IPEKULU 39
39
Achinemi Phimini Mla
1Ayeho atsüla, hughai eno huchuyi keqo pesü panongu no Akimthe-a lo achinepu kümla ghenguno akivishi aphimini gho. Ampeu no Moses azah tsüke toi panongu no Aaron ghenguno akimthe phimini mla.
2Pa no ameshoyi ngo atsüla, hughai eno huchuyi keu yeho ngo phepheike phi kipili pesü ephod mla. 3Panongu no ameshoyi hephape apa shi eno ala-ala shi ghitha pesü atsüla, hughai eno huchuyi keu yeho ngo phepheike phi kipili gholo no ghosü küqha. 4Panongu no ephod phi abighi lo xipu kepu mlano tipau pesü ashe küdau tsüghu kimepe qhive. 5Eno Ampeu no Moses azah tsükeu kiqi lono ameshoyi, atsüla, eno hughai keu yeho ngo phepheike phi kipili pesü aleqhi lakhi shi apokha kütshakügha shi ghoe.
6Panongu no onyx tu pesü ameshoyi yila lo mekhasü, eno Israel nuliqo je kiqi lono jedapu nguthi lo aje yepuku. 7Eno pa no tipaqo pesü panongu bighi lo xipu keu ephod lo Israel nuliqo kümsümamo keu shi pepipe, ti ye Ampeu no Moses azah tsü keu kiqi lono ke.
8Pa no kütshakügha shi amlaküxa ephod kimihi lono mla, ti ye ameshoyi, atsüla, hughai eno huchuyi keu yeho ngo phepheike phi kipili pesü mlae. 9Tipau ye kodibo shike. Panongu no amla küküzü küqhüchhe kini shie, akushulau eno akijelau aulotikipshe toku. 10Eno panongu no atu ajo bidi shino tipau lo medave. Sardius, topaz eno carbuncle tuqo no ajo atüghüu shi; 11emerald, sapphire ngo akimiyetu no ajo akiniu shi; 12jacinth, agate eno amethyst tuqo no ajo aküthüu shi; 13beryl, onyx eno jasper tuqo no ajo abidiu shi. Tipaqo ye ameshoyi no aboqha shikeu lo ikhisüe. 14Atu chighikini gholo Israel nuliqo je yepuku püae. Tipaqo ye jedapu nguthiqo toi atu lakhikhi lo ashiaye chighikini je yepuku. 15Eno panongu no amlaküxa lo akighi kipiliqo toi ameshoyi kimthe pesü ayila mlae. 16Eno panongu no ameshoyi pesü tsügha kepu kini eno abocho kini mlano ameshoyi no shikeu bocho kini pesü amlaküxa ako kini akeu lo fukimeve. 17Eno panongu no ameshoyi yila kini pesü amlaküxa lo ako kini akeu bocho lo pilisüe. 18Panongu no ashe kütau kini akeu pesü ameshoyi mekha kepu akeu lo fukimeve. Tishino panongu no tipau pesü abighi lo ephod xipu keu azüu meda puku. 19Tithiu panongu no ameshoyi no abocho kini mla eno tiküma pesü amlaküxa ako kini akeu lo tsüghave, ti ye ephod phivilo ashe akeu alouke. 20Panongu no ameshoyi pesü abocho kini mla eno tipa pesü abighi lo xipu kepu ephod phimini kütshakügha shi ghokeu agizüu aqhou tsüghu phivilo meda puku. 21Ampeu no Moses vilo azah tsüke toi panongu no amlaküxa lo abocho akeu ngo ephod lo abocho akeu küma atsüla yeho pesü tsüghuda, eno amlaküxa lo dapu keu huye ijo ipeghimo kepushi apokha shou dipe qhive.
22Pa no atsüla yeho pesü ephod ghenguno chijeboike phi akupuju ghoe, 23eno chijeboike phi tipau lo aphimini lakhi lo xükholu kepu akeu toi mla, xükholu kepu tipau vehomxa ghi tsüghuve, tishikeu lono ixü ipeghive pemoni ye ke. 24Aphi tipau ashe lo ayeho atsüla, hughai eno huchuyi keu ngo phepheike phi kipili pesü khaghatuqo mla. 25Panongu no ameshoyi kimthe pesü amqübo mla, eno chijeboike phishe vehomxa ghi khaghatu mta lo amqübo mlasüe. 26Ampeu no Moses azah tsüke toi, achine kümla ghenguno chijeboike phishe lo amqü lakhi eno tipa shelo khaghatu lakhi, tishi ajo-ajo shi ashe vehomxa süe.
27Panongu no Aaron ngo pa nuli ghenguno phepheike phi pesü aphiküzü gho, 28phepheike phi akivi pesü akütsü küzü kepu ngo akütsükuqho, eno alou phimini mla, 29eno Ampeu no Moses azah tsüke toi atsüla, hughai eno huchuyi keu yeho ngo phepheike phi kipili akivi pesü apokha mla.
30Panongu no ameshoyi kimthe pesü akimthe kütsükuqho lo akhu mla, eno tipau shou jedapu nguthi lo toi, “Ampeu lau akimthe shilo,” ipi yepuku. 31Eno Ampeu no Moses azah tsüke toi, panongu no tipau pesü akütsü küküzüpu shou atsüla yeho no tsüghave.
32Ikehu kuposhukulu phiki ye kümtsü kishekhave eno Ampeu no Moses azah tsükeu kiqi lono Israelmi no kümtsü shie. 33Tishino panongu no Moses lau aphiki peighi, tipau gholo aphiki ngo tile peitha chekeqo, akufuyi, akipesü, atsükucho eno ghope qhikepu; 34ambetsü yiko, ane yiko, eno nhaqhiphi küküzüpu; 35Puloshoqhi bohu lo ashepe tu gholo akipesü ngo akünha; 36akibepu eno tipau lo peitha kepu thimeqo, akimthe sho; 37ameshoyi kimthe kulu kibepu, akulu ngo tile peitha kepu nhemgha eno akulu ghenguno thazü; 38ameshoyi kiptia, nukikishe thazü, axokütsüngü ta, eno aphiki kulaghi lo nhaqhiphi; 39alazayi kiptia, eno tipau lo kiyithasü chekeu, akipesü, eno tile peitha chekeqo; chithakhu eno tipau kibepu; 40bokütha lo nhaqhiphi, tipau tsükuchoqo, ghope qhikepu, eno bokütha khagho lo nhaqhiphi, tipau kighi ngo ayishuqo; eno kuposhukulu phiki, akimthe phiki lo achine kümla ghenguno peitha chekeqo; 41Akimthe-a lo achine kümla ghenguno akivishi ghokeu phimini, Aaron achineu ghenguno akimthe phimini eno pa nuli ghenguno aphimini. 42Ampeu no Moses azah tsükeu kiqi lono Israelmi no akümla kümtsü shie. 43Moses no akümla kümtsü ithulu, eno julo, panongu no Ampeu no azah tsüke toi tipaqo mlae. Tithiu Moses no panoqo kümghatsü.
Currently Selected:
IPEKULU 39: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
IPEKULU 39
39
Achinemi Phimini Mla
1Ayeho atsüla, hughai eno huchuyi keqo pesü panongu no Akimthe-a lo achinepu kümla ghenguno akivishi aphimini gho. Ampeu no Moses azah tsüke toi panongu no Aaron ghenguno akimthe phimini mla.
2Pa no ameshoyi ngo atsüla, hughai eno huchuyi keu yeho ngo phepheike phi kipili pesü ephod mla. 3Panongu no ameshoyi hephape apa shi eno ala-ala shi ghitha pesü atsüla, hughai eno huchuyi keu yeho ngo phepheike phi kipili gholo no ghosü küqha. 4Panongu no ephod phi abighi lo xipu kepu mlano tipau pesü ashe küdau tsüghu kimepe qhive. 5Eno Ampeu no Moses azah tsükeu kiqi lono ameshoyi, atsüla, eno hughai keu yeho ngo phepheike phi kipili pesü aleqhi lakhi shi apokha kütshakügha shi ghoe.
6Panongu no onyx tu pesü ameshoyi yila lo mekhasü, eno Israel nuliqo je kiqi lono jedapu nguthi lo aje yepuku. 7Eno pa no tipaqo pesü panongu bighi lo xipu keu ephod lo Israel nuliqo kümsümamo keu shi pepipe, ti ye Ampeu no Moses azah tsü keu kiqi lono ke.
8Pa no kütshakügha shi amlaküxa ephod kimihi lono mla, ti ye ameshoyi, atsüla, hughai eno huchuyi keu yeho ngo phepheike phi kipili pesü mlae. 9Tipau ye kodibo shike. Panongu no amla küküzü küqhüchhe kini shie, akushulau eno akijelau aulotikipshe toku. 10Eno panongu no atu ajo bidi shino tipau lo medave. Sardius, topaz eno carbuncle tuqo no ajo atüghüu shi; 11emerald, sapphire ngo akimiyetu no ajo akiniu shi; 12jacinth, agate eno amethyst tuqo no ajo aküthüu shi; 13beryl, onyx eno jasper tuqo no ajo abidiu shi. Tipaqo ye ameshoyi no aboqha shikeu lo ikhisüe. 14Atu chighikini gholo Israel nuliqo je yepuku püae. Tipaqo ye jedapu nguthiqo toi atu lakhikhi lo ashiaye chighikini je yepuku. 15Eno panongu no amlaküxa lo akighi kipiliqo toi ameshoyi kimthe pesü ayila mlae. 16Eno panongu no ameshoyi pesü tsügha kepu kini eno abocho kini mlano ameshoyi no shikeu bocho kini pesü amlaküxa ako kini akeu lo fukimeve. 17Eno panongu no ameshoyi yila kini pesü amlaküxa lo ako kini akeu bocho lo pilisüe. 18Panongu no ashe kütau kini akeu pesü ameshoyi mekha kepu akeu lo fukimeve. Tishino panongu no tipau pesü abighi lo ephod xipu keu azüu meda puku. 19Tithiu panongu no ameshoyi no abocho kini mla eno tiküma pesü amlaküxa ako kini akeu lo tsüghave, ti ye ephod phivilo ashe akeu alouke. 20Panongu no ameshoyi pesü abocho kini mla eno tipa pesü abighi lo xipu kepu ephod phimini kütshakügha shi ghokeu agizüu aqhou tsüghu phivilo meda puku. 21Ampeu no Moses vilo azah tsüke toi panongu no amlaküxa lo abocho akeu ngo ephod lo abocho akeu küma atsüla yeho pesü tsüghuda, eno amlaküxa lo dapu keu huye ijo ipeghimo kepushi apokha shou dipe qhive.
22Pa no atsüla yeho pesü ephod ghenguno chijeboike phi akupuju ghoe, 23eno chijeboike phi tipau lo aphimini lakhi lo xükholu kepu akeu toi mla, xükholu kepu tipau vehomxa ghi tsüghuve, tishikeu lono ixü ipeghive pemoni ye ke. 24Aphi tipau ashe lo ayeho atsüla, hughai eno huchuyi keu ngo phepheike phi kipili pesü khaghatuqo mla. 25Panongu no ameshoyi kimthe pesü amqübo mla, eno chijeboike phishe vehomxa ghi khaghatu mta lo amqübo mlasüe. 26Ampeu no Moses azah tsüke toi, achine kümla ghenguno chijeboike phishe lo amqü lakhi eno tipa shelo khaghatu lakhi, tishi ajo-ajo shi ashe vehomxa süe.
27Panongu no Aaron ngo pa nuli ghenguno phepheike phi pesü aphiküzü gho, 28phepheike phi akivi pesü akütsü küzü kepu ngo akütsükuqho, eno alou phimini mla, 29eno Ampeu no Moses azah tsüke toi atsüla, hughai eno huchuyi keu yeho ngo phepheike phi kipili akivi pesü apokha mla.
30Panongu no ameshoyi kimthe pesü akimthe kütsükuqho lo akhu mla, eno tipau shou jedapu nguthi lo toi, “Ampeu lau akimthe shilo,” ipi yepuku. 31Eno Ampeu no Moses azah tsüke toi, panongu no tipau pesü akütsü küküzüpu shou atsüla yeho no tsüghave.
32Ikehu kuposhukulu phiki ye kümtsü kishekhave eno Ampeu no Moses azah tsükeu kiqi lono Israelmi no kümtsü shie. 33Tishino panongu no Moses lau aphiki peighi, tipau gholo aphiki ngo tile peitha chekeqo, akufuyi, akipesü, atsükucho eno ghope qhikepu; 34ambetsü yiko, ane yiko, eno nhaqhiphi küküzüpu; 35Puloshoqhi bohu lo ashepe tu gholo akipesü ngo akünha; 36akibepu eno tipau lo peitha kepu thimeqo, akimthe sho; 37ameshoyi kimthe kulu kibepu, akulu ngo tile peitha kepu nhemgha eno akulu ghenguno thazü; 38ameshoyi kiptia, nukikishe thazü, axokütsüngü ta, eno aphiki kulaghi lo nhaqhiphi; 39alazayi kiptia, eno tipau lo kiyithasü chekeu, akipesü, eno tile peitha chekeqo; chithakhu eno tipau kibepu; 40bokütha lo nhaqhiphi, tipau tsükuchoqo, ghope qhikepu, eno bokütha khagho lo nhaqhiphi, tipau kighi ngo ayishuqo; eno kuposhukulu phiki, akimthe phiki lo achine kümla ghenguno peitha chekeqo; 41Akimthe-a lo achine kümla ghenguno akivishi ghokeu phimini, Aaron achineu ghenguno akimthe phimini eno pa nuli ghenguno aphimini. 42Ampeu no Moses azah tsükeu kiqi lono Israelmi no akümla kümtsü shie. 43Moses no akümla kümtsü ithulu, eno julo, panongu no Ampeu no azah tsüke toi tipaqo mlae. Tithiu Moses no panoqo kümghatsü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More