Ehoto 40
40
Kua Fakatū te Falekie Tapu
1Kua vāgana mai te Aliki kia Mohe, 2“Fakatū te Falekie Tapu, te Falekie e afio ai au, i te aho muamua o te māhina muamua. 3Ka tuku e koe ki loto te Puha o te Feagaiga e i loto ai nā Tūlāfono e Hefulu, ma tatau te kiepupuni ki mua i te mea e iei ai. 4Kaumai ki loto te laulau ma tuku ai ona kope ki luga. Kaumai foki ki loto te tūgālāmepa ma fakatutū ki luga ona mōlī. 5Fakatū te fata faitāulaga aulo e fakamū ai nā meamanogi ki mua o te Puha o te Feagaiga, ma tatau te pupuni i te faitotoka o te Falekie. 6Tuku te fata faitāulaga e fai ai nā tāulaga mū ki mua o te Falekie Tapu, te Falekie e afio ai te mamalu o te Aliki, 7ma tuku te pēhini ki te vā o te Falekie Tapu ma te fata faitāulaga, ma tuku ki loto ni vai. 8Fakatū te lōtoā e fakatāmilo ai, ma tautau nā pupuni i te faitotoka e ulu ai ki loto o te lōtoā.
9“Oi fakauku ai e koe i te lolo paia te Falekie Tapu vēnā ma ona kope uma lele, ma ka paia uma ai. 10Ka fakauku foki e koe te fata faitāulaga mo nā tāulaga mū ma ona kope uma, ma ka kavea ai ma fata faitāulaga e paia kātoatoa. 11Ka vēnā foki oi fakauku e koe te pēhini ma tona tūlaga, ke fakapaia ai.
12“Oi kaumai ai e koe ia Alona ma ona ataliki ki te faitotoka o te Falekie Tapu, ma fulufulu i nā vai ke fakamamā ai i nā tu tau tāpuakiga. 13Oi fakakofu ai ia Alona i nā lākei ohitāulaga paia, ma fakauku e koe ma fakapaia kia te ia, kae ke tautua mai ai ia kia te au i te tofi ohitāulaga. 14Ka kaumai foki e koe nā ataliki o ia ma fakakofu i nā kofutino, 15ma fakauku kilātou, e vē lava oi fakauku e koe to lātou tamana, kae ke mafai ai ke kaukauna mai kilātou kia te au i nā tofi ohitāulaga. Ko to lātou fakaukuga ka kavea ai kilātou ma ohitāulaga mo augā tupulaga koi fāi mai.”
16Na fai e Mohe nā mea uma lele e vē lava ona fakatonu ai ia e te Aliki. 17I te aho muamua la o te māhina muamua i te lua o tauhaga talu te olokehe o kilātou mai Aikupito, na fakatū ai te Falekie Tapu. 18Na fakatātia e Mohe ki lalo ona tūlaga, fakatutū ona āuivi, fakapipiki ona lākau fālava, ma fakatutū ona pou. 19Na fofola e ia te kietatao ki luga o te Falekie, ma fofola ifo ki luga te kietatao e pito ki fafo, e vē lava ko te fakatonuga a te Aliki. 20Oi na hiki ai e ia nā fatupapa māfolafola e lua ma tuku ki loto o te Puha o te Feagaiga. Na tuku e ia nā amo ki loto o nā mama o te Puha, ma tuku te tāpuni#40.20 tāpuni pe nofoa o te alofa fakahao ki luga. 21Ma na hiki ai te Puha o te Feagaiga ki loto o te Falekie ma tatau te pupuni. I te faiga tēnei, na ia pupuni kehea ai te Puha o te Feagaiga, e vē lava ko te fakatonuga a te Aliki.
