Pwa̤nophû̌ toǒ 2
2
Běcǎ sǎcahtǐ hèlò̤
1Bǎ mṳni̤ htě kò kaǎ yǎta Pètèkò̌sètè#2:1 Pètèkò̌sètè amûasǎ mî̌ “Mṳni̤yè̤shi” ma̤tè̤hî̌dě ato bǎ kò ma̤hto ta̤cû̌tûlû̌pwè htě a behtò̌ mṳni̤yè̤shinu ti̤ni̤. hèto̤ akhanu, asî lǒ̤꤮ bò hè ǒhtuǒplǒbò nû̌û gûla̤ tò̤glò̌pa.#Ta̤subusaba 23:15-21; Ta̤dǒhtû̌ǐ 16:9-11 2Ta̤po̤pè̤tè̤htò̌ sumṳ mǒla̤ dě a po̤ sǒsǒta gili̤pla̤dû̌ dě a hèlò̤nṳ asî hǎnòò̌ ǐ hǐnu tama akû dě a pwe̤la̤bò hǐtama. 3Htodě asî kè̌shǐ lǒkho mî̌gèplo̤htò̌ sǒsǒta plî̤ toǒ dě a nûpîshîcû̌ bǒměbò asî tapwa̤ hto tapwa̤ alo̤. 4Asî lǒbebò ta Běcǎ sǎcahtǐ pṳ̂̌꤮ tapwa̤ dě asî hî̌bǎhtò̌bò ta yo̤sǎkhěkhǒ pwǐ Běcǎ sǎcahtǐ nohî̌bǎ asînu toǒ.
5Bǎnuakha Yṳ̌daphû̌ shiga pṳ̂̌taga htě a bè̌dû̌ Cǒmara toǒ hè lǒkho Ye̤rǔshèlèwî̤kû dě a ǒplǒ lǒkho nû̌û bǎnu. 6Bǎ kò gana̤de ta̤po̤pè̤tè̤htò̌ htǒo akha, kòyò toǒ hè ǒplǒ te̤we̤plṳ̂te̤we̤phǎbò dě asî sû̌pi̤sò̌pi̤bò, ma̤tè̤hî̌dě pwa̤yṳǎphû̌ toǒ hî̌bǎ yo̤sǎ toǒnu, kòyò lǒ̤bò hè bǎnu toǒ, tapwa̤ ta tapwa̤ gana̤debò tû̌ta asî yo̤ tû̌ akhû̌akhî, a sû̌pi̤sò̌pi̤bò. 7Dě asî hî̌ kè̌khînû̌û, “Kòyò htě a hî̌bǎ ta̤ htǒotoǒ numî̌ Galilî̌aphû̌ pwǎ amè̤tò̤ya? 8Ma̤tèdě pa lǒ̤꤮ bò htǒotoǒ cû̌gana̤de tǒ̤bò asî hî̌bǎbò ta pa tapwa̤ ta tapwa̤ ayo̤ hî̌tètè? 9Pa htǒotoǒnu, toǒǒ mî̌ Patǐaphû̌, Medǐphû̌, Elamitephû̌, Mesopò̌tamiaphû̌, Yṳ̌daphû̌, Kapadakǐphû̌, Pòtǔphû̌, Ashǎphû̌, 10Phrǔkǐphû̌, Paphǔliaphû̌, Egyptphû̌, Libyaphû̌ htě a ǒphǔta Cyrenewî̤, dě pa htǒotoǒǒnu a ǒ bǎ Rò̌mǎwî̤ dě a hè ǒlè. 11(Pa htǒotoǒnu, toǒǒ mî̌ Yṳ̌daphû̌, toǒǒ mî̌ Yṳ̌daphû̌ mè̤tò̤ hǐnudě pa nṳkû̌ yǎ dě Yṳ̌daphû̌ a ta̤yṳta̤nǎ ta̤subusaba akû.) Kòyò ahǔwa̤ toǒ numî̌ Grete shikholophû̌jo ta Arebǐaphû̌ sîtoǒ. Pwǎ̤tadě pa kòyò pṳ̂̌꤮ tacǎ ta tacǎ gana̤de tû̌yǎta pa yo̤ lǒ̤bò htě asî dǒhtû̌ǐ Cǒmara ata̤ma̤ cǒklî̌kî̌yanu toǒ.” 12Asî sû̌pi̤sò̌pi̤bò pṳ̂̌꤮ tapwa̤ dě a gènè̤phlope lǒkho tò̤, dě asî gwè lǒkho nû̌û, “Ta̤ cû̌ma̤ htûhtò̌ tǒ̤ ana̤ htǒo mî̌ amûasǎ mî̌ titè?” A gwè kè̌khînû̌û hǐnu.
13Pwǎ̤tadě kòyò ahǔwa̤ toǒǒnu a luya̤ pwa̤yṳǎphû̌ hǐnu toǒ dě a hî̌ lǒkho, “Kòyò htǒo toǒ mî̌ a omṳ lǒkho pwǎ shisî̌khǎ.”
