IPEKULU 40
40
Ampeu Kungo phiki Shiqhe
1 Ampeu no Moses pütsa no pi, 2“Aqhi atüghüu, atsala atüghüu lo kuposhukulu phiki lo Ampeu kungo phiki shiqhelo. 3Tipau lo puloshoqhi bohu qhilo, eno nongu no nhaqhiphi pesü puloshoqhi bohu küzüve lo. 4Akibepu peiloghi no tipau kithipe qhilo, akulu kibepu eno tipau lo akuluqo peighi lo. 5Puloshoqhi bohu zülo axokütsüngü kipti ghenguno ameshoyi kiptia qhilo, eno Ampeu kungo phiki hukikha lo nhaqhiphi qhilo. 6Kuposhukulu phiki lo Ampeu kungo phiki akeu hukikha zülo akipti kümllagho khache ghope qhilo, 7eno chithakhu pesü kuposhukulu phiki ngo akümlla-khache küma dolo qhino tile azü ghope qhilo. 8Tipau vehomxa ghi bothasüve lo, eno bokütha khagho lo nhaqhiphi tsüqhilo.
9“Tishino nukikishe thazü pesü Ampeu kungo phiki eno tile akeqo nukishelo, tile akeqo kümtsü kishekimtheve lo eno ti ye akimthe shive nani. 10Akipti kümlla khache eno tipau lo peitha chekeqo kümtsü nukishelo, akipti kümlla khache kishekimtheve lo, tishikeu lono akümlla-khache ye shishe akimthe shive nani. 11Chithakhu eno tipau ghope qhikeu ghi nukishelo, eno kishekimtheve lo. 12Tishino Aaron ngo pa nuli sasü kuposhukulu phiki kulaghi lo ighi no azü pesü panoqo qhukimthe lo 13eno akimthe phimini pesü Aaron pipelo. Aaron pelo achinemi shi I qe penike nono pa nukishe eno kishe kütüta shini. 14Pa nuliqo ghi saighi no aphimini pipeni, 15eno panongu pelo achinemi shi I qe penike panoqo papu nukishe ketoi nono panongu nukisheni. Eno panoqo nukishe keu huno tiqheli kupuju lo panoqo pesü achine kümlapu lo süküsü shiluve nani.”
16Moses no hi shive; Ampeu no azah pa tsükeu kiqi lono pa no kümtsü shive. 17Ampe akiniu, aqhi atüghüu, atsala atüghüu lono Ampeu kungo phiki shiqhe puku. 18Moses no Ampeu kungo phiki shiqhe. Pa no tipau boqha, axu, akipesü, eno atsükuchoqo peqhe. 19Ampeu no Moses azah tsüke toi, pa no Ampeu kungo phiki shou aphiki pesü nhave. 20Pa no ashepe tu ikhipe puloshoqhi bohu lo süve, eno akipesüqo pesü puloshoqhi bohu lo xisüve no akünha pesü tipau nhave. 21Eno pa no puloshoqhi bohu pesü Ampeu kungo phiki lo ilo no nhaqhiphi pesü nhave, eno Ampeu no Moses azah tsüke toi, puloshoqhi bohu lo ashepe nhape qhive. 22Pa no Ampeu kungo phiki ahuu küdau, nhaqhiphi akeu nguno khalau, kuposhukulu phiki lo aghulhu lüpa ghope qhi, 23eno Ampeu no Moses azah tsüke toi tile Ampeu zülo asho kithipe qhi. 24Pa no kuposhukulu phiki lo aghulhu lüpa ghüngü lo akulu kibepu ghope qhi, ti ye Ampeu kungo phiki apeu küdau ke, 25eno Ampeu no Moses azah tsüke toi, Ampeu zülo akuluqo ghope qhi. 26Pa no kuposhukulu phiki lo nhaqhiphi zülo ameshoyi no mlakeu kiptia qhi, 27eno Ampeu no Moses azah tsüke toi axokütsüngü ta tipau lono piti. 28Pa no Ampeu kungo phiki hukikha lo nhaqhiphi süve. 29Eno Ampeu no Moses azah tsüke toi pa no kuposhukulu phiki lo Ampeu kungo phiki kulaghi lo akipti kümlla khache ghope qhino tileno akipti kümllagho ngo athi kümllagho mllae. 30Pa no kuposhukulu phiki ngo akiptia dolo chithakhu ghope qhi, eno tipau lo qhukimtheni ke ghenguno azü ghope qhi, 31tipau pesü Moses no Aaron ngo pa nuliqo u eno apukhu qhukimthe tsüe. 32Kughou panongu no kuposhukulu phiki lo ilo no akümlla-khache lo ighi keno, Ampeu no Moses azah tsüke toi panongu no qhukimthe che. 33Eno pa no Ampeu kungo phiki ngo akümlla-khache vehomxa ghi bokütha süve, eno khagho lo nhaqhiphi süve. Tishino Moses no akümla shiqhive.