22Na tuku e ia te laulau ki loto o te Falekie ki te itū ki mātū, i fafo o te kiepupuni, 23ma tuku ki luga te falaoa na ofo atu mo te Aliki, e vē lava ko te fakatonuga a te Aliki. 24Na tuku e ia te tūgālāmepa ki loto o te Falekie Tapu, ki te itū ki haute, e fakafehāgai ma te laulau, 25ma i kinā i te mea e afio ai te Aliki, na tutu e ia nā mōlī, e vē lava ko te fakatonuga a te Aliki. 26Na tuku ai e ia te fata faitāulaga aulo ki loto o te Falekie, i mua o te kiepupuni, 27ma huhunu nā meamanogi, e vē lava ko te fakatonuga a te Aliki. 28Na tatau e ia te pupuni mo te faitotoka o te Falekie, 29ma i mua o te kiepupuni na ia tataua, na fakatū ai e ia te fata faitāulaga e huhunu ai nā tāulaga mū ma nā tāulaga haito, e vē lava ko te fakatonuga a te Aliki. 30Ma na fakatū e ia te pēhini i te vā o te Falekie ma te fata faitāulaga, ma fakatumu i ni vai 31ke fakamamā ai nā vae ma nā lima o Mohe ma Alona ma ona ataliki, 32kāfai e olo ki loto o te Falekie pe olo ki te fata faitāulaga, e vē lava ko te fakatonuga a te Aliki. 33Na fakatū e Mohe te lōtoā fakatāmilo i te Falekie Tapu#40.33 Falekie Tapu pe Tapeneko ma te fata faitāulaga, ma tatau te pupuni o te faitotoka o te lōtoā. Oi na fakauma ai loa e Mohe te gāluega.
Ko te Ao o te Fakatahi mai o te Aliki
34Oi na tatao ai e te ao te Falekie o te Aliki, ma na fakatumulia kātoa ai ia loto o te Falekie Tapu i te huhulu pupula o te mamalu o te Aliki. 35Na hēki mafai ia Mohe ke ulu ki loto o te Falekie ona ko te ao nae i luga, ma ko te mamalu o te Aliki kua fakatumulia ai te Falekie Tapu. 36Fatoā mafai e nā tino Ihalaelu ke fakagaoi te lātou api, i nā taimi nae fanake ai te ao ki luga mai te Falekie. 37Kae kāfai te ao nae hē fanake ki luga, oi nae hē olokehe lele foki kilātou. 38I nā taimi uma nae faimalaga ai nā tino Ihalaelu, nae kilātou kitea te ao o te fakatahi mai o te Aliki i luga o te Falekie i nā ao, ma he afi e mumū i loto o te ao, i nā pō.
Currently Selected:
Ehoto 40: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 40
40
Kua Fakatū te Falekie Tapu
1Kua vāgana mai te Aliki kia Mohe, 2“Fakatū te Falekie Tapu, te Falekie e afio ai au, i te aho muamua o te māhina muamua. 3Ka tuku e koe ki loto te Puha o te Feagaiga e i loto ai nā Tūlāfono e Hefulu, ma tatau te kiepupuni ki mua i te mea e iei ai. 4Kaumai ki loto te laulau ma tuku ai ona kope ki luga. Kaumai foki ki loto te tūgālāmepa ma fakatutū ki luga ona mōlī. 5Fakatū te fata faitāulaga aulo e fakamū ai nā meamanogi ki mua o te Puha o te Feagaiga, ma tatau te pupuni i te faitotoka o te Falekie. 6Tuku te fata faitāulaga e fai ai nā tāulaga mū ki mua o te Falekie Tapu, te Falekie e afio ai te mamalu o te Aliki, 7ma tuku te pēhini ki te vā o te Falekie Tapu ma te fata faitāulaga, ma tuku ki loto ni vai. 8Fakatū te lōtoā e fakatāmilo ai, ma tautau nā pupuni i te faitotoka e ulu ai ki loto o te lōtoā.
9“Oi fakauku ai e koe i te lolo paia te Falekie Tapu vēnā ma ona kope uma lele, ma ka paia uma ai. 10Ka fakauku foki e koe te fata faitāulaga mo nā tāulaga mū ma ona kope uma, ma ka kavea ai ma fata faitāulaga e paia kātoatoa. 11Ka vēnā foki oi fakauku e koe te pēhini ma tona tūlaga, ke fakapaia ai.
12“Oi kaumai ai e koe ia Alona ma ona ataliki ki te faitotoka o te Falekie Tapu, ma fulufulu i nā vai ke fakamamā ai i nā tu tau tāpuakiga. 13Oi fakakofu ai ia Alona i nā lākei ohitāulaga paia, ma fakauku e koe ma fakapaia kia te ia, kae ke tautua mai ai ia kia te au i te tofi ohitāulaga. 14Ka kaumai foki e koe nā ataliki o ia ma fakakofu i nā kofutino, 15ma fakauku kilātou, e vē lava oi fakauku e koe to lātou tamana, kae ke mafai ai ke kaukauna mai kilātou kia te au i nā tofi ohitāulaga. Ko to lātou fakaukuga ka kavea ai kilātou ma ohitāulaga mo augā tupulaga koi fāi mai.”
