Першы ліст да Цімафея Раздзел 1
Раздзел 1
1Паўла, Апостал Ісуса Хрыста, па загадзе Бога, Збаўцы нашага, і Госпада Ісуса Хрыста, нашай надзеі,
2Цімафею, сапраўднаму сыну ў веры: ласка, міласэрнасць і супакой ад Бога Айца нашага і Хрыста Ісуса, Госпада нашага.
3Я, ідучы ў Мацэдонію, прасіў цябе застацца ў Эфесе, каб загадаў некаторым не вучыць іншаму,
4 #
Ціт. 1:14
а таксама не займацца байкамі і радаводамі бясконца, якія выклікаюць больш спрэчак, чым настаўлення Божага ў веры.
5Мэтай жа прыказання ёсць любоў з чыстага сэрца, і добрага сумлення, і няўяўнай веры,
6 #
Ціт. 1:10
адвярнуўшыся ад чаго, некаторыя звярнуліся да пустаслоўя,
7 #
Мк. 12:24
хочучы быць настаўнікамі закону, хоць не разумеюць, што гавораць і што сцвярджаюць.
8Ведаем, што закон добры, калі ім хто законна карыстаецца,
9 #
Рым. 6:14; Гал. 5:18; Геб. 7:19 ведаючы, што закон устаноўлены не для справядлівага, але для несправядлівых і непаслухмяных, бязбожных і грэшнікаў, разбэшчаных і паганых, бацьказабойцаў і мацізабойцаў, чалавеказабойцаў,
10 #
Рым. 1:27; 1Кар. 6:9 для распуснікаў, мужаложнікаў, людакрадаў, брахуноў, крывапрысяжнікаў і супраць усяго іншага, што пярэчыць здаровай навуцы,
11паводле Евангелля славы дабраславёнага Бога, якое мне даручана.
12 #
Дзеі 9:1; Клс. 1:25 Дзякую Таму, Хто мяне ўзмацняе, Хрысту Ісусу, Госпаду нашаму, бо Ён палічыў мяне верным, ставячы на служэнне,
13 #
Дзеі 8:3; 1Кар. 15:9 мяне, які раней блюзніў, пераследаваў і ачарняў, але памілаваны, бо дзейнічаў па несвядомасці і з нявер’я.
14 #
1Кар. 15:10; 2Кар. 4:15; Гал. 1:13 Ласка ж Госпада нашага вылілася шчодра з вераю і любоўю, якая ў Ісусе Хрысце.
15 #
Мц. 1:21; Ян. 3:16 Вернае слова і вартае ўсякага прыняцця: Хрыстос Ісус прыйшоў на свет, каб збавіць грэшнікаў, з якіх я – першы,
16 #
2Пёт. 3:9
але памілаваны дзеля таго, каб ува мне першым выявіў Хрыстос Ісус усю доўгацярплівасць на паказ тым, што павераць Яму на жыццё вечнае.
17Валадару ж бессмяротнаму вякоў, нябачнаму, адзінаму, мудраму Богу ўшанаванне і слава на векі вечныя. Амін.
18Гэты загад даю табе, сыне Цімафею, паводле ранейшых адносна цябе прароцтваў, каб ты вёў разам з імі добрае змаганне,
19маючы веру і чыстае сумленне, якое страціўшы, некаторыя адступіліся ад веры,
20 #
1Кар. 5:5; 2Цім. 2:17 з якіх Гіменэй і Аляксандра, якіх я аддаў шатану, каб навучыліся не блюзніць.
Currently Selected:
Першы ліст да Цімафея Раздзел 1: ББЧ
Highlight
Share
Copy
Want to have your highlights saved across all your devices? Sign up or sign in
© МХРБ «Біблейскае таварыства ў Рэспубліцы Беларусь», 2017
