Ni Aizjih 24

Hoakrawz Dungzdingq

1 Yez'hoahhuah daj Moahciz hax: "Mawz, Yaqlunh, Nahdah, Yaqbixfuq daj jiatsip goanz dij goanz Yixsowhleh sowh puj jeq miz najta naeh kwnj maz dih gux naeh, yuq gvae gvae gvih gux, 2hawj gaj goanzdoag mawz maz zawj gux, puj ndai mboq jinx maz zawj gux, dij goanz Yixsowhleh mboq jinx daj mawz zaemh kwnj maz." 3Moahciz loangz daeuj, aeu suq kauq Yez'hoahhuah hax naeh daj sowh Yez'hoahhuah goizdingq naeh laemh dwk dij goanz Yixsowhleh, dij goanz Yixsowhleh daengzle zaemh yaeng gaemz doag, paenqdix hax: "Yez'hoahhuah yaix hoakrawz, piu zoq hoakrawz mboqyaq." 4Moahciz aeu suq kauq Yez'hoahhuah naeh mai nyaengx, nawlaeng zaeux dwnq maz, Moahciz yuq din bo daep aen kuq mbud dij Sen ux, ndaem sipngih boaj saeu tin, sipngih boaj saeu tin zawh hax sipngih ngah Yixsowhleh gaj ngah gaj yuq. 5Yaq dix yaix mbauqreauh Yixsowhleh mwz mbud sowh gaenq aeu pyaeu mbud naeh, goj kaj dij moaz mbud Yez'hoahhuah hoak gaenq hawj Yez'hoahhuah daj dij goanz dungzndae. 6Moahciz aeu lowd nyaengx ndaw banz mbengj ux, aeu mbengj ux rowd aen kuq mbud dij Sen naeh. 7Dix daeuq aeu bwnz Sw Dungzdingq naeh maz doag hawj dij goanz Yixsowhleh biak, dij goanz Yixsowhleh hax: "Yez'hoahhuah yaix piu hoakrawz, piu zoq hoakrawz mboqyaq." 8Moahciz zoq aeu lowd maz, rowd bae ndang dij goanz Yixsowhleh, dix hax: "Su lez, sowh lowd naeh zoq zawh lowd dungzdingq, zawh hax suq kauq Yez'hoahhuah daj su dungzdingq naeh dingq ndae eh." 9Moahciz, Yaqlunh, Nahdah, Yaqbixfuq daj jiatsip goanz dij goanz Yixsowhleh sowh puj jeq miz najta naeh, kwnj mwz ndaw bo. 10Paenqdix leztaen dij Sen Yixsowhleh, baihdawj dij Sen miz sowh ux daj bauxswh daeuh dungzlumj, saw daj ndaw fax dungzlumj. 11Paenqdix lez taen dij Sen gaj dij Sen mboq kaj paenqdix. Paenqdix yuq doqnaj dix zaemh jin zaemh ndut.

Moahciz Yuq Ndaw Bo Ciznaiq

12 Yez'hoahhuah daj Moahciz hax: "Mawz kwnj maz ndaw bo, maz dih gux inxnaeh, yuq inxnaeh ndowj, gux aeu tin piang laiz fahlih daj sowh gaenq gux saengq naeh hawj mawz, mawz aeu zau dij goanz Yixsowhleh." 13Yaq Moahciz daj Yezsuzyaq goanz yuq baihdawj dix saeh dix hoak raengraeng naeh mwz bo dij Sen. 14Gau Moahciz naengz mboq kwnj mwz naeh, dix daj dij goanz Yixsowhleh sowh puj jeq miz najta naeh hax: "Gaenqsu yuq inxnaeh taj piu, taj piu daeuq dauh daeuj. Su lez, miz Yaqlunh daj Fuq'ex daj su zaemh yuq, gawz miz gaeng saeh, zoq mwz hawj paenqdix paeg." 15Moahciz kwnj mwz ndaw bo, miz pajfax yaz bo.

16Ngaeuz dij Sen yuq ndaw Bo Ciznaiq rowngz fwkfwk, pajfax yaz ndaw bo choak vaenz. Vaenz daih jiat, Yez'hoahhuah yuq ndaw pajfax rongx Moahciz. 17Dij goanz Yixsowhleh leztaen ngaeuz Yez'hoahhuah yuq ndaw niangz bo rowngz fwkfwk, daj faez dwx dungzlumj. 18Moahciz kwnj mwz ndaw bo, ndonj mwz ndaw pajfax. Moahciz yuq ndaw bo siqsip vaenz siqsip hwnz.

Currently Selected:

Ni Aizjih 24: ZHN

Highlight

Copy