1 Timoteo 1
1
Je̱'e̱ yajpókxu̶ñ
1U̶u̶ch Pablo, Jesucristo y'apóstol, kéxyu̶ch je̱'e̱ Dios, u̶u̶ch du'un tu̶ xy'ane'emy je̱'e̱ mu̶dyiibu̶ je̱'e̱ n'aanu̶mu̶ xyñiwaanu̶yu̶py xyajtzooku̶yu̶py ajtu̶m ajku̶xy, y je̱'e̱ Windzú̶n Jesucristo, je̱'e̱ mu̶dyiibu̶ nju̶jp'ijxu̶mby xymyo'owaanu̶m je̱'e̱ jugy'ajtu̶ñ wiinu̶u̶xu̶u̶bu̶ ajtu̶m ajku̶xy. 2Cham adayaaba naky nyajniguéxy miich Timoteo, tu̶y'ajtu̶ñ ko miich du'un nju̶wu̶'u̶y neby je̱'e̱ ku̶'u̶m'úngu̶ñ, je̱' ko u̶u̶ch miich je̱'e̱ Dios y'ayuuk tyu̶y'ajt tu̶ nyajmu̶bú̶ky. Nyajmu̶dzojkypy ko je̱'e̱ Dios u̶u̶ch je̱'e̱ nDeedy ajtu̶m y je̱'e̱ Cristo Jesús u̶u̶ch je̱'e̱ nWindzú̶n ajtu̶m je̱'e̱ oy'ajt may'ajt wan tuñ ma miichu̶ñ, wan xypya'a''ayóy y xyajjootkujk'dtu̶ch.
Yajnajtzkapxu̶'u̶y ko je̱'e̱ ja'ay nije̱'e̱játy yaj'u̶xpu̶ga'añ je̱'e̱ u̶xpu̶jku̶ñ ka'pu̶ tyu̶y'ajtu̶ch
3Wu̶'u̶mu̶'u̶ miich jim Éfeso, du'un neby nnu̶maayu̶ñ je̱'e̱ mu̶naaba u̶u̶ch najty jim Éfeso kajpt ndzooñ, nnú̶kxyu̶ch najty Macedonia naaxjooty, neby je̱'e̱ ja'ay mu̶baad mnu̶ma'ayu̶ñ ko ka'p je̱'e̱ ayuuk yaj'u̶xpu̶jkku̶xu̶ch je̱'e̱ ka'pu̶ tyu̶y'ajtu̶ch. 4Nan mnu̶ma'awu̶py je̱'e̱ mu̶bu̶jkpu̶du̶jk ka'pu̶ kweentu̶tuungu̶xu̶ch je̱'e̱ nigoobu̶ kyapxy'aty myu̶dya'agy'áty y mu̶dyiibu̶ kyapxy myu̶dya'agy ka'p kyu̶jxku̶xyu̶ñ nebyjyaty je̱'e̱ mu̶j'áp mu̶jteedy ijty chu̶naay jyugy'ajtku̶xyu̶ñ. Adaa du'umbu̶ ayuuk nigoo yu̶'u̶ chibu̶'u̶y mya'adu̶'u̶y y ka'p tii pube̱jtu̶ñ yeky ma je̱'e̱ mu̶bu̶jku̶ñ neby je̱'e̱ Dios tzokyu̶ñ nmu̶bu̶jku̶mu̶chu̶ñ.
5Du'un je̱'e̱ Dios tzoky ko tzu̶k naychojk nayjyu̶wu̶u̶yu̶mu̶ ajku̶xy amÃñ u̶xyu̶py mu̶u̶d je̱'e̱ oyjyoot oywyinma'añ, mu̶u̶d je̱'e̱ oy'aa oyjyoot y nmu̶bu̶jku̶mu̶ch tu'ug'aa tu'ugjoot. 6Nije̱' je̱'e̱ ja'ay tu̶ u̶xmajtzku̶xnu̶ je̱'e̱ Dios y'ayuuk tyu̶y'ajt y tu̶ padu̶gu̶u̶ygyu̶xnu̶ je̱'e̱ kapxy mu̶dya'agy mu̶dyiibu̶ ka'p chobaady je̱'e̱ mu̶dyiibu̶ nigoo tzibu̶u̶by ma'adu̶u̶ybyu̶ñ. 7Oy je̱'e̱ Dios y'ane̱'e̱mu̶ñ ja'aniwindzu̶n'adaangu̶xy, y ni je̱' ku̶'u̶m ka'awinju̶wu̶u̶ygyu̶xy mu̶dyiibu̶ kyápxku̶xypy myu̶dyaakku̶xypyu̶ñ y ni je̱'e̱ mu̶dyiibu̶ yaj'u̶xpu̶jkku̶xypyu̶ñ ko jaanch tyu̶y'ajtu̶ch.