Petru a ta̤dǒhtû̌ǐ
14Htodě Petru ihtǒ ǒkû̌ta pwa̤nophû̌ shǐtapwa̤ dě a yi̤kǒ hî̌bǎshû̌ bǎ kò, “Pṳwè̤ Yṳ̌daphû̌ ta kòyò ǒ dě Ye̤rǔshèlèwî̤kû lǒ̤꤮ bò sî꤮ gana̤de lǒkho! He pwe̤ǐ bǎ sî ta̤htûhtò̌ htǒo amûasǎ. 15Sî gènè̤ lǒkho ta kòyò htǒotoǒ omṳbǎshi pwǎ̤ta amè̤tò̤, lṳmṳwo̤ lǐ̤sǒta̤na̤rî bǎ mǒ̤pe pwǎ! 16Ta̤htûhtò̌ hè̌o toǒ mî̌ a htûhtò̌ pwǐ pwa̤po̤ Joělè dǒhtû̌ǐnǎhtonu toǒ pwǎ.
17‘Cǒmara hî̌, htǒomî̌ ta̤htě he nohtûhtò̌ yǎ bǎ mṳni̤ gutṳ̌lò̤ pě toǒnu, he lò̌lò̤ he sǎcahtǐ dě kòyòhǎkhû̌phû̌ lǒ̤꤮ bò toǒ alo̤ pě, sî phû̌mǔphû̌khû toǒ pwe̤ǐlṳnǎ he ta̤wi̤ta̤kè̌ toǒ pě, sî makhûphû̌sǎ toǒ kè̌shǐlṳnǎ pě, dě sî mo̤pwa̤ toǒ hǎmoǒmi̤mòlṳ ta̤ toǒ pě.#Joělè 2:28-32 18Mṳni̤mṳsa hèto̤ pěnu, he lò̌lò̤ he sǎcahtǐ dě mamǔmakhû lǒ̤꤮ bò toǒ alo̤ pě, dě asî pwe̤ǐlṳ bǎ sî ta he ta̤wi̤ta̤kè̌ toǒ pě. 19He dǔlṳ ta̤sû̌pi̤sò̌pi̤ toǒ dě mǒla̤ pě, htohǒtò̤ he dǔlṳhtò̌ ta̤ma̤cǒklî̌ a ta̤ma̤dòǐ toǒ hǎkhû̌ bǎo pěpě, sǐ ta mî̌ ta mî̌khǔ toohtò̌ khǔhtò̌ hǎkhû̌bǎonu pě. 20Bǎ Běcǎ a ni̤dû̌ni̤mo̤ htě a lǒbe ta ta̤sîrîdû̌sîrîhtû htǒo hèto̤ hǒtò̤ akhanu, lṳmṳ khǐsuwukè pě, ta la lî̤pî̤sǐkè pwǐ sǐnu pě. 21Dě bǎnuakha pěnu kòyò htě a yi̤kǒhtò̌ dě Běcǎ ǒ tapwa̤pwa̤nu a nî̤bǎtû̌ ta̤ma̤lû̌htò̌ge pě,’#Joělè 2:28-32 pwa̤po̤ Joělè hî̌ hǐnu.”
22Dě Petru hî̌po̤, “Hekho Israelphû̌ sî꤮, gana̤de lǒkho he ta̤hî̌bǎhtǒo! Bǎ Nǎ̤sèrèwî̤phû̌ Ye̤shǔ ǒkû̌dǒ ta sî akhanu, a dǔlṳ plṳ̂hto bǎ sî ta̤ma̤ cǒklî̌kî̌ya toǒ ta ta̤sû̌pi̤sò̌pi̤ toǒ ta ta̤ma̤ cǒklî̌kî̌a a ta̤ma̤dòǐ htě Cǒmara ǐpo̤ǐphǎ nû̌û htǒonu toǒ hǒ. Htǒonu a dǔlṳ ta Ye̤shǔ mî̌ a ǒ dě Cǒmara a ǒhènu hǒ. A ma̤bǎhtobò ta̤ma̤ htǒotoǒ numî̌ sî sî̌yahtotû̌ hǒ. 23Pwǐ Cǒmara ma̤wǒnǎ dě a sî̌yanǎhto tû̌ta kò ǐlò̤kè Ye̤shǔ dě sî cǔdekû pědě sî nohtǎwa̤si yǎta kòyòjono̤ kòyòphû̌mò̤ toǒ dě nò̌dòhtǔ alo̤ pě.#Matěo 27:35; Mǎ̤riko 15:24; Lǔka 23:33; Jowǎ̤ni̤ 19:18 24Pwǎ̤tadě Cǒmara ma̤htûpwa̤gesǒ a ta ta̤si, dě a ma̤lû̌htò̌ge nû̌û ta ta̤si a ta̤jîta̤jû ala̤, ma̤tè̤hî̌dě ta̤si amo̤pha pṳ̂glemějòpe nû̌û tò̤ hǒ.#Matěo 28:5-6; Mǎ̤riko 16:6; Lǔka 24:5 25Khwǐdǎ̤wi̤ hî̌nǎhto Khrî̌stu awi̤akè̌ dě a hî̌,
