Ni Aizjih 20

Sip Yowngh Dij Sen Saengq Naeh

1Suq kauq baihdawj inxnaeh zawh dij Sen hax: 2"Gux zawh Yez'hoahhuah dij Sen mawz, gux ndaej lingz mawz daeq Aizjih dih mawz hoakkoij daenh naeh og daeuj.

3Aeu gaj gux hoak dij Sen mawz, gvaqmaz mboq jinx mawz aeu yowngh ndai hoak dij Sen mawz.#20:3 Gaemz kauq naeh goj ingj rux hoakzaqnaeh hax: "Yuq doqnaj gux mawz mboq jinx miz dij sen ndai."

4Mboq jinx chauq dij sen zaj, zoq zawh hax mboq jinx chauq gaeng lumj gaenq ndaw fax, lumj gaenq dihndin, lumj gaenq ndaw naemx, mboq jinx aeu le gaenq naeh hoak dij sen mawz. 5Mboq jinx gvih le gaenqnaeh, goj mboq jinx mbud le gaenqnaeh. Unj gux Yez'hoahhuah dij Sen mawz zawh dij Sen aemqnyaeng dij goanz aeu yowngh ndai hoak dij Sen. Gawz hwnq gux, gux zoq hawj dix daj luglan dix tw'taeb, taengdiak sam siq zoh. 6Gawz ngaiq gux daj biak gaenq gux saengq naeh, gux zoq nwh dix, doiq dix ndae taengdiak tiang zoh.

7Mboq jinx luanq yungq zwh Yez'hoahhuah dij Sen mawz, unj gawz luanq yungq zwh Yez'hoahhuah, Yez'hoahhuah toj mboq rux yumq yaq daengzhwx.

8Aeu Vaenz Cednoiq hoak daj vaenz ndai mboq dungzlumj, gaem Vaenz Cednoiq. 9Choak vaenz daekgoanq hoak gaengx. 10Gaj vaenz daih jiat gaem Vaenz Cednoiq Yez'hoahhuah dij Sen mawz. Vaenz daih jiat, mawz, lug zaiz mawz, lug nyingz mawz, puj koij zaiz mawz, puj koij nyingz mawz, doihdo mawz, sowh puj maz dih mawz dex ndowj naeh mboq jinx hoak gaengx. 11Yez'hoahhuah aeu choak vaenz chauq fax, dihndin, haij daj gaenq yuq ndaw paenqdix naeh, vaenz daih jiat zoq cednoiq. Baenzzaqnaeh Yez'hoahhuah gumx Vaenz Cednoiq, aeu Vaenz Cednoiq hoak daj vaenz ndai mboq dungzlumj.

12Yauq zaenzzungq bohmeh mawz, mawz zoq yuq dih Yez'hoahhuah dij Sen mawz aeu hawj mawz naeh yuq ndaej ndowj.

13Mboq jinx luanq kaj goanz,

14Hoak po, hoak mez, mboq jinx naengh puj ndai.

15Mboq jinx hoaklaek.

16Mboq jinx moakndai daenh.

17Mboq jinx ceu rownz daenh: mboq jinx ceu mijmez daenh, mboq jinx ceu puj koij zaiz daenh, mboq jinx ceu puj koij nyingz daenh, mboq jinx ceu dij moaz dij loix daenh, mboq jinx ceu gaenq daenh gaeng."

18Daengzle dij goanz Yixsowhleh ruxnyinz faxumj, ruxnyinz hiang kaeu dij mbej chung, leztaen faxmyaeb, leztaen ndaw bo miz yailaeuh. Paenqdix mbu daengz saenq saw, yuq gvae taeuq in. 19Paenqdix daj Moahciz hax: "Vanz mawz daj piu hax kauq mah, gaenqpiu biak mawz mboqyaq, laek hawj dij Sen daj piu hax kauq, yaj piu tai." 20Moahciz yaeng: "Laek mbu, dij Sen loangz daeuj daeg su, hawj su zwzzwz ruxndeq mbu dix, su zux mboq hoak loang." 21Yaq dij goanz Yixsowhleh yuq gvae in, gaj Moahciz daeq mwz dih ndaem zumhzumh, dih dij Sen yuq naeh.

Aen Kuq Aeu Mbud Dij Sen Naeh Hoakzaqrawz Hoak, Hoakzaqrawz Yungq

22 Yez'hoahhuah daj Moahciz hax: "Mawz daj dij goanz Yixsowhleh hoakzaqnaeh hax: ‘Gaenqsu haeggaj ndaej taen gux yuq ndaw fax daj su hax kauq. 23Mboq jinx chauq rangh gaeng dang gaenqgux, goj mboq jinx aeu ngaenz aeu jim hoak rangh dij sen. 24Mawz yauq daengj aen kuq namh ux hawj gux, aeu sowh dij moaz dij mbej aeu maz pyaeu mbud naeh daj sowh dij moaz dij mbej aeu mbud hawj dij Sen daj dij goanz dungzndae naeh nyaengx mwz now dix mbud. Gux hawj su yuq rawz mbud gux, gux zoq daeuj rawz gumx su mboqyaq. 25Jixzawh su daengj aen kuq tin ux hawj gux, mboq jinx aeu sowh tin haeuz kaeuz yaq naeh daengj, sowh za'hoq mawz aeu kaeuz naeh, rux hawj kuq tin mboq saw. 26Aen kuq daengj hawj gux naeh, mboq jinx hoak mboaklae, yaj mawz kwnj mboaklae gaurawz hawj koax baih dawj mawz meq.’"

Currently Selected:

Ni Aizjih 20: ZHN

Highlight

Copy