MASMUR 67
67
Ende-enden pengataken bujur
1Ende-enden.
2O Dibata, pernehenlah kami alu kiniulin,
mekuah min ateNdu pasu-pasu min kami;
3gelah peratenNdu itandai kalak i belang-belang doni,
gelah kerina bangsa meteh maka Kam ngenca ngasup ngkelini manusia.
4O Dibata, ipuji bangsa-bangsalah Kam,
kerinalah kalak ngataken bujur ku Kam.
5Rende-ersuraklah kerina bangsa-bangsa,
rendelah alu ukur si meriah.
Sabap bujur kap Kam i bas erbahan keputusen,
janah kerina bangsa-bangsa i doni Kam si njujurkenca.
6O Dibata, ipuji bangsa-bangsalah Kam,
ngataken bujurlah kerina bangsa-bangsa man baNdu.
7Enggo ibereken taneh enda ulihNa,
Dibata, Dibatanta enggo masu-masu kita.
8Dibata enggo masu-masu kita,
kerinalah i belang-belang doni pehaga IA.
Currently Selected:
MASMUR 67: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