‘He kè̌shǐ Běcǎ ǒ dě he lo̤mo̤ pṳ̂̌꤮ taplǎ. Cǒmara ǒ dě he cǔdemû tokho akhû̌akhî, kò ma̤pò̤ma̤shajò he dǐcǎ꤮ tò̤.#Ta̤htû̌sò̌ǐ 16:8-11 26Hǐnudě he sò̌phlǒmo̤ pṳ̂̌꤮ taplǎ, dě bǎ he hî̌bǎ akha he hî̌bǎ còcè̌ ta ta̤sò̌le̤sò̌lò̤ awi̤akè̌. Htohǒtò̤ he na̤saklû ta he ta̤ǒhtûpwa̤ kè̌shuǐ Cǒmara ta̤olò̤ toǒ akû pě. 27He sò̌le̤sò̌lò̤ mè̤mè̤̌, ma̤tè̤hî̌dě na wîlòte̤kè he yola htûpwa̤ dě lṳnǎkhwǎ ado tò̤. Na nolǒnosokè na kòyòcahtǐ htǒotapwa̤ dě lṳkû tò̤. 28Na dǔlṳhto he klè̌ htě a sûcû̌ he dě ta̤htûpwa̤nu tabo ta na ǒkû̌ he akhû̌akhî, he sò̌le̤sò̌lò̤ mè̤mè̤̌,’#Ta̤htû̌sò̌ǐ 16:8-11 Khwǐdǎ̤wi̤ hî̌ hǐnu.”
29Dě Petru hî̌ gesǒ, “He pṳwè̤ sî꤮, he pwe̤ǐlṳ bǎ sî ta pakhwǐdǎ̤wi̤ awǐnu tapwa̤ awi̤akè̌. A si dě kò lǔyǎ, dě alṳkhû̌nu a ǒ sadape bǎo tǒ̤lò̤khònò̤. 30Khwǐdǎ̤wi̤ mî̌ pwa̤po̤ tapwa̤. Cǒmara olò̤nǎ nû̌û dě akhlilè akla tapwa̤nu, Cǒmara nohtò̌htû nû̌û ta Khwǐ agûla̤ pěnu, a sî̌ya pwǎ.#Ta̤htû̌sò̌ǐ 132:11; Shamuělè ginǐ̤bǎ tabǎ 7:12-13 31Khwǐdǎ̤wi̤ kè̌shǐnǎ ta Cǒmara ma̤ta̤ pě akhû̌akhî, a hî̌bǎnǎ wǐ Khrî̌stu htě Cǒmara wû̌lǎ a ta pwa̤ma̤lû̌htò̌ge kò tapwa̤nu a ta̤sihtûpwa̤gesǒ awi̤akè̌ dě a hî̌, Cǒmara wîkè yǎ dě lṳnǎkhwǎ ado tò̤. Htohǒtò̤ a nolǒnosokè nû̌û tò̤.#Ta̤htû̌sò̌ǐ 16:10 32Cǒmara ma̤htûpwa̤ge htosǒ Ye̤shǔ dě ta̤si akla. Pa lǒ̤꤮ bò htǒotoǒ numî̌ pa htû bǎ a pwa̤lò̤sasî̌ dě pa glè pwe̤ǐlṳ bǎ kò ta ata̤si htûpwa̤gesǒ htǒo awi̤akè̌. 33Cǒmara bè̌dû̌bè̌htû Ye̤shǔ dě a bè̌ nû̌û acǔdemû tokho. Pwǐ apha Cǒmara olò̤hto ta a glè ǐ nû̌û Běcǎ sǎcahtǐ pěnu a ǐ nû̌û hǒ. Dě Ye̤shǔ lò̌lò̤ ta̤htě na kè̌shǐ gana̤de khònò̤htǒonu toǒ hǒ. 34Khwǐdǎ̤wi̤ sana̤ htò̌to̤ dě mǒkhû̌ tò̤ pwǎ̤tadě a hî̌,
‘Běcǎ Cǒmara hî̌ he Běcǎ, “Hǎnòò̌ dě he cǔdemû htǒotokho.#Ta̤htû̌sò̌ǐ 110:1 35Dě hǎnòò̌ to̤htû̌ he bè̌lò̤ pwa̤ htě a sò̌khě nanu toǒ sǒsǒta na khǎlǎ la̤yî̤lò̤nu,”’#Ta̤htû̌sò̌ǐ 110:1 Phidǎ̤wi̤ hî̌ hǐnu.
