Galasi munu 2
2
Nwunvɔzannu bɛnu Pɔl zé nyi si
(Kw 15:1–29)
1Lɛɛ vu ta ziɛn giéle zuo maa valé Banabas go é ziin Jérusalɛm, yé an Tite si yé ’bɛ pa ko va é ziin. 2Bale a nagɔɔn an lɛ léé, é a lé an go, amalé an go ana. Yé Wenéné lé maa a fe bɛnnu lɛ, maa yee duo gi fe nwunvɔmunu lɛ. Maa a gi fe Piɛrinu saa ɛ yuɛ va, vlan lé maa a buru, é valé vlan lé maa ke a buruna, té ’é vo é pla lo we ma. 3Naa, wo ’ka an bɔluzan Tite nyunu lɛ léé, ’wa gane dɔ gla nya lo; 4naa, maa a kɛlɛ viébwenu lé wo da kyeen gi yé wo wɔra ko worona bɛ, wolé we ma. Ko vole koboma lé ko a ye Jézu Krist gi, wo da a mavɔɔle we gi, ko kɛlɛle luu nya é ziin we ma. 5Ko ’ka zi nɔ lɛ wo lɛ lo, yé ko ’ka ko ’wuo dɔ lɛ wo wuo bléyi do kpen nya lo, Wenéné bozen vole ka va we ma.
6Munu lé wo ke zilɛzannu nya bɛ, dé wolé we a kaa? ’bɛ ’ka an yuɛ gi bɔa lo, Kazambale ’ka mi naginian é kɔlɛ ma lo; maa léé, zilɛzan ’konu, wozé Wenéné fele ’ka anzé taa pa lɛ lo. 7Naa, wa ye léé, Bale Wenéné fele bɛn bɛnu lɛ bɛ pa an lee, bélé fɛan zo lé é Wenéné fele Juifinu lɛ bɛ pa Piɛri lee, a zo. 8Naa, Kazambale lé é Piɛri ma’lɛrɛ yé é a kɛlɛ nwunvɔzan nya Juifinu va, yee Kazambale ɛ an kɛlɛ nwunvɔzan nya bɛn bɛnu va.
9Jak koo, Piɛri koo, Jan koo, munu wo ye léglizi dɔ gligli zannu nya, bélé kɔnwɛyili zo. Zin lé Bale a kɛlɛ an lɛ a zo bɛ, wa ye aan wo, wo ’wo bɛ pa maa valé Banabas lee, nanale ko va tɔmase nya. Wa nyi si léé, ko go bɛn bɛnu va yé wo ’é go Juifinu va. 10Wo we pla ko lɛ léé, nyanégyɛzannu sele ’é dɔ ko gi, yee lé maabozen a a va léé, maa a kɛlɛ.
Pɔl dɔ Piɛri ma
(Kw 11:1–17; 15:7–11; Gal 5:1–6)
11Naa, Piɛri da aan wo Antiɔs, a giébɛ we dɔ a nwiin, amalé an dɔ a ma plɛplɛ. 12Mi kenu lé wo si Jak va bɛ, dé wo ’ka tan bɔ lɛ lo, ’té Piɛri éé fɛ blé bɛn bɛnu va, naa, dé é ’bɛnu ye, é kan kini bɛn bɛnu ma yé é vo é yɛrama, kanale ganedɔmunu lee we ma. 13We lé Piɛri a kɛlɛ, Juifi Krétiɛn bɛnu vo a kɛlɛna fɔɔ yé wo Banabas bozen sia ana wo bodrɔle nya. 14Maa a ye aan wo léé, wo giébɛ ’ka Wenéné bozen yɛrama lo, maa lé Piɛri lɛ wo faa yuɛ va léé: Biian, wo i yaa Juifi mi nya ’naan, dé i giébɛ valé bɛn bɛnu giébɛ a do, yé é ’ka Juifinu zé zo lo, é kɛlɛ kaa yé i bɛn bɛnu kɛla Juifinu nya gla nyaa?
Juifinu valé bɛn bɛnu faa éé sié we gi blipale ma
(Gal 3:10–14, 21–28)
15Naa, ko, wo ko yaa Juifinu nya; ko ’ka wenyané kɛlɛ bɛnnu nya lo. 16Naa, ko a gi dɔɔ léé, mi do kpen ’ka kɛla tegele bélidɔwe kɛlɛle nya lo. Bli vole Jézu Krist lɛ nya lé mi éé kɛla tegele. Ko é ziin, ko bli kɛlɛ Jézu Krist lɛ ko kɛlɛle tegele bli vole Jézu Krist lɛ we ma. Ko ’ka ko kɛlɛle tegele naginian bélidɔwe va lo. Mi do kpen ’ka dan kɛlɛ lɛ tegele bélidɔwe kɛlɛle nya lo, azama.
17Naa, bléyian va lé ko ke kɛlɛle tegele naginina Krist gi, dé é kɛlɛ léé, kobozen a tan wenyané kɛlɛna bélé bɛn bɛnu zo duowo, ’bɛ gi léé, Krist a wenyané vɔ mi ’wuo mazan nyaa? Gba. 18Naa, wenu lé maa wo zana a gi é kyɛn bɛ, dé maa wo kɛlɛ é ziin wo pa gi, ’bɛ gi léé, ’té maa anbozen nagɔɔn‐an wesɛrɛzan nya. 19Naa, bélidɔwe lé we ma lé an ga bélidɔwe vazia, an vole é yuɛma Kazambale zé nya we ma. 20Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi. 21An ’ka sɔn vɔa Kazambale lé zin ma lo; naa, dé bélidɔwe nya lé mi éé kɛla tegele, ’té Krist ga é pla.
