Ліст да Ціта Раздзел 2

Раздзел 2

1 # 1Цім. 6:3 Ты ж навучай таму, што належыць да здаровай навукі.

2 # 1Цім. 5:1 Старыя мужчыны павінны быць людзьмі цвярозымі, паважнымі, разумнымі, здаровай веры, поўнымі любові і цярплівасці.

3Падобна і старыя жанчыны павінны апранацца, як дастойна святых, высцерагацца пляткарства, не ўпівацца віном, навучаць іншых дабру,

4разумна вучыць маладых, каб яны любілі сваіх мужоў і дзяцей,

5 # Эф. 5:22; 1Цім. 2:11 былі разумнымі, чыстымі, гаспадарнымі, лагоднымі, паслухмянымі мужам сваім, каб не зневажалася імі слова Божае.

6Таксама юнакоў заахвочвай, каб былі стрыманымі.

7Ва ўсім пакажы на сабе прыклад добрых учынкаў, у навуцы – чысціню, несапсаванасць і паважнасць,

8 # 1Пёт. 2:12 у здаровым слове – беззаганнасць, каб той, хто супрацівіцца, асароміўся, не могучы нічога благога пра нас сказаць.

9 # Эф. 6:5; Клс. 3:22; 1Цім. 6:1; 1Пёт. 2:18 Хай паслугачы слухаюць сваіх гаспадароў, ва ўсім дагаджаюць, а не пярэчаць,

10не ашукваюць, але ва ўсім добрую вернасць аказваюць, каб ва ўсім навуку Збаўцы нашага, Бога, услаўлялі.

11 # Рым. 5:15; 1Ян. 4:9 Бо з’явілася ласка Бога, выратавальная для ўсіх людзей,

12якая вучыць нас, каб мы, выракшыся бязбожнасці і пажаданняў свету, разважна, справядліва і пабожна жылі на гэтым свеце,

13 # 1Кар. 1:7; Клс. 3:4; 1Тэс. 1:10 чакаючы шчаслівай надзеі і з’яўлення славы магутнага Бога і Збаўцы нашага Ісуса Хрыста,

14 # Вых. 19:5; Паўт. Зак. 4:20; 7:6; 14:2; Пс. 130:8; Гал. 1:4; Эф. 2:10; Геб. 1:3 Які ахвяраваў Самога Сябе за нас, каб збавіць нас ад усякага беззаконня і ачысціць Сабе народ асаблівы, рупны пра добрыя ўчынкі.

15Гэта кажы, і заахвочвай, і дакарай з усёю уладай. Няхай ніхто не пагарджае табой.

Currently Selected:

Ліст да Ціта Раздзел 2: ББЧ

Highlight

Copy