36“Hǐnu akhû̌akhî, Israel akhlialè lǒ̤꤮ bò, sî bǎ sî̌ya te̤mǎ ta Ye̤shǔ htě sî htǎwa̤si yǎ nò̌dòhtǔlo̤ htǒotapwa̤nu, Cǒmara ǐhtûhtò̌ nû̌û ta a mî̌ Běcǎ mî̌ amè̤mè̤, Khrî̌stu mî̌ amè̤mè̤ hǒ,” Petru hî̌ hǐnu.
37Bǎ kòyò htǒotoǒ gana̤de Petru pwe̤ǐ bǎ asî hè̌o akhanu, asî sò̌phlǒsha mè̤mè̤̌ dě a hî̌geshǔ Petru ta pwa̤nophû̌ ahǔwa̤ toǒ, “Pṳwè̤ sî꤮, dèhî̌hǐnudě pa tobǎ ma̤hî̌tè?”
38Petru hî̌ asî, “Ma̤pûhǐ Cǒmara bòlû̌kè sî ta̤sǔ toǒnu, yò̤lò̤ge lǒkho sîsò̌ pṳ̂̌꤮ tapwa̤ dě plo lǒkho sîna̤ ta shi dě Ye̤shǔkhrî̌stu ami̤akûnu, sî dè ma̤mò̌hǐnu Cǒmara ǐ sî sû ta Běcǎ sǎcahtǐ pě. 39Cǒmara a ta̤olò̤mèlò̤ htǒonumî̌, sîya ta sîkhlisîlè anǒkò toǒ aya, bò kòyò htě a ǒ dě shigayî̤ toǒ aya ta kòyò lǒ̤꤮ bò htě Cǒmara kaǎhè nû̌û a ǒnu toǒ aya hǒ.”
40Petru hî̌sè̌rè̌nǎplṳ̂ asî, htohǒtò̤ a ǐkhû̌ǐǎ asî ta, “Ma̤lû̌htò̌ge lǒkho sîna̤ ta ta̤cèrò htě a glè̌ hèbǎ kòyò phû̌mò̤shî̌hto htǒotuhtunu toǒ nî̌!” 41Kòyò htě a yṳǎ Petru a ta̤hî̌bǎdǒhtû̌ǐ htǒotoǒnu a plokè lǒkho ana̤ ta shi, dě bǎnu ti̤ni̤nu, kòyò yṳǎna̤ǎ dě a geginṳplṳ̂ kû̌po̤ asîprṳ̂kûnu, a phǔ꤮ ǒ apwa̤ surî̌.
Pwa̤yṳǎphû̌ toǒ a ta̤bǒsû̌khǎkho kè̌khînû̌û
42Pwa̤yṳǎphû̌ lǒ̤꤮ bò toǒ phî̌nṳ lǒkho akhîakha dě a glè sû̌ǐ sî̌yahtò̌ kû̌ ana̤ ta pwa̤nophû̌ toǒ, dě asî bǒsû̌khǎkho ta ǎoplǒ nû̌û#2:42 Bǎ pwa̤yṳǎphû̌ toǒ ǎoplǒ nû̌û akhanu, asî ǎo pakû̌dǒ ta Běcǎ a ta̤ǎcahtǐ lṳmṳhǎ kǎlè. dě kwisabaplǒ nû̌û. 43Pwa̤nophû̌ toǒ ma̤lṳ ta̤sû̌pi̤sò̌pi̤ ta ta̤ma̤cǒklî̌ a ta̤ma̤dòǐ toǒ akhû̌akhî, kòpṳ̂̌꤮ pwa̤ ǐsha bè̌dubè̌na̤ lǒ̤bò Cǒmara. 44Pwa̤yṳǎphû̌ lǒ̤bò toǒnu a ǒhtuǒplǒ nû̌û dě, ta̤htě asî ta ǒ toǒnu, a yṳ̂lò̤ ma̤jè kè̌khînû̌û tapwa̤ ta tapwa̤.#Pwa̤nophû̌ toǒ 4:32-35 45Asî shaǎkè a û̌cata̤bî̌ ta a ta̤kî̌ta̤kû̌ toǒ dě a ma̤jè nû̌ûta kòyò htě a lo̤bǎwûlo̤bǎhtanu toǒ. 46Asî cû̌ ǒhtuhî̌bǎplǒ nû̌û dě ta̤lṳhtò̌hokû pṳ̂̌꤮ ti̤ni̤, dě asî sò̌phlǒsho yṳ̂ǎyṳ̂o kè̌khînû̌û ta asî sò̌le̤sò̌lò̤ ǎplǒoplǒnû̌û dě hǐphòdǒkû. 47Asî htû̌sò̌ǐ Cǒmara dě kòpṳ̂̌꤮ pwa̤ sò̌phlǒ ǒkû̌ asî. Běcǎ bè̌plǒ htò̌dû̌po̤ bǎ asî ta kòyò htě a nî̤bǎ ta̤ma̤lû̌htò̌ge toǒ dě asî pwa̤yṳǎta̤ aprṳ̂aho akû pṳ̂̌꤮ ti̤ni̤.
