2 Kolɛntikalu 6
6
1Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne. 2Kamasɔlɔn Ala n'a fɔla kitabu kɔnɔ, ko:
«Waate bɛlɛ ka se mingɛ,
ǹ k'àiya madailikan javi.
Ado lakisili lon na,
ǹ k'ài madɛmɛn.»
Ài y'a ye! Waate bɛlɛ le ne. Ài y'a ye! Lakisili lon ne min ne.
3Mɔ t'a fɛ m'i kɛ mɔɔ dɔ kunnɔtɛɛko sabu le, alako fɛɛ suu suu kana ye maa baale la. 4Ǹu koni y'a jiyala ko bɛ lɔ ko Ala ya bɔiden ne mɔ le. Tɔlɔya kunyine mɔ lɔ, ani gbɛlɛgbɛlɛ ni masuwakolu. 5#Kɛkolu 16.23.Waate dɔ, ai yi mɔ gbasila, ka mɔ bila kaso la, ani ka sɔɔnsɔɔn lawuli mɔ kanma. M'i baale gbɛlɛnnu kɛla, ani ka si sunɔɔbaliya lɔ piin, kɔɔn vɛ mɔ la. 6Mɔ v'a jiya ko Ala ya bɔiden ne mɔ le maa sɛnɛya fɛ, ani maa lɔnni fɛ, ani maa sawali fɛ, ani maa ɲumaya fɛ, ani Nii Sɛnɛyanin ya see fɛ, ani maa kanundeya bɛlɛbɛlɛ fɛ. 7M'i tuɲa le fɔla, ado mɔ fanga bɔnin Ala le bolo. Mɔ do yi telenmandeya tala ka kɛ iwo maa kɛlɛkɛfennu, ka mɔ juulu kɛlɛ ani ka mɔ jɛlɛ lakana wolu le. 8Mɔ magbiliyayine a dɔlu bolo, mɔ do lafeyayine a dɔgbɛlɛlu bolo. A dɔlu yi mɔ mafɔla, a dɔgbɛlɛlu yi mɔ matɔɔla. Ai yi mɔ tala faɲafɔba le le, k'a talan tuɲande le mɔ le. 9Ai do y'a kɛla iwo m'i mɔɔ le le minu lɔnnin tɛ, k'a talan mɔ lɔnyine. Ai yi mɔ tala iwo mɔɔ minu satɔle, k'a talan m'i mɔ nii la. Ai yi mɔ jangatala, kɛɛ mɔ ma faa. 10Ai do yi mɔ yena mɔɔ maɲumanin ne le, k'a talan mɔ sawanin kudein. Ai yi mɔ yena bolokolon ne le, k'a talan m'i mɔɔ siyama labanayala. A ai kɔnɔ ko foi tɛ mɔ bolo, k'a talan fen bɛ yi mɔ ta le le.
11Mɔ badenma Kolɛntikalu, mɔ na kumala ài yɛ lafɛlɛ bolo le ma. Mɔ miliya gbɛyine ài yɛ. 12Mɔ m'i ban ài kanula, kɛɛ àilu v'i ban mɔ kanuko ma. 13Ǹ'i kumala ài yɛ yi ne iwo ǹ dennu. Àilu fana y'ài miliya gbɛ mɔ yɛ, iwo mɔ na kɛla teme.
Ala ya lɔhɔlɔmabon ne mɔ le
14Àilu ni limaniyabalilu kà ài kun sili jili kelen ma ka dɛn ko kelen na. Kamasɔlɔn kafonɲɔɔya suu mindɛ le yi telenmandeya ni kɔnɔlɔgbeya wotɛ? Diɲɔɔya suu mindɛ le yi kɛnɛya ni divi wotɛ? 15Bɛn suu mindɛ le yi Masa Tɔɔmasenin ni Soitana wotɛ? Kafonɲɔɔya suu mindɛ le yi limaniyamɔɔ ni limaniyabali wotɛ? 16#1 Kolɛntikalu 3.16; 6.19.Bɛn suu mindɛ le yi Ala ya lɔhɔlɔmabonba ni joolu wotɛ? Kamasɔlɔn Ɲɛnɛmayatii Ala ya lɔhɔlɔmabon ne mɔ le, iwo Ala gbu n'a fɔla teme, a vɛɛ:
«Ǹ kɛtɔ ǹ siila ai tɛma ka taama ai fɛ.
Ǹ kɛtɔ kɛla ai Tii Ala le le,
ai do kɛtɔ kɛla ǹa mɔɔlu le le.»
17Wo le y'a ma, mɔ Tii k'a fɔ kɔtunun, a vɛɛ:
«Ài yi bɔ ai tɛma
ka falan ai la.
Ài do k'ài bolo tuu fen kɔsɔnin foi la,
wo vɛ kɛla, ǹ kɛtɔ m̀ bolo siila ài kɔlɔ.
18Ǹe do kɛtɔ kɛla ài Fa le le,
ani ài kɛtɔ kɛla ǹ denkɛlu ni ǹ denmosolu le,
Ala Seebɛtii kan ne wo le.»
Currently Selected:
2 Kolɛntikalu 6: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
2 Kolɛntikalu 6
6
1Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne. 2Kamasɔlɔn Ala n'a fɔla kitabu kɔnɔ, ko:
«Waate bɛlɛ ka se mingɛ,
ǹ k'àiya madailikan javi.
Ado lakisili lon na,
ǹ k'ài madɛmɛn.»
Ài y'a ye! Waate bɛlɛ le ne. Ài y'a ye! Lakisili lon ne min ne.
3Mɔ t'a fɛ m'i kɛ mɔɔ dɔ kunnɔtɛɛko sabu le, alako fɛɛ suu suu kana ye maa baale la. 4Ǹu koni y'a jiyala ko bɛ lɔ ko Ala ya bɔiden ne mɔ le. Tɔlɔya kunyine mɔ lɔ, ani gbɛlɛgbɛlɛ ni masuwakolu. 5#Kɛkolu 16.23.Waate dɔ, ai yi mɔ gbasila, ka mɔ bila kaso la, ani ka sɔɔnsɔɔn lawuli mɔ kanma. M'i baale gbɛlɛnnu kɛla, ani ka si sunɔɔbaliya lɔ piin, kɔɔn vɛ mɔ la. 6Mɔ v'a jiya ko Ala ya bɔiden ne mɔ le maa sɛnɛya fɛ, ani maa lɔnni fɛ, ani maa sawali fɛ, ani maa ɲumaya fɛ, ani Nii Sɛnɛyanin ya see fɛ, ani maa kanundeya bɛlɛbɛlɛ fɛ. 7M'i tuɲa le fɔla, ado mɔ fanga bɔnin Ala le bolo. Mɔ do yi telenmandeya tala ka kɛ iwo maa kɛlɛkɛfennu, ka mɔ juulu kɛlɛ ani ka mɔ jɛlɛ lakana wolu le. 8Mɔ magbiliyayine a dɔlu bolo, mɔ do lafeyayine a dɔgbɛlɛlu bolo. A dɔlu yi mɔ mafɔla, a dɔgbɛlɛlu yi mɔ matɔɔla. Ai yi mɔ tala faɲafɔba le le, k'a talan tuɲande le mɔ le. 9Ai do y'a kɛla iwo m'i mɔɔ le le minu lɔnnin tɛ, k'a talan mɔ lɔnyine. Ai yi mɔ tala iwo mɔɔ minu satɔle, k'a talan m'i mɔ nii la. Ai yi mɔ jangatala, kɛɛ mɔ ma faa. 10Ai do yi mɔ yena mɔɔ maɲumanin ne le, k'a talan mɔ sawanin kudein. Ai yi mɔ yena bolokolon ne le, k'a talan m'i mɔɔ siyama labanayala. A ai kɔnɔ ko foi tɛ mɔ bolo, k'a talan fen bɛ yi mɔ ta le le.
11Mɔ badenma Kolɛntikalu, mɔ na kumala ài yɛ lafɛlɛ bolo le ma. Mɔ miliya gbɛyine ài yɛ. 12Mɔ m'i ban ài kanula, kɛɛ àilu v'i ban mɔ kanuko ma. 13Ǹ'i kumala ài yɛ yi ne iwo ǹ dennu. Àilu fana y'ài miliya gbɛ mɔ yɛ, iwo mɔ na kɛla teme.
Ala ya lɔhɔlɔmabon ne mɔ le
14Àilu ni limaniyabalilu kà ài kun sili jili kelen ma ka dɛn ko kelen na. Kamasɔlɔn kafonɲɔɔya suu mindɛ le yi telenmandeya ni kɔnɔlɔgbeya wotɛ? Diɲɔɔya suu mindɛ le yi kɛnɛya ni divi wotɛ? 15Bɛn suu mindɛ le yi Masa Tɔɔmasenin ni Soitana wotɛ? Kafonɲɔɔya suu mindɛ le yi limaniyamɔɔ ni limaniyabali wotɛ? 16#1 Kolɛntikalu 3.16; 6.19.Bɛn suu mindɛ le yi Ala ya lɔhɔlɔmabonba ni joolu wotɛ? Kamasɔlɔn Ɲɛnɛmayatii Ala ya lɔhɔlɔmabon ne mɔ le, iwo Ala gbu n'a fɔla teme, a vɛɛ:
«Ǹ kɛtɔ ǹ siila ai tɛma ka taama ai fɛ.
Ǹ kɛtɔ kɛla ai Tii Ala le le,
ai do kɛtɔ kɛla ǹa mɔɔlu le le.»
17Wo le y'a ma, mɔ Tii k'a fɔ kɔtunun, a vɛɛ:
«Ài yi bɔ ai tɛma
ka falan ai la.
Ài do k'ài bolo tuu fen kɔsɔnin foi la,
wo vɛ kɛla, ǹ kɛtɔ m̀ bolo siila ài kɔlɔ.
18Ǹe do kɛtɔ kɛla ài Fa le le,
ani ài kɛtɔ kɛla ǹ denkɛlu ni ǹ denmosolu le,
Ala Seebɛtii kan ne wo le.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023