Fwile 17
17
Wo gun gyɛ Réfidim — Bale ’yi nɔ wo lɛ
(Mi N 20:1–13; LvS 78:15–16; 1 Kor 10:4)
1Izraɛl lé nénu faa si Sɛn nyéné la, tawobɛ lé Gakelebale a fe wo lɛ, a yɛrama; yé wo sɔkɔnnu dɔ Réfidim, yé munu ’ka miniyi ye lɛ ’bɛna lo. 2Yé munu zɛɛn vɔ Moizi lɛ. Wo léé: ’I ’yi nɔ ko lɛ, ko mini. Moizi lé wo lɛ léé: Mɛmalé ka zɛɛn vɔa an lɛɛ? Mɛmalé ka Gakelebale gi daan? 3Munu ana bɛ, ’té ’yiminilɔrɔ ’na wo ma yé wo gun gyɛ Moizi ma. Wo léé: Mɛmalé i ko si Éjipiti tɛrɛ la, ko koo, kolé nénu koo, kolé trubɛnu koo, ko gyɛle ’yiminilɔrɔ nya we gii? 4Moizi siaa Gakelebale lɛ, yé é léé: Mɛ lé maa dan a kɛlɛ lɛ munu ’ko lɛɛ? É vo sɛ yé wo gɔlɛ vuli maa va. 5Gakelebale lé Moizi lɛ léé: ’I gié munu ’lɛ, yé ’i go Izraɛl lé mi segelenu nya i va; tawomayili lé i fɛ duun yuu lɛ a nya, ’i goan i lee é ziin, yé ’i tawo. 6Naa, maa dan dɔ lɛ i ’lɛ Orɛb gɔlɛ ta; i dan fɛ duun lɛ gɔlɛ lɛ, yé ’yi é dan bɔra lɛ a gi yé munu é dan ’yi mini lɛ. Yé Moizi a kɛlɛ ’bɛ zo, Izraɛl mi segelenu yuɛ va. 7Izraɛl lé nénu zɛɛn vɔ yé wo Gakelebale gi dan a fele nya léé: Gakelebale a ko va laa, é ’ka ana loo? amalé é fɛkona laa Masa valé Mériba.
Wo Amalɛk munu kele
(2 BDWS 25:17–19; 1 Sam 15)
8Amalɛk munu da guli dan lɛ Izraɛl va Réfidim. 9Yé Moizi lé Jozué lɛ léé: ’I munu si a va, ’i go, ’i guli dan Amalɛk munu va; tɛlɛ maa dan dɔ lɛ gɔ nwiin Kazambale lé tawomayili nya an lee. 10We lé Moizi a fe Jozué lɛ, é a kɛlɛ, gulidanle Amalɛk munu va we ma. Yé Moizi koo, Arɔn koo, Uru koo, wo go gɔ nwiin. 11Dé Moizi é bɛ nwa, Izraɛl a plɛplɛ é mini Amalɛk munu ta; dé é bɛ zun Amalɛk munu a plɛplɛ é mini Izraɛl munu ta. 12Moizi bɛ wɔlɛ gi nyaa é ma, yé wo gɔlɛ do pla a wuo yé é nyana a ta. Arɔn valé Uru wo bɛ dɔ a bɛ wuo, ’té a do a a san koɛ la, yé a do a a san koɛ la, yé a bɛnu vo gligli fɔɔ yé yiri vɔ. 13Yé Jozué Amalɛk valé alé munu kele gwɔun nya, yé a ’wuo vo a lɛ.
14Gakelebale lé Moizi lɛ léé: Bé gyɛ sɛbɛ gi, a sele dɔle mi gi we ma, yé bé fe Jozué lɛ léé, maa dan Amalɛk munu sele san lɛ mi faa gi lanu wuo.
15Moizi balebanna dɔ yé é tɔ pa a ma, Gakelebale a anlé drapo nya. 16Yé é léé: Amalɛk é bɛ nwa Gakelebale lé fuablin ma, amalé Gakelebale é dan guli dan lɛ Amalɛk va, a kulunu é kulunu va.
Currently Selected:
Fwile 17: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
