Ipisus Kopoilaan
Kopoilaan
Iti nopo surat di Poulus diti nga tinulis disido kumaa si di tulun di aparsaya si Bandar Ipisus om si tongobandar vokon siri Osia Topoyok. Ontok do kinoponulisan di Poulus diti surat nga poinjiil isido si Bandar Ruum sabap popitongkop isido di Abar do Aandai pasal di Tuhan Yisus Koristus.
Titinimud nopo marong di Poulus nga popoilo pasal i tinantu laid do Kinoringan do, “Piisoon Disido kasangkat i silo suruga om i siti vonuvo, om i Koristusno kapala monguasa kasangkat diri,” ka (1:10). Om nogi suuon disido i tongotulun di songonuvon di Kinoringan do misti misingilo marong diri komoion di natantu laid do Kinoringan do popiisoon Disido kasangkat do tulun sabap nga kopiiso iolo di Yisus Koristus.
Sii nopo boogian koiso (bab 1-3) diti surat om papatarang nong potingkuro gaagaya do kinopiisaan diri. Om monuduk i Poulus diri gaagaya do Kinoringan Tama do momili do tulun di songonuvon Disido, om i gaagaya do Kinoringan do mangampun om popoidu di tongotulun do mantad si duso sabap di Yisus Koristus, i Tanak Disido. Om ponuduk nogi i Poulus nong potingkuro i janji do Kinoringan diri jominon di Tatod Tolidang. Sii nopo boogian koduvo (bab 4-6) nga suuon di Poulus i tulun di kabasa do surat diti do misti kopiandai saralom kovivijaan diolo, om pinitalad diri kovivijaan do vagu om iri pisasavaan, om iri moloing om tangaanak, om iri tuan om turipon.
Om minaganu i Poulus do piipiro poiradan supaya popoilo marong pasal kopiisaan di tongotulun di songonuvon di Kinoringan sabap nokopiiso iolo di Koristus. Iri nopo i poiuuntunan do tulun di aparsaya nga irad di iso kojuvan, om i Koristus nopo nga tulujo; ko irad do iso valai do i Koristusno irad do vatu iri pinonimpuunan; om irad nogi diri tongondu kowinon om i Koristusno i savojo. Saralom do surat diti nogi nga papatarang do osusudu marong i ginavo di Poulus, om sabap diri soumur do suminding om mangarajou isido di Kinoringan do koondom do opuavang marong i Kinoringan do mamarakat di tongotulunJo i aparsaya di Koristus. Tinorisid disido mongontong kasangkat dino do aandaman disido nong potingkuro i Koristus au kojuu daton,#1:0 daton: ditokou om potingkuro Isido papataak di kojuvanJo sumiliu do sogit, om potingkuro Isido mangampun daton, om potingkuro Isido opuavang mamarakat daton om potingkuro Isido do olidang marong.
Saralom diti Buuk
1. Kotimpuunon diti surat 1:1-2
2. Koristus om i tulun di aparsaya Disido 1:3-3:21
3. Kovivijaan do vagu di tulun saralom di Koristus 4:1-6:20
4. Pongovian diti surat 6:21-24
Nong kivaro tanda bintang (*) siri tinangaran, nga obuli iumon i komoion diri tinangaran si Kamus Kadajan.
Currently Selected:
Ipisus Kopoilaan: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.