Другі ліст да Цімафея Раздзел 2
Раздзел 2
1 #
Эф. 6:10; 2Пёт. 3:18 Дык ты, сын мой, умацоўвайся ласкай, якая ёсць у Хрысце Ісусе,
2і, што чуў ты ад мяне пры многіх сведках, гэта перадай верным людзям, якія будуць здольнымі і другіх навучыць.
3 #
1Цім. 1:18
Ты ж перанось цяжкасці як добры жаўнер Хрыста Ісуса.
4Ніхто з жаўнераў не мяшаецца ў справы зямныя, каб падабацца таму, хто яго выбраў.
5 #
1Кар. 9:25
Бо і той, хто змагаецца, не здабудзе вянка, калі змагаецца незаконна.
6Земляробу, які працуе, першаму належыць карыстацца пладамі.
7Зразумей, што кажу: хай дасць табе Госпад ва ўсім розум.
8 #
Рым. 1:3; 1Кар. 15:4 Памятай пра Ісуса Хрыста з семя Давіда, Які ўваскрос з мёртвых паводле дабравешчання майго,
9дзеля якога цярплю мукі аж да кайданоў, як быццам што благое рабіў, але Слова Божага нельга звязаць.
10 #
2Кар. 1:6; Эф. 3:13; Клс. 1:24 Вось, я ўсё раблю дзеля выбраннікаў, каб яны атрымалі збаўленне, якое ў Хрысце Ісусе са славаю вечнай.
11 #
1Тэс. 5:10
Вернае слова: калі мы з Ім памерлі, дык з Ім жыць будзем;
12 #
Мц. 10:33; Мк. 8:38; Лк. 12:9 калі церпім, дык з Ім валадарыць будзем, калі зрачомся Яго, дык і Ён нас зрачэцца;
13 #
Рым. 3:3; Ціт. 1:2 калі мы зняверымся, дык Ён верным застанецца, бо Сам Сябе зрачыся не можа.
14 #
1Цім. 5:21
Пра гэта нагадвай, сведчачы перад Госпадам, каб не спрачаліся, бо гэта нічога не дасць, хіба толькі сапсуе слухачоў.
15 #
Лк. 12:42
Пільна рупся паказацца годным перад Богам, працаўніком беззаганным, які даносіць з павагай слова праўды.
16 #
1Цім. 4:7
Пустых жа гаворак высцерагайся, бо яны яшчэ больш спрычыняцца да бязбожнасці,
17 #
1Цім. 1:20
і слова іх, як гангрэна, распаўзецца; з такіх вось Гіменэй і Філет,
18якія адхіліліся ад праўды, кажучы, што ўваскрэсенне ўжо было, і гэтак адвярнулі некаторых ад веры.
19 #
Ліч. 16:5; Мц. 16:18; Ян. 10:14 Але цвёрды падмурак Божы стаіць, маючы такую пячатку: «Пазнаў Госпад, хто ёсць Яго», і «Хай аддаліцца ад нягоднасці кожны, хто вызнае імя Госпада».
20 #
Рым. 9:21
У вялікім жа доме маюцца не толькі залатыя і срэбраныя начынні, але і драўляныя, і гліняныя; першыя – у пашане, другія – у ганьбе.
21 #
2Кар. 6:14; Эф. 2:10; Геб. 11:24 Дык вось, калі хто ачысціў сябе ад гэтага, той будзе пасудзінай пачэснай, усвечанай і карыснай Госпаду, прыдатнай для ўсякай добрай справы.
22 #
1Цім. 6:11
Высцерагайся пажаданняў юнацкіх, але трымайся справядлівасці, веры, любові, супакою з тымі, што чыстым сэрцам заклікаюць Госпада.
23 #
Ціт. 1:14
Ухіляйся дурных і бязглуздых спрэчак, ведаючы, што яны даводзяць да звадак.
24 #
1Цім. 3:3; Ціт. 1:7 Слуга Госпада не мусіць сварыцца, але трэба быць ветлівым з усімі, вучыцелем цярплівым,
25 #
Ціт. 3:2
які лагодна выпраўляе тых, што працівяцца, ці не дасць ім Бог навяртанне дзеля пазнання праўды,
26 #
Геб. 2:15
каб вырваліся з путаў д’ябла; апутаныя імі, яны яго паднявольныя.
Currently Selected:
Другі ліст да Цімафея Раздзел 2: ББЧ
Highlight
Share
Copy
Want to have your highlights saved across all your devices? Sign up or sign in
© МХРБ «Біблейскае таварыства ў Рэспубліцы Беларусь», 2017