Currently Selected:
Pwa̤nophû̌ toǒ 2: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
Pwa̤nophû̌ toǒ 2
2
Běcǎ sǎcahtǐ hèlò̤
1Bǎ mṳni̤ htě kò kaǎ yǎta Pètèkò̌sètè#2:1 Pètèkò̌sètè amûasǎ mî̌ “Mṳni̤yè̤shi” ma̤tè̤hî̌dě ato bǎ kò ma̤hto ta̤cû̌tûlû̌pwè htě a behtò̌ mṳni̤yè̤shinu ti̤ni̤. hèto̤ akhanu, asî lǒ̤꤮ bò hè ǒhtuǒplǒbò nû̌û gûla̤ tò̤glò̌pa.#Ta̤subusaba 23:15-21; Ta̤dǒhtû̌ǐ 16:9-11 2Ta̤po̤pè̤tè̤htò̌ sumṳ mǒla̤ dě a po̤ sǒsǒta gili̤pla̤dû̌ dě a hèlò̤nṳ asî hǎnòò̌ ǐ hǐnu tama akû dě a pwe̤la̤bò hǐtama. 3Htodě asî kè̌shǐ lǒkho mî̌gèplo̤htò̌ sǒsǒta plî̤ toǒ dě a nûpîshîcû̌ bǒměbò asî tapwa̤ hto tapwa̤ alo̤. 4Asî lǒbebò ta Běcǎ sǎcahtǐ pṳ̂̌꤮ tapwa̤ dě asî hî̌bǎhtò̌bò ta yo̤sǎkhěkhǒ pwǐ Běcǎ sǎcahtǐ nohî̌bǎ asînu toǒ.
5Bǎnuakha Yṳ̌daphû̌ shiga pṳ̂̌taga htě a bè̌dû̌ Cǒmara toǒ hè lǒkho Ye̤rǔshèlèwî̤kû dě a ǒplǒ lǒkho nû̌û bǎnu. 6Bǎ kò gana̤de ta̤po̤pè̤tè̤htò̌ htǒo akha, kòyò toǒ hè ǒplǒ te̤we̤plṳ̂te̤we̤phǎbò dě asî sû̌pi̤sò̌pi̤bò, ma̤tè̤hî̌dě pwa̤yṳǎphû̌ toǒ hî̌bǎ yo̤sǎ toǒnu, kòyò lǒ̤bò hè bǎnu toǒ, tapwa̤ ta tapwa̤ gana̤debò tû̌ta asî yo̤ tû̌ akhû̌akhî, a sû̌pi̤sò̌pi̤bò. 7Dě asî hî̌ kè̌khînû̌û, “Kòyò htě a hî̌bǎ ta̤ htǒotoǒ numî̌ Galilî̌aphû̌ pwǎ amè̤tò̤ya? 8Ma̤tèdě pa lǒ̤꤮ bò htǒotoǒ cû̌gana̤de tǒ̤bò asî hî̌bǎbò ta pa tapwa̤ ta tapwa̤ ayo̤ hî̌tètè? 9Pa htǒotoǒnu, toǒǒ mî̌ Patǐaphû̌, Medǐphû̌, Elamitephû̌, Mesopò̌tamiaphû̌, Yṳ̌daphû̌, Kapadakǐphû̌, Pòtǔphû̌, Ashǎphû̌, 10Phrǔkǐphû̌, Paphǔliaphû̌, Egyptphû̌, Libyaphû̌ htě a ǒphǔta Cyrenewî̤, dě pa htǒotoǒǒnu a ǒ bǎ Rò̌mǎwî̤ dě a hè ǒlè. 11(Pa htǒotoǒnu, toǒǒ mî̌ Yṳ̌daphû̌, toǒǒ mî̌ Yṳ̌daphû̌ mè̤tò̤ hǐnudě pa nṳkû̌ yǎ dě Yṳ̌daphû̌ a ta̤yṳta̤nǎ ta̤subusaba akû.) Kòyò ahǔwa̤ toǒ numî̌ Grete shikholophû̌jo ta Arebǐaphû̌ sîtoǒ. Pwǎ̤tadě pa kòyò pṳ̂̌꤮ tacǎ ta tacǎ gana̤de tû̌yǎta pa yo̤ lǒ̤bò htě asî dǒhtû̌ǐ Cǒmara ata̤ma̤ cǒklî̌kî̌yanu toǒ.” 12Asî sû̌pi̤sò̌pi̤bò pṳ̂̌꤮ tapwa̤ dě a gènè̤phlope lǒkho tò̤, dě asî gwè lǒkho nû̌û, “Ta̤ cû̌ma̤ htûhtò̌ tǒ̤ ana̤ htǒo mî̌ amûasǎ mî̌ titè?” A gwè kè̌khînû̌û hǐnu.
13Pwǎ̤tadě kòyò ahǔwa̤ toǒǒnu a luya̤ pwa̤yṳǎphû̌ hǐnu toǒ dě a hî̌ lǒkho, “Kòyò htǒo toǒ mî̌ a omṳ lǒkho pwǎ shisî̌khǎ.”