8U̶u̶ch nnejwu̶u̶by ajtu̶m ajku̶xy ko je̱'e̱ Dios y'ane̱'e̱mu̶ñ y'óyu̶ch pu̶nu̶ nyajtuunu̶mby naty du'un neby y'ane'emyu̶ñ. 9Mu̶baad nja'aymye̱jtzu̶m ajku̶xy ko ni tu'ug je̱'e̱ Dios y'ane̱'e̱mu̶ñ je̱'e̱ oyjya'aydyu̶jk kya'ayajmo'oy ajku̶xy. Je̱'e̱ Dios y'ane̱'e̱mu̶ñ je̱' je̱'e̱ yajmooby neby tzaachtyúnu̶chu̶ñ je̱'e̱ mu̶dyiibu̶ je̱'e̱ Dios mu̶duundu̶gooygyu̶xpu̶ñ, je̱'e̱ mu̶dyiibu̶ je̱'e̱ Dios ka'p kapxymyu̶doogu̶xyu̶ñ, je̱'e̱ mu̶dyiibu̶ ju̶bu̶kja'ay axu̶u̶gja'ayu̶ñ ajku̶xy, je̱'e̱ pokyjya'aydyu̶jk ajku̶xy, je̱'e̱ mu̶dyiibu̶ je̱'e̱ Dios ka'p windzu̶gu̶u̶ygyu̶xyu̶ñ y je̱'e̱ mu̶dyiibu̶ je̱'e̱ Dios y'u̶xpu̶jku̶ñ ka'p windzu̶gu̶u̶ygyu̶xyu̶ñ, je̱'e̱ mu̶dyiibu̶ tyaj tyeedy yaj'o'kku̶xpu̶ñ y ku̶xyu̶ je̱'e̱ ja'ayyaj'o'kpu̶du̶jk ajku̶xy, 10je̱'e̱ mu̶dyiibu̶ je̱'e̱ wiingpu̶ to'oxyu̶jktu̶jk mu̶dtuundu̶gooygyu̶xpu̶ñ, je̱'e̱ mu̶dyiibu̶ je̱'e̱ myu̶ya'aydyu̶jk mu̶dtuundu̶gooygyu̶xpu̶ñ, je̱'e̱ mu̶dyiibu̶ ja'aymyé̱tzku̶xpu̶ñ y toknajxku̶xy wiingtuuy, je̱'e̱ mu̶dyiibu̶ anu̶u̶'ajtku̶xpu̶ñ, je̱'e̱ mu̶dyiibu̶ je̱'e̱ Dios ni'iwaambe̱jtku̶xpu̶ñ mu̶u̶d je̱'e̱ anu̶u̶, y je̱'e̱ mu̶dyiibu̶ janch mu̶dzip'ajtku̶xpu̶ñ je̱'e̱ oybyu̶ wa'adzpu̶ u̶xpu̶jku̶ñ. 11Adayaaba wa'adzpu̶ u̶xpu̶jku̶ñ jiiby je̱'e̱ yajpaady ma je̱'e̱ oybyu̶ Jesucristo y'ayuuk tyu̶y'ajtu̶ñ, je̱'e̱ mu̶dyiibu̶ u̶u̶ch je̱'e̱ kunukxypyu̶ Dios tu̶ xyajni'ipú̶kyu̶ñ ko u̶u̶ch ngapxwa'kxu̶ch.
Pablo je̱'e̱ Dios ku'umáy ko je̱'e̱ may'ajt tu̶ tuñ mu̶u̶d je̱'
12Nyejkypyu̶ch je̱'e̱ Dioskujuuyu̶p ma je̱'e̱ nWindzú̶n Jesucristo ajtu̶mu̶ñ ajku̶xy, je̱'e̱ mu̶dyiibu̶ u̶u̶ch je̱'e̱ mu̶k'ajtu̶ñ tu̶ xymyo'oyu̶ñ, je̱' ko u̶u̶ch tu̶ xy'ijxtu̶y tu'uda'agy y tu̶ xypyu̶da'agyu̶ch ko u̶u̶ch ngapxwa'kxu̶ch je̱'e̱ Dios y'ayuuk tyu̶y'ajt. 13Jékyu̶p ju̶bu̶kjaty axu̶u̶gjátyu̶ch je̱'e̱ Jesús ijty ni'oj niyaxu̶'u̶y, y n'u̶xwu̶dity nbawu̶dÃtyu̶ch je̱'e̱ mu̶bu̶jkpu̶du̶jk ajku̶xy, y nwin'ojy nju̶jp'ojyu̶ch ajku̶xy. Peru̶ je̱'e̱ Dios u̶u̶ch xypya'a''ayoow, je̱' ko u̶u̶ch je̱'e̱ tu̶y'ajt najty ka'p nmu̶bu̶kyñu̶ y ni nga'anejwu̶'u̶yu̶ch najty tii u̶u̶ch du'un nduumbyu̶ñ. 14Y du'un je̱'e̱ nWindzú̶n Dios ajtu̶m oy'ajt may'ajt mu̶jku̶je̱e̱ tu̶ tuñ ma u̶u̶chu̶ñ, ko u̶u̶ch je̱'e̱ Jesús tu̶ xyajmu̶bú̶ky y tu̶ xymyo'oyu̶ch je̱'e̱ tzojku̶ñ ju̶wu̶u̶yu̶ñ ma je̱'e̱ ja'ay ajku̶xyu̶ñ, je̱' ko tu'ugyu̶ nyajpaatu̶nu̶ ajku̶xy mu̶u̶d je̱'e̱ Cristo Jesús.
15Adaa jaanch adaa du'un tyu̶y'ajtu̶ch, y nigu̶xyu̶ je̱'e̱ ja'ay mu̶baad mu̶bu̶jkku̶xy: ko je̱'e̱ Cristo Jesús y'ooy ya naaxwiiñ yajpokyñi'iwa'adza'añ je̱'e̱ pokyjya'aydyu̶jk ajku̶xy, y u̶u̶ch ni'igyu̶ pokyjya'ay ni'igu̶ ka'p du'un ni pú̶nu̶ñu̶ba. 16Paady kyu̶xpu̶ u̶u̶ch je̱'e̱ Dios xypya'a''ayooy: neby je̱'e̱ Jesucristo mu̶baad yajni'igu̶xu̶'u̶gy ma u̶u̶chu̶ñ ku̶xyu̶ je̱'e̱ mye̱kxtujku̶ñ. Y du'un u̶u̶ch je̱'e̱ ijxpe̱jtu̶ñ nyejky ma je̱'e̱ ja'ay mu̶dyiibu̶ mu̶bu̶gaamnu̶ ma je̱'e̱ju̶ñ neby je̱'e̱ jugy'ajtu̶ñ wiinu̶u̶xu̶u̶bu̶ mu̶baad paatku̶xyu̶ñ. 17¡Paady tzu̶k windzu̶gu̶u̶y y ku'umaayu̶m ajku̶xy wiinu̶u̶xu̶u̶, je̱'e̱ Mu̶j'ane̱'e̱mbu̶ wiinu̶u̶xu̶u̶bu̶, je̱'e̱ mu̶dyiibu̶ ka'p nimu̶naaxu̶u̶ y'o'ogyu̶ñ, je̱'e̱ mu̶dyiibu̶ ka'p yaj'Ãxyu̶ñ y je̱'e̱ tu'kpajkpu̶ Dios! Jaanch adaa du'un.
18Timoteo, oy u̶u̶ch miich ndzoky nju̶wu̶'u̶y neby je̱'e̱ ku̶'u̶m'úngu̶ñ y adaa ayuuk miich nyajni'ipu̶jkypy neby je̱'e̱ Dios y'ayuuk mwindu̶na'awu̶chu̶ñ mu̶u̶d je̱'e̱ mmu̶bu̶jku̶ñ amuumdu'ugjoot y mu̶u̶d je̱'e̱ oyjyoot oywyinma'añ du'un neby je̱'e̱ Dios y'ayuuknajtzkapxu̶u̶ybyu̶du̶jk myu̶naañu̶ñ ajku̶xy mu̶u̶d miich kyu̶xpu̶ ko je̱'e̱ mduung mni'imajch. 19Y naagu̶ñ je̱' ko je̱'e̱ y'oyjyoot y'oywyinma'añ tu̶ najtz'ixu̶u̶ygyu̶xnu̶, tu̶ je̱'e̱ myu̶bu̶jku̶ñ yajtu̶gooygyu̶xy. 20Du'un neby je̱'e̱ Himeneo mu̶u̶d je̱'e̱ Alejandro tu̶ y'adu̶u̶tzku̶xyu̶ñ, mu̶dyiibu̶ u̶u̶ch je̱'e̱ mu̶jku'u tu̶ nyajku̶'u̶du̶gu̶'u̶yu̶ñ wan wyinma'añmye̱jtzku̶xu̶ch ka'pu̶ je̱'e̱ Dios mu̶gapxtu̶gooygyu̶xu̶ch.
Currently Selected:
1 Timoteo 1: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad BÃblica de México, A.C. 2005