Ta̤htû̌sò̌ǐ 24
24
Khwǐdû̌ htě a ǒ ta ta̤sîrîdû̌sîrîhtû
Khwǐdǎ̤wi̤ ata̤sò̌po̤.
1Hǎkhû̌akhû̌ ta ta̤pṳ̂̌꤮ tacǎ ǒ dě hǎkhû̌ běkhû̌nu toǒ mî̌ Cǒmara tûjûpwa̤ ata.
Hǎkhû̌ ta kòyòhǎkhû̌phû̌ lǒ̤꤮ bò htǒotoǒ mî̌ atabò hǒ.#Kòrî̌tiaphû̌ awǐlǒ tabǎ 10:26
2A ma̤htò̌lò̤ hǎkhû̌ akòtṳkò̌shî̌.
A ma̤ měglewǒ nû̌û dě shidû̌te̤we̤ kòda.
3Ûpè tapwa̤ glè htò̌nṳ dě Cǒmara tûjûpwa̤ akholocahtǐkhû̌ pè?
Ûpè tapwa̤ glè ihtǒǒ dě ata̤lṳhtò̌ho cahtǐ akûnu pè?#Ta̤htû̌sò̌ǐ 15:1
4Pwǎ̤꤮ pǒ̤ kòyò htě acǔde mṳ̂plî, asò̌phlǒ cahtǐ, a saba kû̌kò ta̤yo̤ta̤gî tò̤, a bèlòhǎlòho kû̌kò yo̤ dǐkhò̌꤮ tò̤nu toǒ hǒ.#Matěo 5:8
5A glè nî̤bǎ ta̤howi̤ dě Cǒmara tûjûpwa̤ ǒ.
Cǒmaradû̌ htě a ma̤lû̌htò̌ge nû̌ûnu ta̤pwa̤ pwe̤ǐlṳ ta ata̤sǔ ǒpe dǐcǎ꤮ tò̤.
6Kòyò hè̌o numî̌ a mî̌ pwa̤ htě a hè dě Cǒmaradû̌ aǒ.
Pwa̤ htě a kè̌lǎ Yǎ̤kò acǒmaradû̌ ami̤sǎ.
7Kǒ we̤takhadû̌ toǒ, lṳ̂mo mò̌.
Kǒ takhadû̌ děwǐkha toǒ, bòmohtò̌ mò̌.
Khwǐdû̌ htě a ǒ ta ta̤sîrîdû̌sîrîhtû glè hènṳ hǒ.
8Khwǐdû̌ htě a ǒ ta ta̤sîrîdû̌sîrîhtû htǒo mî̌ ûpè?
A mî̌ Cǒmara tûjûpwa̤ htě akhû̌ǎshû̌sho, apo̤aphǎ, a ma̤pè̤bò ta̤shěta̤pe̤.#Ta̤lû̌htò̌ge 15:3, 6
9Kǒ we̤takhadû̌ toǒ, lṳ̂mo mò̌.
Kǒ takhadû̌ děwǐkha toǒ, bòmohtò̌ mò̌.
Khwǐdû̌ htě a ǒ ta ta̤sîrîdû̌sîrîhtû glè hènṳ hǒ.
10Khwǐdû̌ htě a ǒ ta ta̤sîrîdû̌sîrîhtû htǒo mî̌ ûpè?
A mî̌ Cǒmara tûjûpwa̤ htě a pǒǐ ta̤ lǒ̤꤮ bò, Khwǐdû̌ htě a ǒ ta ta̤sîrîdû̌sîrîhtû.
Currently Selected:
Ta̤htû̌sò̌ǐ 24: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
