गलाती 2
2
छान्या मान्सन बठेइ पावलको स्वागत
1चौद बर्ष पछा बारनाबाससित तीतसलाइ संङगइ लइजाइबर म आजी यरुशलेम सहर गया। 2म ताँ गया क्याकि परमेश्वरले मलाइ जा भण्याथ्यो। रे जब म ताँ थ्या मइले मण्डलिका अगुवासित एकान्तमी भेट्या, रे गैर-यहुदिलाइ प्रचार अर्या सुसमाचार ब्याख्या अर्या, ताकि मइले पइल्ली अर्या काम अथवा रे जो काम म लगातार अद्द्या हु त्यो व्यर्थ जन होउ।
3मेरा साथी तीतस जो ग्रीक हुन तिनरो कभइ खतना भया आथिन। तर यरुशलेम सहरमि भया तिन मण्डलिका अगुवानले उइलाइ स्वीकार अर्यो। तिननले उइलाइ खतना अददाइ कर अरेइन। 4खतनाको यो कुरणीले समस्या लेयो, क्याकि केइ झुटा भाइन#2:4 झुटा भाइन यिन यहुदि बिश्वासि हुन जइले बिश्वास अददाहान कि उद्दार पाउनाइलाइ हामले मोशाको कानुन लगइ पालन अददु पणन्छ तिनन झुटा भाइन हुन क्याकि तिननले बिश्वास अद्दाइन्न कि ख्रीष्टको क्रुसमि भया मृत्यु बठेइ मान्तर हाम उद्दार पाउनाउ। गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन। 5हामले तिननलाइ इन्कार अर्या रे तइ कुरणीमि एकइ बेरलाइ लगइ झुकेइन ताकि तमन सुसमाचारको सत्यतामि रन सक।
6यरुशलेम सहरमि भया तिन मण्डलिका अगुवानले मइले सिकाउन्या शिक्षालाइ बदेल्लाइ दबाब दियइन, तिन अगुवान जति ठुला भया लगइ यइले मलाइ केइ फरक पड्डइन, क्याकि परमेश्वरले बाइरको रुप हेरिबर न्याय अद्दाइन। 7तर तिन अगुवानले धेक्यो कि परमेश्वरले मलाइ गैर-यहुदि मान्सनलाइ सुसमाचार प्रचार अद्दाइ नियुक्त अर्याछ, जसेरि यहुदि मान्सनलाइ सुसमाचार प्रचार अद्दाइ पत्रुसलाइ नियुक्त अर्याथ्यो। 8परमेश्वर जइले पत्रुसलाइ यहुदि मान्सनकिलाइ छान्या शिष्य हुनाइलाइ नियुक्त अर्यो, उनइले मलाइ लगइ गैर-यहुदि मान्सनकिलाइ छान्या शिष्य हुनाइलाइ नियुक्त अर्यो।
9याकुब, केफास रे यूहन्ना, जो मान्सन मण्डलिका अगुवान थ्या, तिननले ममि भया अनुग्रह जाण्या पछा तिननले धेकायो कि तिनन म रे बारनाबाससित सहमत थ्या। तिनन सहमत भया कि हामले गैर-यहुदि मान्सनलाइ रे तिननले यहुदि मान्सनलाइ सुसमाचार प्रचार अददु पणन्छ। 10तिननले हामलाइ यो मान्तर बिन्ति अर्यो कि हामले यरुशलेम सहरमि भया गरिब बिश्वासिनलाइ सहयोग अददु पणन्छ। रे इसोइ म अद्द चाहान्थ्या।
पावल रे पत्रुसको मतभेद
11एक दिन जब केफास एन्टिओखिया सहरमि आया तब मइले उनलाइ मान्सनका अगाडी हकार्या क्याकि उनले गलत काम अर्याथ्यो। 12पत्रुसले खतना नभया गैर-यहुदि मान्सनसित खान्या अरन्थ्या। तर जब याकुबले पठाया केइ बिश्वासि यरुशलेम सहर बठेइ आया, तब उइले गैर-यहुदि मान्सन सितको संगत रे खान छाडयो। क्याकि पत्रुस यहुदि मान्सन बठेइ डराया थ्या, जइले चाहानथ्या कि सब गैर-यहुदि मान्सनको खतना हुनु पणन्छ।
13रे केइ एन्टिओखिया सहरका यहुदि बिश्वासीनले लगइ तसोइ कपटि काम अर्यो, याँ सम्मकि बारनाबासले लगइ तिनराइ जसो कपटि ब्यबहार अर्यो। 14तर जब मइले सुसमाचारको सत्य शिक्षालाइ पालन नअर्या धेक्या तब मइले सब मान्सनका अगाडी केफासलाइ भण्या, “तम यहुदि मान्स होइबर लगइ गैर-यहुदि मान्सनका चालचलन अनसार चलन्छौ रे यहुदि मान्सनको चालचलन अनसार चल्लानु। यदि तम यहुदि मान्स होइबर तसो अरन्छौ भण्या, आजी क्याकि गैर-यहुदि मान्सनलाइ तमन यहुदि मान्सनको चालचलन अनसार चल्लाइ दबाब दिन्छौ?”
बिश्वास रे काम
15हाम जन्मइ बठेइ यहुदि हौ, रे “गैर-यहुदि पापी” भणिन्या जसा होइन, जो हाम यहुदि मान्सनले तिननलाइ भण्नाउ। 16हाम यहुदि बिश्वासिन जाण्नाउ कि मोशाको कानुन पालन अद्दया एक मान्स परमेश्वरका नजरमि धर्मि ठहरिनइन, तर येशू ख्रीष्टमी बिश्वास बठेइ धर्मि ठहरिन्छ। तबइकिलाइ हामले लगइ येशू ख्रीष्टमी बिश्वास अर्या, ताकि हाम मोशाको कानुन पालन अरिबर होइन तर ख्रीष्टमी बिश्वास अर्या हुनाले बिश्वास बठेइ धर्मि ठहरिन सकौ। क्याकि कोइलगइ कानुन पालन अरिबर परमेश्वरका नजरमि धर्मि ठहरिन सक्दइन।
17क्याकि कानुन पालन अरिबर होइन तर हाम येशू ख्रीष्टमी बिश्वास अर्या हुनाले धर्मि ठहरियाछौ, केइ यहुदि मान्सनले हाम पापी भया सोच्चाहान क्याकि हामले यहुदि कानुन पालन अद्दाइन। यइको अर्थ यो होइन कि ख्रीष्टले हामलाइ पापी बनायो। होइन! बिलकुल होइन! 18तर मइले कानुन पालन अरिबर परमेश्वरसित धर्मि ठहरिन सक्दाहान भणन्या कुरणी स्वीकार अर्या भण्या म साच्ची पाप अद्दउ। 19क्याकि म बुज्जउ कि मोशाको कानुन पालन अरिबर म धर्मि ठहरिन सक्दइन। तबइकिलाइ म सम्झनउ कि म कानुनकिलाइ मर्या छु ताकि म परमेश्वरका निउति जिउन सकु।
20यो इसो हो कि ख्रीष्ट क्रुसमि मर्या, रे म लगइ मर्या। म आब जिउन्या होइन, तर ख्रीष्ट ममि जिउनाहान। रे जो जीवन म अइल जिउनाछु त्यो म परमेश्वरका चेलोमी बिश्वास अरिबर जिउनउ, जइले मलाइ भौत प्रेम अर्यो यिति सम्मकि उनले आफ्नो जीवन मेरा निउति दियो। 21परमेश्वरले आफ्नो अनुग्रह बठेइ हामलाइ धर्मिका रुपमि स्वीकार अर्यो। म कभइ लगइ त्यो कुरणी छाडया आथिन, क्याकि यदि मान्सनले कानुन पालन अरिबर धर्मि हुन्या भया ख्रीष्ट मद्दु पड्डया थेइन।
Currently Selected:
गलाती 2: DTYNT
Highlight
Copy
Compare
Share
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
गलाती 2
2
छान्या मान्सन बठेइ पावलको स्वागत
1चौद बर्ष पछा बारनाबाससित तीतसलाइ संङगइ लइजाइबर म आजी यरुशलेम सहर गया। 2म ताँ गया क्याकि परमेश्वरले मलाइ जा भण्याथ्यो। रे जब म ताँ थ्या मइले मण्डलिका अगुवासित एकान्तमी भेट्या, रे गैर-यहुदिलाइ प्रचार अर्या सुसमाचार ब्याख्या अर्या, ताकि मइले पइल्ली अर्या काम अथवा रे जो काम म लगातार अद्द्या हु त्यो व्यर्थ जन होउ।
3मेरा साथी तीतस जो ग्रीक हुन तिनरो कभइ खतना भया आथिन। तर यरुशलेम सहरमि भया तिन मण्डलिका अगुवानले उइलाइ स्वीकार अर्यो। तिननले उइलाइ खतना अददाइ कर अरेइन। 4खतनाको यो कुरणीले समस्या लेयो, क्याकि केइ झुटा भाइन#2:4 झुटा भाइन यिन यहुदि बिश्वासि हुन जइले बिश्वास अददाहान कि उद्दार पाउनाइलाइ हामले मोशाको कानुन लगइ पालन अददु पणन्छ तिनन झुटा भाइन हुन क्याकि तिननले बिश्वास अद्दाइन्न कि ख्रीष्टको क्रुसमि भया मृत्यु बठेइ मान्तर हाम उद्दार पाउनाउ। गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन। 5हामले तिननलाइ इन्कार अर्या रे तइ कुरणीमि एकइ बेरलाइ लगइ झुकेइन ताकि तमन सुसमाचारको सत्यतामि रन सक।
6यरुशलेम सहरमि भया तिन मण्डलिका अगुवानले मइले सिकाउन्या शिक्षालाइ बदेल्लाइ दबाब दियइन, तिन अगुवान जति ठुला भया लगइ यइले मलाइ केइ फरक पड्डइन, क्याकि परमेश्वरले बाइरको रुप हेरिबर न्याय अद्दाइन। 7तर तिन अगुवानले धेक्यो कि परमेश्वरले मलाइ गैर-यहुदि मान्सनलाइ सुसमाचार प्रचार अद्दाइ नियुक्त अर्याछ, जसेरि यहुदि मान्सनलाइ सुसमाचार प्रचार अद्दाइ पत्रुसलाइ नियुक्त अर्याथ्यो। 8परमेश्वर जइले पत्रुसलाइ यहुदि मान्सनकिलाइ छान्या शिष्य हुनाइलाइ नियुक्त अर्यो, उनइले मलाइ लगइ गैर-यहुदि मान्सनकिलाइ छान्या शिष्य हुनाइलाइ नियुक्त अर्यो।
9याकुब, केफास रे यूहन्ना, जो मान्सन मण्डलिका अगुवान थ्या, तिननले ममि भया अनुग्रह जाण्या पछा तिननले धेकायो कि तिनन म रे बारनाबाससित सहमत थ्या। तिनन सहमत भया कि हामले गैर-यहुदि मान्सनलाइ रे तिननले यहुदि मान्सनलाइ सुसमाचार प्रचार अददु पणन्छ। 10तिननले हामलाइ यो मान्तर बिन्ति अर्यो कि हामले यरुशलेम सहरमि भया गरिब बिश्वासिनलाइ सहयोग अददु पणन्छ। रे इसोइ म अद्द चाहान्थ्या।
पावल रे पत्रुसको मतभेद
11एक दिन जब केफास एन्टिओखिया सहरमि आया तब मइले उनलाइ मान्सनका अगाडी हकार्या क्याकि उनले गलत काम अर्याथ्यो। 12पत्रुसले खतना नभया गैर-यहुदि मान्सनसित खान्या अरन्थ्या। तर जब याकुबले पठाया केइ बिश्वासि यरुशलेम सहर बठेइ आया, तब उइले गैर-यहुदि मान्सन सितको संगत रे खान छाडयो। क्याकि पत्रुस यहुदि मान्सन बठेइ डराया थ्या, जइले चाहानथ्या कि सब गैर-यहुदि मान्सनको खतना हुनु पणन्छ।
13रे केइ एन्टिओखिया सहरका यहुदि बिश्वासीनले लगइ तसोइ कपटि काम अर्यो, याँ सम्मकि बारनाबासले लगइ तिनराइ जसो कपटि ब्यबहार अर्यो। 14तर जब मइले सुसमाचारको सत्य शिक्षालाइ पालन नअर्या धेक्या तब मइले सब मान्सनका अगाडी केफासलाइ भण्या, “तम यहुदि मान्स होइबर लगइ गैर-यहुदि मान्सनका चालचलन अनसार चलन्छौ रे यहुदि मान्सनको चालचलन अनसार चल्लानु। यदि तम यहुदि मान्स होइबर तसो अरन्छौ भण्या, आजी क्याकि गैर-यहुदि मान्सनलाइ तमन यहुदि मान्सनको चालचलन अनसार चल्लाइ दबाब दिन्छौ?”
बिश्वास रे काम
15हाम जन्मइ बठेइ यहुदि हौ, रे “गैर-यहुदि पापी” भणिन्या जसा होइन, जो हाम यहुदि मान्सनले तिननलाइ भण्नाउ। 16हाम यहुदि बिश्वासिन जाण्नाउ कि मोशाको कानुन पालन अद्दया एक मान्स परमेश्वरका नजरमि धर्मि ठहरिनइन, तर येशू ख्रीष्टमी बिश्वास बठेइ धर्मि ठहरिन्छ। तबइकिलाइ हामले लगइ येशू ख्रीष्टमी बिश्वास अर्या, ताकि हाम मोशाको कानुन पालन अरिबर होइन तर ख्रीष्टमी बिश्वास अर्या हुनाले बिश्वास बठेइ धर्मि ठहरिन सकौ। क्याकि कोइलगइ कानुन पालन अरिबर परमेश्वरका नजरमि धर्मि ठहरिन सक्दइन।
17क्याकि कानुन पालन अरिबर होइन तर हाम येशू ख्रीष्टमी बिश्वास अर्या हुनाले धर्मि ठहरियाछौ, केइ यहुदि मान्सनले हाम पापी भया सोच्चाहान क्याकि हामले यहुदि कानुन पालन अद्दाइन। यइको अर्थ यो होइन कि ख्रीष्टले हामलाइ पापी बनायो। होइन! बिलकुल होइन! 18तर मइले कानुन पालन अरिबर परमेश्वरसित धर्मि ठहरिन सक्दाहान भणन्या कुरणी स्वीकार अर्या भण्या म साच्ची पाप अद्दउ। 19क्याकि म बुज्जउ कि मोशाको कानुन पालन अरिबर म धर्मि ठहरिन सक्दइन। तबइकिलाइ म सम्झनउ कि म कानुनकिलाइ मर्या छु ताकि म परमेश्वरका निउति जिउन सकु।
20यो इसो हो कि ख्रीष्ट क्रुसमि मर्या, रे म लगइ मर्या। म आब जिउन्या होइन, तर ख्रीष्ट ममि जिउनाहान। रे जो जीवन म अइल जिउनाछु त्यो म परमेश्वरका चेलोमी बिश्वास अरिबर जिउनउ, जइले मलाइ भौत प्रेम अर्यो यिति सम्मकि उनले आफ्नो जीवन मेरा निउति दियो। 21परमेश्वरले आफ्नो अनुग्रह बठेइ हामलाइ धर्मिका रुपमि स्वीकार अर्यो। म कभइ लगइ त्यो कुरणी छाडया आथिन, क्याकि यदि मान्सनले कानुन पालन अरिबर धर्मि हुन्या भया ख्रीष्ट मद्दु पड्डया थेइन।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.