ROMMI 2
2
Alhouw Amikucho Küghakütha
1Tighenguno O timio, no khuu kütami shou küghathabe cheni keno, no ye ajeku kiumu kühavae. Kughengu no küghaküthau huno panoqo toi shicheni püzü itaghi küghathabe aye, o likhi o peve auvae. 2Khunono hitoi shicheni keno Alhouw küghakütha ye achipi lono pano shou ikughi chenie pi ningu no ithi ani. 3Imaye, no khuu hikithipu shiche pülaghi kütami shou küghathabe acheni keno, no ye Alhouw küghakütha lono pokalu nani küghashi anio? 4Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea? 5Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.
6Pütüta no mla püaghi keu kiqi lono Alhou no ajume tsü nani; 7khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani; 8ikemu aghükha shi alikhi asala phu eno kuchou gholumo püzü amikuchokumo gholu chekemi ghengu ye aloghu eno axukighide anani. 9Jewmi paghi eno Greekmi#2:9 momu Jewkumomi ghi, khunono alhoksa mla cheni keno kümtsü ghenguno aghime kitikhi eno kushuküqha anani, 10ikemu Jewmi na Greekmi namu akivi mla kemi kümtsü ghenguno shekiqhe, agigihu, eno aloino keu anani. 11Kughengu Alhou ye agi juchemoe.
Alhouw Küghakütha eno Ayezah
12Khunono Ayezah nguno khalau no axine shive akeno Ayezah nguno khalau no pühave nani, eno khunono Ayezah qholono axine shive akeno Ayezah vecheo küghathabe nani. 13Kughengu Alhou zülo ye Ayezah chikulumi no kumono pekupulu kemiu no achipikalu nani. 14Jewkumomi khunono Moses Yezah pechemo keghi pano lotsü no hakite keu lono Ayezah lo akeu shini keno, Ayezah huno panow kumo aghi namu pano ghengu ghi ake. 15Panow kivi-küsa lotsü no thopi shino Ayezah lo akeu ye pano mlo lo yepüanie pi panongu no piye cheni, eno küqüve kelo akipimi tsü, momu achipiu loye süsholu kepu shicheni, 16I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.
17Ikemu no ye Jewmi; Ayezah pükhü chekemi; Alhou ithi anie pi aqheküza shi o likhi nou no pi aghi aye; 18eno Ayezah lono o qophe püaghi kehu no ye Pa pulou ithi no kiu kiumu akighicheu shichenie pi aghi aye; 19momu no ampi no no ye thebei anhethi kighichemi lapiyeu, aküzü lo küami lau aküvü; 20eno mbomzümi qokipheu, itimi shikükau, Ayezah lo akighithi ngo kuchou ghili akeqo ye o lolo anie pi aghi aye— 21no khuu kütami shika cheni keno, no ye le o likhi o shika chemo kea? Nono püka kevilo pi kütsü cheni püzü le nou ye pükauveni keshea? 22No khuu shupu-salha kepu kumoe picheni keno, nou no shupu-salhani kea? Nono ajulho jupe aphimqhü cheni püzü le nou no achineki xüpe wuveni keshea? 23No Ayezah pükhüpe qheza chekeu huno Ayezah hexa keu lono Alhou gihu move cheni. 24Ti ye ishi yepüake toie, “Nongu ghenguno Jewkumomi zülo Alhou je küthakügha shi acheni.”#Isa 52:5
25Kughengu nono Ayezah gholu cheghi aye aphighüyiko kügha ye ame ani, ikemu nono Ayezah hexa aye o phighüyiko kügha ye ghamoke paphiae. 26Tishi aye, khuana aphighüyiko ghamo keu no Ayezah lo azah tsü püakeu pelu cheghi aye, pa no ghapüaghi monamu ghaveke paphishi pa kihi nani ke kumo? 27Ikehu khukhumu aphighüyiko ghamo namu Ayezah pelu cheghi keu huno, no aye papelu no ayiko ghi ghave akemu Ayezah hexa chekeu kileve nani. 28Kughengu khunomu ashou likhino Jewmi kepi pimlae, tikumo no aphighüyiko kügha ye ashou aphi lo vehuke kumoe. 29Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.
