1 Korinther 3
3
Dit 3. Kapitel.
1En ik, lew Brödhern! küd ek me ju rede üs me Geistelken mar üs me flesklik Mensken, üs me Biärner ön Kristus.
2Ik ha ju Molk tö drinken iwen, en ek fast Spis; for I küd dit jit ek fordrai, en uk nü formai I dit jit ek.
3Wil dat I jit flesklik Mensken sen. For mung ju es Ofgönst, Kiwing en Twedragt; sen I da ek flesklik Mensken, en wandele I da ek eter Menskenwis?
4For wan er jen said: Ik hoald-t me Paulus, en di Üder said: ik hoald-t me Apollo; sen I da ek flesklik Mensken?
5Hokken es nü Paulus? Hokken es Apollo? Diner sen ja, dör welk I tö di Glow kjemmen sen, en dit, alliküs di Herr dit ark iwen hēd.
6Ik hå plåntet, Apollo hed bejitten, mar Gott jewt di Di.
7Sa es nü nogweder di, diär plåntet, of di, diär bejit wat, mar Gott, diär di Dī jewt.
8Di diär plåntet, en di diär bejit, di jen es üs di Üder. Ark skel sin Loan fo eter sin Arbed.
9For wü sen Gottes Meårbeder. I sen Gottes Eker, en Gottes Begning.
10Eter Gottes Gnad, diär mi iwen es, ha ik di Gründ leid üs en wis Begmeister; en Üder beg diärüp. Mar ark se tö, hurdelling hi diärüp begt.
11En Üder Gründ kjen er Nemmen li voarbütten di, welk leid es, dit es Jesus Kristus.
12Mar wan er hokken üp dös Gründ begt Gold, Sölwer, Edelstin, Holt, Fodder, Stöpeler:
13Da skel arkjens Werk ipenbår ud; dit Daislägt skelt âpklåre, for hat skel dör dit Jold ipenbar ud, en huns arkjens Werk es, skel dör dit Jöld ütprowet ud.
14Wan huns Werk blewt, wat hi diärüp begt hēd, da skel hi Loan fo.
15Mar wan huns Werk forbrent, da skel hi diärvan Skad lid; mar hi skel sallew selig ud, dag sa, üs dör Jöld.
16Wet I ek, dat I Gottes Tempel#3.16 Weggelassen: sen., en Gottes Geist ön ju unet?
17Wan er hokken Gottes Tempel skänt, di wel Gott skänt. For Gottes Tempel es hellig, welk I sen.
18Nemmen bedrai sik sallew. Hokken van ju sik īnbild, wis tö wisen, di ud en Nar ön dös Warld, omdat hi wis ud mai.
19For di Wisheid van dös Warld es Tåbigheid bi Gott. For diär stånt skrewwen, di Wissen fatet hi ön jår Klokheid.
20En wederom: Di Herr känt di Wissen jar Aurleg, dat ja nöntsags#3.20 idel. sen.
21Diärom röme sik Nemmen üp Mensken, for Alles es ju.
22Hat mai Paulus, of Apollo, Kefas, of di Warld wis, hat mai Lewent of Doad wis, hat mai dit wis, wat nü diär es, of dit ön di Tökomst, Alles es ju.
23Mar I sen Kristus sin, en Kristus es Gott sin.
Currently Selected:
1 Korinther 3: NFNT
Highlight
Copy
Compare
Share
Want to have your highlights saved across all your devices? Sign up or sign in
Translated by Peter Michael Clemens (1804-1870)
