Romanos 10
10
1“Mu̶gu'uktu̶jk ajku̶xy, jya'atzojkypyu̶ch je̱'e̱ njoot du'un ko je̱'e̱ Israel ja'ay je̱'e̱ aanu̶mu̶ ni'idzooku̶ñ paatku̶xu̶ch, y nan nmu̶bu̶jktzooybyu̶ch je̱'e̱ Dios mu̶u̶d je̱' gyu̶xpu̶ ajku̶xy. 2U̶u̶ch je̱'e̱ tu̶y'ajt nmu̶u̶d ko jya'atzojkku̶xypy je̱' ko je̱'e̱ Dios mu̶dunaangu̶xy; peru̶ ka'p je̱'e̱ jaanchpyu̶ tu̶y'ajt winju̶wu̶u̶ygyu̶xy. 3Ka'p je̱'e̱ du'un ku'ubu̶jkku̶xy ko je̱'e̱ Dios je̱'e̱ ja'ay yajpokyñi'iwa'ach, y paady u̶xtaaygyu̶xy neby ku̶'u̶m ñayyajpokyñi'iwaatzu̶gu̶xu̶ch mu̶u̶d je̱'e̱ mu̶dyiibu̶ tyuungu̶xypyu̶ñ, ka'p je̱'e̱ tu̶y'ajt mu̶jpu̶daakku̶xy. 4Je̱'e̱ Cristo je̱'e̱ Moisés kyu'utujku̶ñ myu̶k'ajt yajtu̶gooyu̶, neby je̱'e̱ ja'ay yajpokyñi'iwa'adzu̶chu̶ñ ku̶xyu̶ pu̶njaty mu̶bu̶jku̶gu̶xpu̶ñ.
5Y pu̶n du'un ja'apokyñi'iwa'adzaangu̶xpu̶ñ ko je̱'e̱ Moisés kyu'utujku̶ñ naty kuydyuunu̶ ajku̶xy, du'un je̱'e̱ Moisés kujaay adayaaba: “Je̱'e̱ ja'ay mu̶dyiibu̶ je̱'e̱ Moisés kyu'utujku̶ñ kuydyuunu̶byu̶ñ, mu̶'it je̱'e̱ jugy'ajtu̶ñ paadu̶ch ko je̱'e̱ Moisés kyu'utujku̶ñ wa'adzu̶ kuydyuundaayu̶ju̶ch.” 6Peru̶ pu̶n yajpokywyinmé̱kxku̶xpu̶ñ ko je̱'e̱ Cristo naty tu̶ mu̶bu̶jkku̶xy, du'un je̱'e̱ Dios ñaky myu̶na'añ: “Ka'p du'un mwinmaaygyu̶xy: ‘¿Pu̶n tzajpjooty pa'ttu̶gu̶'u̶wu̶p?’ —adaa je̱' adaa du'un tyijpy neby je̱'e̱ Cristo mu̶baad woomu̶nákyu̶ñ—; 7nan ka'p du'un mwinmaaygyu̶xy ‘¿Pu̶n jiiby ka'a'oydyaaktuuby okmu̶náku̶p?’ ” —adaa je̱' adaa du'un tyijpy neby je̱'e̱ Cristo mu̶baad yajjuugypyú̶kyu̶ñ. 8¿Ti je̱'e̱ Dios y'ayuuk ko du'un myu̶na'añ, je̱'e̱ mu̶dyiibu̶ du'un mu̶naambu̶ñ?: “Ka'p je̱'e̱ ayuuk tu̶y'ajt jyu̶gué̱mu̶ch, je̱'e̱ mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ, janch wingón je̱' ma je̱'e̱ m'awaku̶ñ y ma je̱'e̱ m'aa mjoottu̶ñ.” Y adaa ayuuk je̱' adaa je̱'e̱ ayuuk tu̶y'ajt je̱'e̱ mu̶dyiibu̶ u̶u̶ch nmu̶bu̶jkypy ajku̶xyu̶ñ y je̱'e̱ mu̶dyiibu̶ u̶u̶ch ngapxwa'kxypy ajku̶xyu̶ñ. 9Pu̶nu̶ mgu'ubu̶jkku̶xypy du'un mayjya'ayjyooty mu̶u̶d je̱'e̱ mwiin m'awak ko je̱'e̱ Jesús mwindzu̶n'ajtku̶xy, y pu̶nu̶ mmu̶bu̶jkku̶xypy mu̶u̶d je̱'e̱ m'aa mjoot ko je̱'e̱ Dios je̱'e̱ Jesús yajjuugypyu̶jky, mu̶'it je̱'e̱ mni'idzooku̶ñ mbaatku̶xu̶ch. 10Je̱'e̱ aa joot je̱'e̱ mu̶u̶d yajmu̶bú̶ky neby mu̶baad nbokyñi'iwaatzu̶mu̶ñ ajku̶xy, y je̱'e̱ wiin awak je̱'e̱ Jesucristo mu̶u̶d yajku'ubú̶ky mayjya'ayjyooty neby je̱'e̱ aanu̶mu̶ ni'idzooku̶ñ mu̶baad nbaattu̶mu̶ñ ajku̶xy.
11Du'un je̱'e̱ Dios ñaky myu̶na'añ: “Ku̶xyu̶ pu̶njaty je̱'e̱ Jesucristo mu̶bu̶jkku̶xpu̶ñ, ka'p je̱'e̱ win'u̶u̶ñ wyu̶'u̶mgu̶xu̶ch.” 12Dios ka'p je̱'e̱ ja'ay win'ixy tzoky, y'agu̶tzojktaaby je̱'e̱ ku̶xyu̶ wanpú̶nu̶ch judío ja'ay y ka'pu̶ jyudíoja'ayu̶ch ajku̶xy, je̱' ko je̱' tu'ugu̶ Windzú̶n je̱'e̱ mu̶dyiibu̶ ku̶xyu̶ niWindzu̶n'ajttaaybyu̶ñ, y pya'a''ayooby je̱'e̱ ja'ay ku̶xyu̶ pu̶njaty mu̶yaax o'owu̶dajtu̶bu̶ñ. 13Je̱' ko du'un je̱'e̱ Dios ñaky myu̶na'añ: “Ku̶xyu̶ pu̶njaty je̱'e̱ Windzú̶n Jesucristo mu̶yaax o'owu̶dajtku̶xpu̶ñ cham je̱'e̱ xyu̶u̶ kapxpaattu̶ ajku̶xy, pyaatku̶xu̶py je̱'e̱ aanu̶mu̶ ni'idzooku̶ñ.” 14Peru̶ ¿neby je̱'e̱ windzú̶n Jesucristo mu̶baad mu̶yaax o'owu̶dajtku̶xy, pu̶nu̶ ka'anu̶ je̱'e̱ y'ayuuk tyu̶y'ajt naty mu̶bu̶jku̶ñu̶ ajku̶xy? ¿Y neby je̱'e̱ y'ayuuk tyu̶y'ajt mu̶bu̶jku̶yu̶ch ajku̶xy, pu̶nu̶ ka'anu̶ je̱'e̱ y'ayuuk tyu̶y'ajt naty mu̶doowu̶ñu̶ ajku̶xy? ¿Y neby je̱'e̱ y'ayuuk tu̶y'ajt mu̶doowu̶yu̶ch ajku̶xy, pu̶nu̶ ka'p pu̶n, pu̶n je̱'e̱ ayuuk tu̶y'ajt yajwingapxu̶'u̶wu̶u̶ju̶bu̶ñ ajku̶xy? 15¿Y neby je̱'e̱ ayuuk tu̶y'ajt mu̶baad kapxwa'kxku̶xy, pu̶nu̶ ka'p pu̶n, pu̶n ayuukkapxwa'kxpu̶ ke̱jxu̶gu̶xu̶bu̶ñ? Neby je̱'e̱ Dios ñaky myu̶na'añu̶ñ: “¡Janch'oy janchjootkujk je̱'e̱ ja'ay ñayjyu̶wu̶u̶yu̶gu̶xy ko je̱'e̱ ja'ay je̱'e̱ oybyu̶ ayuuk tu̶y'ajt mu̶miin mu̶ja'tku̶xy kapxwa'kxaangu̶xy!”
16Peru̶ ka'p je̱'e̱ ja'ay ku̶xyu̶ mu̶bu̶jkku̶xy je̱'e̱ oybyu̶ ayuuk tu̶y'ajt je̱'e̱ mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ. Du'un neby je̱'e̱ Isaías myu̶na'añu̶ñ: “Windzú̶n Dios, ka'p je̱'e̱ n'ayuuk ndu̶y'ajt ni pu̶n tu̶ xymyu̶bu̶jku̶ ajtu̶m” 17Y du'unu̶tz, mu̶'it je̱'e̱ ayuuk tu̶y'ajt yajmu̶bú̶ky ko naty tu̶ yajmu̶dóy, y je̱'e̱ mu̶dyiibu̶ naty tu̶ yajmu̶dóyu̶ñ je̱' je̱'e̱ Cristo y'ayuuk tyu̶y'ajt.
18Peru̶ u̶u̶ch nyajtu̶u̶by: ¿Nej ka'p je̱'e̱ judío ja'ay je̱'e̱ ayuuk tu̶y'ajt da'a tu̶ mu̶doogu̶xy? ¡Jaanch jya'amu̶doogu̶x je̱'! Je̱' ko du'un je̱'e̱ Dios ñaky myu̶na'añ:
“Tu̶ je̱'e̱ y'ayuuk wya'kxtaaygyu̶xy ma je̱'e̱ naaxwiimbu̶ kú̶xyu̶ju̶ñ,
y u̶xtu̶ jimbaad je̱'e̱ y'ayuuk tu̶ jya'tku̶xy ma je̱'e̱ naaxwiimbu̶ kyugu̶xu̶'u̶yu̶ñ.”
19Y nyajtu̶u̶wimbijtypyu̶ch ja'adu'ook: ¿Nej ka'p je̱'e̱ Israel ja'ay adaa da'a nejwu̶'u̶yñu̶ ajku̶xyu̶? Du'un je̱'e̱ Moisés myu̶naañ:
“Y nmo'owu̶byu̶ch je̱'e̱ wiingja'ay aanu̶mu̶ ni'idzooku̶ñ je̱'e̱ mu̶dyiibu̶ u̶u̶ch ka'p nja'ay'átyu̶ñ ajku̶xy,
y je̱' miich je̱'e̱ mga'ayajmu̶'oy'ijxku̶xu̶py; nyaj'ama't nyajjootma'tku̶xu̶py
mu̶u̶d je̱'e̱ wiingja'ay je̱'e̱ mu̶dyiibu̶ u̶u̶ch ka'p nja'ay'átyu̶ñ, je̱'e̱ mu̶dyiibu̶ ka'p myu̶dowaangu̶xyu̶ñ.”
20Chi je̱'e̱ Isaías jyaktimymyu̶naañ:
“Je̱'e̱ mu̶dyiibu̶ u̶u̶ch ijty ka'p xy'u̶xtaaygyu̶xyu̶ñ, tu̶ u̶u̶ch je̱'e̱ xypyaatku̶xy;
y tu̶ u̶u̶ch nayyajni'igu̶xu̶'u̶gyii ma je̱'e̱ mu̶dyiibu̶ u̶u̶ch ijty ka'p xyajtu̶u̶gu̶xyu̶ñ.”
21Isaías, nigapxy je̱'e̱ Israel ja'ay ajku̶xy, myu̶naañ: “Jaboom jaboom u̶u̶ch je̱'e̱ Israel ja'ay tu̶ nja'aku'ubu̶gaangu̶xy, je̱'e̱ mu̶dyiibu̶ ka'p kyapxymyu̶doogu̶xyu̶ñ y je̱'e̱ mu̶dyiibu̶ janch tu̶goy ja'ay'ajtku̶xpu̶ñ.”
Currently Selected:
Romanos 10: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Romanos 10
10
1“Mu̶gu'uktu̶jk ajku̶xy, jya'atzojkypyu̶ch je̱'e̱ njoot du'un ko je̱'e̱ Israel ja'ay je̱'e̱ aanu̶mu̶ ni'idzooku̶ñ paatku̶xu̶ch, y nan nmu̶bu̶jktzooybyu̶ch je̱'e̱ Dios mu̶u̶d je̱' gyu̶xpu̶ ajku̶xy. 2U̶u̶ch je̱'e̱ tu̶y'ajt nmu̶u̶d ko jya'atzojkku̶xypy je̱' ko je̱'e̱ Dios mu̶dunaangu̶xy; peru̶ ka'p je̱'e̱ jaanchpyu̶ tu̶y'ajt winju̶wu̶u̶ygyu̶xy. 3Ka'p je̱'e̱ du'un ku'ubu̶jkku̶xy ko je̱'e̱ Dios je̱'e̱ ja'ay yajpokyñi'iwa'ach, y paady u̶xtaaygyu̶xy neby ku̶'u̶m ñayyajpokyñi'iwaatzu̶gu̶xu̶ch mu̶u̶d je̱'e̱ mu̶dyiibu̶ tyuungu̶xypyu̶ñ, ka'p je̱'e̱ tu̶y'ajt mu̶jpu̶daakku̶xy. 4Je̱'e̱ Cristo je̱'e̱ Moisés kyu'utujku̶ñ myu̶k'ajt yajtu̶gooyu̶, neby je̱'e̱ ja'ay yajpokyñi'iwa'adzu̶chu̶ñ ku̶xyu̶ pu̶njaty mu̶bu̶jku̶gu̶xpu̶ñ.
5Y pu̶n du'un ja'apokyñi'iwa'adzaangu̶xpu̶ñ ko je̱'e̱ Moisés kyu'utujku̶ñ naty kuydyuunu̶ ajku̶xy, du'un je̱'e̱ Moisés kujaay adayaaba: “Je̱'e̱ ja'ay mu̶dyiibu̶ je̱'e̱ Moisés kyu'utujku̶ñ kuydyuunu̶byu̶ñ, mu̶'it je̱'e̱ jugy'ajtu̶ñ paadu̶ch ko je̱'e̱ Moisés kyu'utujku̶ñ wa'adzu̶ kuydyuundaayu̶ju̶ch.” 6Peru̶ pu̶n yajpokywyinmé̱kxku̶xpu̶ñ ko je̱'e̱ Cristo naty tu̶ mu̶bu̶jkku̶xy, du'un je̱'e̱ Dios ñaky myu̶na'añ: “Ka'p du'un mwinmaaygyu̶xy: ‘¿Pu̶n tzajpjooty pa'ttu̶gu̶'u̶wu̶p?’ —adaa je̱' adaa du'un tyijpy neby je̱'e̱ Cristo mu̶baad woomu̶nákyu̶ñ—; 7nan ka'p du'un mwinmaaygyu̶xy ‘¿Pu̶n jiiby ka'a'oydyaaktuuby okmu̶náku̶p?’ ” —adaa je̱' adaa du'un tyijpy neby je̱'e̱ Cristo mu̶baad yajjuugypyú̶kyu̶ñ. 8¿Ti je̱'e̱ Dios y'ayuuk ko du'un myu̶na'añ, je̱'e̱ mu̶dyiibu̶ du'un mu̶naambu̶ñ?: “Ka'p je̱'e̱ ayuuk tu̶y'ajt jyu̶gué̱mu̶ch, je̱'e̱ mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ, janch wingón je̱' ma je̱'e̱ m'awaku̶ñ y ma je̱'e̱ m'aa mjoottu̶ñ.” Y adaa ayuuk je̱' adaa je̱'e̱ ayuuk tu̶y'ajt je̱'e̱ mu̶dyiibu̶ u̶u̶ch nmu̶bu̶jkypy ajku̶xyu̶ñ y je̱'e̱ mu̶dyiibu̶ u̶u̶ch ngapxwa'kxypy ajku̶xyu̶ñ. 9Pu̶nu̶ mgu'ubu̶jkku̶xypy du'un mayjya'ayjyooty mu̶u̶d je̱'e̱ mwiin m'awak ko je̱'e̱ Jesús mwindzu̶n'ajtku̶xy, y pu̶nu̶ mmu̶bu̶jkku̶xypy mu̶u̶d je̱'e̱ m'aa mjoot ko je̱'e̱ Dios je̱'e̱ Jesús yajjuugypyu̶jky, mu̶'it je̱'e̱ mni'idzooku̶ñ mbaatku̶xu̶ch. 10Je̱'e̱ aa joot je̱'e̱ mu̶u̶d yajmu̶bú̶ky neby mu̶baad nbokyñi'iwaatzu̶mu̶ñ ajku̶xy, y je̱'e̱ wiin awak je̱'e̱ Jesucristo mu̶u̶d yajku'ubú̶ky mayjya'ayjyooty neby je̱'e̱ aanu̶mu̶ ni'idzooku̶ñ mu̶baad nbaattu̶mu̶ñ ajku̶xy.
11Du'un je̱'e̱ Dios ñaky myu̶na'añ: “Ku̶xyu̶ pu̶njaty je̱'e̱ Jesucristo mu̶bu̶jkku̶xpu̶ñ, ka'p je̱'e̱ win'u̶u̶ñ wyu̶'u̶mgu̶xu̶ch.” 12Dios ka'p je̱'e̱ ja'ay win'ixy tzoky, y'agu̶tzojktaaby je̱'e̱ ku̶xyu̶ wanpú̶nu̶ch judío ja'ay y ka'pu̶ jyudíoja'ayu̶ch ajku̶xy, je̱' ko je̱' tu'ugu̶ Windzú̶n je̱'e̱ mu̶dyiibu̶ ku̶xyu̶ niWindzu̶n'ajttaaybyu̶ñ, y pya'a''ayooby je̱'e̱ ja'ay ku̶xyu̶ pu̶njaty mu̶yaax o'owu̶dajtu̶bu̶ñ. 13Je̱' ko du'un je̱'e̱ Dios ñaky myu̶na'añ: “Ku̶xyu̶ pu̶njaty je̱'e̱ Windzú̶n Jesucristo mu̶yaax o'owu̶dajtku̶xpu̶ñ cham je̱'e̱ xyu̶u̶ kapxpaattu̶ ajku̶xy, pyaatku̶xu̶py je̱'e̱ aanu̶mu̶ ni'idzooku̶ñ.” 14Peru̶ ¿neby je̱'e̱ windzú̶n Jesucristo mu̶baad mu̶yaax o'owu̶dajtku̶xy, pu̶nu̶ ka'anu̶ je̱'e̱ y'ayuuk tyu̶y'ajt naty mu̶bu̶jku̶ñu̶ ajku̶xy? ¿Y neby je̱'e̱ y'ayuuk tyu̶y'ajt mu̶bu̶jku̶yu̶ch ajku̶xy, pu̶nu̶ ka'anu̶ je̱'e̱ y'ayuuk tyu̶y'ajt naty mu̶doowu̶ñu̶ ajku̶xy? ¿Y neby je̱'e̱ y'ayuuk tu̶y'ajt mu̶doowu̶yu̶ch ajku̶xy, pu̶nu̶ ka'p pu̶n, pu̶n je̱'e̱ ayuuk tu̶y'ajt yajwingapxu̶'u̶wu̶u̶ju̶bu̶ñ ajku̶xy? 15¿Y neby je̱'e̱ ayuuk tu̶y'ajt mu̶baad kapxwa'kxku̶xy, pu̶nu̶ ka'p pu̶n, pu̶n ayuukkapxwa'kxpu̶ ke̱jxu̶gu̶xu̶bu̶ñ? Neby je̱'e̱ Dios ñaky myu̶na'añu̶ñ: “¡Janch'oy janchjootkujk je̱'e̱ ja'ay ñayjyu̶wu̶u̶yu̶gu̶xy ko je̱'e̱ ja'ay je̱'e̱ oybyu̶ ayuuk tu̶y'ajt mu̶miin mu̶ja'tku̶xy kapxwa'kxaangu̶xy!”
16Peru̶ ka'p je̱'e̱ ja'ay ku̶xyu̶ mu̶bu̶jkku̶xy je̱'e̱ oybyu̶ ayuuk tu̶y'ajt je̱'e̱ mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ. Du'un neby je̱'e̱ Isaías myu̶na'añu̶ñ: “Windzú̶n Dios, ka'p je̱'e̱ n'ayuuk ndu̶y'ajt ni pu̶n tu̶ xymyu̶bu̶jku̶ ajtu̶m” 17Y du'unu̶tz, mu̶'it je̱'e̱ ayuuk tu̶y'ajt yajmu̶bú̶ky ko naty tu̶ yajmu̶dóy, y je̱'e̱ mu̶dyiibu̶ naty tu̶ yajmu̶dóyu̶ñ je̱' je̱'e̱ Cristo y'ayuuk tyu̶y'ajt.
18Peru̶ u̶u̶ch nyajtu̶u̶by: ¿Nej ka'p je̱'e̱ judío ja'ay je̱'e̱ ayuuk tu̶y'ajt da'a tu̶ mu̶doogu̶xy? ¡Jaanch jya'amu̶doogu̶x je̱'! Je̱' ko du'un je̱'e̱ Dios ñaky myu̶na'añ:
“Tu̶ je̱'e̱ y'ayuuk wya'kxtaaygyu̶xy ma je̱'e̱ naaxwiimbu̶ kú̶xyu̶ju̶ñ,
y u̶xtu̶ jimbaad je̱'e̱ y'ayuuk tu̶ jya'tku̶xy ma je̱'e̱ naaxwiimbu̶ kyugu̶xu̶'u̶yu̶ñ.”
19Y nyajtu̶u̶wimbijtypyu̶ch ja'adu'ook: ¿Nej ka'p je̱'e̱ Israel ja'ay adaa da'a nejwu̶'u̶yñu̶ ajku̶xyu̶? Du'un je̱'e̱ Moisés myu̶naañ:
“Y nmo'owu̶byu̶ch je̱'e̱ wiingja'ay aanu̶mu̶ ni'idzooku̶ñ je̱'e̱ mu̶dyiibu̶ u̶u̶ch ka'p nja'ay'átyu̶ñ ajku̶xy,
y je̱' miich je̱'e̱ mga'ayajmu̶'oy'ijxku̶xu̶py; nyaj'ama't nyajjootma'tku̶xu̶py
mu̶u̶d je̱'e̱ wiingja'ay je̱'e̱ mu̶dyiibu̶ u̶u̶ch ka'p nja'ay'átyu̶ñ, je̱'e̱ mu̶dyiibu̶ ka'p myu̶dowaangu̶xyu̶ñ.”
20Chi je̱'e̱ Isaías jyaktimymyu̶naañ:
“Je̱'e̱ mu̶dyiibu̶ u̶u̶ch ijty ka'p xy'u̶xtaaygyu̶xyu̶ñ, tu̶ u̶u̶ch je̱'e̱ xypyaatku̶xy;
y tu̶ u̶u̶ch nayyajni'igu̶xu̶'u̶gyii ma je̱'e̱ mu̶dyiibu̶ u̶u̶ch ijty ka'p xyajtu̶u̶gu̶xyu̶ñ.”
21Isaías, nigapxy je̱'e̱ Israel ja'ay ajku̶xy, myu̶naañ: “Jaboom jaboom u̶u̶ch je̱'e̱ Israel ja'ay tu̶ nja'aku'ubu̶gaangu̶xy, je̱'e̱ mu̶dyiibu̶ ka'p kyapxymyu̶doogu̶xyu̶ñ y je̱'e̱ mu̶dyiibu̶ janch tu̶goy ja'ay'ajtku̶xpu̶ñ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005