Hiburu 3
3
Wɛ Bu Yezu tiini o dwoi Moses
1A nu-bia balo na ye Wɛ nyem to, Wɛ bwoŋi abam se á tɔge á na ywoni telaao ne. Nam boŋe-na á nii Yezu na ye tei to. Wonto mo ye Baŋa Wɛ tontoŋ-kweo de Wɛ kaanem nakwe tu wolo dé na jege o chega to. 2Wɛ mo tiŋi‑o se o taa ye konto, ye o toŋa o pa Wɛ de jawala. Ko nam ye bedwe mo de Moses déem na jege jawala o nii Wɛ nɔɔna bam o pa‑o tei to.#Jeelim 12:7 3Yezu nam seene o maŋe se o na zula ko dwoni Moses, kokuri nɔɔno ná bobo sɔŋɔ kuri, wonto jege se o na zula se ko dwoi sɔŋɔ kom tete. 4Sɔŋɔ nam tera ye ko dae nɔɔno mo bobo ko kuri. Wɛ nam mo ye wolo na bobo wonnu maama kuri. 5Moses déem nye de tontoŋeno mo Wɛ sɔŋɔ wone, de o na toŋe de jawala o pa Wɛ nɔɔna tei to. O ma yeini o wuuri o bere-ba Wɛ chega kalo na wó ba ka lɔre ja to. 6Ko daare Yezu Krista mo ye sɔŋɔ kom tete bu chekke, ye o tei Wɛ sɔŋɔ kom. Debam maa ye o sɔŋɔ kom tiina, ne dé ná maŋe dé jege pu-dɛa ye dé ta bere we, dé jege teena o tei ne to.
Dé yé taa jege yi-dɛɛre dé pa Wɛ
7Ko maa nye de Wɛ Sin-laao kom na bere debam tei ko we:
“Abam zem ná nigi Wɛ kwora,
8se á yé pa á wo ke dam,
ne á nabaara déem na jege yi-dɛɛre
ye ba kwaane se ba maŋe Wɛ ba nii
maŋa kalo ba na wo kagoa kam yuu ne to.”
9Wɛ maa we:
“Abam nabaara bam déem nɛ amo na ke-ba tei taa, bena finna to,
ye ba ta kwaane se ba maŋe amo ba nii.
10Konto ŋwaane mo amo bane zaŋe de á nabaara bam konto,
ye a ta a we, ‘Ba yeini ba paale ba tusi mo maŋa maama.
Ba maa ba sɛa se ba tɔge amo chwei sem.’
11Mo kokuri amo tɔge a ban-zɔŋɔ kom baŋa a ma du duuri a pa-ba a we,
amo bere a bá pa-ba chwoŋa se ba zo amo woro kom wone ba sii.”#Lei 95:7-11
12A nu-bia bam, ta‑á yei-na se abam wolowolo yé taa jege boboŋ-lwanno o bochare ne se ko pa o ve Ŋwea Tu Wɛ ni ye o daare o ywori o kwaga ne. 13Nam ta‑á woli-na daane maŋa maama, se ko pa á ta‑á jege pu-dɛa. Ko ta ná ye zem da yam ye á ni Wɛ kwora kam, se abam wolowolo yé pa lwarem gane‑o pa se o ke yi-dɛɛre o pa Wɛ. 14Debam nam tu dé tɔge de Yezu Krista dé ye Wɛ bia mo, ne dé ta ná jege teena de Wɛ, nenɛɛne dé na maŋe dé jege tei boboa ne to, se ko vo ko yi dé ŋwea kweelim.
15Dé maŋe dé lɔre Wɛ tɔnɔ kom na bere tei ko we:
“Abam zem ná nigi Wɛ kwora,
se á yé pa á wo ke dam,
ne á nabaara bam déem na jege yi-dɛɛre de Wɛ tei to.”#Lei 95:7-9
16Ko ná ye balo déem na nigi Wɛ kwora kam ye ba daare ba jege yi-dɛɛre to, banto ye bera mo? Ba ye balo maama Moses na tɔge ba yiga o ja o nwoŋi Ejipti teo kom wone to mo. 17Ko ná ye balo Wɛ bane na zaŋe de-ba taa se ko vo ko yi bena finna to, ba ye bera mo? Ba ye nɔɔna balo na ke ba tusi kagoa kam wone ye Wɛ pa se ba te da to mo. 18Wɛ na dugi o we, omo bere o bá pa-ba chwoŋa se ba zo o woro kom wo ba sii to, ko ye balo na ve o ni to taane mo. Ko dae konto na?#Jeelim 14:1-35
19Ko ma pa dé lɔre we, Wɛ na wo pɛ-ba chwoŋa se ba zo o woro kom wo to, ko ye ba na wo ke ba wo-dedoa ded‑o to ŋwaane mo.
