प्रेरित 25

पोलुसा रा राजा बे शावाश दिणी

1फेस्तुस एऊ जिले में पूजणे रे चींहूंणे धयाडे कैसरिया कअ यरूशलेम बे नाठअ। 2तेबा प्रधान याजक होर यहूदियों रे मुख्य लोका पौलुसा पैंदे दोष लाई करे तेऊ कअ बिनती करी 3होर यह अनुग्रह मांगी कि पौलुसा यरूशलेम बे भेजा, किबेकी त्याह तेऊ रास्ते में ही मारणे बे त्यार रही दे थी। 4तेबा फेस्तुसे उतर दीना, पौलुस कैसरिया में पहरे में साह, होर महा आपू छेको तखा बे नांहणा। 5भी का बोलू, तमामें जोह मुख्य मणश साहा त्याह मांई संघे हाँडे होर अगर एउ मणशे कुछ गलत काम करुदा साहा, तेबा तेऊ पैंदे दोष लाए। 6त्याह संघे आठा दसा धयाडी रही करे त्याह कैसरिया बे नाठे, होर दूजे धयाडे न्याय शासना में बेशी करे पौलुसा आणने री आज्ञा दीनी। 7जेबा सह आऊअ तेबा जोह यहूदी यरूशलेम कअ आऊए थी, त्या सेटा खड़अ होई करे तेऊ पैंदे बड़े-बड़े आरोप लाई, जासका त्याह जेह सबूत नांई लायक आंहदा थी। 8पर पौलुसे उतर दीना, मांई नाह यहूदी री व्यवस्था ना मंदिरे होर ना कैसरा रे बिरुद्ध कोई अपराध करू। 9तेबा फेस्तुस यहूदी खुश करणे री इच्छा कअ पौलुसा बे बोलू, कैह तूह चांहदा कि यरूशलेमा बे नाहे, होर तखे माह सामने तेरा यह न्याय त्या करणा। 10पौलुसे बोलू, हाँउ कैसरा रे न्याय रे सामने खडअ साहा, पर मुक़दमे रा न्याय अखी लोडी होऊ जेहड़ा तूह रांबडी तरह जांणदा, यहूदी री मांई किछे बुराई नांई करीदी। 11ज़ेबा हाँऊ आपराधी साहा होर बुराई लायक कोई काम करूदा आसा तेबा मरने कअ नांई मुकरदअ पर जासू गला रा या माह पैंदे दोष लाऊंदा, ज़ेबा त्याह में कोई भी गल सची नांई ठहरी, ताहा कोहे त्या रे हाथे नांई सोपी सकदे, हाँऊ कैसरा बे दुहाई दिंदा। 12तेबा फेस्तुस मिस्री री सभा में गला करी उतर दीना, तांई कैसरा बे दोहाई दीनी, तूह कैसरा सेटा ही नांहणअ।

राजा अग्रिपा सेटा पोलुस

13कुछ धयाडे बीतणे बाद अग्रिप्पा राजा होर बिरनीक कैसरिया में इच्छी करे फेस्तुसा रा सुआगत करू। 14त्या बहू धयाडी तखे रंहणे बाद फेस्तुस पौलुसा रे बारे में राजा बे खोजू, एक मणश साहा, जूंण फैलिक्स बंदी छाडू दअ साहा। 15जेभरे हांऊ यरूशलेमा में, तेबा प्रधान याजक होर यहूदी रे बजुर्गा तेऊरे बिरुद्ध दोष लाऊ होर बिनती करी कि तेऊबै सजा दे। 16पर मांई त्याह बे उतर दीना कि रोमी री यह रीति नांई आंहदी कि कासु मणश दण्डा री तणी सोपी दे होर एऊ भी आपणे दोषा लाऊणे आले सामने उतर दीणे रा पूरा हक साहा। 17अतः जेबा त्याह अखे कठे होई, तेबा मांई कुछ देर नांई करी, पर दूजे ही धयाडे न्याय साहा ना में बेशी करे तेऊ मणशा आणणे री आज्ञा दीनी। 18जेबा दोषा लाऊणे आले खड़े होई, तेबा त्याह तेऊ पैंदे कोई एह्ड अपराधा रा दोष नांई लाऊ जेहड़ा मेरा अनुमान। 19पर त्याहरा झगडा तेऊ संघे सीधी आपणे धर्मा री कुछ गला होर यीशु ना रअ एक मणश रे बारे में, जोह मुंअ पर पौलुस तेऊरे जिऊंदअ हूंणे रा दाबा करदा। 20हांऊ उलझाना में, याह गला रा पता कैहडअ लाऊंणा? तेबा मांई तेऊ का पुछु, कैह ताह यरूशलेमा बे नांहणा कि तखे याह गला रा न्याय हूंणा? 21पर पौलुसे बिनती करी कि तेऊरे मुकदमे रा फैसला अखी हो, तेबा मांई आज्ञा दीनी की जेभरे तणी सह कैसरा सेटा नांई भेज़लअ सह जेला में डांहणअ। 22तेबा अग्रिप्पा फेस्तुसा का बोलू, हाँऊ भी तेऊ मणशा री शुंणना चांहदा। तेऊ बोलू, तुह काला शुणे। 23अतः दूजे धयाडे जेबा अग्रिप्पा होर बिरनीक बड़ी धूमधामा संघे आऊए होर सेनापति होर नगरा रे खास लोका संघे दरबारा में पूजे। तेबा फेस्तुस आज्ञा दीनी कि त्याह पौलुसा शादे। 24फेस्तुस बोलू, हे राजा अग्रिप्पा, होर हे सारे आदमियों जोह अखे हामा संघे साह, तमे सभे मणश हेरदा, जासके बारे में सभी यहूदी यरूशलेम में होर अखे भी चिल्लाई-चिल्लाई करे माह का बिनती करी कि एऊरा जिऊंदअ रंहणा ऊचित नांई आंहदा। 25पर मांई जांणू कि तेऊ एह्ड़ा किछे नांई करू कि मारणअ, होर तेऊ आपे महाराजा का बिनती करी, तेबा मांई तेऊ भेजणे रा न्याय करू। 26मांई तेऊरे बारे में कोई निश्चित गअल नांई पाई कि आपणे मालका बे लिखू। तेबा मांई सह थारे सामने होर खासकर हे राजा अग्रिप्पा तेरे सामने न्याय आंणू कि जांचणे बाद माह कुछ लिखणे बे भेटे। 27किबेकी कैदी भेजणअ होर जोह दोष एऊ पैंदे लाईदे त्याह नांई खोजे त्या माह व्यर्थ लागदा।

Currently Selected:

प्रेरित 25: ISJNT

Highlight

Copy

Compare