1 तिमुथि 2
2
सतसंग अन्तर पूजा अराधना करणे बारे शिक्षा
1सोबी केआं पेहले अभेईं अउं तुसी जे हथ जोड़ कइ बोता कि परमेश्वरे सम्हाणि सोबी मेह्णु जे छनेअरे, विनती, प्रार्थना, त धन्यवाद करे। 2परमेश्वरे सम्हाणि राजा त होरे मोटे अधिकारी जे बि प्रार्थना करे, ताकि अस सुख शान्ति जुए परमेश्वर पुठ विश्वास कर कइ त पूरी इज्जत जुए जी बटियेल। 3ईं हें बचाणे बाड़ा परमेश्वर जे खरु लगतु त तस सुआ पसंद कता। 4परमेश्वर ईं चहन्ता कि सोबी मेह्णु तसे सच्चाई सुसुर पता लगियाल त से सम्हाई बच घियेल। 5किस कि यक परमेश्वर असा, होर परमेश्वर त मनखे बुच बि सद यक बचामी असा, से यीशु मसीह भो, जे इस धरती पुठ मेह्णु रूप अन्तर ओ थिआ। 6तेन अपफ अपु मर्जी जुए अपु जान दी कइ सोबी बचाणे मुल दिता। होर इसे बेलि ए बि साबित भुआ कि परमेश्वर सच्चे बि मेह्णु बचाण चहन्ता, जे तेन अपु ठीक किओ टेम पुठ हरालु। 7अउं सच बोता कि इस बझई जुए ईं अउं प्रचारक, त यीशु मसीहे प्रतिनिधि बणो असा।#2 तिमुथि 1:11 परमेश्वरे अउं होरे जाति मेह्णु जे सच्चाई त विश्वासे शिक्षा देण जे नियुक्त किओ असा। ए बोक झूठ नेईं।
8तोउं त अउं चहन्ता कि तुस जेस जगाई बि सतसंग कते त सम्हाई मड़द अपु शुचे हथ खड़ियेर कइ प्रार्थना त दुआ करे। त ईं ख्याल रखे की तुं जिन्दगी परमेश्वरे लेएक असी, त तुं बुच लेहरीण त कोई झगड़ा भेएड़ा नेईं। 9तिहांणि जिल्हाणु बि कउंचेई कइ त धीरज जुए बिशे। तेन्हि ना झशुड़ गुढि कइ, होर ना सुन्ने त कीमति मोती बेलि अपफ ठाटीण, बल्कि सुसुर झिणे लाई लुई त खरे कम कइ-कुइ अपु अपफ ठाटिए। 10किस कि जे जिल्हाणु परमेश्वर मानती तस ए करण जचतु। 11त सतसंग कते टेम जिल्हाणु हल्ला ना करण, पर पूरे ध्यान जुए शिचुण। 12अउं बोता कि सतसंग कते टेम जिल्हाणु मड़द पुठ हुकुम ना चलाण, ना तस शिचालुण, पर अडोल बिशुण।#2:12 जिल्हाणु के जिम्मेबारी पूरा कइ-कुइ विश्वास अन्तर सुसुर बिशियेल त से बच बटती। इफिसुस अन्तर जे जिल्हाणु सतसंग एन्तीथ, से सुआ रंग किढ़तीथ। परमेश्वरे वचन शिचालणे टेम घड़ी घड़ी सवाल पुछतीथ त सुआ दिखावटी कतीथ। तोउं पौलुसे ई सोब निआंग तिमुथियुस जे दुतो असी। 13किस कि परमेश्वरे पेहले मड़द “आदम” बणा, तोउं तसे जुएली “हब्बा” बणाई;#शुरुवात 2:15-18 14होर पेहले शैताने आदम ना, बल्कि हब्बा ठगाई छइ त पापण बणि।#शुरुवात 3:1-13 15तोउं त परमेश्वरे तसे धे शुली के टेम चिड़ंग दिती। तोउं बि अगर जिल्हाणु धीरज जुए विश्वास कती रेहन्ती, परेम जोई सोबी जुए उरतती-बरतती, होर अपफ शुचे रखती त बच घेन्ति।
Currently Selected:
1 तिमुथि 2: pgg
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.
1 तिमुथि 2
2
सतसंग अन्तर पूजा अराधना करणे बारे शिक्षा
1सोबी केआं पेहले अभेईं अउं तुसी जे हथ जोड़ कइ बोता कि परमेश्वरे सम्हाणि सोबी मेह्णु जे छनेअरे, विनती, प्रार्थना, त धन्यवाद करे। 2परमेश्वरे सम्हाणि राजा त होरे मोटे अधिकारी जे बि प्रार्थना करे, ताकि अस सुख शान्ति जुए परमेश्वर पुठ विश्वास कर कइ त पूरी इज्जत जुए जी बटियेल। 3ईं हें बचाणे बाड़ा परमेश्वर जे खरु लगतु त तस सुआ पसंद कता। 4परमेश्वर ईं चहन्ता कि सोबी मेह्णु तसे सच्चाई सुसुर पता लगियाल त से सम्हाई बच घियेल। 5किस कि यक परमेश्वर असा, होर परमेश्वर त मनखे बुच बि सद यक बचामी असा, से यीशु मसीह भो, जे इस धरती पुठ मेह्णु रूप अन्तर ओ थिआ। 6तेन अपफ अपु मर्जी जुए अपु जान दी कइ सोबी बचाणे मुल दिता। होर इसे बेलि ए बि साबित भुआ कि परमेश्वर सच्चे बि मेह्णु बचाण चहन्ता, जे तेन अपु ठीक किओ टेम पुठ हरालु। 7अउं सच बोता कि इस बझई जुए ईं अउं प्रचारक, त यीशु मसीहे प्रतिनिधि बणो असा।#2 तिमुथि 1:11 परमेश्वरे अउं होरे जाति मेह्णु जे सच्चाई त विश्वासे शिक्षा देण जे नियुक्त किओ असा। ए बोक झूठ नेईं।
8तोउं त अउं चहन्ता कि तुस जेस जगाई बि सतसंग कते त सम्हाई मड़द अपु शुचे हथ खड़ियेर कइ प्रार्थना त दुआ करे। त ईं ख्याल रखे की तुं जिन्दगी परमेश्वरे लेएक असी, त तुं बुच लेहरीण त कोई झगड़ा भेएड़ा नेईं। 9तिहांणि जिल्हाणु बि कउंचेई कइ त धीरज जुए बिशे। तेन्हि ना झशुड़ गुढि कइ, होर ना सुन्ने त कीमति मोती बेलि अपफ ठाटीण, बल्कि सुसुर झिणे लाई लुई त खरे कम कइ-कुइ अपु अपफ ठाटिए। 10किस कि जे जिल्हाणु परमेश्वर मानती तस ए करण जचतु। 11त सतसंग कते टेम जिल्हाणु हल्ला ना करण, पर पूरे ध्यान जुए शिचुण। 12अउं बोता कि सतसंग कते टेम जिल्हाणु मड़द पुठ हुकुम ना चलाण, ना तस शिचालुण, पर अडोल बिशुण।#2:12 जिल्हाणु के जिम्मेबारी पूरा कइ-कुइ विश्वास अन्तर सुसुर बिशियेल त से बच बटती। इफिसुस अन्तर जे जिल्हाणु सतसंग एन्तीथ, से सुआ रंग किढ़तीथ। परमेश्वरे वचन शिचालणे टेम घड़ी घड़ी सवाल पुछतीथ त सुआ दिखावटी कतीथ। तोउं पौलुसे ई सोब निआंग तिमुथियुस जे दुतो असी। 13किस कि परमेश्वरे पेहले मड़द “आदम” बणा, तोउं तसे जुएली “हब्बा” बणाई;#शुरुवात 2:15-18 14होर पेहले शैताने आदम ना, बल्कि हब्बा ठगाई छइ त पापण बणि।#शुरुवात 3:1-13 15तोउं त परमेश्वरे तसे धे शुली के टेम चिड़ंग दिती। तोउं बि अगर जिल्हाणु धीरज जुए विश्वास कती रेहन्ती, परेम जोई सोबी जुए उरतती-बरतती, होर अपफ शुचे रखती त बच घेन्ति।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.