3 Juan 1
1
Spatil-o'tanil
1Te anciano, ta stojol Gayo te c'ux ta co'tan ta melel.
2Hermano te c'uxat ta co'tan, co'tanuc te lec ya xc'oht spisil bintic yac apas soc te lecuc ayat, hich te bin ut'il lec ay te ach'uhlele. 3Mero tse'el co'tan te c'alal hul te quermanotic te la yalic te jun awo'tan ta stojol te smelelil c'op soc te ha at'unoje. 4Mayuc yan te c'ax hich stse'elil co'tan yu'un a te ya ca'iy te st'unojic te smelelil c'op te cal-jnich'nabe.
Lec sc'oblal te Gayo yu'un sc'uxultaywanej
5Hermano te c'uxat ta co'tan, mero lec te bin yac apas te c'alal yac awac' aba ta a'batinel yu'un te quermanotactic, soc c'ax to xan hich a ta stojol te mach'atic ma xana'be sba. 6Ha'ic la yalic ta stojol te iglesia bin ut'il ay sc'oblal te sc'uxul awo'tane. Lec yac apas teme yac acoltaylan bahel hich te bin ut'il ya sc'an yo'tan te Diose, 7como loq'uemic ta behel ta scuenta sbihil Dios, mayuc bin la yich'ic yu'un te mach'atic ma ba ya sna'beyic sba te Diose. 8Ha yu'un ya sc'an te ya jcoltaytic te mach'atic hich yacalic ta a'tel, scuenta yu'un pajal ya x'a'tejotic ta scuenta te smelelil c'ope.
Te contrahinel yu'un Diótrefes
9La jts'ihbabe te iglesia, pero te Diótrefes, te ya smulan te nahil ya xc'oht ta yohlilic, ma xyich'otcotic ta cuenta. 10Ha yu'un teme talon, ya calbe te ya'tel, ha te chopol bin yac yalbel ta jtojolcotique. Soc ma tic'uc ya ya'iy a, ma ba ya yic'ticlan te quermanotactic, soc ya scom te mach'atic ya sc'an ya yic'ticlanic te quermanotactic, ya stenticlan loq'uel ta iglesia.
Lec sc'oblal te Demetrio
11Hermano te c'uxat ta co'tan, ma me xanop spasel te bin chopol, ha me xanop spasel te bin leque. Te mach'a ya spas te bin lec, ha me yu'un Dios stuquel, yan te mach'a ya spas te bin chopol, ma ba yiloj te Diose.
12Ta spisilic lec sc'oblal yu'unic te Demetrio, soc ha nix ya xhalbot lec sc'oblal yu'un te smelelil c'ope. Ha nix hichotcotic lec sc'oblal cu'uncotic, soc ana'ojic te melel te bin ya calcotic ta testigo-c'ope.
Slajibal spatil-o'tanil
13Ay bayel te bin ya jc'an ya jts'ihbabat, pero ma jc'an ya jts'ihbabat ta hun soc ta tinta, 14como co'tanuc te ya xtal quilat ta ora, hich me ya joquin jbahtic ta c'op a.
15Ac'a sjoquinat te lamal q'uinal. Xcoltanucat laj yu'un te mach'atic jun awo'tan soc. Halbon xcoltanuc ta jujutuhl te mach'atic jun co'tan soque.
Currently Selected:
3 Juan 1: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.