Nehemías 1
1
Nehemías la sc'opombe Dios yu'un Jerusalén
1Ha sc'op Nehemías snich'an Hacalías.
Ta u Quisleu, ta jtahb (20) ha'bil, ayon ta Susa a, te capital, 2tal jtuhl quermano, Hanani, soc cha'oxtuhl winiquetic ta Judá. La joc'obe bin yilel te judiohetic te colemiquix ta chuquel soc bin yilel te Jerusalén. 3Hich la yalbonic: Te mach'atic te hilemic, te colemic tal ta chuquel, te ayic ta sq'uinal Judea, ay swocolic soc ayic ta q'uexlal. Te sts'ahcul te Jerusalén jihnem, lajem ta c'ahc' te puertahetic yu'une, xchihic.
4C'alal la jca'iy te c'opetic ini, la juhcan jba, oc'on yu'un. Hal c'ahc'al la jmel co'tan yu'un, la jcom jwe'el soc la jc'opon te Dios ta ch'ulchan. 5Hich la jcal: Jehová, Dios ta ch'ulchan, te ha muc' soc te ay ta xi'el, te ya sc'ohtes ta pasel te chapbil-c'op soc te ya sc'uxultay te mach'atic c'ux ya ya'iy ta yo'tanic soc te ya sch'uhunic te mandariletic yu'une, 6ya calbat wocol te jamaluc asit soc yacuc awa'iybe sc'op te a'bat awu'un te yacon ta yalel ta atojol c'ahc'al ahc'abal ta scuenta te snich'nab Israel te a'batetic awu'une. Ya calbat ta jamal te smul te snich'nab Israel te jtahojcotic ta atojol; ho'on soc te sna te jtat la jtahcotic jmulcotic. 7C'ax chopol te bin la jpascotic ta atojol. Ma ba la jch'uhuncotic te mandariletic soc te bintic la awalbe te awa'bat Moisés. 8Na'a me te bin la awalbe te awa'bat Moisés, te hich la awal: Teme yac ata amulic ya me jpuquex bahel ta pueblohetic, 9pero teme ya suhtex tal ta jtojol soc teme yac ach'uhumbonic te mandariletic cu'un, teme yac awaq'uic c'ohtuc ta pasele, aunque ya xpuhquex bahel ta sjehch sti'il ch'ulchan, tey ya jtsobex tal a, ya quiq'uex ta lugar te tsahbil cu'un te banti ya cac' nahinuc te jbihile, te xchihate.
10Ha'ic te a'batetic soc te pueblohetic awu'un te la acoltay ta scuenta smuc'ul awu'el soc ta scuenta yip ac'ab. 11Ya calbat wocol, Jehová, te yacuc awa'iybe sc'op te a'bat awu'un soc te sc'op te a'batetic awu'un, te mach'atic ya sc'an ya yich'ic ta muc' te abihile. Ac'a te lecuc ya xc'oht te a'bat awu'un, te lecuc ya xc'oht ta stojol te winic ini, xchihon.
Ta hich ora ho'on jc'asesej-copahon yu'un te ajwalil.
Currently Selected:
Nehemías 1: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.