2 Akorinti 10

1LOMBA neo Paulo namwine numpapatirani kolisisya notekanya kwa Kristo, neo pa menso panu nulichefya pali mweo, sembe nikaŵa kumbi nukaŵalala kuli mweo: 2inde numpapatirani nine, kuti nikaŵapo nisakaŵalala nokosa kunulinga nikaŵalalileko ku ŵambi, ochisya seo nga tuyendayenda mwa muŵili. 3Pakuti chukanga tuyendayenda mmuŵili, sitikulwa mwa muŵili 4(chikomo mauta a nkondo yasu sali a mmuŵili, sembe ŵokosa mwa Mlungu kutyola malinga); 5tutyola ntota, na chonse cha mtunamilo chulitamyira kumziŵa Mlungu, nochisya lingililo lonse uzya wommvwila Kristo; 6tikuŵa ŵoliikilatu kuwezezyamo kusamvwila konse, apo kumvwila kwanu pakuti kusilizike. 7Muvilolesya vya pa menso panu. Kati ali wonse olichetekera kuti nine wa Kristo nalukane ichi soti yeka, chakuti umo yeve mwalili wa Kristo tetyo nase kumo. 8Pakuti chukanga nikalitamya kunyinjiko zyopinguzi wasu (wechitipa Asikuru kommangani nte komtyolani), siningatozoke: 9nisaŵoneka nga numyofyani na tulata twangu. 10Chikomo ŵeve akuti, Tulata twake ni tolema nokosa; sembe maŵonekero a muŵili wake ni ŵolenda, na malaŵililo ŵake ni ŵopeluka. 11Wotetyo nalinge ichi, chakuti umo mtilili mmalizu mtulata patisaŵapo, motetyo ni mtilili soti mmachitilo patuŵapo. 12Pakuti ntetukaŵalala kulipenda kano kulitazya na ŵambi ŵala olilumba: sembe ŵeve polingana ŵeka notazyana ŵeka aliye nzeru. 13Sembe seo sitilitamya kopitilizyamo, sembe mwa mlingo wa charo Mlungu chechitiyaŵira seo kuŵa mlingo wasu, kuza na kuli mweo. 14Chikomo situkandilila chene kantu nga ntetufwika kuli mweo: pakuti tifwikilatu na kwanu mu evangelo ya Kristo: 15ŵosalitamya kopitilizyamo, nimo mmilimo ya ŵene; lomba tugomezya kuti pachukula chiŵongolo chanu seo titumpuke muli mweo pa charo chasu kopulamo, 16niko kuiŵirizya evangelo na kuntanzi kwa mweo, nte kulitamya mcharo cha mwine pali viikiwilatu. 17Sembe uyo olitamya nalitamye mwa Asikuru. 18Pakuti uyo olilumba yeka si wozomereka, sembe wakulumba Asikuru niye.

Currently Selected:

2 Akorinti 10: MA23

Highlight

Copy