Levitika 1
1
Nā Tāulaga Mū
1Na kalaga atu te Aliki kia Mohe mai te Falekie Tapu, ma na lea vē atu ki ei, 2“Tautala ki nā tino o Ihalaelu ma lea vē ki ei, ‘Kāfai e kaumai e he tino o koutou he meālofa ki te Aliki, e tatau ko he pōvi, pe he māmoe, pe he oti mai tana lafumanu.
3“ ‘Kāfai ko te meālofa ko he manuvaefa mai tana lafu ke fai ma tāulaga mū, e tatau ko he poa e hēai he māila. E tatau ke kave e ia ki te fāitotoka o te Falekie Tapu, kae ke talia ai te tino tēnei#1.3 tino tēnei pe te manuvaefa ke hui ai te tino tēnei i mua o te Aliki. 4E tatau ke tuku atu tona lima ki luga o te ulu o te pōvi poa e fai ma tāulaga mū, oi ka talia ai e te Aliki, ko he tāulaga ke fakamāgalo ai ana agahala. 5Oi tāmate ai e ia te pōvi poa i kinā i mua o te Aliki, ma ofo atu e nā ataliki o Alona, nā ohitāulaga, te toto o te pōvi poa ma hauhau ki nā itū uma o te fata faitāulaga, i te faitotoka o te Falekie Tapu. 6Oi fofoke kehe ai e ia te paku o te manu, ma tipitipi te tino ki ni vāega. 7E fālite e nā ataliki o Alona, nā ohitāulaga, nā fafie ki luga o te fata faitāulaga, ma fakamumū he afi i luga. 8Oi tuku fakaholoholo ai e kilātou ki luga o te afi nā vāega o te manu, fakatahi ma te piho ma te gako. 9Kae ko nā tōtōga ma nā vae, e tatau ke fufulu muamua i ni vai. Oi huhunu ai te tāulaga kātoa e te ohitāulaga e takitakia te hāuniga, i luga o te fata faitāulaga ke fai ma tāulaga mū; he meālofa meakai e ofo atu i te afi, ko tona manogi e fiafia ai te Aliki.
10“ ‘Kāfai ko tana meālofa e ofo ma tāulaga mū e kaumai i tana lafumāmoe, pe ko tana lafuoti, e tatau ko he māmoe poa, pe he oti poa, ma e hēai he māila i te tino. 11E tatau ke tāmate e ia i te itū ki mātū o te fata faitāulaga, i mua o te Aliki, oi hauhau ai e nā ohitāulaga te toto, ki nā itū e fa o te fata faitāulaga. 12Kāfai e uma te poihi e ia o te manu ki ni vāega, oi fālite ai e te ohitāulaga ki luga o te afi nā vāega uma o te tāulaga, e aofia ai te piho ma te gako. 13Kae ko nā tōtōga ma nā vae, e tatau ke fufulu muamua e ia i ni vai. Oi huhunu ai e te ohitāulaga te tāulaga kātoa i luga o te fata faitāulaga ke fai ma tāulaga mū; he meālofa meakai e ofo atu i te afi, ko tona manogi e fiafia ai te Aliki.
14“ ‘Kāfai ko tana meālofa ki te Aliki ko he manulele, e filifili e ia pe ko he lupe vao, pe ko he lupe o te itūkāiga taigogole. 15E tatau ke kaumai e te ohitāulaga ki te fata faitāulaga ma gagau kehe te ua, oi huhunu ai i luga o te fata faitāulaga. Ma ko te toto ka fakagogolo ki fafo i nā itū o te fata faitāulaga. 16E tōkehe e te ohitāulaga te taga i te fāī o te lupe, fakatahi ma nā fulumanu, ma togi ki te itū ki hahae o te fata faitāulaga, ki te mea e fakaputu ki ei te lefulefu. 17Ka tāofi e ia i nā kapahau ma hahae te tino, kae e hē hahae kehea nā kapahau. Oi huhunu kātoa ai e ia i te afi i luga o te fata faitāulaga ke fai ma tāulaga mū; he meālofa meakai e ofo atu i te afi, ko tona manogi e fiafia ai te Aliki.