Ampeu Juküvü
(Aki 9:15-23)
34Tithiu khüngküsü no kuposhukulu phiki küzüluve, eno Ampeu juküvü no Ampeu kungo phiki chhitoive. 35Eno Moses ye kuposhukulu phiki lo ilokulupu shimove kughengu khüngküsü no tipau nhachhive ke, eno Ampeu juküvü no Ampeu kungo phiki chhitoive. 36Panoqo ghüzüla kupuju lo kugho kughomu khüngküsü no Ampeu kungo phiki lono ikuve aye Israelmi no chesü wuve che. 37Ikemu khüngküsü no iku move aye, tipau no wumoke kutolo panongu ye a-a lo ngove che. 38Kughengu Ampeuw khüngküsü ye puchou no Ampeu kungo phiki shou ache, eno putho lo lono amiküqü shi ache, ti ye panoqo ghüzüla kupuju lo Israelmi kibolomi kümtsü nhethe lono tishi cheke.
Currently Selected:
IPEKULU 40: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
IPEKULU 40
40
Ampeu Kungo phiki Shiqhe
1 Ampeu no Moses pütsa no pi, 2“Aqhi atüghüu, atsala atüghüu lo kuposhukulu phiki lo Ampeu kungo phiki shiqhelo. 3Tipau lo puloshoqhi bohu qhilo, eno nongu no nhaqhiphi pesü puloshoqhi bohu küzüve lo. 4Akibepu peiloghi no tipau kithipe qhilo, akulu kibepu eno tipau lo akuluqo peighi lo. 5Puloshoqhi bohu zülo axokütsüngü kipti ghenguno ameshoyi kiptia qhilo, eno Ampeu kungo phiki hukikha lo nhaqhiphi qhilo. 6Kuposhukulu phiki lo Ampeu kungo phiki akeu hukikha zülo akipti kümllagho khache ghope qhilo, 7eno chithakhu pesü kuposhukulu phiki ngo akümlla-khache küma dolo qhino tile azü ghope qhilo. 8Tipau vehomxa ghi bothasüve lo, eno bokütha khagho lo nhaqhiphi tsüqhilo.
9“Tishino nukikishe thazü pesü Ampeu kungo phiki eno tile akeqo nukishelo, tile akeqo kümtsü kishekimtheve lo eno ti ye akimthe shive nani. 10Akipti kümlla khache eno tipau lo peitha chekeqo kümtsü nukishelo, akipti kümlla khache kishekimtheve lo, tishikeu lono akümlla-khache ye shishe akimthe shive nani. 11Chithakhu eno tipau ghope qhikeu ghi nukishelo, eno kishekimtheve lo. 12Tishino Aaron ngo pa nuli sasü kuposhukulu phiki kulaghi lo ighi no azü pesü panoqo qhukimthe lo 13eno akimthe phimini pesü Aaron pipelo. Aaron pelo achinemi shi I qe penike nono pa nukishe eno kishe kütüta shini. 14Pa nuliqo ghi saighi no aphimini pipeni, 15eno panongu pelo achinemi shi I qe penike panoqo papu nukishe ketoi nono panongu nukisheni. Eno panoqo nukishe keu huno tiqheli kupuju lo panoqo pesü achine kümlapu lo süküsü shiluve nani.”
16Moses no hi shive; Ampeu no azah pa tsükeu kiqi lono pa no kümtsü shive. 17Ampe akiniu, aqhi atüghüu, atsala atüghüu lono Ampeu kungo phiki shiqhe puku. 18Moses no Ampeu kungo phiki shiqhe. Pa no tipau boqha, axu, akipesü, eno atsükuchoqo peqhe. 19Ampeu no Moses azah tsüke toi, pa no Ampeu kungo phiki shou aphiki pesü nhave. 20Pa no ashepe tu ikhipe puloshoqhi bohu lo süve, eno akipesüqo pesü puloshoqhi bohu lo xisüve no akünha pesü tipau nhave. 21Eno pa no puloshoqhi bohu pesü Ampeu kungo phiki lo ilo no nhaqhiphi pesü nhave, eno Ampeu no Moses azah tsüke toi, puloshoqhi bohu lo ashepe nhape qhive. 22Pa no Ampeu kungo phiki ahuu küdau, nhaqhiphi akeu nguno khalau, kuposhukulu phiki lo aghulhu lüpa ghope qhi, 23eno Ampeu no Moses azah tsüke toi tile Ampeu zülo asho kithipe qhi. 24Pa no kuposhukulu phiki lo aghulhu lüpa ghüngü lo akulu kibepu ghope qhi, ti ye Ampeu kungo phiki apeu küdau ke, 25eno Ampeu no Moses azah tsüke toi, Ampeu zülo akuluqo ghope qhi. 26Pa no kuposhukulu phiki lo nhaqhiphi zülo ameshoyi no mlakeu kiptia qhi, 27eno Ampeu no Moses azah tsüke toi axokütsüngü ta tipau lono piti. 28Pa no Ampeu kungo phiki hukikha lo nhaqhiphi süve. 29Eno Ampeu no Moses azah tsüke toi pa no kuposhukulu phiki lo Ampeu kungo phiki kulaghi lo akipti kümlla khache ghope qhino tileno akipti kümllagho ngo athi kümllagho mllae. 30Pa no kuposhukulu phiki ngo akiptia dolo chithakhu ghope qhi, eno tipau lo qhukimtheni ke ghenguno azü ghope qhi, 31tipau pesü Moses no Aaron ngo pa nuliqo u eno apukhu qhukimthe tsüe. 32Kughou panongu no kuposhukulu phiki lo ilo no akümlla-khache lo ighi keno, Ampeu no Moses azah tsüke toi panongu no qhukimthe che. 33Eno pa no Ampeu kungo phiki ngo akümlla-khache vehomxa ghi bokütha süve, eno khagho lo nhaqhiphi süve. Tishino Moses no akümla shiqhive.
Ampeu Juküvü
(Aki 9:15-23)
34Tithiu khüngküsü no kuposhukulu phiki küzüluve, eno Ampeu juküvü no Ampeu kungo phiki chhitoive. 35Eno Moses ye kuposhukulu phiki lo ilokulupu shimove kughengu khüngküsü no tipau nhachhive ke, eno Ampeu juküvü no Ampeu kungo phiki chhitoive. 36Panoqo ghüzüla kupuju lo kugho kughomu khüngküsü no Ampeu kungo phiki lono ikuve aye Israelmi no chesü wuve che. 37Ikemu khüngküsü no iku move aye, tipau no wumoke kutolo panongu ye a-a lo ngove che. 38Kughengu Ampeuw khüngküsü ye puchou no Ampeu kungo phiki shou ache, eno putho lo lono amiküqü shi ache, ti ye panoqo ghüzüla kupuju lo Israelmi kibolomi kümtsü nhethe lono tishi cheke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More