เลห 28
28
ลอง ครึง บอด
1เฌาพรา วี ต็อห ดี อาโมวแซ, “แตห แม แดะ อาโรน อี มูห อีกัด แม บอ ฆอน อัน, อี จืร อานาดาบ, อาบีฮู, อาเลอาซา บอ อาอีทามา, แตห เฆ โบง ฆาน โอว, แบน ดูอี อี หลู ดี โอว. 2วาย อัน ตี แม โลว จัร เฆ โบง ครึง บอด อู ฌึม แตห อาโรน ตา, แตห อัน มึห ซาเร, แตห ดูอี โรวเซ อัน. 3อึณ มึห เฆ ดูอี แปะ แฮะ ดัว โอว อางยาน แตห เฆ แหลว ดี โบง ครึง ฌึร ตี. แม มืร โลว จัร เฆ แตห เฆ โบง ครึง บอด อู ฌึม ปี โลว ชึบ อาโรน, แตห อัน บอด, แตห อัน ปึอน ดี หลู ดี โอว. 4ครึง ปี โลว เฆ โบง, เฆ ปาย นี. เฆ โลว โบง ฮู ปี เบลห อาโรน ดี บังน็อห อัน. บอ ซีโตว ดีกรัห, อี จืร ซีโตว เอโพด, บอ ซีโตว ตือะ ฆาย ซีโตว ตูน, บอ กาแมะ บอ ซาบรอด ปี ปัก ดี ณอย อัน, เฆ โลว โบง แตห อึณ แบน อู ฌึม. ครึง บอด ฌึร ตี, เฆ โลว โบง แตห บอ อีกัด แม อี จืร อาโรน. บอ ฆอน อีมาย อัน ปึอน ดี ตา ดอ โบง เฆ ฆาน โอว, แบน ดูอี อี หลู ดี โอว. 5เฆ โลว โบง ครึง ฌึร ตี ดอน โมยว ตา ครีว เฆ เซณ อี คอง, อี ฆูย คอน บอ อี เรณ แฆ. แตห เฆ ตา บอ บีก กาตัม ลูย, โบง แคะ ปี จัร โอว เฆ โบง.”
ลอง ซีโตว ดีกรัห อี จืร ซีโตว เอโพด
6วาย อัน ตี เฌาพรา วี ต็อห, “เฆ ดูอี อี แหลว ดี โบง ซีโตว เอโพด ตึอน, แตห เฆ ตา ครีว บอ เซณ อี คอง, อี ฆูย คอน บอ อี เรณ แฆ. แตห เฆ ตา บอ บีก กาตัม ลูย ปี ด็อะ เฆ ตา เซณ บัด. 7ซีโตว เอโพด ตึอน แบน ซีโตว ดีกรัห. เบ โลว โบง บีก แตห อึณ กาดึก บอ นา อาต นา ปัน ดี อา กาโตะ. 8เบ โลว ด็อะ วัน ปี โลว ปัก ดี ณอย, แตห อัน ดึก ดี ซีโตว เอโพด ตี, แตห อึณ แบน ครึง อู พืน. เบ โลว ตา เซณ ครีว เฆ เซณ อี คอง, อี ฆูย คอน บอ อี เรณ แฆ, แตห เฆ ตา เซณ กาตัม ลูย อี บัด.