Currently Selected:
Levitika 1: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Levitika 1
1
Nā Tāulaga Mū
1Na kalaga atu te Aliki kia Mohe mai te Falekie Tapu, ma na lea vē atu ki ei, 2“Tautala ki nā tino o Ihalaelu ma lea vē ki ei, ‘Kāfai e kaumai e he tino o koutou he meālofa ki te Aliki, e tatau ko he pōvi, pe he māmoe, pe he oti mai tana lafumanu.
3“ ‘Kāfai ko te meālofa ko he manuvaefa mai tana lafu ke fai ma tāulaga mū, e tatau ko he poa e hēai he māila. E tatau ke kave e ia ki te fāitotoka o te Falekie Tapu, kae ke talia ai te tino tēnei#1.3 tino tēnei pe te manuvaefa ke hui ai te tino tēnei i mua o te Aliki. 4E tatau ke tuku atu tona lima ki luga o te ulu o te pōvi poa e fai ma tāulaga mū, oi ka talia ai e te Aliki, ko he tāulaga ke fakamāgalo ai ana agahala. 5Oi tāmate ai e ia te pōvi poa i kinā i mua o te Aliki, ma ofo atu e nā ataliki o Alona, nā ohitāulaga, te toto o te pōvi poa ma hauhau ki nā itū uma o te fata faitāulaga, i te faitotoka o te Falekie Tapu. 6Oi fofoke kehe ai e ia te paku o te manu, ma tipitipi te tino ki ni vāega. 7E fālite e nā ataliki o Alona, nā ohitāulaga, nā fafie ki luga o te fata faitāulaga, ma fakamumū he afi i luga. 8Oi tuku fakaholoholo ai e kilātou ki luga o te afi nā vāega o te manu, fakatahi ma te piho ma te gako. 9Kae ko nā tōtōga ma nā vae, e tatau ke fufulu muamua i ni vai. Oi huhunu ai te tāulaga kātoa e te ohitāulaga e takitakia te hāuniga, i luga o te fata faitāulaga ke fai ma tāulaga mū; he meālofa meakai e ofo atu i te afi, ko tona manogi e fiafia ai te Aliki.
10“ ‘Kāfai ko tana meālofa e ofo ma tāulaga mū e kaumai i tana lafumāmoe, pe ko tana lafuoti, e tatau ko he māmoe poa, pe he oti poa, ma e hēai he māila i te tino. 11E tatau ke tāmate e ia i te itū ki mātū o te fata faitāulaga, i mua o te Aliki, oi hauhau ai e nā ohitāulaga te toto, ki nā itū e fa o te fata faitāulaga. 12Kāfai e uma te poihi e ia o te manu ki ni vāega, oi fālite ai e te ohitāulaga ki luga o te afi nā vāega uma o te tāulaga, e aofia ai te piho ma te gako. 13Kae ko nā tōtōga ma nā vae, e tatau ke fufulu muamua e ia i ni vai. Oi huhunu ai e te ohitāulaga te tāulaga kātoa i luga o te fata faitāulaga ke fai ma tāulaga mū; he meālofa meakai e ofo atu i te afi, ko tona manogi e fiafia ai te Aliki.
14“ ‘Kāfai ko tana meālofa ki te Aliki ko he manulele, e filifili e ia pe ko he lupe vao, pe ko he lupe o te itūkāiga taigogole. 15E tatau ke kaumai e te ohitāulaga ki te fata faitāulaga ma gagau kehe te ua, oi huhunu ai i luga o te fata faitāulaga. Ma ko te toto ka fakagogolo ki fafo i nā itū o te fata faitāulaga. 16E tōkehe e te ohitāulaga te taga i te fāī o te lupe, fakatahi ma nā fulumanu, ma togi ki te itū ki hahae o te fata faitāulaga, ki te mea e fakaputu ki ei te lefulefu. 17Ka tāofi e ia i nā kapahau ma hahae te tino, kae e hē hahae kehea nā kapahau. Oi huhunu kātoa ai e ia i te afi i luga o te fata faitāulaga ke fai ma tāulaga mū; he meālofa meakai e ofo atu i te afi, ko tona manogi e fiafia ai te Aliki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust