1 Korinther 4
4
Dit 4. Kapitel.
1Diärfoar hoald üs ark Mensk, nämelk foar Diners van Kristus, en Hüshoalders aur Gottes Hjemmelkheiden.
2Nü sjukt em ek moar ön di Hüshoalders, üs dat ja tru fünden ud.
3Hat es dit Menst foar mi, hurdelling ik van ju beordilet ud, of eter en Rogt van Mensken; uk ordile ik ek aur mi sallew.
4Wel sen ik mi nönt bewust om mi sallew, mar diärom sen ik ek rogtfardig måket; hat es di Herr, diär mi beordilet.
5Diärom rigte ik ek voar di Tid, tödat di Herr komt, diär uk ön-t Lägt bring wel, wat ön Junkens forborgen es, en di Rēdslaggen ön di Harten ipenbåre; en da skel arkjen van Gott Low tö Dil ud.
6Mar sok, lew Brödhem! ha ik üp mi en Apollo düdet, om ju wel, omdat I van üs lir, dat er Nemmen hoger van sik hoald skel, üs er nü skrewwen es, omdat sik ek di Jen tögen di Üder om huns wel âpblåset.
7For hokken hed di voartein? en wat hest dü, wat du ek fingen hest? Mar wan dü dit dag fingen hest, wat römest dü di da, alliküs dü dit ek fingen hedst.
8I sen al sat uden, I sen al rik uden, I herske sönder üs, en wilds Gott, dat I hersket, omdat uk wü me ju herske mai.
9Ik hoald-t diärfoar, Gott hed üs Apostel üs di Ollerringsten henstelt, üs tö di Doad hendön. For wü sen en Skauspöl uden voar di Warld, en di Engeler, en di Mensken.
10Wü sen Narren om Kristus wel, mar I sen klok ön Kristus. Wü sen swak, mar I sen stark. I sen herlik, mar wü sen foragtet.
11Bet tö dös Stünd lid wü bid Hunger en Törst, en sen nåken, en sen slain uden, en hå nin fast Steid.
12En årbede, en wirke me üs ein Hunden. Wan wü ütskelt ud, da segene wü, wan wü forfölligt ud, da lid wü dit geduldig; wan wü last ud, da dö wü gud Urden.
13Wü sen stidigs en Ütskot voar di Wârld, en üs Kud voar alle Lid.
14Ik skriw dit ek, om ju tö beskåmin, mar ik formåne ju, üs min lew Biärner.
15For wan I uk tindüsend Tügtmeister hed ön Kristus, da hå I dag ek vul Våders. For ik hå ju ön Jesus Kristus töwonnen dör dit Evangilje.
16Diärom formåne ik ju, ud min Nåfölgers.
17Üt disallew Oarsåk hå ik Timotheus tö ju stjürt, hi es min lew en tru Seen ön di Herr, dat hi ju diarom tö tänken helpt, welk min Wei es me dânen, diär ön Kristus sen, alliküs ik allerwegen ön alle Geminten lir.
18Sommen hå en gurt Jnbilding van jam sallew, üs dat ik ek tö ju kom wild.
19Mar ik wel ön en Hast tö ju kom, wan di Herr wel, en lir, ek di Urder van dânen, diär âpblögen Mensken sen, mar ön Kraft.
20Mar Gottes Könningrik bestånt ek ön Urder mar ön Kraft.
21Wat wel I? Skel ik me dit Ris tö ju kom, of me Lewde, of me en gudartig Geist?
Currently Selected:
1 Korinther 4: NFNT
Highlight
Copy
Compare
Share
Want to have your highlights saved across all your devices? Sign up or sign in
Translated by Peter Michael Clemens (1804-1870)