9เบ บอ โลว ดึห แซณ ว็อง ลูย อา โบ็ง, แดม อูน จืร ครึร อีซาเรลัะ บอ ฆึร ดี อา โมยว. 10แซณ อู โบ็ง โลว แดม จืร เฆ ฆอน อีมาย อาโกบ เดา วี. แซณ ปอ อู โบ็ง โลว แดม จืร เฆ ปอ เดา วี. แตห เฆ แดม ลาย ดาม. จืร อี ฆึอด ดี อาต โลว แดม ดี อาต. จืร อี ฆึอด ดี ปัน โลว แดม ดี ปัน. 11ดา ฌาง คัม อี รัณ แซณ, อัน โลว ดอก แซณ อา โบ็ง, แตห อึณ เลห จืร ฆอน อาโกบ ตึอน. อัน โลว โบง ฌึร ตี แตห อึณ ปี ปี โบง อัน ฌึม. วาย อัน ตี อัน วี โลว โบง กาง แซณ อา โบ็ง ตี, ตา ครีว อี ฮับ โบห. 12แซณ อา โบ็ง ตี เบ โลว ดึก ดี ยัะ ซีโตว เอโพด ตึอน, แตห อึณ มึห อู บลาก อู โบ็ง. แซณ อา โบ็ง ตี แตห โอว เฌาพรา โหลห เฆ ดูอี อีซาเรลัะ ฆึร ดี อา ครึร. ปาย ตี อาโรน โลว เบลห จืร เฆ ครึร อีซาเรลัะ ดี ยัะ อัน, แตห โอว ปึอน ดี โหลห เฆ บอกาเฆลียด ดอ ตัห ฌัม อัน ดี อาต โอว บอ หลู ดี โอว. 13-14ปาย ตี เบ โลว โบง กาง แซณ อา โบ็ง, ตา ครีว ปี ฮับ เบ โบห. แฮะ ฮอต เบ บอ โลว วี ดึห ครีว บอด, โบง วัน ครีว อา ณ็อง, แตห เบ วี ดึก วัน ตี ดี กาง แซณ ตึอน.” ปาย ตี เฌาพรา จัร เฆ โบง ซีโตว ดีกรัห อี จืร ซีโตว เอโพด ตึอน.
ลอง ฮู ปี เบลห อาโรน ดี บังน็อห อัน.
15วาย อัน ตี เฌาพรา วี ต็อห ดี อาโมวแซ, “เบ โลว โบง ฮู ปี เบลห อาโรน ดี บังน็อห อัน, แตห อึณ จอย เบ ดอ โลว เบ ซูงพยาด แบน โมยว แบน โมยว. แตห เบ จัร ดูอี แหลว ดี โบง ดอน โมยว. อัน โลว ดึห ตา โกรว ปี ตา เฆ ดอ โบง เฆ ซีโตว เอโพด ตึอน. แตห อัน ตา ครีว เฆ เซณ อี คอง, อี ฆูย คอน บอ อี เรณ แฆ. แตห เฆ ตา บีก กาตัม ลูย ปี ด็อะ เฆ ตา เซณ บัด. 16ฮู ตี, เบ โลว โบง แตห อัน แบน พวน ซีนา กาลัง, แตห ดอน บลาก แบน อู กาซาน. เบ บอ โลว ดึห บีก, บลัห แตห อึณ แบน อา ทาบ, ปี ฮู. 17บลาก นา แดง เบ โลว ดึก แซณ ฆึร ดี อา โบ็ง, แตห เฆ กอย อึณแปรง พวน อึณแปรง. อึณแปรง เหลห เบ โลว เบลห แซณ เรณ เดณ, แซณ เดณ บลาง บอ แซณ เรณ. 18อึณแปรง ฮาอา โลว เบลห แซณ เงียน คอง, แซณ เงียน เบลณ บอ แซณ เรณ ว็อง. 19อึณแปรง ฮาโอย โลว เบลห แซณ มาบรีว, แซณ ปัยะ บอ แซณ ฆูย คอน. 20อึณแปรง อึณ พวน โลว เบลห แซณ เงียน ว็อง, แซณ ว็อง ลูย บอ แซณ เงียน เดณ ดีปูน. แซณ ฌึร ตี ดอน โบ็ง เบ โลว วี ดึห ครีว โบง กาง อัน. 21แซณ ฆึร ดี อา โบ็ง ตี โบง ปี ฆอน อาโกบ ฆึร ดี อา วี. แซณ ดอน โบ็ง โลว มึห จืร ครึร เฆ ดูอี อีซาเรลัะ, อู โมยว อู ครึร, แตห อึณ กอ โนะ ฆึร ดี อา ครึร. 22เบ บอ โลว โบง วัน ครีว แฌด อา ณ็อง. 23แฮะ ฮอต เบ โลว โบง ควัง ครีว อา โบ็ง, ดึก ดี อา กาโตะ ฮู ตึอน บลาก นา กัว. 24วัน ครีว ตึอน เบ โลว ดึก ดัง อัน ดี ควัง ครีว อี กอย ดี กาโตะ ฮู ตึอน ปี โลว เบลห ดา ตาง อี หลู ดี เฌาพรา แดง บังน็อห อัน. 25กาแดะ วัน ครีว ตี, เบ วี โลว ดึก ดี กาง แซณ ว็อง ลูย อา โบ็ง อี กอย ดี ยัะ ซีโตว เอโพด ตึอน. 26ปัน ตี เบ บอ โลว โบง ควัง ครีว ปอ อา โบ็ง, ดึก ดี กาโตะ บลาก นา เตต ฮู ตึอน บอ อา กาโตะ, แตห อึณ กอย กาตัด วัน ปี ปัก ดี ณอย อี กอย ดี ซีโตว เอโพด ตึอน. 27เบ โลว โบง บอ ควัง ครีว ปอ อา โบ็ง, ดึก ดี ซีโตว เอโพด แตห อึณ กอย โดง กอย นา ครึม ฮู ตึอน, แตห อึณ กอย กาตัด วัน อี ดึก ดี ณอย ตึอน. 28เบ โลว วี ดึห วัน บีก อี คอง, ชึบ แคง ควัง อี ดึก ดี ฮู บอ ควัง อี ดึก ดี ซีโตว เอโพด ตึอน, แตห ฮู ตึอน ดึก รีด ดี ซีโตว เอโพด, แกวะ แตห อึณ รัห.
29วาย อัน ตี ดอน เฌณ, ดอ ลึบ อาโรน แคง ทึบ บีก บอด, อัน ดี ชึบ ฮู อี มึห จืร เฆ ครึร ดูอี อีซาเรลัะ ตึอน, แตห อึณ กอย ดี บังน็อห อัน, แตห เฌาพรา วี โหลห เฆ เซเซ. 30เบ โลว อูน มาว อา โบ็ง อี จืร อูรีม ฆาย ทูมีม นา แคง ฮู ตึอน.#28:30 อูรีม ฆาย ทูมีม มูห มาว ปี ยอด เฆ ดูอี อีซาเรลัะ เซ เฆ ซี นับ มาเซ ปี อึง เฌาพรา ปาย ตี มาว อา โบ็ง ตี กอย ดี บังน็อห อาโรน ดอน เฌณ ดอน เฌณ ดอ ลึบ อัน โดง กอย เฌาพรา แคง ทึบ บีก บอด. ปาย ตี โกรว อี แตห ดูอี อีซาเรลัะ นับ ปี โลว ปี อึง เฌาพรา, อึณ ดี กอย ดี บังน็อห อาโรน เซเซ ดอ กอย อัน ดี อาต เฌาพรา.”
31วาย อัน ตี เฌาพรา วี ต็อห ดี อาโมวแซ, “เบ บอ โลว วี ดึห บีก อี คอง, โบง ซีโตว ตือะ ปี โลว ชึบ นา แคง ซีโตว เอโพด ตึอน. 32เบ โลว ดึห บีก โต็ง อู พืน. นา กาแต อัน เบ โลว แฆวะ แมง อัน. วาย อัน ตี เบ โลว ด็อะ ปราง วี จีณ ดี แมง อัน, แกวะ แตห อัน กายาต ลึร. 33เบ บอ โลว โบง ราง เบล มาจัก, ตา เซณ อี คอง, อี ฆูย คอน บอ อี เรณ แฆ, แตห เบ ดึก ดี โบรว ซีโตว ตี. บอ ฮีง ครีว เบ โลว โบง, ดึก นา กาแต ราง เบล มาจัก ดอน โบ็ง. 34ราง เบล มาจัก เฆ ฮีง ครีว เบ โลว ดึห ดึก ดี โบรว ซีโตว, แตห อึณ ลาย กาคัน. 35อาโรน โลว ชึบ บอ ซีโตว ตี ดอ โบง อัน ฆาน เฌาพรา. ดอ ฮาว ลึบ อัน แคง ทึบ บีก บอด, อี มูห โดง กอย เฌาพรา, บอ ดอ เลห อัน แคง โดง บอด ตี, เฆ ดูอี บัร ดี โทม ฮัม ฮีง ตี, แตห เฆ นับ อาโรน ตู ยัม ดอ กอย อัน ดี อาต เฌาพรา.
36เบ โลว วี ดึห ครีว บอด อู บลัะ, ดอก ปัยะ นา แดง, แตห อึณ ต็อห, แฮะ บอด, มี อาดา เฌาพรา.” 37เบ โลว ดึห วัน อี คอง, ดึก ดี บลัะ ครีว ตึอน, แตห อึณ ปึอน ดี ปัก ดี กาต็อห ดูอี อี หลู ดี เฌาพรา, แตห อึณ กอย นา เรต กาแมะ อัน. 38บลัะ ครีว ตี โลว กอย ดี กาต็อห อาโรน. ปาย ตี อัน โลว ดึห นา ตู หมึอม ปี โบง ดูอี, อี ดึก ดี ปี ดี หลู เฆ ดอน โมยว. เฆ บอ หลู มาเซ, หมาบ เฆ ดี บอ ดึก ดี ปี ดี หลู เฆ ตี เซเซ. เซ อาโรน ยี มึห บลัะ ครีว ตี, อึณ ดี แตห เฌาพรา แวน หมาบ อี ดึก ดี ปี หลู เฆ.
39วาย อัน ตี เบ โลว วี ด็อะ บีก กาตัม ลูย, ตา เซณ บัด, วี โบง ซีโตว ตูน อาดา อาโรน. บอ กาแมะ เบ โลว โบง ตา เซณ กาตัม ลูย อี แฮะ บัด. บอ ซาบรอด ปี ปัก ดี ณอย, เบ โลว โบง. ดูอี แหลว ดี จีณ, แตห แม จัร อัน จีณ แฆะ, แตห อัน โบง ซาบรอด ตี. 40แม บอ โลว แตห เฆ โบง ซีโตว ตูน บอ ซาบรอด บอ กาแมะ, แตห บอ ฆอน อีมาย อาโรน ปึอน ดี ชึบ, แตห บอ เฆ มึห ซาเร, แตห เฆ ดูอี โรวเซ บอ เฆ. 41เบ แฮะ ฮอต โบง ครึง บอด ตี, แตห บอ อาโรน อี มูห อีกัด แม บอ เฆ ฆอน อีมาย อัน วี ชึบ ครึง ตี. วาย อัน ตี เบ โลว พ็อห นามัน บอด ดี ฆีณ เฆ, ดาง แตห เฆ แบน ดูอี อี โบง ฆาน โอว.
42เบ บอ โลว โบง ซีลา บัวะ, แตห บอ อาโรน บอ ฆอน อัน ชึบ, แตห อึณ กาบีด โดว เฆ. ซีลา ตี เบ โลว โบง ตา กาตัม ลูย. เบ โลว โบง แตห อึณ จูห ดี ณอย กอ ฌัม ดี ฆึม, กาบีด ฆึม เฆ. 43อาโรน บอ ฆอน อัน โลว ชึบ เซเซ ซีลา ตี ดอ ลึบ เฆ แคง ทึบ บีก บอด บอ ดอ ฮาว กาตัด เฆ กาโช็ง หลู, แตห เฆ โบง ฆาน โอว. ดอ กอย เฆ ดี โดง บอด ดอน โมยว, เซ เฆ ชึบ ครึง ปาย ตี อึณ ตู แตห เฆ มึห หมาบ, ตู แตห เฆ โลว ยัม.
แม โลว แตห อาโรน เฆ หลูกหลาน อัน โบง เซเซ ปี จัร โอว ฌึร ตี ดอน โมยว, แตห เฆ โดบ ซีคยา ดอน โจว ดอน บาน.” ปาย ตี เฌาพรา กาลาง ดี อาโมวแซ ดอ กอย อัน แดง นอน เฌาพรา ตึอน.
Currently Selected:
เลห 28: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
เลห 28
28
ลอง ครึง บอด
1เฌาพรา วี ต็อห ดี อาโมวแซ, “แตห แม แดะ อาโรน อี มูห อีกัด แม บอ ฆอน อัน, อี จืร อานาดาบ, อาบีฮู, อาเลอาซา บอ อาอีทามา, แตห เฆ โบง ฆาน โอว, แบน ดูอี อี หลู ดี โอว. 2วาย อัน ตี แม โลว จัร เฆ โบง ครึง บอด อู ฌึม แตห อาโรน ตา, แตห อัน มึห ซาเร, แตห ดูอี โรวเซ อัน. 3อึณ มึห เฆ ดูอี แปะ แฮะ ดัว โอว อางยาน แตห เฆ แหลว ดี โบง ครึง ฌึร ตี. แม มืร โลว จัร เฆ แตห เฆ โบง ครึง บอด อู ฌึม ปี โลว ชึบ อาโรน, แตห อัน บอด, แตห อัน ปึอน ดี หลู ดี โอว. 4ครึง ปี โลว เฆ โบง, เฆ ปาย นี. เฆ โลว โบง ฮู ปี เบลห อาโรน ดี บังน็อห อัน. บอ ซีโตว ดีกรัห, อี จืร ซีโตว เอโพด, บอ ซีโตว ตือะ ฆาย ซีโตว ตูน, บอ กาแมะ บอ ซาบรอด ปี ปัก ดี ณอย อัน, เฆ โลว โบง แตห อึณ แบน อู ฌึม. ครึง บอด ฌึร ตี, เฆ โลว โบง แตห บอ อีกัด แม อี จืร อาโรน. บอ ฆอน อีมาย อัน ปึอน ดี ตา ดอ โบง เฆ ฆาน โอว, แบน ดูอี อี หลู ดี โอว. 5เฆ โลว โบง ครึง ฌึร ตี ดอน โมยว ตา ครีว เฆ เซณ อี คอง, อี ฆูย คอน บอ อี เรณ แฆ. แตห เฆ ตา บอ บีก กาตัม ลูย, โบง แคะ ปี จัร โอว เฆ โบง.”
ลอง ซีโตว ดีกรัห อี จืร ซีโตว เอโพด
6วาย อัน ตี เฌาพรา วี ต็อห, “เฆ ดูอี อี แหลว ดี โบง ซีโตว เอโพด ตึอน, แตห เฆ ตา ครีว บอ เซณ อี คอง, อี ฆูย คอน บอ อี เรณ แฆ. แตห เฆ ตา บอ บีก กาตัม ลูย ปี ด็อะ เฆ ตา เซณ บัด. 7ซีโตว เอโพด ตึอน แบน ซีโตว ดีกรัห. เบ โลว โบง บีก แตห อึณ กาดึก บอ นา อาต นา ปัน ดี อา กาโตะ. 8เบ โลว ด็อะ วัน ปี โลว ปัก ดี ณอย, แตห อัน ดึก ดี ซีโตว เอโพด ตี, แตห อึณ แบน ครึง อู พืน. เบ โลว ตา เซณ ครีว เฆ เซณ อี คอง, อี ฆูย คอน บอ อี เรณ แฆ, แตห เฆ ตา เซณ กาตัม ลูย อี บัด.
9เบ บอ โลว ดึห แซณ ว็อง ลูย อา โบ็ง, แดม อูน จืร ครึร อีซาเรลัะ บอ ฆึร ดี อา โมยว. 10แซณ อู โบ็ง โลว แดม จืร เฆ ฆอน อีมาย อาโกบ เดา วี. แซณ ปอ อู โบ็ง โลว แดม จืร เฆ ปอ เดา วี. แตห เฆ แดม ลาย ดาม. จืร อี ฆึอด ดี อาต โลว แดม ดี อาต. จืร อี ฆึอด ดี ปัน โลว แดม ดี ปัน. 11ดา ฌาง คัม อี รัณ แซณ, อัน โลว ดอก แซณ อา โบ็ง, แตห อึณ เลห จืร ฆอน อาโกบ ตึอน. อัน โลว โบง ฌึร ตี แตห อึณ ปี ปี โบง อัน ฌึม. วาย อัน ตี อัน วี โลว โบง กาง แซณ อา โบ็ง ตี, ตา ครีว อี ฮับ โบห. 12แซณ อา โบ็ง ตี เบ โลว ดึก ดี ยัะ ซีโตว เอโพด ตึอน, แตห อึณ มึห อู บลาก อู โบ็ง. แซณ อา โบ็ง ตี แตห โอว เฌาพรา โหลห เฆ ดูอี อีซาเรลัะ ฆึร ดี อา ครึร. ปาย ตี อาโรน โลว เบลห จืร เฆ ครึร อีซาเรลัะ ดี ยัะ อัน, แตห โอว ปึอน ดี โหลห เฆ บอกาเฆลียด ดอ ตัห ฌัม อัน ดี อาต โอว บอ หลู ดี โอว. 13-14ปาย ตี เบ โลว โบง กาง แซณ อา โบ็ง, ตา ครีว ปี ฮับ เบ โบห. แฮะ ฮอต เบ บอ โลว วี ดึห ครีว บอด, โบง วัน ครีว อา ณ็อง, แตห เบ วี ดึก วัน ตี ดี กาง แซณ ตึอน.” ปาย ตี เฌาพรา จัร เฆ โบง ซีโตว ดีกรัห อี จืร ซีโตว เอโพด ตึอน.
ลอง ฮู ปี เบลห อาโรน ดี บังน็อห อัน.
15วาย อัน ตี เฌาพรา วี ต็อห ดี อาโมวแซ, “เบ โลว โบง ฮู ปี เบลห อาโรน ดี บังน็อห อัน, แตห อึณ จอย เบ ดอ โลว เบ ซูงพยาด แบน โมยว แบน โมยว. แตห เบ จัร ดูอี แหลว ดี โบง ดอน โมยว. อัน โลว ดึห ตา โกรว ปี ตา เฆ ดอ โบง เฆ ซีโตว เอโพด ตึอน. แตห อัน ตา ครีว เฆ เซณ อี คอง, อี ฆูย คอน บอ อี เรณ แฆ. แตห เฆ ตา บีก กาตัม ลูย ปี ด็อะ เฆ ตา เซณ บัด. 16ฮู ตี, เบ โลว โบง แตห อัน แบน พวน ซีนา กาลัง, แตห ดอน บลาก แบน อู กาซาน. เบ บอ โลว ดึห บีก, บลัห แตห อึณ แบน อา ทาบ, ปี ฮู. 17บลาก นา แดง เบ โลว ดึก แซณ ฆึร ดี อา โบ็ง, แตห เฆ กอย อึณแปรง พวน อึณแปรง. อึณแปรง เหลห เบ โลว เบลห แซณ เรณ เดณ, แซณ เดณ บลาง บอ แซณ เรณ. 18อึณแปรง ฮาอา โลว เบลห แซณ เงียน คอง, แซณ เงียน เบลณ บอ แซณ เรณ ว็อง. 19อึณแปรง ฮาโอย โลว เบลห แซณ มาบรีว, แซณ ปัยะ บอ แซณ ฆูย คอน. 20อึณแปรง อึณ พวน โลว เบลห แซณ เงียน ว็อง, แซณ ว็อง ลูย บอ แซณ เงียน เดณ ดีปูน. แซณ ฌึร ตี ดอน โบ็ง เบ โลว วี ดึห ครีว โบง กาง อัน. 21แซณ ฆึร ดี อา โบ็ง ตี โบง ปี ฆอน อาโกบ ฆึร ดี อา วี. แซณ ดอน โบ็ง โลว มึห จืร ครึร เฆ ดูอี อีซาเรลัะ, อู โมยว อู ครึร, แตห อึณ กอ โนะ ฆึร ดี อา ครึร. 22เบ บอ โลว โบง วัน ครีว แฌด อา ณ็อง. 23แฮะ ฮอต เบ โลว โบง ควัง ครีว อา โบ็ง, ดึก ดี อา กาโตะ ฮู ตึอน บลาก นา กัว. 24วัน ครีว ตึอน เบ โลว ดึก ดัง อัน ดี ควัง ครีว อี กอย ดี กาโตะ ฮู ตึอน ปี โลว เบลห ดา ตาง อี หลู ดี เฌาพรา แดง บังน็อห อัน. 25กาแดะ วัน ครีว ตี, เบ วี โลว ดึก ดี กาง แซณ ว็อง ลูย อา โบ็ง อี กอย ดี ยัะ ซีโตว เอโพด ตึอน. 26ปัน ตี เบ บอ โลว โบง ควัง ครีว ปอ อา โบ็ง, ดึก ดี กาโตะ บลาก นา เตต ฮู ตึอน บอ อา กาโตะ, แตห อึณ กอย กาตัด วัน ปี ปัก ดี ณอย อี กอย ดี ซีโตว เอโพด ตึอน. 27เบ โลว โบง บอ ควัง ครีว ปอ อา โบ็ง, ดึก ดี ซีโตว เอโพด แตห อึณ กอย โดง กอย นา ครึม ฮู ตึอน, แตห อึณ กอย กาตัด วัน อี ดึก ดี ณอย ตึอน. 28เบ โลว วี ดึห วัน บีก อี คอง, ชึบ แคง ควัง อี ดึก ดี ฮู บอ ควัง อี ดึก ดี ซีโตว เอโพด ตึอน, แตห ฮู ตึอน ดึก รีด ดี ซีโตว เอโพด, แกวะ แตห อึณ รัห.
