Mika 5
5
1Jerusalem tiina bam, la-na á jar-keira bam á ke jeiga dedoa. Dé dona bam tu ba gilimi dé teo kom se ba kwaare jara de debam. Ba lage ba ma da-lɔŋɔ ba mage Isarele tiina yuu tu wom.
Yuu tu wodwoŋi wó nwoŋi Bɛtelehem ne
Baŋa Wɛ maa we:
2“Ko nam ná ye nmo, Bɛtelehem Eferata, nmo muri Judah dwi tiina sɔ-yuni tem maama wone. De ko de, amo lage a le dedɛɛro abam wone se o taa tei Isarele tiina bam o pa-ne. O wó taa ye wolo dwi dem na zege faŋa faŋa to mo.”#Matiyu 2:6; Jɔn 7:42
3Wɛ nam wó yage o nɔɔna bam ba yera se ko taa vei maŋa kalo kapua kam na wó ba o lo bu to. Bu wom chorro tem laam wó na chwoŋa se ba nwoŋi sa-teo ba jwoori ba sam ba woli de ba dwonna Isarele tiina bam. 4Dedɛɛro wom wó zaŋe o taa tei o nɔɔna bam ne nayero na nii o pei baŋa ne tei to.#Jɔn 10:11 Baŋa Wɛ wó pa‑o dam se o ke konto omo Tu Wɛ tete yere-kamunu kom ŋwaane. Logo baŋa jei sem maama wó ni o kamunni dem ŋwa pa se nɔɔna bam taa zoore de yazura. 5Wonto wó ja wo-zuru o ba o pa-ba.
Isarele tiina bam wó taa tei ba tete
Asiria tiina jar-keira bam wó wane ba ba ba nɔ dé tega kam se ba daare ba chɔge dé sɔ-fwaaro tem. Dé nam wó pa se dedɛɛra dedɛ zaŋe dé wone ba zeili-ba.#2 Pwa 18:13 6Ba wó wane Asiria tiina bam ba ke-ba ba dam kuri ne. Ba ta wó zo Nimrodi teo kom ba di ko nɔn-bia bam. Chega to, Asiria tiina bam ná kwaare jara de debam, dé dedɛɛra bam wó jwoŋi debam ba jeŋa ne ba yage.
7Maŋa kam konto ne, Jakob dwi tiina balo na daare to wó taa zoore dwi-gɛ tiina tetare ne. Baŋa Wɛ nam wó pa ba taa nye de nyɔnɔ de doa kalo na li tega kam pa ka zuri to mo. Ko dae nabiina mo ba daŋe ba teena ba baŋa ne, se ko ye Wɛ yerane mo. 8Nɔɔna balo na daare Jakob dwi tiina bam wone to wó gwaane dedaane dwi-gɛ tiina. Ba na zoore ba teene wone konto to, ba wó taa nye de nywoŋo kolo na beeri gaao wone ko lage ko ni-wodiu to mo. Ba wó di ba dona bam, nenɛɛne nywoŋo na zo pei-kɔgɔ wone ko ja-se ko tore yera yera ko di tei to mo. Nɔɔn-nɔɔno bá wane o jwoŋi-ba o yage. 9Isarele tiina bam, á wó wane á dona bam pa se ba saare tega kam baŋa ne!
10 Baŋa Wɛ ma ta o we:
“Maŋa kam konto ne amo wó chaale á sisein-nɔɔna bam ye a daare a chɔge á jara-keim torokooro tem maama. 11A ta wó chɔge teene delo á na zoore de wone to, de á sɔ-fwaaro tem maama. 12A ta maa wó chɔge á liri-mwa kikia yam, ye yi-nara bam daa bá wane ba taa toŋa ba totoŋa. 13-14Ko ná ye jwona yalo á na mɔɔne to, dedaane kandwa yalo á na chwi ye á zuli-ya to, amo wó chɔge ya maama, ko ta woli de Asera nyenyego dɛ sem. Abam dáa bá kuni dwonna wonnu telo á jea na mɔɔne to yiga ne á zuli-te. Chega to, amo wó chɔge á jwona yam maama.
15Amo wó tɔge a ban-zɔŋɔ kom baŋa ne a waare dwi-gɛ tiina balo na wo sɛ se ba tɔge amo ni to.”
Currently Selected:
Mika 5: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Mika 5
5
1Jerusalem tiina bam, la-na á jar-keira bam á ke jeiga dedoa. Dé dona bam tu ba gilimi dé teo kom se ba kwaare jara de debam. Ba lage ba ma da-lɔŋɔ ba mage Isarele tiina yuu tu wom.
Yuu tu wodwoŋi wó nwoŋi Bɛtelehem ne
Baŋa Wɛ maa we:
2“Ko nam ná ye nmo, Bɛtelehem Eferata, nmo muri Judah dwi tiina sɔ-yuni tem maama wone. De ko de, amo lage a le dedɛɛro abam wone se o taa tei Isarele tiina bam o pa-ne. O wó taa ye wolo dwi dem na zege faŋa faŋa to mo.”#Matiyu 2:6; Jɔn 7:42
3Wɛ nam wó yage o nɔɔna bam ba yera se ko taa vei maŋa kalo kapua kam na wó ba o lo bu to. Bu wom chorro tem laam wó na chwoŋa se ba nwoŋi sa-teo ba jwoori ba sam ba woli de ba dwonna Isarele tiina bam. 4Dedɛɛro wom wó zaŋe o taa tei o nɔɔna bam ne nayero na nii o pei baŋa ne tei to.#Jɔn 10:11 Baŋa Wɛ wó pa‑o dam se o ke konto omo Tu Wɛ tete yere-kamunu kom ŋwaane. Logo baŋa jei sem maama wó ni o kamunni dem ŋwa pa se nɔɔna bam taa zoore de yazura. 5Wonto wó ja wo-zuru o ba o pa-ba.
Isarele tiina bam wó taa tei ba tete
Asiria tiina jar-keira bam wó wane ba ba ba nɔ dé tega kam se ba daare ba chɔge dé sɔ-fwaaro tem. Dé nam wó pa se dedɛɛra dedɛ zaŋe dé wone ba zeili-ba.#2 Pwa 18:13 6Ba wó wane Asiria tiina bam ba ke-ba ba dam kuri ne. Ba ta wó zo Nimrodi teo kom ba di ko nɔn-bia bam. Chega to, Asiria tiina bam ná kwaare jara de debam, dé dedɛɛra bam wó jwoŋi debam ba jeŋa ne ba yage.
7Maŋa kam konto ne, Jakob dwi tiina balo na daare to wó taa zoore dwi-gɛ tiina tetare ne. Baŋa Wɛ nam wó pa ba taa nye de nyɔnɔ de doa kalo na li tega kam pa ka zuri to mo. Ko dae nabiina mo ba daŋe ba teena ba baŋa ne, se ko ye Wɛ yerane mo. 8Nɔɔna balo na daare Jakob dwi tiina bam wone to wó gwaane dedaane dwi-gɛ tiina. Ba na zoore ba teene wone konto to, ba wó taa nye de nywoŋo kolo na beeri gaao wone ko lage ko ni-wodiu to mo. Ba wó di ba dona bam, nenɛɛne nywoŋo na zo pei-kɔgɔ wone ko ja-se ko tore yera yera ko di tei to mo. Nɔɔn-nɔɔno bá wane o jwoŋi-ba o yage. 9Isarele tiina bam, á wó wane á dona bam pa se ba saare tega kam baŋa ne!
10 Baŋa Wɛ ma ta o we:
“Maŋa kam konto ne amo wó chaale á sisein-nɔɔna bam ye a daare a chɔge á jara-keim torokooro tem maama. 11A ta wó chɔge teene delo á na zoore de wone to, de á sɔ-fwaaro tem maama. 12A ta maa wó chɔge á liri-mwa kikia yam, ye yi-nara bam daa bá wane ba taa toŋa ba totoŋa. 13-14Ko ná ye jwona yalo á na mɔɔne to, dedaane kandwa yalo á na chwi ye á zuli-ya to, amo wó chɔge ya maama, ko ta woli de Asera nyenyego dɛ sem. Abam dáa bá kuni dwonna wonnu telo á jea na mɔɔne to yiga ne á zuli-te. Chega to, amo wó chɔge á jwona yam maama.
15Amo wó tɔge a ban-zɔŋɔ kom baŋa ne a waare dwi-gɛ tiina balo na wo sɛ se ba tɔge amo ni to.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)