1SAMUELA 5
5
Philisti Byu Qe: Phaung Gaung: Mae" Dao: Thang" Ban"
1-2Philisti byu qe Dao: Thang" Ban: re bin: taung" yu: pye' gethao- yao: bam wa aire Ebeneza jo, qo mae" yao: bam: vomo" Ashdod mae" yao: bam: so Dagon nho: caung:pa" yham khyo ci vao ye: yang: Dagon nho: sulho nhae mae lo" to" ako". 3Thao: ba ne, seim no' Ashdod vobyu qe wa Dagon sulho wa Asang: Dao: Thang" Ban" qhid' kheim: mae lamhaung: lagoe, goe, mung: gyang: gyo" jo; rure the' myao: ako". Aimung: yao: bam wa aire tau: zhaung mung: yao" jo, qo mae dam: to" to" ako". 4Thao: ba ne seim no'- ai: sulho wa Asang: Dao: Thang" Ban" qhid' kheim: mae dam: gyang: lang" jo; rure the' myao: ako". Celhang mae wa- ai: sulho: nho: au: we' lo, wa bai" gyo" byaug mung: aijham wa kham: dung: mae jo; jo; ra". Gaung dau za: adang: jo; ra". 5(Ce: mathao mae ana" ba joe" sho' lhao" re: Dagon nho: khinjaung qe we' Ashdod mae" yao: re caung:pa" mo, wa aire pag' lhoe" pye' mung: aimae mazab: lai ko" ngad: ra".)
6 Asang wa Ashdod vobyu qere xo sho' qobo dae byid: mung: yao: bam re kyaug' tin" ra". Yao: wa aibam re qobo dae byid' mung: ai: lhang" gam: mae na mo, re byang to" nhao yang: qobo dae byid' ra". 7Pe" boe" rure yao: bam myao gelao"- yao: bam wa Israel byumyu" qenho: Mao"So wa ngonhaung" we' ngonhaung" nho: so Dagon re qobo dae byid' na: ra". Dao: Thang" Ban" re cetau mae ngonhaung" maqo" to: nhao lo nae"- ga: ta" ako". 8Aimung: yao: bam wa lagyo: jham re nhao: ke' mung: Philisti kho:kham ngo" yaug re khai: zhang" yu yang: yao: bam re- Israel byu qe: Mao"So: Dao: Thang" Ban" re ngonhaung" pe" ru: kad' zai i? ga: myid' ako". Yao: bam wa aire Gat vogaung: khyo ye to: ge,- ga: tau" ako".
Aimung: yao: bam wa Philisti vogaung: gatau dalam: ngad: ra" Gat khyo ciye" ako". 9Ngadqere: airu ai: mae joe" ye: thao Asang wa ai: vogaung: rere: qobo dae byid: mung: gyaug ci" nhao: ra". Yao: wa ai bam re byang to" nhao mung: ai: vomo" mae na mo, ade,- zoshao alhab' re dakhyo: za: je" lo" nhao: ra". 10Aimung: yao: bam wa Dao: Thang" Ban" re Philisti vogaung: gatau dalam: ngad: ra" Ekron khyo dai" ke' ako". Ngadqere: airu ai: khyo joe" thao vobyu qe wa ngonhaung" alhab' re se' pye' nae" qhid' mae" Israel byu qe: Mao"So: Dao: Thang" Ban" re yao: bam cekhyo cili" avako"- ga: gyi: ngug: ako". 11Ailao" yao: bam wa Philisti kho:kham qe alhab' jhao" byu dam: nhao: ke' mung:- ngonhaung" re we' ngonhaung" yham byu qere ai: yang mase' pye' nae" qhid' mae" Israel byu qenho: Dao: Thang" Ban" re yao" jo, qo khyo dam: ye dai" to: ge,- ga: ta" ako". Mao"So wa yao: bam re gyai xo sho' qobo dae byid' ruyang vogaung: jao: sho' gyaug ci" ja: boe" ra". 12Mashid: ra" mo, lhao" re: byang to" mung: vobyu qe wa yao: bam: so jham re bao" thaug' yu nae" ngug: yao: ako".
Currently Selected:
1SAMUELA 5: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
