Romanos 5
5
Tu̶ je̱'e̱ Dios xyajpokyñi'iwaatzu̶m ajku̶xy
1Y du'unu̶tz y'íxu̶ju̶ch, tu̶ je̱'e̱ Dios xyajpokyñi'iwaatzu̶m ajku̶xy, je̱' ko je̱'e̱ Jesucristo tu̶ nmu̶bu̶jku̶m ajku̶xy, jootkujk cham n'ijtu̶nu̶ ajku̶xy mu̶u̶d je̱'e̱ Dios mu̶u̶d je̱'e̱ nWindzú̶n Jesucristo kyu̶xpu̶ ajtu̶m ajku̶xy. 2Je̱'e̱ Cristo kyu̶xpu̶ je̱'e̱ Dios mu̶u̶d n'ijtu̶m ajku̶xy je̱' ko tu̶ nmu̶bu̶jku̶m ajku̶xy, y ndzu̶naay njugy'ajtu̶mb ajku̶xy tu̶y tu'uda'agy, y nxondaaku̶m ajku̶xy ko nju̶jp'ijxu̶m ajku̶xy nbadaanu̶m je̱'e̱ Dios y'oy'ajtu̶ñ. 3Y ka'p adaadu̶'ajty nmu̶xondaakypy ajtu̶m ajku̶xy, nan nmu̶xondaakypy je̱'e̱ tzaachpyu̶ ayo'on nandu'un ajtu̶m ajku̶xy; je̱' ko nejwu̶u̶yu̶mby ko je̱'e̱ tzaachpyu̶ ayo'on nmu̶najx nyajnajxu̶m ajku̶xy, mu̶'it je̱'e̱ mu̶k'ajt nbaattu̶m ajku̶xy neby mu̶baad nme̱kxtujku̶mu̶ñ ajku̶xy, 4y adaa mu̶k'ajt xyajku'umaybyu̶dzu̶u̶mu̶mb; y ko xyajku'umaybyu̶dzu̶u̶mu̶m ajku̶xy, mu̶'it xyajju̶jp'ijxu̶m ajku̶xy nbadaanu̶m je̱'e̱ Dios y'oy'ajtu̶ñ. 5Y ka'p mu̶baad xywyin'u̶u̶nu̶m ajku̶xy je̱'e̱ Dios y'oy'ajt je̱'e̱ mu̶dyiibu̶ nju̶jp'ijxu̶mybyu̶ñ ajku̶xy, je̱' ko tu̶ je̱'e̱ Espíritu Santo xyaj'adu̶gu̶u̶y xyajjoottu̶gu̶u̶yu̶m ajku̶xy je̱' ko mu̶k xchojku̶m xyjyu̶wu̶u̶yu̶m ajku̶xy.
6Ko najty ka'p mu̶baad ku̶'u̶m nnayyajni'idzooku̶mu̶ ajku̶xy, mu̶'it je̱'e̱ Cristo myiiñ ya naaxwiiñ u̶xtu̶ koonu̶ je̱'e̱ xu̶u̶ jumu̶jt myu̶baad'ajty; oy je̱'e̱ ju̶bu̶kja'ay ni'i'o'ktu'uty. 7Janch tzip nu̶kxy je̱'e̱ ja'ay tu'ug nbaattu̶m mu̶dyiibu̶ je̱'e̱ myu̶gu'ug ni'i'o'ktu'udu̶bu̶ñ. Ni je̱' ngapaattu̶mu̶ch mu̶dyiibu̶ je̱'e̱ tu'uda'agyjya'ay ni'i'o'ktu'udu̶bu̶ñ; o wánu̶tztu̶ jii pu̶n je̱'e̱ myu̶gu'ug ni'i'o'ktu'udu̶bu̶ñ, peru̶ je̱'e̱ mu̶dyiibu̶ jaanch oyjya'ayu̶ñ. 8Peru̶ je̱'e̱ Dios yajni'igu̶xu̶'kypy je̱' ko xchojku̶m xyjyu̶wu̶u̶yu̶m ajku̶xy, oy najty nja'apojkpu̶ja'ayu̶ch ajtu̶m ajku̶xy, Cristo xyñi'i'o'ktuut ajtu̶m ajku̶xy. 9Y jada'achám tu̶ je̱'e̱ Dios xyajpokyñi'iwaatzu̶m ajku̶xy ko je̱'e̱ Cristo xyñi'i'o'ktuuty ajtu̶m ajku̶xy, y xyajni'idzooku̶mu̶p ni'igyu̶ ajku̶xy mu̶u̶d je̱'e̱ Cristo kyu̶xpu̶ ko je̱'e̱ naaxwiiñjya'ay naty tu̶ydyunaanu̶. 10Ko najty je̱'e̱ Dios nmu̶dzip'ajtu̶mnu̶ ajku̶xy, chi je̱'e̱ tzip ma'ad ku̶'u̶m xymyu̶dyaj'oyu̶u̶yu̶m ajku̶xy ko je̱'e̱ y'ung y'o'ky mu̶u̶d u̶u̶ch kyu̶xpu̶ nboky ngu̶dyeey ajtu̶m ajku̶xy, y jada'achám xyajni'idzooku̶mu̶p ni'igyu̶ ajku̶xy je̱' ko jyuugyu̶ch y ko yam oy nyajpaatu̶nu̶ ajku̶xy mu̶u̶d je̱', ka'p je̱'e̱ tzip ma'ad maaju̶ñ. 11Y ka'p jye̱'e̱du̶'ajtyu̶ch ko xyajni'idzo'ogaanu̶m ajku̶xy, je̱' ko xondaakp nandu'un ajtu̶m ajku̶xy ma je̱'e̱ Diosu̶ñ mu̶u̶d je̱' gyu̶xpu̶ mu̶dyiibu̶ je̱'e̱ Jesucristo tu̶ tuñu̶ñ, u̶u̶ch je̱'e̱ nWindzú̶n ajtu̶m ajku̶xy, pues je̱'e̱ Cristo kyu̶xpu̶ je̱'e̱ jootkujk'ajtu̶ñ tu̶ nbaattu̶m ajku̶xy mu̶u̶d je̱'e̱ Dios.
Je̱'e̱ Adán y je̱'e̱ Cristo
12Y du'unu̶tz, tu'ug je̱'e̱ ja'ay je'eyu̶ mu̶dyiibu̶ je̱'e̱ poky yajtzondaaku̶ñ yaa naaxwiiñ, y ko pyokytyuuñ, chi je̱'e̱ o'ku̶ñ ya naaxwiiñ tyu̶gu̶u̶y, y nigu̶xyu̶ y'o'ktaay ajku̶xy je̱' ko najty nigu̶xyu̶ tu̶ pyokytyuungu̶xy. 13Ma najty je̱'e̱ Moisés y'ane̱'e̱mu̶ñ ka'anu̶ju̶ñ, je'emy najty je̱'e̱ poky ya naaxwiiñ, je̱' ko ka'p je̱'e̱ Dios je̱'e̱ poky yujkpú̶ky yujk'íxy ko naty je̱'e̱ ane̱'e̱mu̶ñ kya'a'ítyñu̶. 14Peru̶ je̱'e̱ o'ku̶ñ mu̶daak je̱' ma je̱'e̱ ja'ay mu̶dyiibu̶ pokytyuungu̶xu̶ñ; chonda'agy ma je̱'e̱ Adán jyugy'ajtu̶gu̶u̶yu̶ñ y jya'ady ma je̱'e̱ Moisés jyugy'ajtu̶gu̶u̶yu̶ñ; oy adayaaba ja'ay je̱'e̱ mu̶dyiibu̶ o'kku̶xu̶ñ je̱'e̱ ane̱'e̱mu̶ñ ka'animu̶dooy ajku̶xy neby je̱'e̱ Adán je̱'e̱ ane̱'e̱mu̶ñ ka'animu̶dooyu̶ñ; y du'un neby je̱'e̱ Adán ju̶bu̶k'ijxpe̱jt yejkyu̶ñ, nandu'un je̱'e̱ oy'ijxpe̱jt yejky je̱'e̱ mu̶dyiibu̶ najty minaambu̶ñ.
15Peru̶ ko je̱'e̱ Adán tyuundu̶goyu̶u̶ ka'p je̱'e̱ mu̶baad nyajmu̶baattu̶m ajku̶xy je̱'e̱ may'ajt je̱'e̱ mu̶dyiibu̶ je̱'e̱ Dios tu̶ xyñi'imooyu̶mu̶ñ ajku̶xy. Pues mu̶u̶d je̱'e̱ tuundu̶goyu̶u̶ mu̶dyiibu̶ je̱'e̱ tu'ugpu̶ ja'ay yajtzondaaku̶ñ, may je̱'e̱ ja'ay y'o'ky ajku̶xy; peru̶ je̱'e̱ may'ajt mu̶dyiibu̶ je̱'e̱ Dios du'uñyu̶ tu̶ xyñi'imooyu̶mu̶ñ ajku̶xy mu̶u̶d je̱'e̱ tu'ugpu̶ ja'ay, je̱'e̱ Jesucristo, mu̶j je̱'e̱ ni'igyu̶ y nimay je̱'e̱ oy'ajt jim nbaattu̶m ajku̶xy. 16Je̱'e̱ tu'ugpu̶ ja'ay pyoky, ka'p je̱'e̱ Dios myay'ajt mu̶baad nyajmu̶baattu̶m, je̱' ko mu̶u̶d je̱'e̱ tu'ugpu̶ poky je̱'e̱ o'ku̶ñ myiiñ, peru̶ mu̶u̶d je̱'e̱ Dios myay'ajtu̶ñ Dios wyinmekxypy je̱'e̱ ja'ay myaybyoky je̱'e̱ mu̶dyiibu̶ naty tu̶ tuungu̶xyu̶ñ. 17Je̱'e̱ o'ku̶ñ mu̶daak je̱' ma je̱'e̱ ja'ayu̶ñ je̱' gyu̶xpu̶ ko je̱'e̱ tu'ugpu̶ ja'ay tyuundu̶gooy, peru̶ nan mu̶daakku̶xu̶p je̱'e̱ ja'ay nandu'un jya'tku̶xu̶ch ma je̱'e̱ jugy'ajt wiinu̶u̶xu̶u̶bu̶ju̶ñ, je̱'e̱ mu̶dyiibu̶ je̱'e̱ Dios naty yajpokyñi'iwaachpyu̶ñ mu̶u̶d je̱'e̱ myu̶j'ajtu̶ñ y ni'inu̶gooba ko je̱'e̱ tu'ugpu̶ ja'ay mu̶bu̶jkku̶xu̶ch, je̱'e̱ Jesucristo.
18Y du'un neby je̱'e̱ Adán pyokytyunu̶u̶ je̱'e̱ ja'ay nigu̶xyu̶ yajka'ay ma je̱'e̱ o'ku̶ñ, du'un je̱'e̱ Jesucristo tu'uda'agypyu̶ nandu'un mu̶miiñ ma je̱'e̱ ja'ay ku̶xyu̶ ajku̶xyu̶ñ je̱'e̱ jugy'ajtu̶ñ wiinu̶u̶xu̶u̶bu̶, ka'p je̱'e̱ o'ku̶ñ maa ixaan padaangu̶xnu̶. 19Je̱' je̱'e̱ du'un tyijpy, ko tu'ug je̱'e̱ ja'ay je'eyu̶ je̱'e̱ mu̶dyiibu̶ je̱'e̱ Dios ka'akapxymyu̶doowu̶ñ, y paady je̱'e̱ ja'ay nigu̶xyu̶ pyokytyu̶gu̶u̶ygyu̶xy; peru̶ nan tu'ug je̱'e̱ ja'ay je'eyu̶ nandu'un je̱'e̱ mu̶dyiibu̶ je̱'e̱ Dios kapxymyu̶doowu̶ñ, je̱'e̱ mu̶dyiibu̶ je̱'e̱ ja'ay may yajpokyñi'iwa'adzu̶bu̶ñ.
20Je̱'e̱ Moisés kyu'utujku̶ñ yajpu̶daak je̱' neby je̱'e̱ poky ni'igyu̶ myayu̶'u̶wu̶chu̶ñ; peru̶ ko je̱'e̱ poky myayu̶u̶y, ni'igyu̶ je̱'e̱ Dios y'oy'ajt yajni'igu̶xu̶'ky. 21Y du'un neby je̱'e̱ poky myadaakyu̶ñ neby je̱'e̱ o'ku̶ñ myínu̶chu̶ñ, nandu'un je̱'e̱ Dios y'oy'ajtu̶ñ myadaaky neby xyajpokyñi'iwaatzu̶mu̶chu̶ñ ajku̶xy y neby je̱'e̱ jugy'ajtu̶ñ wiinu̶u̶xu̶u̶bu̶ xymyooyu̶mu̶chu̶ñ ajku̶xy ko je̱'e̱ Windzú̶n Jesucristo nmu̶bu̶jku̶mu̶ch ajku̶xy.
Currently Selected:
Romanos 5: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Romanos 5
5
Tu̶ je̱'e̱ Dios xyajpokyñi'iwaatzu̶m ajku̶xy
1Y du'unu̶tz y'íxu̶ju̶ch, tu̶ je̱'e̱ Dios xyajpokyñi'iwaatzu̶m ajku̶xy, je̱' ko je̱'e̱ Jesucristo tu̶ nmu̶bu̶jku̶m ajku̶xy, jootkujk cham n'ijtu̶nu̶ ajku̶xy mu̶u̶d je̱'e̱ Dios mu̶u̶d je̱'e̱ nWindzú̶n Jesucristo kyu̶xpu̶ ajtu̶m ajku̶xy. 2Je̱'e̱ Cristo kyu̶xpu̶ je̱'e̱ Dios mu̶u̶d n'ijtu̶m ajku̶xy je̱' ko tu̶ nmu̶bu̶jku̶m ajku̶xy, y ndzu̶naay njugy'ajtu̶mb ajku̶xy tu̶y tu'uda'agy, y nxondaaku̶m ajku̶xy ko nju̶jp'ijxu̶m ajku̶xy nbadaanu̶m je̱'e̱ Dios y'oy'ajtu̶ñ. 3Y ka'p adaadu̶'ajty nmu̶xondaakypy ajtu̶m ajku̶xy, nan nmu̶xondaakypy je̱'e̱ tzaachpyu̶ ayo'on nandu'un ajtu̶m ajku̶xy; je̱' ko nejwu̶u̶yu̶mby ko je̱'e̱ tzaachpyu̶ ayo'on nmu̶najx nyajnajxu̶m ajku̶xy, mu̶'it je̱'e̱ mu̶k'ajt nbaattu̶m ajku̶xy neby mu̶baad nme̱kxtujku̶mu̶ñ ajku̶xy, 4y adaa mu̶k'ajt xyajku'umaybyu̶dzu̶u̶mu̶mb; y ko xyajku'umaybyu̶dzu̶u̶mu̶m ajku̶xy, mu̶'it xyajju̶jp'ijxu̶m ajku̶xy nbadaanu̶m je̱'e̱ Dios y'oy'ajtu̶ñ. 5Y ka'p mu̶baad xywyin'u̶u̶nu̶m ajku̶xy je̱'e̱ Dios y'oy'ajt je̱'e̱ mu̶dyiibu̶ nju̶jp'ijxu̶mybyu̶ñ ajku̶xy, je̱' ko tu̶ je̱'e̱ Espíritu Santo xyaj'adu̶gu̶u̶y xyajjoottu̶gu̶u̶yu̶m ajku̶xy je̱' ko mu̶k xchojku̶m xyjyu̶wu̶u̶yu̶m ajku̶xy.
6Ko najty ka'p mu̶baad ku̶'u̶m nnayyajni'idzooku̶mu̶ ajku̶xy, mu̶'it je̱'e̱ Cristo myiiñ ya naaxwiiñ u̶xtu̶ koonu̶ je̱'e̱ xu̶u̶ jumu̶jt myu̶baad'ajty; oy je̱'e̱ ju̶bu̶kja'ay ni'i'o'ktu'uty. 7Janch tzip nu̶kxy je̱'e̱ ja'ay tu'ug nbaattu̶m mu̶dyiibu̶ je̱'e̱ myu̶gu'ug ni'i'o'ktu'udu̶bu̶ñ. Ni je̱' ngapaattu̶mu̶ch mu̶dyiibu̶ je̱'e̱ tu'uda'agyjya'ay ni'i'o'ktu'udu̶bu̶ñ; o wánu̶tztu̶ jii pu̶n je̱'e̱ myu̶gu'ug ni'i'o'ktu'udu̶bu̶ñ, peru̶ je̱'e̱ mu̶dyiibu̶ jaanch oyjya'ayu̶ñ. 8Peru̶ je̱'e̱ Dios yajni'igu̶xu̶'kypy je̱' ko xchojku̶m xyjyu̶wu̶u̶yu̶m ajku̶xy, oy najty nja'apojkpu̶ja'ayu̶ch ajtu̶m ajku̶xy, Cristo xyñi'i'o'ktuut ajtu̶m ajku̶xy. 9Y jada'achám tu̶ je̱'e̱ Dios xyajpokyñi'iwaatzu̶m ajku̶xy ko je̱'e̱ Cristo xyñi'i'o'ktuuty ajtu̶m ajku̶xy, y xyajni'idzooku̶mu̶p ni'igyu̶ ajku̶xy mu̶u̶d je̱'e̱ Cristo kyu̶xpu̶ ko je̱'e̱ naaxwiiñjya'ay naty tu̶ydyunaanu̶. 10Ko najty je̱'e̱ Dios nmu̶dzip'ajtu̶mnu̶ ajku̶xy, chi je̱'e̱ tzip ma'ad ku̶'u̶m xymyu̶dyaj'oyu̶u̶yu̶m ajku̶xy ko je̱'e̱ y'ung y'o'ky mu̶u̶d u̶u̶ch kyu̶xpu̶ nboky ngu̶dyeey ajtu̶m ajku̶xy, y jada'achám xyajni'idzooku̶mu̶p ni'igyu̶ ajku̶xy je̱' ko jyuugyu̶ch y ko yam oy nyajpaatu̶nu̶ ajku̶xy mu̶u̶d je̱', ka'p je̱'e̱ tzip ma'ad maaju̶ñ. 11Y ka'p jye̱'e̱du̶'ajtyu̶ch ko xyajni'idzo'ogaanu̶m ajku̶xy, je̱' ko xondaakp nandu'un ajtu̶m ajku̶xy ma je̱'e̱ Diosu̶ñ mu̶u̶d je̱' gyu̶xpu̶ mu̶dyiibu̶ je̱'e̱ Jesucristo tu̶ tuñu̶ñ, u̶u̶ch je̱'e̱ nWindzú̶n ajtu̶m ajku̶xy, pues je̱'e̱ Cristo kyu̶xpu̶ je̱'e̱ jootkujk'ajtu̶ñ tu̶ nbaattu̶m ajku̶xy mu̶u̶d je̱'e̱ Dios.
Je̱'e̱ Adán y je̱'e̱ Cristo
12Y du'unu̶tz, tu'ug je̱'e̱ ja'ay je'eyu̶ mu̶dyiibu̶ je̱'e̱ poky yajtzondaaku̶ñ yaa naaxwiiñ, y ko pyokytyuuñ, chi je̱'e̱ o'ku̶ñ ya naaxwiiñ tyu̶gu̶u̶y, y nigu̶xyu̶ y'o'ktaay ajku̶xy je̱' ko najty nigu̶xyu̶ tu̶ pyokytyuungu̶xy. 13Ma najty je̱'e̱ Moisés y'ane̱'e̱mu̶ñ ka'anu̶ju̶ñ, je'emy najty je̱'e̱ poky ya naaxwiiñ, je̱' ko ka'p je̱'e̱ Dios je̱'e̱ poky yujkpú̶ky yujk'íxy ko naty je̱'e̱ ane̱'e̱mu̶ñ kya'a'ítyñu̶. 14Peru̶ je̱'e̱ o'ku̶ñ mu̶daak je̱' ma je̱'e̱ ja'ay mu̶dyiibu̶ pokytyuungu̶xu̶ñ; chonda'agy ma je̱'e̱ Adán jyugy'ajtu̶gu̶u̶yu̶ñ y jya'ady ma je̱'e̱ Moisés jyugy'ajtu̶gu̶u̶yu̶ñ; oy adayaaba ja'ay je̱'e̱ mu̶dyiibu̶ o'kku̶xu̶ñ je̱'e̱ ane̱'e̱mu̶ñ ka'animu̶dooy ajku̶xy neby je̱'e̱ Adán je̱'e̱ ane̱'e̱mu̶ñ ka'animu̶dooyu̶ñ; y du'un neby je̱'e̱ Adán ju̶bu̶k'ijxpe̱jt yejkyu̶ñ, nandu'un je̱'e̱ oy'ijxpe̱jt yejky je̱'e̱ mu̶dyiibu̶ najty minaambu̶ñ.
15Peru̶ ko je̱'e̱ Adán tyuundu̶goyu̶u̶ ka'p je̱'e̱ mu̶baad nyajmu̶baattu̶m ajku̶xy je̱'e̱ may'ajt je̱'e̱ mu̶dyiibu̶ je̱'e̱ Dios tu̶ xyñi'imooyu̶mu̶ñ ajku̶xy. Pues mu̶u̶d je̱'e̱ tuundu̶goyu̶u̶ mu̶dyiibu̶ je̱'e̱ tu'ugpu̶ ja'ay yajtzondaaku̶ñ, may je̱'e̱ ja'ay y'o'ky ajku̶xy; peru̶ je̱'e̱ may'ajt mu̶dyiibu̶ je̱'e̱ Dios du'uñyu̶ tu̶ xyñi'imooyu̶mu̶ñ ajku̶xy mu̶u̶d je̱'e̱ tu'ugpu̶ ja'ay, je̱'e̱ Jesucristo, mu̶j je̱'e̱ ni'igyu̶ y nimay je̱'e̱ oy'ajt jim nbaattu̶m ajku̶xy. 16Je̱'e̱ tu'ugpu̶ ja'ay pyoky, ka'p je̱'e̱ Dios myay'ajt mu̶baad nyajmu̶baattu̶m, je̱' ko mu̶u̶d je̱'e̱ tu'ugpu̶ poky je̱'e̱ o'ku̶ñ myiiñ, peru̶ mu̶u̶d je̱'e̱ Dios myay'ajtu̶ñ Dios wyinmekxypy je̱'e̱ ja'ay myaybyoky je̱'e̱ mu̶dyiibu̶ naty tu̶ tuungu̶xyu̶ñ. 17Je̱'e̱ o'ku̶ñ mu̶daak je̱' ma je̱'e̱ ja'ayu̶ñ je̱' gyu̶xpu̶ ko je̱'e̱ tu'ugpu̶ ja'ay tyuundu̶gooy, peru̶ nan mu̶daakku̶xu̶p je̱'e̱ ja'ay nandu'un jya'tku̶xu̶ch ma je̱'e̱ jugy'ajt wiinu̶u̶xu̶u̶bu̶ju̶ñ, je̱'e̱ mu̶dyiibu̶ je̱'e̱ Dios naty yajpokyñi'iwaachpyu̶ñ mu̶u̶d je̱'e̱ myu̶j'ajtu̶ñ y ni'inu̶gooba ko je̱'e̱ tu'ugpu̶ ja'ay mu̶bu̶jkku̶xu̶ch, je̱'e̱ Jesucristo.
18Y du'un neby je̱'e̱ Adán pyokytyunu̶u̶ je̱'e̱ ja'ay nigu̶xyu̶ yajka'ay ma je̱'e̱ o'ku̶ñ, du'un je̱'e̱ Jesucristo tu'uda'agypyu̶ nandu'un mu̶miiñ ma je̱'e̱ ja'ay ku̶xyu̶ ajku̶xyu̶ñ je̱'e̱ jugy'ajtu̶ñ wiinu̶u̶xu̶u̶bu̶, ka'p je̱'e̱ o'ku̶ñ maa ixaan padaangu̶xnu̶. 19Je̱' je̱'e̱ du'un tyijpy, ko tu'ug je̱'e̱ ja'ay je'eyu̶ je̱'e̱ mu̶dyiibu̶ je̱'e̱ Dios ka'akapxymyu̶doowu̶ñ, y paady je̱'e̱ ja'ay nigu̶xyu̶ pyokytyu̶gu̶u̶ygyu̶xy; peru̶ nan tu'ug je̱'e̱ ja'ay je'eyu̶ nandu'un je̱'e̱ mu̶dyiibu̶ je̱'e̱ Dios kapxymyu̶doowu̶ñ, je̱'e̱ mu̶dyiibu̶ je̱'e̱ ja'ay may yajpokyñi'iwa'adzu̶bu̶ñ.
20Je̱'e̱ Moisés kyu'utujku̶ñ yajpu̶daak je̱' neby je̱'e̱ poky ni'igyu̶ myayu̶'u̶wu̶chu̶ñ; peru̶ ko je̱'e̱ poky myayu̶u̶y, ni'igyu̶ je̱'e̱ Dios y'oy'ajt yajni'igu̶xu̶'ky. 21Y du'un neby je̱'e̱ poky myadaakyu̶ñ neby je̱'e̱ o'ku̶ñ myínu̶chu̶ñ, nandu'un je̱'e̱ Dios y'oy'ajtu̶ñ myadaaky neby xyajpokyñi'iwaatzu̶mu̶chu̶ñ ajku̶xy y neby je̱'e̱ jugy'ajtu̶ñ wiinu̶u̶xu̶u̶bu̶ xymyooyu̶mu̶chu̶ñ ajku̶xy ko je̱'e̱ Windzú̶n Jesucristo nmu̶bu̶jku̶mu̶ch ajku̶xy.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005