Currently Selected:
Hiburu 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Hiburu 3
3
Wɛ Bu Yezu tiini o dwoi Moses
1A nu-bia balo na ye Wɛ nyem to, Wɛ bwoŋi abam se á tɔge á na ywoni telaao ne. Nam boŋe-na á nii Yezu na ye tei to. Wonto mo ye Baŋa Wɛ tontoŋ-kweo de Wɛ kaanem nakwe tu wolo dé na jege o chega to. 2Wɛ mo tiŋi‑o se o taa ye konto, ye o toŋa o pa Wɛ de jawala. Ko nam ye bedwe mo de Moses déem na jege jawala o nii Wɛ nɔɔna bam o pa‑o tei to.#Jeelim 12:7 3Yezu nam seene o maŋe se o na zula ko dwoni Moses, kokuri nɔɔno ná bobo sɔŋɔ kuri, wonto jege se o na zula se ko dwoi sɔŋɔ kom tete. 4Sɔŋɔ nam tera ye ko dae nɔɔno mo bobo ko kuri. Wɛ nam mo ye wolo na bobo wonnu maama kuri. 5Moses déem nye de tontoŋeno mo Wɛ sɔŋɔ wone, de o na toŋe de jawala o pa Wɛ nɔɔna tei to. O ma yeini o wuuri o bere-ba Wɛ chega kalo na wó ba ka lɔre ja to. 6Ko daare Yezu Krista mo ye sɔŋɔ kom tete bu chekke, ye o tei Wɛ sɔŋɔ kom. Debam maa ye o sɔŋɔ kom tiina, ne dé ná maŋe dé jege pu-dɛa ye dé ta bere we, dé jege teena o tei ne to.
Dé yé taa jege yi-dɛɛre dé pa Wɛ
7Ko maa nye de Wɛ Sin-laao kom na bere debam tei ko we:
“Abam zem ná nigi Wɛ kwora,
8se á yé pa á wo ke dam,
ne á nabaara déem na jege yi-dɛɛre
ye ba kwaane se ba maŋe Wɛ ba nii
maŋa kalo ba na wo kagoa kam yuu ne to.”
9Wɛ maa we:
“Abam nabaara bam déem nɛ amo na ke-ba tei taa, bena finna to,
ye ba ta kwaane se ba maŋe amo ba nii.
10Konto ŋwaane mo amo bane zaŋe de á nabaara bam konto,
ye a ta a we, ‘Ba yeini ba paale ba tusi mo maŋa maama.
Ba maa ba sɛa se ba tɔge amo chwei sem.’
11Mo kokuri amo tɔge a ban-zɔŋɔ kom baŋa a ma du duuri a pa-ba a we,
amo bere a bá pa-ba chwoŋa se ba zo amo woro kom wone ba sii.”#Lei 95:7-11
12A nu-bia bam, ta‑á yei-na se abam wolowolo yé taa jege boboŋ-lwanno o bochare ne se ko pa o ve Ŋwea Tu Wɛ ni ye o daare o ywori o kwaga ne. 13Nam ta‑á woli-na daane maŋa maama, se ko pa á ta‑á jege pu-dɛa. Ko ta ná ye zem da yam ye á ni Wɛ kwora kam, se abam wolowolo yé pa lwarem gane‑o pa se o ke yi-dɛɛre o pa Wɛ. 14Debam nam tu dé tɔge de Yezu Krista dé ye Wɛ bia mo, ne dé ta ná jege teena de Wɛ, nenɛɛne dé na maŋe dé jege tei boboa ne to, se ko vo ko yi dé ŋwea kweelim.
15Dé maŋe dé lɔre Wɛ tɔnɔ kom na bere tei ko we:
“Abam zem ná nigi Wɛ kwora,
se á yé pa á wo ke dam,
ne á nabaara bam déem na jege yi-dɛɛre de Wɛ tei to.”#Lei 95:7-9
16Ko ná ye balo déem na nigi Wɛ kwora kam ye ba daare ba jege yi-dɛɛre to, banto ye bera mo? Ba ye balo maama Moses na tɔge ba yiga o ja o nwoŋi Ejipti teo kom wone to mo. 17Ko ná ye balo Wɛ bane na zaŋe de-ba taa se ko vo ko yi bena finna to, ba ye bera mo? Ba ye nɔɔna balo na ke ba tusi kagoa kam wone ye Wɛ pa se ba te da to mo. 18Wɛ na dugi o we, omo bere o bá pa-ba chwoŋa se ba zo o woro kom wo ba sii to, ko ye balo na ve o ni to taane mo. Ko dae konto na?#Jeelim 14:1-35
19Ko ma pa dé lɔre we, Wɛ na wo pɛ-ba chwoŋa se ba zo o woro kom wo to, ko ye ba na wo ke ba wo-dedoa ded‑o to ŋwaane mo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)