Levitika 3
3
Nā Tāulaga mo te Māfuta Fakatahi.
1“ ‘Kāfai e ofo atu e he tino he manu mai tana lafu ke fai ma tāulaga mo te māfuta fakatahi, e tatau ko he poa pe he tānoa e hēai he māila i te tino. 2E tatau ke fakauta tona lima ki te ulu o te pōvi, oi tāmate ai i te faitotoka o te Falekie Tapu; oi liaki ai e nā ataliki o Alona, nā ohitāulaga, te toto ki nā itū e fa o te fata faitāulaga. 3E ofo atu e nā ohitāulaga he vāega o te tāulaga mo te māfuta fakatahi tēnei, ma meālofa meakai e ofo atu i te afi ki te Aliki. E aofia ai te gako uma e pipiki ki nā tōtōga, 4ko nā fatugako e lua ma te gako e pipiki ki ei i tafa o nā puimanava, ma te vāega pito lelei o te ate, tēia e tatau ke ia tōkehea fakatahi mai ki fafo ma nā fatugako. 5Oi huhunu ai e nā ataliki o Alona nā vāega uma iēnei i luga o te fata faitāulaga, fakatahi ma te tāulaga mū, ke kavea ma meālofa meakai e ofo atu i te afi, ko tona manogi e fiafia ai te Aliki.
6“ ‘Kāfai e ofo atu e he tino ki te Aliki he māmoe pe he oti poa mai tana lafu ke fai ma tāulaga mo te māfuta fakatahi, e tatau ke hēai ni māila i te tino. 7Kāfai he māmoe te ofo atu ma tāulaga, e tatau ke kaumai ki mua o te Aliki, 8ma fakauta ai ona lima ki luga o te ulu o te māmoe, oi tāmate ai i mua o te Falekie Tapu. Oi liaki ai te toto e nā ataliki o Alona ki nā itū e fa o te fata faitāulaga. 9Mai te tāulaga mo te māfuta fakatahi, e kaumai ai e te ohitāulaga he meālofa meakai e ofo atu ki te Aliki i te afi: te gako, te toke kātoa ke tipi kehe e pili ki te ivitū, te gako uma e tatao ai nā tōtōga; 10nā fatugako e lua ma te gako uma e pipiki ki ei i tafa o nā puimanava, ma te vāega e pito hili te lelei o te ate, tēia e tatau ke ia tōkehea fakatahi mai ki fafo ma nā fatugako. 11Oi huhunu ai e te ohitāulaga i luga o te fata faitāulaga ma meālofa meakai e ofo atu ki te Aliki i te afi.
12“ ‘Kāfai ko te tāulaga a he tamāloa ko he oti; e tatau ke kaumai e ia ki mua o te Aliki, 13ma fakauta ona lima ki luga o te ulu o te manu, oi tāmate ai i mua o te Falekie Tapu. Oi liaki ai e nā ataliki o Alona te toto ki nā itū e fa o te fata faitāulaga, 14ma ofo atu e kilātou nā vāega iēnei ke fai ma meālofa meakai e ofo atu ki te Aliki i te afi: ko te gako uma e tatao ai nā tōtōga; 15nā fatugako e lua ma te gako uma e pipiki ki ei i tafa o nā puimanava, ma te vāega e pito hili te lelei o te ate, tēia e tatau ke ia tōkehea fakatahi mai ki fafo ma nā fatugako. 16E huhunu e te ohitāulaga nā vāega uma iēnei i luga o te fata faitāulaga, ke fai ma meālofa meakai e ofo atu i te afi, ko tona manogi e fiafia ai te Aliki. Ko nā gako uma lele e a te Aliki.
17“ ‘E hēai he tino o koutou e kai ki he gako pe ki he toto; ko he vāiniuga tūmau tēnei mo augā tupulaga uma o Ihalaelu, pe ko fea lava te nonofo ai.’ ”
Currently Selected:
Levitika 3: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Levitika 3
3
Nā Tāulaga mo te Māfuta Fakatahi.
1“ ‘Kāfai e ofo atu e he tino he manu mai tana lafu ke fai ma tāulaga mo te māfuta fakatahi, e tatau ko he poa pe he tānoa e hēai he māila i te tino. 2E tatau ke fakauta tona lima ki te ulu o te pōvi, oi tāmate ai i te faitotoka o te Falekie Tapu; oi liaki ai e nā ataliki o Alona, nā ohitāulaga, te toto ki nā itū e fa o te fata faitāulaga. 3E ofo atu e nā ohitāulaga he vāega o te tāulaga mo te māfuta fakatahi tēnei, ma meālofa meakai e ofo atu i te afi ki te Aliki. E aofia ai te gako uma e pipiki ki nā tōtōga, 4ko nā fatugako e lua ma te gako e pipiki ki ei i tafa o nā puimanava, ma te vāega pito lelei o te ate, tēia e tatau ke ia tōkehea fakatahi mai ki fafo ma nā fatugako. 5Oi huhunu ai e nā ataliki o Alona nā vāega uma iēnei i luga o te fata faitāulaga, fakatahi ma te tāulaga mū, ke kavea ma meālofa meakai e ofo atu i te afi, ko tona manogi e fiafia ai te Aliki.
6“ ‘Kāfai e ofo atu e he tino ki te Aliki he māmoe pe he oti poa mai tana lafu ke fai ma tāulaga mo te māfuta fakatahi, e tatau ke hēai ni māila i te tino. 7Kāfai he māmoe te ofo atu ma tāulaga, e tatau ke kaumai ki mua o te Aliki, 8ma fakauta ai ona lima ki luga o te ulu o te māmoe, oi tāmate ai i mua o te Falekie Tapu. Oi liaki ai te toto e nā ataliki o Alona ki nā itū e fa o te fata faitāulaga. 9Mai te tāulaga mo te māfuta fakatahi, e kaumai ai e te ohitāulaga he meālofa meakai e ofo atu ki te Aliki i te afi: te gako, te toke kātoa ke tipi kehe e pili ki te ivitū, te gako uma e tatao ai nā tōtōga; 10nā fatugako e lua ma te gako uma e pipiki ki ei i tafa o nā puimanava, ma te vāega e pito hili te lelei o te ate, tēia e tatau ke ia tōkehea fakatahi mai ki fafo ma nā fatugako. 11Oi huhunu ai e te ohitāulaga i luga o te fata faitāulaga ma meālofa meakai e ofo atu ki te Aliki i te afi.
12“ ‘Kāfai ko te tāulaga a he tamāloa ko he oti; e tatau ke kaumai e ia ki mua o te Aliki, 13ma fakauta ona lima ki luga o te ulu o te manu, oi tāmate ai i mua o te Falekie Tapu. Oi liaki ai e nā ataliki o Alona te toto ki nā itū e fa o te fata faitāulaga, 14ma ofo atu e kilātou nā vāega iēnei ke fai ma meālofa meakai e ofo atu ki te Aliki i te afi: ko te gako uma e tatao ai nā tōtōga; 15nā fatugako e lua ma te gako uma e pipiki ki ei i tafa o nā puimanava, ma te vāega e pito hili te lelei o te ate, tēia e tatau ke ia tōkehea fakatahi mai ki fafo ma nā fatugako. 16E huhunu e te ohitāulaga nā vāega uma iēnei i luga o te fata faitāulaga, ke fai ma meālofa meakai e ofo atu i te afi, ko tona manogi e fiafia ai te Aliki. Ko nā gako uma lele e a te Aliki.
17“ ‘E hēai he tino o koutou e kai ki he gako pe ki he toto; ko he vāiniuga tūmau tēnei mo augā tupulaga uma o Ihalaelu, pe ko fea lava te nonofo ai.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust