Romanos 4
4
Je̱'e̱ Abraham y'ijxpe̱jtu̶ñ
1Peru̶ ¿nej mu̶baad nmu̶naanu̶m ti oybyu̶ je̱'e̱ nmu̶j'áp nmu̶jteedy Abraham ajtu̶m ajku̶xy pyaat? 2Ko u̶xyu̶py je̱'e̱ Abraham je̱'e̱ Dios tu̶ y'okku'ubu̶gyii neby je̱'e̱ tu'uda'agyjya'ayu̶ñ je̱' gyu̶xpu̶ ko je̱'e̱ oybyu̶ tu̶ tuñ, mu̶'it u̶xyu̶py je̱'e̱ ñaygyu'umayii, peru̶ nan ka'p Dyioswinduuyu̶ch. 3Je̱' ko du'un je̱'e̱ Dios ñaky myu̶na'añ: “Abraham myu̶bu̶jk je̱'e̱ Dios y paady je̱'e̱ Dios kyu'ubu̶jku̶ neby tu'ug tu'uda'agyjya'ayu̶ñ.” 4Ko pu̶n myu̶dúñ, yajmu̶juuby je̱' je̱'e̱ gyu̶xpu̶ ko naty tu̶ kudúñ y ka'p naty je̱'e̱ du'un yajni'imooybyu̶ch. 5Peru̶ ko je̱'e̱ Dios pu̶n mu̶bu̶ky, je̱'e̱ mu̶dyiibu̶ je̱'e̱ pokyjya'ay yajpokyñi'iwaatzpu̶ñ, ku'ubu̶jku̶p je̱'e̱ Dios neby je̱'e̱ tu'uda'agyjya'ayu̶ñ ko je̱'e̱ Dios y'ayuuk mu̶bu̶jku̶yu̶, oy naty je̱'e̱ oybyu̶ tu̶ ka'atúñ. 6David ku̶'u̶m nimu̶dyaak ko je̱'e̱ ja'ay xyonda'agy je̱'e̱ mu̶dyiibu̶ je̱'e̱ Dios ku'ubu̶jku̶bu̶ñ neby je̱'e̱ tu'uda'agyjya'ayu̶ñ, y ka'p yujkpu̶jk yujk'ijxu̶xu̶ tijaty naty tu̶ tuñ tu̶ ixyu̶ñ. 7David myu̶naañ:
“¡Jootkujk je̱'e̱ ja'ay ajku̶xy je̱'e̱ mu̶dyiibu̶ je̱'e̱ Dios tu̶ wyinmé̱kxu̶gu̶xyu̶ñ je̱'e̱ tyuundu̶gooyu̶ñ ajku̶xy y ka'p je̱'e̱ ñu̶u̶ pyoky tu̶ yujkpu̶jk yujk'ijxu̶xu̶ ajku̶xy!
8¡Jootkujk je̱'e̱ du'umbu̶ ja'ay je̱'e̱ mu̶dyiibu̶ je̱'e̱ Windzú̶n Dios je̱'e̱ ñu̶u̶ pyoky ka'p yujkpu̶jk yujk'ijxu̶xu̶!”
9¿Nej? ¿je̱'e̱du̶'ajty je̱'e̱ jootkujk'ajtu̶ñ da'a je'eyu̶ padaangu̶xp je̱'e̱ mu̶dyiibu̶ tu̶y'ajtu̶'u̶yu̶ñ ajku̶xy, o pyadaangu̶xypy je̱'e̱ da'a nandu'un je̱'e̱ mu̶dyiibu̶ ka'p tyu̶y'ajtu̶'u̶yu̶chu̶ñ ajku̶xy? Tu̶ du'un n'okmu̶naanu̶mbu̶ ko je̱'e̱ Dios je̱'e̱ Abraham ku'ubu̶jky neby je̱'e̱ tu'uda'agyjya'ayu̶ñ je̱' ko je̱'e̱ Dios mu̶bu̶jky. 10Peru̶ ¿mu̶naa je̱'e̱ ku'ubu̶jky? ¿Tu̶ najty je̱'e̱ Abraham jayu̶jp yajtu̶y'ajtu̶'u̶y, o ka'anu̶ najty yajtu̶y'ajtu̶'u̶y? Ka'anu̶ je̱'e̱ najty yajtu̶y'ajtu̶'u̶yñu̶ ko ku'ubu̶jky. 11Jak'u̶x'aam je̱'e̱ Abraham yajtu̶y'ajtu̶u̶y, neby du'un mu̶baad y'ijxpe̱jt'átyu̶ñ o yajnejwu̶'u̶yu̶ñ ko je̱'e̱ Dios najty tu̶ kyu'ubu̶gyii neby je̱'e̱ tu'uda'agyjya'ayu̶ñ, je̱' gyu̶xpu̶ ko je̱'e̱ Dios najty tu̶ mu̶bu̶ky. Y du'un je̱'e̱ Abraham du'un nandu'un tu̶ mu̶j'aptu̶jk mu̶jteedypyu̶jkku̶xy nigu̶xyu̶ pu̶njaty je̱'e̱ Dios mu̶bu̶jkku̶xpu̶ñ; oy naty tu̶ kya'ayajtu̶y'ajtu̶u̶ygyu̶xy y du'un je̱'e̱ Dios du'un nandu'un kyu'ubu̶gyii ajku̶xy neby je̱'e̱ tu'uda'agyjya'ay ajku̶xyu̶ñ. 12Y je̱'e̱ Abraham je̱'e̱ nandu'un nimu̶j'áp nimu̶jteedy'ajtp je̱'e̱ judío ja'ay ajku̶xy mu̶dyiibu̶ abu̶ky tu̶y'ajtu̶'u̶yu̶ñ, y cham je̱'e̱ Dios nandu'un mu̶bu̶ky ajku̶xy neby je̱'e̱ Abraham je̱'e̱ Dios najty mu̶bu̶kyu̶ñ ma najty ka'p yajtu̶y'ajtu̶'u̶yñu̶ju̶ñ.
Je̱'e̱ Dios wyaandaaku̶ñ je̱'e̱ mu̶bu̶jku̶ñ je̱'e̱ mu̶u̶d y'adu̶y
13Dios yajwinwaanu̶u̶y je̱'e̱ Abraham y je̱'e̱ y'ok'ung y'ok'ana'k ko je̱'e̱ naaxwiimbu̶ ku̶xyu̶ mo'owa'añ; peru̶ ka'p adayaaba waandaaku̶ñ paady myooyu̶ ajku̶xy ko je̱'e̱ Abraham je̱'e̱ Moisés y'ane̱'e̱mu̶ñ najty tu̶ kuydyuunu̶. Paady je̱'e̱ myooyu̶ ajku̶xy ko je̱'e̱ Abraham je̱'e̱ Dios mu̶bu̶jky y paady je̱'e̱ Dios kyu'ubu̶jku̶ neby je̱'e̱ tu'uda'agyjya'ayu̶ñ. 14Pues pu̶nu̶ je̱' je̱'e̱ naaxwiimbu̶ yajmo'owaangu̶xp je̱'e̱ mu̶dyiibu̶ je̱'e̱ Moisés y'ane̱'e̱mu̶ñ kuydyuungu̶xpu̶ñ, nadu̶gu̶'u̶bu̶ u̶xyu̶py je̱'e̱ mu̶bu̶jku̶ñ du'unu̶ñ y je̱'e̱ Dios wyaandaaku̶ñ tu̶gooby u̶xyu̶py myu̶k'ajt je̱'e̱ du'unu̶ñ. 15Je̱' ko je̱'e̱ Moisés y'ane̱'e̱mu̶ñ chaachtyuumby ja'ay je̱'. Peru̶ ma je̱'e̱ Moisés y'ane̱'e̱mu̶ñ ka'pu̶ñ, nan ka'p je̱'e̱ ane̱'e̱mu̶ñ mu̶duundu̶gooygyu̶xy.
16Paady neby je̱'e̱ waandaaku̶ñ du'un y'adú̶wu̶chu̶ñ je̱'e̱ mu̶dyiibu̶ je̱'e̱ Dios je̱'e̱ Abraham yajwinwaanu̶u̶yu̶ñ mu̶u̶d je̱'e̱ y'ok'ung y'ok'ana'k nigu̶xyu̶ ajku̶xy, ni'igu̶ tzojku̶p najty mu̶bú̶gu̶ch je̱'e̱ Abraham je̱'e̱ Dios. Ka'p je̱'e̱ waandaaku̶ñ je̱' je'eyu̶ yajmooygyu̶xp je̱'e̱ mu̶dyiibu̶ je̱'e̱ Moisés y'ane̱'e̱mu̶ñ kuydyuungu̶xpu̶ñ, nan yajmooygyu̶xp je̱'e̱ nandu'un nigu̶xyu̶ je̱'e̱ mu̶dyiibu̶ je̱'e̱ Dios mu̶bu̶jkku̶xpu̶ñ, du'un neby je̱'e̱ Abraham je̱'e̱ Dios mu̶bu̶jkyu̶ñ. Y du'un je̱'e̱ Abraham nigu̶xyu̶ nmu̶j'aptu̶jk nmu̶jteedypyu̶jku̶m ajku̶xy. 17Je̱' ko du'un je̱'e̱ Dios ñaky myu̶na'añ: “Tu̶ miich nbu̶da'agy mu̶j'áp mu̶jteedy'ajtpu̶ ma je̱'e̱ naax kajpt mayu̶ñ.” Adaa je̱' je̱'e̱ Dios mu̶dyiibu̶ je̱'e̱ Abraham myu̶bu̶jku̶ñ, je̱'e̱ Dios je̱'e̱ mu̶dyiibu̶ je̱'e̱ o'ogyjya'ay yajjuugypyu̶jkpu̶ñ y je̱'e̱ mu̶dyiibu̶ du'un ku̶xyu̶ ijxp neby jiibu̶ju̶ñ.
18Ko najty je̱'e̱ Abraham ka'p oknejwu̶u̶yñu̶ tii tyúnu̶byu̶ñ, ko ka'p tii ju̶jp'ijxu̶ñ; chi je̱'e̱ Dios mu̶bu̶jky y chii paaty tii najty jyu̶jp'ijxypyu̶ñ, y du'un je̱'e̱ du'un “mu̶j'ap'ajtp mu̶jteedy'ajtpu̶ tyu̶gu̶u̶y ma je̱'e̱ naax kajpt mayu̶ñ”, du'un neby je̱'e̱ Dios najty tu̶ ñu̶ma'ayiiju̶ñ: “Janch may je̱'e̱ m'ok'ung m'ok'ana'k mbaadu̶ch.” 19Abraham ka'p je̱'e̱ myu̶bu̶jku̶ñ yajtu̶gooy oy najty je̱'e̱ jyumu̶jt ja'awe̱e̱n kya'amu̶go'pxu̶u̶yñu̶, y ñejwu̶u̶yñu̶py najty ko je̱' y je̱'e̱ tyo'oxyu̶jk Sara najty tzojku̶ y'o'ogaangu̶xnu̶, y ko najty tu̶ y'amu̶jja'ayu̶u̶y'anajxku̶xnu̶ neby je̱'e̱ y'ung y'ana'k mu̶baad ijxku̶xy paatku̶xyu̶ñ. 20Ka'p jyootme̱tzku̶u̶y y ka'p je̱'e̱ myu̶bu̶jku̶ñ yajtu̶gooy ma je̱'e̱ Dios wyaandaaku̶ñ, myu̶dajt je̱'e̱ mu̶bu̶jku̶ñ ni'igyu̶ y ka'p yajtu̶gooy. Y chi je̱'e̱ Dios ku'umaay ja'aymyejch, 21y tu'ug'aa tu'ugjoot najty du'un myu̶na'añ ko je̱'e̱ Dios mu̶k'ajt mu̶u̶du̶ch neby je̱'e̱ mu̶baad kuydyúñ je̱'e̱ mu̶dyiibu̶ najty tu̶ awanu̶'u̶yu̶ñ. 22Paady je̱'e̱ Abraham je̱'e̱ Dios kyu'ubu̶jku̶ neby je̱'e̱ tu'uda'agyjya'ayu̶ñ.
23Y ko je̱'e̱ Dios je̱'e̱ Abraham ku'ubu̶jky neby je̱'e̱ tu'uda'agyjya'ayu̶ñ ko je̱'e̱ Dios mu̶bu̶jky, ka'p je̱'e̱ du'un mu̶u̶d je̱'e̱du̶'ajty yajkujaay; 24nan yajkujaay je̱'e̱ nandu'un mu̶u̶d u̶u̶ch kyu̶xpu̶ ajtu̶m ajku̶xy. Pues ko naty je̱'e̱ Dios nmu̶bu̶jku̶m ajku̶xy, xykyu'ubu̶jkp je̱'e̱ Dios du'un u̶u̶ch nandu'un ajtu̶m ajku̶xy neby je̱'e̱ tu'uda'agyjya'ayu̶ñ, pu̶nu̶ nmu̶bu̶jku̶mby je̱'e̱ Dios je̱'e̱ mu̶dyiibu̶ je̱'e̱ Jesús yajjuugypyu̶jku̶ñ, u̶u̶ch je̱'e̱ nWindzú̶n ajtu̶m ajku̶xy, 25je̱'e̱ mu̶dyiibu̶ yajku̶'u̶ye̱jku̶ñ ma je̱'e̱ o'ku̶ñ mu̶u̶d u̶u̶ch kyu̶xpu̶ nboky ngu̶dyeey ajtu̶m ajku̶xy, y yajjuugypyu̶jky neby mu̶baad xyajpokyñi'iwaatzu̶mu̶ñ ajku̶xy.
Currently Selected:
Romanos 4: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Romanos 4
4
Je̱'e̱ Abraham y'ijxpe̱jtu̶ñ
1Peru̶ ¿nej mu̶baad nmu̶naanu̶m ti oybyu̶ je̱'e̱ nmu̶j'áp nmu̶jteedy Abraham ajtu̶m ajku̶xy pyaat? 2Ko u̶xyu̶py je̱'e̱ Abraham je̱'e̱ Dios tu̶ y'okku'ubu̶gyii neby je̱'e̱ tu'uda'agyjya'ayu̶ñ je̱' gyu̶xpu̶ ko je̱'e̱ oybyu̶ tu̶ tuñ, mu̶'it u̶xyu̶py je̱'e̱ ñaygyu'umayii, peru̶ nan ka'p Dyioswinduuyu̶ch. 3Je̱' ko du'un je̱'e̱ Dios ñaky myu̶na'añ: “Abraham myu̶bu̶jk je̱'e̱ Dios y paady je̱'e̱ Dios kyu'ubu̶jku̶ neby tu'ug tu'uda'agyjya'ayu̶ñ.” 4Ko pu̶n myu̶dúñ, yajmu̶juuby je̱' je̱'e̱ gyu̶xpu̶ ko naty tu̶ kudúñ y ka'p naty je̱'e̱ du'un yajni'imooybyu̶ch. 5Peru̶ ko je̱'e̱ Dios pu̶n mu̶bu̶ky, je̱'e̱ mu̶dyiibu̶ je̱'e̱ pokyjya'ay yajpokyñi'iwaatzpu̶ñ, ku'ubu̶jku̶p je̱'e̱ Dios neby je̱'e̱ tu'uda'agyjya'ayu̶ñ ko je̱'e̱ Dios y'ayuuk mu̶bu̶jku̶yu̶, oy naty je̱'e̱ oybyu̶ tu̶ ka'atúñ. 6David ku̶'u̶m nimu̶dyaak ko je̱'e̱ ja'ay xyonda'agy je̱'e̱ mu̶dyiibu̶ je̱'e̱ Dios ku'ubu̶jku̶bu̶ñ neby je̱'e̱ tu'uda'agyjya'ayu̶ñ, y ka'p yujkpu̶jk yujk'ijxu̶xu̶ tijaty naty tu̶ tuñ tu̶ ixyu̶ñ. 7David myu̶naañ:
“¡Jootkujk je̱'e̱ ja'ay ajku̶xy je̱'e̱ mu̶dyiibu̶ je̱'e̱ Dios tu̶ wyinmé̱kxu̶gu̶xyu̶ñ je̱'e̱ tyuundu̶gooyu̶ñ ajku̶xy y ka'p je̱'e̱ ñu̶u̶ pyoky tu̶ yujkpu̶jk yujk'ijxu̶xu̶ ajku̶xy!
8¡Jootkujk je̱'e̱ du'umbu̶ ja'ay je̱'e̱ mu̶dyiibu̶ je̱'e̱ Windzú̶n Dios je̱'e̱ ñu̶u̶ pyoky ka'p yujkpu̶jk yujk'ijxu̶xu̶!”
9¿Nej? ¿je̱'e̱du̶'ajty je̱'e̱ jootkujk'ajtu̶ñ da'a je'eyu̶ padaangu̶xp je̱'e̱ mu̶dyiibu̶ tu̶y'ajtu̶'u̶yu̶ñ ajku̶xy, o pyadaangu̶xypy je̱'e̱ da'a nandu'un je̱'e̱ mu̶dyiibu̶ ka'p tyu̶y'ajtu̶'u̶yu̶chu̶ñ ajku̶xy? Tu̶ du'un n'okmu̶naanu̶mbu̶ ko je̱'e̱ Dios je̱'e̱ Abraham ku'ubu̶jky neby je̱'e̱ tu'uda'agyjya'ayu̶ñ je̱' ko je̱'e̱ Dios mu̶bu̶jky. 10Peru̶ ¿mu̶naa je̱'e̱ ku'ubu̶jky? ¿Tu̶ najty je̱'e̱ Abraham jayu̶jp yajtu̶y'ajtu̶'u̶y, o ka'anu̶ najty yajtu̶y'ajtu̶'u̶y? Ka'anu̶ je̱'e̱ najty yajtu̶y'ajtu̶'u̶yñu̶ ko ku'ubu̶jky. 11Jak'u̶x'aam je̱'e̱ Abraham yajtu̶y'ajtu̶u̶y, neby du'un mu̶baad y'ijxpe̱jt'átyu̶ñ o yajnejwu̶'u̶yu̶ñ ko je̱'e̱ Dios najty tu̶ kyu'ubu̶gyii neby je̱'e̱ tu'uda'agyjya'ayu̶ñ, je̱' gyu̶xpu̶ ko je̱'e̱ Dios najty tu̶ mu̶bu̶ky. Y du'un je̱'e̱ Abraham du'un nandu'un tu̶ mu̶j'aptu̶jk mu̶jteedypyu̶jkku̶xy nigu̶xyu̶ pu̶njaty je̱'e̱ Dios mu̶bu̶jkku̶xpu̶ñ; oy naty tu̶ kya'ayajtu̶y'ajtu̶u̶ygyu̶xy y du'un je̱'e̱ Dios du'un nandu'un kyu'ubu̶gyii ajku̶xy neby je̱'e̱ tu'uda'agyjya'ay ajku̶xyu̶ñ. 12Y je̱'e̱ Abraham je̱'e̱ nandu'un nimu̶j'áp nimu̶jteedy'ajtp je̱'e̱ judío ja'ay ajku̶xy mu̶dyiibu̶ abu̶ky tu̶y'ajtu̶'u̶yu̶ñ, y cham je̱'e̱ Dios nandu'un mu̶bu̶ky ajku̶xy neby je̱'e̱ Abraham je̱'e̱ Dios najty mu̶bu̶kyu̶ñ ma najty ka'p yajtu̶y'ajtu̶'u̶yñu̶ju̶ñ.
Je̱'e̱ Dios wyaandaaku̶ñ je̱'e̱ mu̶bu̶jku̶ñ je̱'e̱ mu̶u̶d y'adu̶y
13Dios yajwinwaanu̶u̶y je̱'e̱ Abraham y je̱'e̱ y'ok'ung y'ok'ana'k ko je̱'e̱ naaxwiimbu̶ ku̶xyu̶ mo'owa'añ; peru̶ ka'p adayaaba waandaaku̶ñ paady myooyu̶ ajku̶xy ko je̱'e̱ Abraham je̱'e̱ Moisés y'ane̱'e̱mu̶ñ najty tu̶ kuydyuunu̶. Paady je̱'e̱ myooyu̶ ajku̶xy ko je̱'e̱ Abraham je̱'e̱ Dios mu̶bu̶jky y paady je̱'e̱ Dios kyu'ubu̶jku̶ neby je̱'e̱ tu'uda'agyjya'ayu̶ñ. 14Pues pu̶nu̶ je̱' je̱'e̱ naaxwiimbu̶ yajmo'owaangu̶xp je̱'e̱ mu̶dyiibu̶ je̱'e̱ Moisés y'ane̱'e̱mu̶ñ kuydyuungu̶xpu̶ñ, nadu̶gu̶'u̶bu̶ u̶xyu̶py je̱'e̱ mu̶bu̶jku̶ñ du'unu̶ñ y je̱'e̱ Dios wyaandaaku̶ñ tu̶gooby u̶xyu̶py myu̶k'ajt je̱'e̱ du'unu̶ñ. 15Je̱' ko je̱'e̱ Moisés y'ane̱'e̱mu̶ñ chaachtyuumby ja'ay je̱'. Peru̶ ma je̱'e̱ Moisés y'ane̱'e̱mu̶ñ ka'pu̶ñ, nan ka'p je̱'e̱ ane̱'e̱mu̶ñ mu̶duundu̶gooygyu̶xy.
16Paady neby je̱'e̱ waandaaku̶ñ du'un y'adú̶wu̶chu̶ñ je̱'e̱ mu̶dyiibu̶ je̱'e̱ Dios je̱'e̱ Abraham yajwinwaanu̶u̶yu̶ñ mu̶u̶d je̱'e̱ y'ok'ung y'ok'ana'k nigu̶xyu̶ ajku̶xy, ni'igu̶ tzojku̶p najty mu̶bú̶gu̶ch je̱'e̱ Abraham je̱'e̱ Dios. Ka'p je̱'e̱ waandaaku̶ñ je̱' je'eyu̶ yajmooygyu̶xp je̱'e̱ mu̶dyiibu̶ je̱'e̱ Moisés y'ane̱'e̱mu̶ñ kuydyuungu̶xpu̶ñ, nan yajmooygyu̶xp je̱'e̱ nandu'un nigu̶xyu̶ je̱'e̱ mu̶dyiibu̶ je̱'e̱ Dios mu̶bu̶jkku̶xpu̶ñ, du'un neby je̱'e̱ Abraham je̱'e̱ Dios mu̶bu̶jkyu̶ñ. Y du'un je̱'e̱ Abraham nigu̶xyu̶ nmu̶j'aptu̶jk nmu̶jteedypyu̶jku̶m ajku̶xy. 17Je̱' ko du'un je̱'e̱ Dios ñaky myu̶na'añ: “Tu̶ miich nbu̶da'agy mu̶j'áp mu̶jteedy'ajtpu̶ ma je̱'e̱ naax kajpt mayu̶ñ.” Adaa je̱' je̱'e̱ Dios mu̶dyiibu̶ je̱'e̱ Abraham myu̶bu̶jku̶ñ, je̱'e̱ Dios je̱'e̱ mu̶dyiibu̶ je̱'e̱ o'ogyjya'ay yajjuugypyu̶jkpu̶ñ y je̱'e̱ mu̶dyiibu̶ du'un ku̶xyu̶ ijxp neby jiibu̶ju̶ñ.
18Ko najty je̱'e̱ Abraham ka'p oknejwu̶u̶yñu̶ tii tyúnu̶byu̶ñ, ko ka'p tii ju̶jp'ijxu̶ñ; chi je̱'e̱ Dios mu̶bu̶jky y chii paaty tii najty jyu̶jp'ijxypyu̶ñ, y du'un je̱'e̱ du'un “mu̶j'ap'ajtp mu̶jteedy'ajtpu̶ tyu̶gu̶u̶y ma je̱'e̱ naax kajpt mayu̶ñ”, du'un neby je̱'e̱ Dios najty tu̶ ñu̶ma'ayiiju̶ñ: “Janch may je̱'e̱ m'ok'ung m'ok'ana'k mbaadu̶ch.” 19Abraham ka'p je̱'e̱ myu̶bu̶jku̶ñ yajtu̶gooy oy najty je̱'e̱ jyumu̶jt ja'awe̱e̱n kya'amu̶go'pxu̶u̶yñu̶, y ñejwu̶u̶yñu̶py najty ko je̱' y je̱'e̱ tyo'oxyu̶jk Sara najty tzojku̶ y'o'ogaangu̶xnu̶, y ko najty tu̶ y'amu̶jja'ayu̶u̶y'anajxku̶xnu̶ neby je̱'e̱ y'ung y'ana'k mu̶baad ijxku̶xy paatku̶xyu̶ñ. 20Ka'p jyootme̱tzku̶u̶y y ka'p je̱'e̱ myu̶bu̶jku̶ñ yajtu̶gooy ma je̱'e̱ Dios wyaandaaku̶ñ, myu̶dajt je̱'e̱ mu̶bu̶jku̶ñ ni'igyu̶ y ka'p yajtu̶gooy. Y chi je̱'e̱ Dios ku'umaay ja'aymyejch, 21y tu'ug'aa tu'ugjoot najty du'un myu̶na'añ ko je̱'e̱ Dios mu̶k'ajt mu̶u̶du̶ch neby je̱'e̱ mu̶baad kuydyúñ je̱'e̱ mu̶dyiibu̶ najty tu̶ awanu̶'u̶yu̶ñ. 22Paady je̱'e̱ Abraham je̱'e̱ Dios kyu'ubu̶jku̶ neby je̱'e̱ tu'uda'agyjya'ayu̶ñ.
23Y ko je̱'e̱ Dios je̱'e̱ Abraham ku'ubu̶jky neby je̱'e̱ tu'uda'agyjya'ayu̶ñ ko je̱'e̱ Dios mu̶bu̶jky, ka'p je̱'e̱ du'un mu̶u̶d je̱'e̱du̶'ajty yajkujaay; 24nan yajkujaay je̱'e̱ nandu'un mu̶u̶d u̶u̶ch kyu̶xpu̶ ajtu̶m ajku̶xy. Pues ko naty je̱'e̱ Dios nmu̶bu̶jku̶m ajku̶xy, xykyu'ubu̶jkp je̱'e̱ Dios du'un u̶u̶ch nandu'un ajtu̶m ajku̶xy neby je̱'e̱ tu'uda'agyjya'ayu̶ñ, pu̶nu̶ nmu̶bu̶jku̶mby je̱'e̱ Dios je̱'e̱ mu̶dyiibu̶ je̱'e̱ Jesús yajjuugypyu̶jku̶ñ, u̶u̶ch je̱'e̱ nWindzú̶n ajtu̶m ajku̶xy, 25je̱'e̱ mu̶dyiibu̶ yajku̶'u̶ye̱jku̶ñ ma je̱'e̱ o'ku̶ñ mu̶u̶d u̶u̶ch kyu̶xpu̶ nboky ngu̶dyeey ajtu̶m ajku̶xy, y yajjuugypyu̶jky neby mu̶baad xyajpokyñi'iwaatzu̶mu̶ñ ajku̶xy.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005