MASMUR 74
74
Pertoton guna kemerdekan bangsa
1Ende-enden Asap.
O Dibata, rasa lalap kin kami itadingkenNdu?
Engkai maka Kam merawa man bangsaNdu?
2Ingetlah bangsa si ipilihNdu ndube,
bangsa si ibebaskenNdu gelah jadi bangsaNdu.
Ingetlah Deleng Sion,
i je kap Kam ringan.
3Dalani min ingan-ingan si enggo iruntuhken musuh,
enggo ikernepkenna si nasa lit i bas RumahNdu.
4Imbang-imbangNdu enggo ersurak i bas RumahNdu,
dingen majekken bendera tanda kemenangen i je.
5Desken tukang si nabah batang kayu,
itabahna kayu salu kapakna.
6Icedaina kerina ukiren kayu,
alu kapak ras martel.
7Icilukna RumahNdu ngadi-ngadi radas,
iliamina ingan nembah man baNdu.
8Atena maka kerina kami italukenna,
jenari icilukina kerina ingan persembahen i negeri enda.
9Nabi-nabi ras tanda kuasa lanai nari lit,
sekalak pe la lit si meteh ndigan enda ngadina.
10Ngayak ndigan, o Dibata, musuhNdu nawai Kam?
Rasa lalap kin ia nggombangi gelarNdu?
11Engkai maka la kami isampatiNdu?
Engkai maka ipelepasNdu saja kami?
12Kam kap raja kami nai-nai nari,
enggo rusur ikeliniNdu kami, o Dibata.
13ItakaNdu lawit alu kuasaNdu
nganga lawit ipekpekNdu takalna seh pecah. #Kel 14:21
14Takal Lewiatan iperperken Kam,
ijadikenNdu ia jadi pangan rubia-rubia kerangen. #Jop 41:1; Msm 104:26; Jes 27:1
15Kam erbahanca maka turah ulu lau ras maler lau mbelin,
ikerahiNdu lau si la pernah kerah.
16Kam njadikenca suari ras berngi,
netapkenca ingan matawari ras bulan.
17Baleng-baleng doni enda itentukenNdu,
ijadikenNdu paksa perlego ras perudan.
18O TUHAN, inget min uga Kam pencekuraki musuh-musuh e,
bangsa si la erdibata naling-naling gelarNdu.
19Ola endeskenNdu bangsaNdu si la ergegeh e
ku bas tan kalak si kejam.
Ola min kami asa lalap ilupakenNdu,
bangsaNdu si musil-musil.
20Inget min perpadanen si ibahanNdu man kami,
sabap i bas tep-tep ingan si gelap i bas negeri enda,
i je kalak ngelakoken si jahat.
21Ola pelepas mela iakap kalak si tertindih,
gelah kalak musil ras mesera muji Kam.
22Kekeken o Dibata, bela min perkaraNdu
sabap gedang-gedang wari Kam icekuraki kalak, si la erdibata.
23Ola min kam lupa sora imbangNdu si megombang e,
sabap reh gejekna ibahanna lalap.
Currently Selected:
MASMUR 74: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MASMUR 74
74
Pertoton guna kemerdekan bangsa
1Ende-enden Asap.
O Dibata, rasa lalap kin kami itadingkenNdu?
Engkai maka Kam merawa man bangsaNdu?
2Ingetlah bangsa si ipilihNdu ndube,
bangsa si ibebaskenNdu gelah jadi bangsaNdu.
Ingetlah Deleng Sion,
i je kap Kam ringan.
3Dalani min ingan-ingan si enggo iruntuhken musuh,
enggo ikernepkenna si nasa lit i bas RumahNdu.
4Imbang-imbangNdu enggo ersurak i bas RumahNdu,
dingen majekken bendera tanda kemenangen i je.
5Desken tukang si nabah batang kayu,
itabahna kayu salu kapakna.
6Icedaina kerina ukiren kayu,
alu kapak ras martel.
7Icilukna RumahNdu ngadi-ngadi radas,
iliamina ingan nembah man baNdu.
8Atena maka kerina kami italukenna,
jenari icilukina kerina ingan persembahen i negeri enda.
9Nabi-nabi ras tanda kuasa lanai nari lit,
sekalak pe la lit si meteh ndigan enda ngadina.
10Ngayak ndigan, o Dibata, musuhNdu nawai Kam?
Rasa lalap kin ia nggombangi gelarNdu?
11Engkai maka la kami isampatiNdu?
Engkai maka ipelepasNdu saja kami?
12Kam kap raja kami nai-nai nari,
enggo rusur ikeliniNdu kami, o Dibata.
13ItakaNdu lawit alu kuasaNdu
nganga lawit ipekpekNdu takalna seh pecah. #Kel 14:21
14Takal Lewiatan iperperken Kam,
ijadikenNdu ia jadi pangan rubia-rubia kerangen. #Jop 41:1; Msm 104:26; Jes 27:1
15Kam erbahanca maka turah ulu lau ras maler lau mbelin,
ikerahiNdu lau si la pernah kerah.
16Kam njadikenca suari ras berngi,
netapkenca ingan matawari ras bulan.
17Baleng-baleng doni enda itentukenNdu,
ijadikenNdu paksa perlego ras perudan.
18O TUHAN, inget min uga Kam pencekuraki musuh-musuh e,
bangsa si la erdibata naling-naling gelarNdu.
19Ola endeskenNdu bangsaNdu si la ergegeh e
ku bas tan kalak si kejam.
Ola min kami asa lalap ilupakenNdu,
bangsaNdu si musil-musil.
20Inget min perpadanen si ibahanNdu man kami,
sabap i bas tep-tep ingan si gelap i bas negeri enda,
i je kalak ngelakoken si jahat.
21Ola pelepas mela iakap kalak si tertindih,
gelah kalak musil ras mesera muji Kam.
22Kekeken o Dibata, bela min perkaraNdu
sabap gedang-gedang wari Kam icekuraki kalak, si la erdibata.
23Ola min kam lupa sora imbangNdu si megombang e,
sabap reh gejekna ibahanna lalap.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.