गलाती 5

मसीह मेहे स्वतंत्रता

1मसीहई स्वतंत्रताआ कोअता आमाहा स्वतंत्र कोअयुहु ओमे यामेहेच स्थिर रोवा अने दासत्वआ जुवाला मेहे फासा मा जुपाहा. 2पाला, आय पौलुस तुमामे कोत्लू केधी सुंता कोअही, ताहा ख्रिस्ता माय कोडलूच लाभ उवे नाहा. 3तेबी आय एक फाशी सुंता कोनारो जतवून आपोहो का तियाहा नियमशास्त्रा प्रमाणोओ मानेतू लागे. 4तुमु ज्या नियमशास्त्राने धोर्मी ठरू इच्छिता, ख्रिस्तापोरोत अलग अने कृपा पासून निसे पोडये होय. 5काहाके आत्माआ कामा वाहे आमाहा विश्वासा, आशा कोअली धार्मिकतेची वात पालल्ते. 6ख्रिस्त येशु नाहा सुंता अने ने सुंतारहित किबी कामा होय, परंतु फक्त विश्वास, जो प्रेमा त्यापोरत प्रभाव टाकोहो.

प्रेम द्वारा व्यवस्था पुरो ओवयो

7तुमु ताहा हाजिकोये भक्ती माय गुगदीत ओतु ओमे तिये तियाहा उबेराखेहे का सत्याहा माणू नाहा. 8एहली हिकवन तुमाआ हादनारा त्यापोरोत नाहा. 9थोडोज खमीर आखे मळवाओल्ये लोट फुगाडली टाकोहो. 10आय प्रभूहु तुमाआ विषयामे भोरुसो मेकोहो का तुमाआ कोडलूच दिहरु विषय रोही नाहा; परंतु जो तुमामे बिवाडत्लू, तो कोडलूच काहा न दंड पावेल. 11परंतु ओ पाही; केधी आय ओमेजा सुंतेचे सुवार्ता कोअत्लू, तो ओमेजा ऐ त्रास आप्यू जात्लू क्रूस ची ठोकर खायलो रोही. 12हाजो उवे काजे तुमापो डाव मेकात्ले ते आपाआ अंगच वाडीत टाकत्लू. 13ओ पाही तुमु स्वातंत्र्य उविला कोअता हादाडल्यो गोये होय; परंतु एहलो न ओवो का ओ स्वातंत्र्याच्या शारीरिक कामा कोअता वावा आपुहू नाहा, नहाते प्रेमोवाही एक दिहराआ दास बन्यो. 14काहाके आखे व्यवस्था, “नहाते प्रेमोवाही याआ एकुच गोठी माय पुरोओत जाहो तू आपाआ आरी कोरयापो आपाआ एकहरको प्रेम को.” 15पोन तुमु एक दिहराआ चावता अने खात टाकिलो ताहा परस्परांच्या आथोवाही एकादिहरा संहार ओत कायना कोईत होस कोईते मिकिलो.

आत्मा अने मानव-प्रकृर्ती

16पोन आय कोत्लू, आत्माआ अनुसार साला ताहा डीलाआ देह वासना कोडला रीतीवाही पुरो नाहा कोनारो. 17काहाके डील आत्माआ विरोदात अने आत्माआ डीलोओ विरोधाम (लालसायुहू) कोअत्लू, अने ओ एक दिहरा विरोधाम होय, याकोअता काजे तुमु कोहू इच्छितात ते कोहू सेकेहे नाहा. 18अने केधी तुमु आत्माआ चालवनयाने सालतेहे ताहा नियम शात्राच्या आधीन नाहा. 19डीलोओ काम ताहा प्रगट होय, अर्थात व्यभिचार, खोराबे काम, लुच्चे पणा, 20मूर्ती पूजा, जादू, वैर, झगडू, ईर्ष्या, खोत, विरोध, फुटी, विधर्म, 21हेवा, होरो, रिकामीहोये अने याहा सारखो फाशी काम होय, याआ विषया माय तुमाआ वरून कोत आपोहो, काहाके पहीले कोयु होय का एहलो-एहलो काम कोअनारे परमेश्वरोओ राज्याआ वारीस उवे नाहा. 22पोन आत्मा तियाआ फोल प्रेम, आनंद, शांती, धीर, कृपा, हाजोपण, विश्वास, 23नम्रता अने सौम्यता होय; एहलो-एहलो कामा विरूध नियमशास्त्र नाहा. 24अने जे ख्रिस्त येशु तियाआ होय, तिये डीला तियाआ लालसायुहू अने वासना आरी वधस्तमभा उपो सोडवीत आप्लु होय. 25केधी आमाहा आत्मा त्यापोरत जिवंत होय, ताहा आत्मा च्या अनुसार चाल्यो. 26आमू कोठी होतगोयो नाहा पण एक दिहीराहा चिडवू कायना अने दिहरापो हेवा कोहू नाहा.

Currently Selected:

गलाती 5: NOINT

Highlight

Copy

Compare