Petru a ta̤dǒhtû̌ǐ
14Htodě Petru ihtǒ ǒkû̌ta pwa̤nophû̌ shǐtapwa̤ dě a yi̤kǒ hî̌bǎshû̌ bǎ kò, “Pṳwè̤ Yṳ̌daphû̌ ta kòyò ǒ dě Ye̤rǔshèlèwî̤kû lǒ̤꤮ bò sî꤮ gana̤de lǒkho! He pwe̤ǐ bǎ sî ta̤htûhtò̌ htǒo amûasǎ. 15Sî gènè̤ lǒkho ta kòyò htǒotoǒ omṳbǎshi pwǎ̤ta amè̤tò̤, lṳmṳwo̤ lǐ̤sǒta̤na̤rî bǎ mǒ̤pe pwǎ! 16Ta̤htûhtò̌ hè̌o toǒ mî̌ a htûhtò̌ pwǐ pwa̤po̤ Joělè dǒhtû̌ǐnǎhtonu toǒ pwǎ.
17‘Cǒmara hî̌, htǒomî̌ ta̤htě he nohtûhtò̌ yǎ bǎ mṳni̤ gutṳ̌lò̤ pě toǒnu, he lò̌lò̤ he sǎcahtǐ dě kòyòhǎkhû̌phû̌ lǒ̤꤮ bò toǒ alo̤ pě, sî phû̌mǔphû̌khû toǒ pwe̤ǐlṳnǎ he ta̤wi̤ta̤kè̌ toǒ pě, sî makhûphû̌sǎ toǒ kè̌shǐlṳnǎ pě, dě sî mo̤pwa̤ toǒ hǎmoǒmi̤mòlṳ ta̤ toǒ pě.#Joělè 2:28-32 18Mṳni̤mṳsa hèto̤ pěnu, he lò̌lò̤ he sǎcahtǐ dě mamǔmakhû lǒ̤꤮ bò toǒ alo̤ pě, dě asî pwe̤ǐlṳ bǎ sî ta he ta̤wi̤ta̤kè̌ toǒ pě. 19He dǔlṳ ta̤sû̌pi̤sò̌pi̤ toǒ dě mǒla̤ pě, htohǒtò̤ he dǔlṳhtò̌ ta̤ma̤cǒklî̌ a ta̤ma̤dòǐ toǒ hǎkhû̌ bǎo pěpě, sǐ ta mî̌ ta mî̌khǔ toohtò̌ khǔhtò̌ hǎkhû̌bǎonu pě. 20Bǎ Běcǎ a ni̤dû̌ni̤mo̤ htě a lǒbe ta ta̤sîrîdû̌sîrîhtû htǒo hèto̤ hǒtò̤ akhanu, lṳmṳ khǐsuwukè pě, ta la lî̤pî̤sǐkè pwǐ sǐnu pě. 21Dě bǎnuakha pěnu kòyò htě a yi̤kǒhtò̌ dě Běcǎ ǒ tapwa̤pwa̤nu a nî̤bǎtû̌ ta̤ma̤lû̌htò̌ge pě,’#Joělè 2:28-32 pwa̤po̤ Joělè hî̌ hǐnu.”
22Dě Petru hî̌po̤, “Hekho Israelphû̌ sî꤮, gana̤de lǒkho he ta̤hî̌bǎhtǒo! Bǎ Nǎ̤sèrèwî̤phû̌ Ye̤shǔ ǒkû̌dǒ ta sî akhanu, a dǔlṳ plṳ̂hto bǎ sî ta̤ma̤ cǒklî̌kî̌ya toǒ ta ta̤sû̌pi̤sò̌pi̤ toǒ ta ta̤ma̤ cǒklî̌kî̌a a ta̤ma̤dòǐ htě Cǒmara ǐpo̤ǐphǎ nû̌û htǒonu toǒ hǒ. Htǒonu a dǔlṳ ta Ye̤shǔ mî̌ a ǒ dě Cǒmara a ǒhènu hǒ. A ma̤bǎhtobò ta̤ma̤ htǒotoǒ numî̌ sî sî̌yahtotû̌ hǒ. 23Pwǐ Cǒmara ma̤wǒnǎ dě a sî̌yanǎhto tû̌ta kò ǐlò̤kè Ye̤shǔ dě sî cǔdekû pědě sî nohtǎwa̤si yǎta kòyòjono̤ kòyòphû̌mò̤ toǒ dě nò̌dòhtǔ alo̤ pě.#Matěo 27:35; Mǎ̤riko 15:24; Lǔka 23:33; Jowǎ̤ni̤ 19:18 24Pwǎ̤tadě Cǒmara ma̤htûpwa̤gesǒ a ta ta̤si, dě a ma̤lû̌htò̌ge nû̌û ta ta̤si a ta̤jîta̤jû ala̤, ma̤tè̤hî̌dě ta̤si amo̤pha pṳ̂glemějòpe nû̌û tò̤ hǒ.#Matěo 28:5-6; Mǎ̤riko 16:6; Lǔka 24:5 25Khwǐdǎ̤wi̤ hî̌nǎhto Khrî̌stu awi̤akè̌ dě a hî̌,
