Matthew 17
17
De hagadagodo gee o Iesu
(Mark 9.2-13; Luke 9.28-36)
1Dua e ono laangi, gai Iesu ne kave madali ia Peter, ma James ma dono daina go John, ga hulo ai gi dahi mounga maolunga, e deai dangada iai.#2 Pe 1.17-18 2Gai ia gu hagadagodo gee i olaadeu madamada: luoono mada gu maalama bei de laa, gai ono malo gu tea bei de maalama. 3Gai tilo, Moses ma Elijah gu hakide ange gi gilaadeu, ga pasa ange gi Iesu.
4Gai Peter ga hai ange gi de ia, “Tagi Maolunga, e danuaa taadeu nnoho i kinei. Noo koe e lodo, gai au ga hagatuu e dolu baasi hale i kinei: e dahi oou, e dahi o Moses, gai e dahi o Elijah.”
5De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!” #Gen 22.2; Deut 18.15; Psa 2.7; Isa 42.1; Mat 3.17; 12.18; Mark 1.11; Luke 3.22
6Gai ga langona huu e ana dangada agoago muna laa, gai gilaadeu gu maatagu mmao, gai gilaadeu ga ino olaadeu mada gi honga de gelegele. 7Aagai Iesu ga humai ga poo ange gilaadeu, ga hai ange, “Hiihidi age, goodou aude maatagu!” 8De masavaa olaadeu ne kalo age ai, gai gu deai ange dangada alaadeu e gidee go Iesu donu huu.
9De masavaa olaadeu e loiho ai i de mounga laa, gai Iesu ga hai ange gi gilaadeu, “Goodou aude daalaa ange gi dangada oodou mee ne gidee nei, ga dae ai gi de mouli age o Tama a Tangada mai i de magau.”
10Gai ana dangada agoago ne ssili ange gi de ia, “Gai gu aha gu hagataba ai laa de gau sisi bolo Elijah e humai naa donu i mua?” #Mal 4.5
11Iesu ne hai ange gi gilaadeu, “Ni muna abodonu Elijah e humai naa donu, gai ia ga hagadabena ai mee hugadoo. 12Aagai au e hai adu gi goodou, Elijah gu humai donu, gai gilaadeu tee madea ia. Gai gilaadeu ne hai ange gi de ia mee alodahi alaadeu ne llodo e hai ange gi de ia. Gai e bei ai hogi, dangada e hagaduasala naa Tama a Tangada.” #Mat 11.14 13Gai ana dangada agoago gu tonu ange bolo ia e basa ange gi gilaadeu i a John taane Babudaisi.
De hagaieiangi o tama iai de hagasaalunga baubau
(Mark 9.14-29; Luke 9.37-43a)
14Gai ga tae huu gilaadeu gi daho dangada soa, gai dahi daane ne humai gi daho Iesu ga duuduli i mada luoono mada, 15ga hai ange, “Tagi Maolunga, lodo aloha ange gi dagu dama, ia e lele age, gai gu duasala mmao. Ia e dee modu de baguu ange gi lo te ahi ma lo te vai. 16Gai au ne gaamai ia gi daho au dangada agoago, gai gilaadeu tee maua i de hagaieiangi ia.”
17Gai Iesu ne basa ange ga hai ange, “Goodou se atangada e dee hagadonusia ma de baubau, dee hee maa taulooloa dogu noho i oodou daha? Gai dee hee maa taulooloa de golomagi ogu lodo i goodou? Dagina mai ia gi ogu daha.” 18Gai Iesu ga hagasee de hagasaalunga baubau laa, gai de hagasaalunga baubau laa gu sao mai i ono daha, gai tama daane laa gu ieiangi i de masavaa laa donu huu.
19Aagai de gau agoago ne loomai gi Iesu i de masavaa e deai ai dangada, ga ssili ange, “Gu aha tee maua ai laa e gimaadeu i de hai gi hano de hagasaalunga baubau laa?”
20Ia ne hai ange gi gilaadeu, “Go hiidinga de kona de vaaligiligi oodou kai. Ni muna abodonu aagu e hai adu nei gi goodou, noo oodou kai e vaaligiligi bei de golee o de mustard, gai goodou e maua i de hai ange gi de mounga nei, ‘Ngalue gee mai i kinei hannoo gi kilaa!’, gai e ngalue donu. E deai donu se mee daudahi oodou e dee maua i de hai!#Mat 21.21; Mark 11.23; 1 Co 13.2 [21Gai mee bee nei e maua donu huu i de hai gi hulo i talodalo ma de hagahiikai.]” #17.21 Hanu beebaa Greek ange laa e dee dagodo ai de gubu nei.
De aahe ange a Iesu ga tala dono magau
(Mark 9.30-32; Luke 9.43-45)
22De masavaa olaadeu ne hagabuni ai i Galilee, gai Iesu ga hai ange gi gilaadeu, “Tama a Tangada e dugu ange naa gi ssauaa o dangada, 23gai gilaadeu e daa naa ia ga magau, aagai de hagadolu laangi naa huu gai ia gu mouli age.” Gai gilaadeu gu hinangalosaa mmao olaadeu lodo.
De hagao o taagisese o de temple
24De masavaa o Iesu ma ana dangada e agoago ne tae ai gi Capernaum, gai de gau e hagabudulia taagisese o de temple ne loomai ga ssili ange gi Peter, “Doodou dangada agoago e hagao taagisese be deai?” #Exo 30.13; 38.26
25Gai Peter ga hai ange, “Uaa.”
Gai ga ahe mai huu Peter gi de hale, gai Iesu ga ssili ange gi de ia, “Simon, dee hee dau maanadu? Go daho ai a denga hodooligi o henua i lalo e kave ai laa taagisese? Go daho alaadeu dama aabe go daho dangada ange laa?”
26Peter ne hai ange, “Go daho dangada ange laa.”
Iesu ne hai ange gi de ia, “Deelaa ai, denga dama e dee hagao taagisese. 27Gai go hiidinga gidaau e dee llodo e hagadaemaha gilaadeu, hannoo magaa dau uga gi lo te vai. Gai koe ga kave de mamu hugadoo aau e hhudi i mua ga hhanga dono ngudu, gai koe e gidee naa dahi stater#17.27 stater e bei se dahi dibaa sseene; se haa drachma. i lo tono ngudu. Gai koe ga kave ga gaavange gi gilaadeu e hagao ai odaau taagisese.”
Currently Selected:
Matthew 17: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matthew 17
17
De hagadagodo gee o Iesu
(Mark 9.2-13; Luke 9.28-36)
1Dua e ono laangi, gai Iesu ne kave madali ia Peter, ma James ma dono daina go John, ga hulo ai gi dahi mounga maolunga, e deai dangada iai.#2 Pe 1.17-18 2Gai ia gu hagadagodo gee i olaadeu madamada: luoono mada gu maalama bei de laa, gai ono malo gu tea bei de maalama. 3Gai tilo, Moses ma Elijah gu hakide ange gi gilaadeu, ga pasa ange gi Iesu.
4Gai Peter ga hai ange gi de ia, “Tagi Maolunga, e danuaa taadeu nnoho i kinei. Noo koe e lodo, gai au ga hagatuu e dolu baasi hale i kinei: e dahi oou, e dahi o Moses, gai e dahi o Elijah.”
5De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!” #Gen 22.2; Deut 18.15; Psa 2.7; Isa 42.1; Mat 3.17; 12.18; Mark 1.11; Luke 3.22
6Gai ga langona huu e ana dangada agoago muna laa, gai gilaadeu gu maatagu mmao, gai gilaadeu ga ino olaadeu mada gi honga de gelegele. 7Aagai Iesu ga humai ga poo ange gilaadeu, ga hai ange, “Hiihidi age, goodou aude maatagu!” 8De masavaa olaadeu ne kalo age ai, gai gu deai ange dangada alaadeu e gidee go Iesu donu huu.
9De masavaa olaadeu e loiho ai i de mounga laa, gai Iesu ga hai ange gi gilaadeu, “Goodou aude daalaa ange gi dangada oodou mee ne gidee nei, ga dae ai gi de mouli age o Tama a Tangada mai i de magau.”
10Gai ana dangada agoago ne ssili ange gi de ia, “Gai gu aha gu hagataba ai laa de gau sisi bolo Elijah e humai naa donu i mua?” #Mal 4.5
11Iesu ne hai ange gi gilaadeu, “Ni muna abodonu Elijah e humai naa donu, gai ia ga hagadabena ai mee hugadoo. 12Aagai au e hai adu gi goodou, Elijah gu humai donu, gai gilaadeu tee madea ia. Gai gilaadeu ne hai ange gi de ia mee alodahi alaadeu ne llodo e hai ange gi de ia. Gai e bei ai hogi, dangada e hagaduasala naa Tama a Tangada.” #Mat 11.14 13Gai ana dangada agoago gu tonu ange bolo ia e basa ange gi gilaadeu i a John taane Babudaisi.
De hagaieiangi o tama iai de hagasaalunga baubau
(Mark 9.14-29; Luke 9.37-43a)
14Gai ga tae huu gilaadeu gi daho dangada soa, gai dahi daane ne humai gi daho Iesu ga duuduli i mada luoono mada, 15ga hai ange, “Tagi Maolunga, lodo aloha ange gi dagu dama, ia e lele age, gai gu duasala mmao. Ia e dee modu de baguu ange gi lo te ahi ma lo te vai. 16Gai au ne gaamai ia gi daho au dangada agoago, gai gilaadeu tee maua i de hagaieiangi ia.”
17Gai Iesu ne basa ange ga hai ange, “Goodou se atangada e dee hagadonusia ma de baubau, dee hee maa taulooloa dogu noho i oodou daha? Gai dee hee maa taulooloa de golomagi ogu lodo i goodou? Dagina mai ia gi ogu daha.” 18Gai Iesu ga hagasee de hagasaalunga baubau laa, gai de hagasaalunga baubau laa gu sao mai i ono daha, gai tama daane laa gu ieiangi i de masavaa laa donu huu.
19Aagai de gau agoago ne loomai gi Iesu i de masavaa e deai ai dangada, ga ssili ange, “Gu aha tee maua ai laa e gimaadeu i de hai gi hano de hagasaalunga baubau laa?”
20Ia ne hai ange gi gilaadeu, “Go hiidinga de kona de vaaligiligi oodou kai. Ni muna abodonu aagu e hai adu nei gi goodou, noo oodou kai e vaaligiligi bei de golee o de mustard, gai goodou e maua i de hai ange gi de mounga nei, ‘Ngalue gee mai i kinei hannoo gi kilaa!’, gai e ngalue donu. E deai donu se mee daudahi oodou e dee maua i de hai!#Mat 21.21; Mark 11.23; 1 Co 13.2 [21Gai mee bee nei e maua donu huu i de hai gi hulo i talodalo ma de hagahiikai.]” #17.21 Hanu beebaa Greek ange laa e dee dagodo ai de gubu nei.
De aahe ange a Iesu ga tala dono magau
(Mark 9.30-32; Luke 9.43-45)
22De masavaa olaadeu ne hagabuni ai i Galilee, gai Iesu ga hai ange gi gilaadeu, “Tama a Tangada e dugu ange naa gi ssauaa o dangada, 23gai gilaadeu e daa naa ia ga magau, aagai de hagadolu laangi naa huu gai ia gu mouli age.” Gai gilaadeu gu hinangalosaa mmao olaadeu lodo.
De hagao o taagisese o de temple
24De masavaa o Iesu ma ana dangada e agoago ne tae ai gi Capernaum, gai de gau e hagabudulia taagisese o de temple ne loomai ga ssili ange gi Peter, “Doodou dangada agoago e hagao taagisese be deai?” #Exo 30.13; 38.26
25Gai Peter ga hai ange, “Uaa.”
Gai ga ahe mai huu Peter gi de hale, gai Iesu ga ssili ange gi de ia, “Simon, dee hee dau maanadu? Go daho ai a denga hodooligi o henua i lalo e kave ai laa taagisese? Go daho alaadeu dama aabe go daho dangada ange laa?”
26Peter ne hai ange, “Go daho dangada ange laa.”
Iesu ne hai ange gi de ia, “Deelaa ai, denga dama e dee hagao taagisese. 27Gai go hiidinga gidaau e dee llodo e hagadaemaha gilaadeu, hannoo magaa dau uga gi lo te vai. Gai koe ga kave de mamu hugadoo aau e hhudi i mua ga hhanga dono ngudu, gai koe e gidee naa dahi stater#17.27 stater e bei se dahi dibaa sseene; se haa drachma. i lo tono ngudu. Gai koe ga kave ga gaavange gi gilaadeu e hagao ai odaau taagisese.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.