Currently Selected:
Galasi munu 2: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
Galasi munu 2
2
Nwunvɔzannu bɛnu Pɔl zé nyi si
(Kw 15:1–29)
1Lɛɛ vu ta ziɛn giéle zuo maa valé Banabas go é ziin Jérusalɛm, yé an Tite si yé ’bɛ pa ko va é ziin. 2Bale a nagɔɔn an lɛ léé, é a lé an go, amalé an go ana. Yé Wenéné lé maa a fe bɛnnu lɛ, maa yee duo gi fe nwunvɔmunu lɛ. Maa a gi fe Piɛrinu saa ɛ yuɛ va, vlan lé maa a buru, é valé vlan lé maa ke a buruna, té ’é vo é pla lo we ma. 3Naa, wo ’ka an bɔluzan Tite nyunu lɛ léé, ’wa gane dɔ gla nya lo; 4naa, maa a kɛlɛ viébwenu lé wo da kyeen gi yé wo wɔra ko worona bɛ, wolé we ma. Ko vole koboma lé ko a ye Jézu Krist gi, wo da a mavɔɔle we gi, ko kɛlɛle luu nya é ziin we ma. 5Ko ’ka zi nɔ lɛ wo lɛ lo, yé ko ’ka ko ’wuo dɔ lɛ wo wuo bléyi do kpen nya lo, Wenéné bozen vole ka va we ma.
6Munu lé wo ke zilɛzannu nya bɛ, dé wolé we a kaa? ’bɛ ’ka an yuɛ gi bɔa lo, Kazambale ’ka mi naginian é kɔlɛ ma lo; maa léé, zilɛzan ’konu, wozé Wenéné fele ’ka anzé taa pa lɛ lo. 7Naa, wa ye léé, Bale Wenéné fele bɛn bɛnu lɛ bɛ pa an lee, bélé fɛan zo lé é Wenéné fele Juifinu lɛ bɛ pa Piɛri lee, a zo. 8Naa, Kazambale lé é Piɛri ma’lɛrɛ yé é a kɛlɛ nwunvɔzan nya Juifinu va, yee Kazambale ɛ an kɛlɛ nwunvɔzan nya bɛn bɛnu va.
9Jak koo, Piɛri koo, Jan koo, munu wo ye léglizi dɔ gligli zannu nya, bélé kɔnwɛyili zo. Zin lé Bale a kɛlɛ an lɛ a zo bɛ, wa ye aan wo, wo ’wo bɛ pa maa valé Banabas lee, nanale ko va tɔmase nya. Wa nyi si léé, ko go bɛn bɛnu va yé wo ’é go Juifinu va. 10Wo we pla ko lɛ léé, nyanégyɛzannu sele ’é dɔ ko gi, yee lé maabozen a a va léé, maa a kɛlɛ.
Pɔl dɔ Piɛri ma
(Kw 11:1–17; 15:7–11; Gal 5:1–6)
11Naa, Piɛri da aan wo Antiɔs, a giébɛ we dɔ a nwiin, amalé an dɔ a ma plɛplɛ. 12Mi kenu lé wo si Jak va bɛ, dé wo ’ka tan bɔ lɛ lo, ’té Piɛri éé fɛ blé bɛn bɛnu va, naa, dé é ’bɛnu ye, é kan kini bɛn bɛnu ma yé é vo é yɛrama, kanale ganedɔmunu lee we ma. 13We lé Piɛri a kɛlɛ, Juifi Krétiɛn bɛnu vo a kɛlɛna fɔɔ yé wo Banabas bozen sia ana wo bodrɔle nya. 14Maa a ye aan wo léé, wo giébɛ ’ka Wenéné bozen yɛrama lo, maa lé Piɛri lɛ wo faa yuɛ va léé: Biian, wo i yaa Juifi mi nya ’naan, dé i giébɛ valé bɛn bɛnu giébɛ a do, yé é ’ka Juifinu zé zo lo, é kɛlɛ kaa yé i bɛn bɛnu kɛla Juifinu nya gla nyaa?
Juifinu valé bɛn bɛnu faa éé sié we gi blipale ma
(Gal 3:10–14, 21–28)
15Naa, ko, wo ko yaa Juifinu nya; ko ’ka wenyané kɛlɛ bɛnnu nya lo. 16Naa, ko a gi dɔɔ léé, mi do kpen ’ka kɛla tegele bélidɔwe kɛlɛle nya lo. Bli vole Jézu Krist lɛ nya lé mi éé kɛla tegele. Ko é ziin, ko bli kɛlɛ Jézu Krist lɛ ko kɛlɛle tegele bli vole Jézu Krist lɛ we ma. Ko ’ka ko kɛlɛle tegele naginian bélidɔwe va lo. Mi do kpen ’ka dan kɛlɛ lɛ tegele bélidɔwe kɛlɛle nya lo, azama.
17Naa, bléyian va lé ko ke kɛlɛle tegele naginina Krist gi, dé é kɛlɛ léé, kobozen a tan wenyané kɛlɛna bélé bɛn bɛnu zo duowo, ’bɛ gi léé, Krist a wenyané vɔ mi ’wuo mazan nyaa? Gba. 18Naa, wenu lé maa wo zana a gi é kyɛn bɛ, dé maa wo kɛlɛ é ziin wo pa gi, ’bɛ gi léé, ’té maa anbozen nagɔɔn‐an wesɛrɛzan nya. 19Naa, bélidɔwe lé we ma lé an ga bélidɔwe vazia, an vole é yuɛma Kazambale zé nya we ma. 20Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi. 21An ’ka sɔn vɔa Kazambale lé zin ma lo; naa, dé bélidɔwe nya lé mi éé kɛla tegele, ’té Krist ga é pla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979