‘He kè̌shǐ Běcǎ ǒ dě he lo̤mo̤ pṳ̂̌꤮ taplǎ. Cǒmara ǒ dě he cǔdemû tokho akhû̌akhî, kò ma̤pò̤ma̤shajò he dǐcǎ꤮ tò̤.#Ta̤htû̌sò̌ǐ 16:8-11 26Hǐnudě he sò̌phlǒmo̤ pṳ̂̌꤮ taplǎ, dě bǎ he hî̌bǎ akha he hî̌bǎ còcè̌ ta ta̤sò̌le̤sò̌lò̤ awi̤akè̌. Htohǒtò̤ he na̤saklû ta he ta̤ǒhtûpwa̤ kè̌shuǐ Cǒmara ta̤olò̤ toǒ akû pě. 27He sò̌le̤sò̌lò̤ mè̤mè̤̌, ma̤tè̤hî̌dě na wîlòte̤kè he yola htûpwa̤ dě lṳnǎkhwǎ ado tò̤. Na nolǒnosokè na kòyòcahtǐ htǒotapwa̤ dě lṳkû tò̤. 28Na dǔlṳhto he klè̌ htě a sûcû̌ he dě ta̤htûpwa̤nu tabo ta na ǒkû̌ he akhû̌akhî, he sò̌le̤sò̌lò̤ mè̤mè̤̌,’#Ta̤htû̌sò̌ǐ 16:8-11 Khwǐdǎ̤wi̤ hî̌ hǐnu.”
29Dě Petru hî̌ gesǒ, “He pṳwè̤ sî꤮, he pwe̤ǐlṳ bǎ sî ta pakhwǐdǎ̤wi̤ awǐnu tapwa̤ awi̤akè̌. A si dě kò lǔyǎ, dě alṳkhû̌nu a ǒ sadape bǎo tǒ̤lò̤khònò̤. 30Khwǐdǎ̤wi̤ mî̌ pwa̤po̤ tapwa̤. Cǒmara olò̤nǎ nû̌û dě akhlilè akla tapwa̤nu, Cǒmara nohtò̌htû nû̌û ta Khwǐ agûla̤ pěnu, a sî̌ya pwǎ.#Ta̤htû̌sò̌ǐ 132:11; Shamuělè ginǐ̤bǎ tabǎ 7:12-13 31Khwǐdǎ̤wi̤ kè̌shǐnǎ ta Cǒmara ma̤ta̤ pě akhû̌akhî, a hî̌bǎnǎ wǐ Khrî̌stu htě Cǒmara wû̌lǎ a ta pwa̤ma̤lû̌htò̌ge kò tapwa̤nu a ta̤sihtûpwa̤gesǒ awi̤akè̌ dě a hî̌, Cǒmara wîkè yǎ dě lṳnǎkhwǎ ado tò̤. Htohǒtò̤ a nolǒnosokè nû̌û tò̤.#Ta̤htû̌sò̌ǐ 16:10 32Cǒmara ma̤htûpwa̤ge htosǒ Ye̤shǔ dě ta̤si akla. Pa lǒ̤꤮ bò htǒotoǒ numî̌ pa htû bǎ a pwa̤lò̤sasî̌ dě pa glè pwe̤ǐlṳ bǎ kò ta ata̤si htûpwa̤gesǒ htǒo awi̤akè̌. 33Cǒmara bè̌dû̌bè̌htû Ye̤shǔ dě a bè̌ nû̌û acǔdemû tokho. Pwǐ apha Cǒmara olò̤hto ta a glè ǐ nû̌û Běcǎ sǎcahtǐ pěnu a ǐ nû̌û hǒ. Dě Ye̤shǔ lò̌lò̤ ta̤htě na kè̌shǐ gana̤de khònò̤htǒonu toǒ hǒ. 34Khwǐdǎ̤wi̤ sana̤ htò̌to̤ dě mǒkhû̌ tò̤ pwǎ̤tadě a hî̌,
‘Běcǎ Cǒmara hî̌ he Běcǎ, “Hǎnòò̌ dě he cǔdemû htǒotokho.#Ta̤htû̌sò̌ǐ 110:1 35Dě hǎnòò̌ to̤htû̌ he bè̌lò̤ pwa̤ htě a sò̌khě nanu toǒ sǒsǒta na khǎlǎ la̤yî̤lò̤nu,”’#Ta̤htû̌sò̌ǐ 110:1 Phidǎ̤wi̤ hî̌ hǐnu.
36“Hǐnu akhû̌akhî, Israel akhlialè lǒ̤꤮ bò, sî bǎ sî̌ya te̤mǎ ta Ye̤shǔ htě sî htǎwa̤si yǎ nò̌dòhtǔlo̤ htǒotapwa̤nu, Cǒmara ǐhtûhtò̌ nû̌û ta a mî̌ Běcǎ mî̌ amè̤mè̤, Khrî̌stu mî̌ amè̤mè̤ hǒ,” Petru hî̌ hǐnu.
37Bǎ kòyò htǒotoǒ gana̤de Petru pwe̤ǐ bǎ asî hè̌o akhanu, asî sò̌phlǒsha mè̤mè̤̌ dě a hî̌geshǔ Petru ta pwa̤nophû̌ ahǔwa̤ toǒ, “Pṳwè̤ sî꤮, dèhî̌hǐnudě pa tobǎ ma̤hî̌tè?”
38Petru hî̌ asî, “Ma̤pûhǐ Cǒmara bòlû̌kè sî ta̤sǔ toǒnu, yò̤lò̤ge lǒkho sîsò̌ pṳ̂̌꤮ tapwa̤ dě plo lǒkho sîna̤ ta shi dě Ye̤shǔkhrî̌stu ami̤akûnu, sî dè ma̤mò̌hǐnu Cǒmara ǐ sî sû ta Běcǎ sǎcahtǐ pě. 39Cǒmara a ta̤olò̤mèlò̤ htǒonumî̌, sîya ta sîkhlisîlè anǒkò toǒ aya, bò kòyò htě a ǒ dě shigayî̤ toǒ aya ta kòyò lǒ̤꤮ bò htě Cǒmara kaǎhè nû̌û a ǒnu toǒ aya hǒ.”
40Petru hî̌sè̌rè̌nǎplṳ̂ asî, htohǒtò̤ a ǐkhû̌ǐǎ asî ta, “Ma̤lû̌htò̌ge lǒkho sîna̤ ta ta̤cèrò htě a glè̌ hèbǎ kòyò phû̌mò̤shî̌hto htǒotuhtunu toǒ nî̌!” 41Kòyò htě a yṳǎ Petru a ta̤hî̌bǎdǒhtû̌ǐ htǒotoǒnu a plokè lǒkho ana̤ ta shi, dě bǎnu ti̤ni̤nu, kòyò yṳǎna̤ǎ dě a geginṳplṳ̂ kû̌po̤ asîprṳ̂kûnu, a phǔ꤮ ǒ apwa̤ surî̌.
Pwa̤yṳǎphû̌ toǒ a ta̤bǒsû̌khǎkho kè̌khînû̌û
42Pwa̤yṳǎphû̌ lǒ̤꤮ bò toǒ phî̌nṳ lǒkho akhîakha dě a glè sû̌ǐ sî̌yahtò̌ kû̌ ana̤ ta pwa̤nophû̌ toǒ, dě asî bǒsû̌khǎkho ta ǎoplǒ nû̌û#2:42 Bǎ pwa̤yṳǎphû̌ toǒ ǎoplǒ nû̌û akhanu, asî ǎo pakû̌dǒ ta Běcǎ a ta̤ǎcahtǐ lṳmṳhǎ kǎlè. dě kwisabaplǒ nû̌û. 43Pwa̤nophû̌ toǒ ma̤lṳ ta̤sû̌pi̤sò̌pi̤ ta ta̤ma̤cǒklî̌ a ta̤ma̤dòǐ toǒ akhû̌akhî, kòpṳ̂̌꤮ pwa̤ ǐsha bè̌dubè̌na̤ lǒ̤bò Cǒmara. 44Pwa̤yṳǎphû̌ lǒ̤bò toǒnu a ǒhtuǒplǒ nû̌û dě, ta̤htě asî ta ǒ toǒnu, a yṳ̂lò̤ ma̤jè kè̌khînû̌û tapwa̤ ta tapwa̤.#Pwa̤nophû̌ toǒ 4:32-35 45Asî shaǎkè a û̌cata̤bî̌ ta a ta̤kî̌ta̤kû̌ toǒ dě a ma̤jè nû̌ûta kòyò htě a lo̤bǎwûlo̤bǎhtanu toǒ. 46Asî cû̌ ǒhtuhî̌bǎplǒ nû̌û dě ta̤lṳhtò̌hokû pṳ̂̌꤮ ti̤ni̤, dě asî sò̌phlǒsho yṳ̂ǎyṳ̂o kè̌khînû̌û ta asî sò̌le̤sò̌lò̤ ǎplǒoplǒnû̌û dě hǐphòdǒkû. 47Asî htû̌sò̌ǐ Cǒmara dě kòpṳ̂̌꤮ pwa̤ sò̌phlǒ ǒkû̌ asî. Běcǎ bè̌plǒ htò̌dû̌po̤ bǎ asî ta kòyò htě a nî̤bǎ ta̤ma̤lû̌htò̌ge toǒ dě asî pwa̤yṳǎta̤ aprṳ̂aho akû pṳ̂̌꤮ ti̤ni̤.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA