Levitika Fakatomuaga
Fakatomuaga
Ko te tuhi o Levitika, e i loto ai nā fakatonuga mo te faiga o nā tāpuakiga, ma nā lotu fakamanatu, i nā aho kua leva i Ihalaelu, ma mo nā ohitāulaga e kilātou fakatinoagia.
Ko te mea e fakatāua lahi e te tuhi tēnei, ko te paia o te Atua, ma nā auala e tatau ke tāpuaki ma ola ai tona nuku, kae ke tūmau ai pea te lātou hokotaga ma ia.
Ko nā kupu e hili te lauiloa i te tuhi, e maua i te 19.18, e tākua e Iehu ko te lua o tūlāfono e hili te tāua: “Alofa ki tō tuākoi, e vē ona alofa koe kia te koe lava.”
Fakahologa o nā vāega o te Tuhi
Nā tūlāfono e uiga ki nā meālofa ma nā tāulaga (1.1—7.38)
Te fakaukuga ma ohitāulaga o Alona ma ona ataliki (8.1—10.20)
Nā tūlāfono e uiga ki te mamā ma te hē mamā i nā tu tau tāpuakiga (11.1—15.33)
Te Aho o te Fakaleleiga (16.1-34)
Nā tūlāfono e uiga ki te olaga kua fakapaiagia ma nā tāpuakiga (17.1—27.34)
Currently Selected:
Levitika Fakatomuaga: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust