istudau ialn ki ml ipater, m'ertu ilev' sei isusupa, sei iaruh asnn. 19Laha, a Musis ivr ti a, “Maln ki ml ipater ipaier m'etav'aran.” 20V'eti ahavsapa mamh v'nenan a Musis, sena ti m'ertu kinkin avln pna tim'ah ier m'etav'aran. Sarei, m'etav'aran ptpat iter al tim'ah, laha tim'ah ipu. Laha, a Musis nln irer anr. 21Avtupiani m'etav'aran udlani iviviln a sei m'ertu udlani p'sev' avrni uaki. Laha, naran neiel ima eia nut ivuv, duanan irarev'.
22Laha, arna napn ilm'sei avtupien tim'ah iviviln a napn iru, iv'i uma iru (lita isatl) arna m'ertu udlani p'sev'. Sarei, ti mlinar nl nam'elar udlani avrama kavvr an a Musis. 23#Avruh 20:8-11.Sarei, ivr anr kavr ti a, “A Mlin Eia ivri inap'i lera kavr ti a, ‘M'ih ipav'i Sapat a ti m'ertu iparnrn hin. Iv'i Sapat kav'i napnet asn a Mlin Eia. Pavtup'en kavtahpa sei kvrni dika, laha pavtu mamh duanan ipater ipaier m'ih.’ ” 24Laha, avtaui ier m'etav'aran inep'a nut a Musis ivri inap'ei. V'eti iahpu, ptpat ihei a nln ml. 25Sarei, a Musis ivr ti a, “Pavhan si lera dika, sena ti dika iv'i Sapat kav'i napnet asn a Mlin Eia. Dika mkavpaslei av'aran. 26Pavtktk ani kavtupiani arna napn ipalm'sei nakl, v'eti arna saru na napn, iv'i Sapat, mkavpaslei ml.”
27V'eti dav'a m'ertu kinkin avrav'a a ti apavtupien ki arna saru na napn, v'eti akavpasla ki. 28Laha, a Mlin Eia ivr an a Musis kavr ti a, “?Pavmlen Kana a ti mkavuada sei ntaui m'a v'nen huak dav'a ipaier v'aran? 29Pavlei, a Mlin Eia ittu sera Sapat a kam'i. Sena si lera itu tim'ah a kam'i ipaviviln a napn iparu arna lm'sei na napn. M'ertu udlani p'sev' ipalak ms pr a utan. M'ertu kinkin ikaln a utan arna saru na napn.” 30Laha, m'ertu udlani avrnrn hir arna saru na napn.
31 #
Nut Kaka 11:7,8. Laha, nl nam'elan Isrel avtu nahan ani, iv'i Mana (naran avavi, iv'i “?Si lera iv'i v'ata lah?”). Si lera inep'a m'et na nai kinkin iamk itva kalalm, inep'a sei aani a ns sukapak.
32Sarei, a Musis ivr an a Erun kavr ti a, “A Mlin Eia ittu sera v'nen huan kavr ti a, ‘Panen naten ipamk, uma ipamk (lita iru) ipater a nln, a ti apavtu mamahi dav'a ti a netm'i apavlei, kavla tim'ah la Kana ntu kam'i kamsnen kam'i arna nut kaka ha, naran nlev'la kam'i arna v'anu a Itsip.’ ” 33#Isrel 9:4.Laha, a Musis ivr an a Erun, kavr ti a, “Palev' naten ipamk aani a nadep' iviviln a uma iamk (lita iru), katu mana a nln, katu mamahi arna nahn a Mlin Eia, dav'a ti a netm'i apavlei.” 34Sarei, a Erun iani inep'a nut a Mlin Eia ivr an a Musis inap'ei, katu mamahi arna nah Pukis na Turanien. 35#Susua 5:12.Laha, arm'ertu a Isrel avhan mana pai inelv'a (40), ier naran avier nut m'ertu uraur avlak. Avhan mana ier naran avrama asn tv'eliel na v'anu a Kenan. 36Uma inal iv'i Eva iamk (inap'i lera, Uma iv'i lita inelru).
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia