रोमियों 2

परमेश्वरा रा न्याय

1तेबा दूजे पेन्‍दे दोषा लाउण आले, तमे कोहे भी किवै नांई होये, किबेकि जासू गल्ला वै तुह दूजे पंदे दोष लाउदा, तेसा गला का तुह भी दोषी हुंदा किबेकि तुह जोह दोष लांउदा आपे ही तुह काम करा। 2हामे जाणदा की ऐडे -ऐडे काम करन आले वै परमेश्वरा री तरफा का सच्‍ची दण्डा री आज्ञा हुंदा। 3होर हे मन्शा, तुह जोह एडे-एडे कामा करण आले पंदे दोष लाउनदा, पर आपु त्याही ही कामा करे तूह एडा सोच की तूह परमेश्वरा री जोह दण्ड री गला साहा तेताकअ बचण? 4तूह परमेश्वरा री कृपा होर सहनशीलता होर धीरज रूपी धना रे बारे मे नांई ज़ाणदा? केह यह नांई जांणदअ की परमेश्वरा री कृपा तेबा मन फिराव वै सिकाउन्दा। 5पर तूह आपणे कठोर मना होर हठीले मना री बजा का तेऊरी रोषा री धियाड़ी में जासू में परमेश्वरा रा सचा न्याय प्रकट हुणा। 6तेऊ हर एकी बे तेऊरे कामा रे साबे बदला दीणा। 7जोह शोभले कामा मे पाकअ रही करे महीमा, होर आदर होर अमरता री खोजा में साहा, तेऊवै तेऊ अनन्त जीबन दिणा। 8पर जोह लालची, साहा होर सची गल्ला नांई मनदे बल्कि अधर्म मनदा, त्याह पंदे रोष होर प्रकोप पडणा। 9होर एकी मणशा पंदे दुःख होर संकट इहणा, पहिले यहूदी तेऊकी यूनानी रे प्राणा वै कष्ट हूँणा; 10पर महीमा होर आदर होर कल्याण हर एकी बे भेटणा, जोह भला करदा, सह पहिले यहूदी बे होर तेऊकी यूनानी वै भेटणा। 11किबेकि परमेश्वर कासी संघे पक्षपात नांई करदअ। 12तेबा जासूये विना व्यवस्था पाप करू, त्या बिना व्यवस्था नाश हुणे; होर जासूये व्यवस्था में रही करे पाप करू त्या रा न्याय व्यवस्था रे साबे हुणा; 13किबेकि परमेश्वरा रे राज्य में व्यवस्था शुणन आले नांई पर व्यवस्था पेन्‍दे हाडण आले धर्मी हुणे। 14तेऊकी तेबा अन्यजाति लोका जासू जेह व्यवस्था नांई साहा, पहिले का ही व्यवस्था री गल्ला मना, तेबा व्यवस्था त्याह सेटा नांई हुणी पर भी त्या आपणे आप वै आपे व्यवस्था साहा। 15त्या आपणे साबे एतका प्रमाण दिंदे रही, कि व्यवस्था री आज्ञा त्यारे मना में साहा। होर त्या री अंतरात्मा भी तेत्की गुआही दिंदा, होर त्याहरे विचार आपु में दोष लाउदा भी होर निर्दोष भी ठहराऊदा; 16जासू धियाड़ी परमेश्वरा मेरे सुसमाचारा रे सावे यीशु मसीह मणशा री गुप्त गल्ला रा न्याय करणा।

यहूदी होर व्यवस्था

17अगर तुह आपु बे यहूदी बोला, होर व्यवस्था पेन्दे बुशाह डाहदा, होर परमेश्वरा रे बारे में घमड करा, 18होर तेऊरी इच्छा जाणा होर व्यवस्था री शिक्षा पाई करे राबड़ी गल्ला शोभली लागे; 19होर आपु पेन्दे बुशाह डाहे कि हाऊं कांणे रअ गुरु होर निहारे में पड़ी दी ज्योति साहा। 20होर निर्बुद्धियो वै सिखऊणे आल़ा, होर बालका रा उपदेशक साहा; होर ज्ञान होर सत्या रा नमूना जोह व्यवस्था में साहा, महा भेटी दी साहा। 21पर कैह तुह दूजे वै कैह सिखाऊंदा, आपु नांई सिखदअ? कैह तुह चोरी नांई करने रा प्रचार करा, आपु चोरी ही करा। 22तुह जोह बोला, ब्यभिचार नांई करना, कैह आपु ही व्यभिचार करां? तुह जोह मूर्ति का रोष करा होर आपू ही देहुरे लुटा? 23तुह जोह व्यवस्था रे बारे में घमड करा, कैह व्यवस्था मनी करे परमेश्वरा रा अपमान करा? 24किबेकि थारी बजहा का अन्यजाति परमेश्वरा रे ना री निंदा हुंदा, जेड़ा लिखुदा साहा। 25अगर तुह व्यवस्था पेन्‍दे हांडलअ तेबा खतने रा तअ लाभ साहा पर अगर तुह व्यवस्था नांई मने तेबा तेरे खतने करने रा केह फायदा। 26तेबा अगर खतना रहित मणश व्यवस्था री बिधि नांई मने तेबा तेऊरी दशा खतना नांई करने रे बराबर हुणी। 27होर जोह मणश बिना खतना रहे अगर सह लिखी दी व्यवस्था पूरी करे पर महा तेबा केह जोह लीखण पाऊणे होर खतना करने मे भी व्यवस्था नांई मने, सह दोषी नांई हुण? 28किबेकि यहूदी सह नांई जोह पहिले यहूदी साहा; होर नाह सह खतना साहा जोह पहिले साहा होर शरीरा में साहा। 29पर यहूदी सह साहा जोह मना का साहा; होर खतना सह साहा जोह दिल होर आत्मा का साहा, नांई कि लिखूदा एडे री प्रशंसा मणशा री तरफा का नांई पर परमेश्वरा री तरफा का होई लोडी।

Currently Selected:

रोमियों 2: ISJNT

Highlight

Copy

Compare