16Na fai e Mohe nā mea uma lele e vē lava ona fakatonu ai ia e te Aliki. 17I te aho muamua la o te māhina muamua i te lua o tauhaga talu te olokehe o kilātou mai Aikupito, na fakatū ai te Falekie Tapu. 18Na fakatātia e Mohe ki lalo ona tūlaga, fakatutū ona āuivi, fakapipiki ona lākau fālava, ma fakatutū ona pou. 19Na fofola e ia te kietatao ki luga o te Falekie, ma fofola ifo ki luga te kietatao e pito ki fafo, e vē lava ko te fakatonuga a te Aliki. 20Oi na hiki ai e ia nā fatupapa māfolafola e lua ma tuku ki loto o te Puha o te Feagaiga. Na tuku e ia nā amo ki loto o nā mama o te Puha, ma tuku te tāpuni#40.20 tāpuni pe nofoa o te alofa fakahao ki luga. 21Ma na hiki ai te Puha o te Feagaiga ki loto o te Falekie ma tatau te pupuni. I te faiga tēnei, na ia pupuni kehea ai te Puha o te Feagaiga, e vē lava ko te fakatonuga a te Aliki.
22Na tuku e ia te laulau ki loto o te Falekie ki te itū ki mātū, i fafo o te kiepupuni, 23ma tuku ki luga te falaoa na ofo atu mo te Aliki, e vē lava ko te fakatonuga a te Aliki. 24Na tuku e ia te tūgālāmepa ki loto o te Falekie Tapu, ki te itū ki haute, e fakafehāgai ma te laulau, 25ma i kinā i te mea e afio ai te Aliki, na tutu e ia nā mōlī, e vē lava ko te fakatonuga a te Aliki. 26Na tuku ai e ia te fata faitāulaga aulo ki loto o te Falekie, i mua o te kiepupuni, 27ma huhunu nā meamanogi, e vē lava ko te fakatonuga a te Aliki. 28Na tatau e ia te pupuni mo te faitotoka o te Falekie, 29ma i mua o te kiepupuni na ia tataua, na fakatū ai e ia te fata faitāulaga e huhunu ai nā tāulaga mū ma nā tāulaga haito, e vē lava ko te fakatonuga a te Aliki. 30Ma na fakatū e ia te pēhini i te vā o te Falekie ma te fata faitāulaga, ma fakatumu i ni vai 31ke fakamamā ai nā vae ma nā lima o Mohe ma Alona ma ona ataliki, 32kāfai e olo ki loto o te Falekie pe olo ki te fata faitāulaga, e vē lava ko te fakatonuga a te Aliki. 33Na fakatū e Mohe te lōtoā fakatāmilo i te Falekie Tapu#40.33 Falekie Tapu pe Tapeneko ma te fata faitāulaga, ma tatau te pupuni o te faitotoka o te lōtoā. Oi na fakauma ai loa e Mohe te gāluega.
Ko te Ao o te Fakatahi mai o te Aliki
34Oi na tatao ai e te ao te Falekie o te Aliki, ma na fakatumulia kātoa ai ia loto o te Falekie Tapu i te huhulu pupula o te mamalu o te Aliki. 35Na hēki mafai ia Mohe ke ulu ki loto o te Falekie ona ko te ao nae i luga, ma ko te mamalu o te Aliki kua fakatumulia ai te Falekie Tapu. 36Fatoā mafai e nā tino Ihalaelu ke fakagaoi te lātou api, i nā taimi nae fanake ai te ao ki luga mai te Falekie. 37Kae kāfai te ao nae hē fanake ki luga, oi nae hē olokehe lele foki kilātou. 38I nā taimi uma nae faimalaga ai nā tino Ihalaelu, nae kilātou kitea te ao o te fakatahi mai o te Aliki i luga o te Falekie i nā ao, ma he afi e mumū i loto o te ao, i nā pō.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust