2 Korintus 13
13
Nosiat do Pongovian
1Itino kointoluku rumikot magandaa dikovu. Kivaro tangar si Kitab do ka, “Nong kivaro tinangaran do papasala do vokon misti kivaro duvo ko tolu tulun saksi baru oinomod iri,” ka. 2Natangarankuno i tongotulun diri kiduso pogulu sino dikovu mivaja kasangkat di tongotulun vokon, di nokoongoi oku sino dikovu di koinduvo. Om maino tangaranku marong kavagu ikovu do osodu okupo dikovu, do nong korikot oku nopo sino dikovu kavagu turus do ukumanku iri tulun do au rumorogo di dusojo. 3Kouvangan muju nopo nga mongontong do tanda do mitangar i Koristus dogo do polombuson si dikovu. Nong ukumanku iri tulun kiduso, irino tanda pokionuon muju. Om aui oluoi i Koristus nong kivaro tomodon si dikovu, nga ogirot marong i kuasaJo si dikovu. 4Sabap insan napatai Isido do pinasalib do mantad di koluajan Disido, nga novijau Isido sabap mantad di kuasa do Kinoringan. Om ikoi nga oluoi si Disido, nga nakavaja ikoi Disido do novijau do mantad di kuasa do Kinoringan om irino kuasa dagai kumaraja si dikovu.
5Misti kondirian muju momurimon nong atatappo do kivaro kaparsayaan muju, om misti kondirian muju momorisa nong kivaropo Koristus Yisus saralom kovijaan muju ko auso. Do auso nopo Koristus sino dikovu om ausono kaparsayaan muju. 6Nga aarap oku do koilo kou do okoniko ikoi au apanggor kaparsayaanja. 7Nga sambayanganja ikovu si di Kinoringan om aui kavaal kou do sala, okoniko mokiontongo ikoi di kuasaja do mongukum. Nga tujuanja nopo om mangangat ikoi dikovu supaya do aandai i gaagaya muju, insanpo do aantangan ikoi dikovu do irad do auso kuasa, nga au monguro ino. 8Do iri nopo oinomod vojoonja om au kadapat ikoi do lumavan diri oinomod. 9Do insan oluoi ikoi, nga aandaian ikoji asalpo do ogirot kou si di Koristus. Om itino sambayangan dagai supaya rumuang ino kaparsayaan muju. 10Om itino kinoponulisanku do pokoyon sino dikovu ontok do osodu okupo dikovu supaya korikot oku nopo sino dikovu om auno dino avagat pongungukumku dikovu do mivaja di kuasa i nitaak di Tuhan dogo, nga pangapanggor iri di kaparsayaan muju, okoniko mongogorovot dikovu.
Salam di Poulus
11Oou kosusuladanku! Gosob siti ponudukanku dikovu. Giat kouno posukup dino kaparsayaan muju, om pongkinongou kouno diti natangarku, om piiso kouno dino ginavo muju om poiandai-andai kouno. Om maja-vajai i Kinoringan dikovu do Isidono i inontodon do au kojuu om kasandadan do ginavo muju.
12Om poisalam-salam kouno inong di pananalam di poisusuladan saralom di Koristus. 13Kasangkat do tulun di songonuvon di Kinoringan siti nga pokirim salam dikovu.
14Mokianu oku di Tuhan Yisus Koristus supaya soumur opuavang mamarakat dikovu, om i Kinoringan au kojuu dikovu, om i Tatod Tolidang sumompuu dikovu.
Itino suratku,
Mantad dagai,
Poulus
Currently Selected:
2 Korintus 13: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
2 Korintus 13
13
Nosiat do Pongovian
1Itino kointoluku rumikot magandaa dikovu. Kivaro tangar si Kitab do ka, “Nong kivaro tinangaran do papasala do vokon misti kivaro duvo ko tolu tulun saksi baru oinomod iri,” ka. 2Natangarankuno i tongotulun diri kiduso pogulu sino dikovu mivaja kasangkat di tongotulun vokon, di nokoongoi oku sino dikovu di koinduvo. Om maino tangaranku marong kavagu ikovu do osodu okupo dikovu, do nong korikot oku nopo sino dikovu kavagu turus do ukumanku iri tulun do au rumorogo di dusojo. 3Kouvangan muju nopo nga mongontong do tanda do mitangar i Koristus dogo do polombuson si dikovu. Nong ukumanku iri tulun kiduso, irino tanda pokionuon muju. Om aui oluoi i Koristus nong kivaro tomodon si dikovu, nga ogirot marong i kuasaJo si dikovu. 4Sabap insan napatai Isido do pinasalib do mantad di koluajan Disido, nga novijau Isido sabap mantad di kuasa do Kinoringan. Om ikoi nga oluoi si Disido, nga nakavaja ikoi Disido do novijau do mantad di kuasa do Kinoringan om irino kuasa dagai kumaraja si dikovu.
5Misti kondirian muju momurimon nong atatappo do kivaro kaparsayaan muju, om misti kondirian muju momorisa nong kivaropo Koristus Yisus saralom kovijaan muju ko auso. Do auso nopo Koristus sino dikovu om ausono kaparsayaan muju. 6Nga aarap oku do koilo kou do okoniko ikoi au apanggor kaparsayaanja. 7Nga sambayanganja ikovu si di Kinoringan om aui kavaal kou do sala, okoniko mokiontongo ikoi di kuasaja do mongukum. Nga tujuanja nopo om mangangat ikoi dikovu supaya do aandai i gaagaya muju, insanpo do aantangan ikoi dikovu do irad do auso kuasa, nga au monguro ino. 8Do iri nopo oinomod vojoonja om au kadapat ikoi do lumavan diri oinomod. 9Do insan oluoi ikoi, nga aandaian ikoji asalpo do ogirot kou si di Koristus. Om itino sambayangan dagai supaya rumuang ino kaparsayaan muju. 10Om itino kinoponulisanku do pokoyon sino dikovu ontok do osodu okupo dikovu supaya korikot oku nopo sino dikovu om auno dino avagat pongungukumku dikovu do mivaja di kuasa i nitaak di Tuhan dogo, nga pangapanggor iri di kaparsayaan muju, okoniko mongogorovot dikovu.
Salam di Poulus
11Oou kosusuladanku! Gosob siti ponudukanku dikovu. Giat kouno posukup dino kaparsayaan muju, om pongkinongou kouno diti natangarku, om piiso kouno dino ginavo muju om poiandai-andai kouno. Om maja-vajai i Kinoringan dikovu do Isidono i inontodon do au kojuu om kasandadan do ginavo muju.
12Om poisalam-salam kouno inong di pananalam di poisusuladan saralom di Koristus. 13Kasangkat do tulun di songonuvon di Kinoringan siti nga pokirim salam dikovu.
14Mokianu oku di Tuhan Yisus Koristus supaya soumur opuavang mamarakat dikovu, om i Kinoringan au kojuu dikovu, om i Tatod Tolidang sumompuu dikovu.
Itino suratku,
Mantad dagai,
Poulus
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.