Currently Selected:
ROMMI 2: SUMRVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
ROMMI 2
2
Alhouw Amikucho Küghakütha
1Tighenguno O timio, no khuu kütami shou küghathabe cheni keno, no ye ajeku kiumu kühavae. Kughengu no küghaküthau huno panoqo toi shicheni püzü itaghi küghathabe aye, o likhi o peve auvae. 2Khunono hitoi shicheni keno Alhouw küghakütha ye achipi lono pano shou ikughi chenie pi ningu no ithi ani. 3Imaye, no khuu hikithipu shiche pülaghi kütami shou küghathabe acheni keno, no ye Alhouw küghakütha lono pokalu nani küghashi anio? 4Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea? 5Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.
6Pütüta no mla püaghi keu kiqi lono Alhou no ajume tsü nani; 7khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani; 8ikemu aghükha shi alikhi asala phu eno kuchou gholumo püzü amikuchokumo gholu chekemi ghengu ye aloghu eno axukighide anani. 9Jewmi paghi eno Greekmi#2:9 momu Jewkumomi ghi, khunono alhoksa mla cheni keno kümtsü ghenguno aghime kitikhi eno kushuküqha anani, 10ikemu Jewmi na Greekmi namu akivi mla kemi kümtsü ghenguno shekiqhe, agigihu, eno aloino keu anani. 11Kughengu Alhou ye agi juchemoe.
Alhouw Küghakütha eno Ayezah
12Khunono Ayezah nguno khalau no axine shive akeno Ayezah nguno khalau no pühave nani, eno khunono Ayezah qholono axine shive akeno Ayezah vecheo küghathabe nani. 13Kughengu Alhou zülo ye Ayezah chikulumi no kumono pekupulu kemiu no achipikalu nani. 14Jewkumomi khunono Moses Yezah pechemo keghi pano lotsü no hakite keu lono Ayezah lo akeu shini keno, Ayezah huno panow kumo aghi namu pano ghengu ghi ake. 15Panow kivi-küsa lotsü no thopi shino Ayezah lo akeu ye pano mlo lo yepüanie pi panongu no piye cheni, eno küqüve kelo akipimi tsü, momu achipiu loye süsholu kepu shicheni, 16I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.
17Ikemu no ye Jewmi; Ayezah pükhü chekemi; Alhou ithi anie pi aqheküza shi o likhi nou no pi aghi aye; 18eno Ayezah lono o qophe püaghi kehu no ye Pa pulou ithi no kiu kiumu akighicheu shichenie pi aghi aye; 19momu no ampi no no ye thebei anhethi kighichemi lapiyeu, aküzü lo küami lau aküvü; 20eno mbomzümi qokipheu, itimi shikükau, Ayezah lo akighithi ngo kuchou ghili akeqo ye o lolo anie pi aghi aye— 21no khuu kütami shika cheni keno, no ye le o likhi o shika chemo kea? Nono püka kevilo pi kütsü cheni püzü le nou ye pükauveni keshea? 22No khuu shupu-salha kepu kumoe picheni keno, nou no shupu-salhani kea? Nono ajulho jupe aphimqhü cheni püzü le nou no achineki xüpe wuveni keshea? 23No Ayezah pükhüpe qheza chekeu huno Ayezah hexa keu lono Alhou gihu move cheni. 24Ti ye ishi yepüake toie, “Nongu ghenguno Jewkumomi zülo Alhou je küthakügha shi acheni.”#Isa 52:5
25Kughengu nono Ayezah gholu cheghi aye aphighüyiko kügha ye ame ani, ikemu nono Ayezah hexa aye o phighüyiko kügha ye ghamoke paphiae. 26Tishi aye, khuana aphighüyiko ghamo keu no Ayezah lo azah tsü püakeu pelu cheghi aye, pa no ghapüaghi monamu ghaveke paphishi pa kihi nani ke kumo? 27Ikehu khukhumu aphighüyiko ghamo namu Ayezah pelu cheghi keu huno, no aye papelu no ayiko ghi ghave akemu Ayezah hexa chekeu kileve nani. 28Kughengu khunomu ashou likhino Jewmi kepi pimlae, tikumo no aphighüyiko kügha ye ashou aphi lo vehuke kumoe. 29Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More