29วาย อัน ตี ดอน เฌณ, ดอ ลึบ อาโรน แคง ทึบ บีก บอด, อัน ดี ชึบ ฮู อี มึห จืร เฆ ครึร ดูอี อีซาเรลัะ ตึอน, แตห อึณ กอย ดี บังน็อห อัน, แตห เฌาพรา วี โหลห เฆ เซเซ. 30เบ โลว อูน มาว อา โบ็ง อี จืร อูรีม ฆาย ทูมีม นา แคง ฮู ตึอน.#28:30 อูรีม ฆาย ทูมีม มูห มาว ปี ยอด เฆ ดูอี อีซาเรลัะ เซ เฆ ซี นับ มาเซ ปี อึง เฌาพรา ปาย ตี มาว อา โบ็ง ตี กอย ดี บังน็อห อาโรน ดอน เฌณ ดอน เฌณ ดอ ลึบ อัน โดง กอย เฌาพรา แคง ทึบ บีก บอด. ปาย ตี โกรว อี แตห ดูอี อีซาเรลัะ นับ ปี โลว ปี อึง เฌาพรา, อึณ ดี กอย ดี บังน็อห อาโรน เซเซ ดอ กอย อัน ดี อาต เฌาพรา.”
31วาย อัน ตี เฌาพรา วี ต็อห ดี อาโมวแซ, “เบ บอ โลว วี ดึห บีก อี คอง, โบง ซีโตว ตือะ ปี โลว ชึบ นา แคง ซีโตว เอโพด ตึอน. 32เบ โลว ดึห บีก โต็ง อู พืน. นา กาแต อัน เบ โลว แฆวะ แมง อัน. วาย อัน ตี เบ โลว ด็อะ ปราง วี จีณ ดี แมง อัน, แกวะ แตห อัน กายาต ลึร. 33เบ บอ โลว โบง ราง เบล มาจัก, ตา เซณ อี คอง, อี ฆูย คอน บอ อี เรณ แฆ, แตห เบ ดึก ดี โบรว ซีโตว ตี. บอ ฮีง ครีว เบ โลว โบง, ดึก นา กาแต ราง เบล มาจัก ดอน โบ็ง. 34ราง เบล มาจัก เฆ ฮีง ครีว เบ โลว ดึห ดึก ดี โบรว ซีโตว, แตห อึณ ลาย กาคัน. 35อาโรน โลว ชึบ บอ ซีโตว ตี ดอ โบง อัน ฆาน เฌาพรา. ดอ ฮาว ลึบ อัน แคง ทึบ บีก บอด, อี มูห โดง กอย เฌาพรา, บอ ดอ เลห อัน แคง โดง บอด ตี, เฆ ดูอี บัร ดี โทม ฮัม ฮีง ตี, แตห เฆ นับ อาโรน ตู ยัม ดอ กอย อัน ดี อาต เฌาพรา.
36เบ โลว วี ดึห ครีว บอด อู บลัะ, ดอก ปัยะ นา แดง, แตห อึณ ต็อห, แฮะ บอด, มี อาดา เฌาพรา.” 37เบ โลว ดึห วัน อี คอง, ดึก ดี บลัะ ครีว ตึอน, แตห อึณ ปึอน ดี ปัก ดี กาต็อห ดูอี อี หลู ดี เฌาพรา, แตห อึณ กอย นา เรต กาแมะ อัน. 38บลัะ ครีว ตี โลว กอย ดี กาต็อห อาโรน. ปาย ตี อัน โลว ดึห นา ตู หมึอม ปี โบง ดูอี, อี ดึก ดี ปี ดี หลู เฆ ดอน โมยว. เฆ บอ หลู มาเซ, หมาบ เฆ ดี บอ ดึก ดี ปี ดี หลู เฆ ตี เซเซ. เซ อาโรน ยี มึห บลัะ ครีว ตี, อึณ ดี แตห เฌาพรา แวน หมาบ อี ดึก ดี ปี หลู เฆ.
39วาย อัน ตี เบ โลว วี ด็อะ บีก กาตัม ลูย, ตา เซณ บัด, วี โบง ซีโตว ตูน อาดา อาโรน. บอ กาแมะ เบ โลว โบง ตา เซณ กาตัม ลูย อี แฮะ บัด. บอ ซาบรอด ปี ปัก ดี ณอย, เบ โลว โบง. ดูอี แหลว ดี จีณ, แตห แม จัร อัน จีณ แฆะ, แตห อัน โบง ซาบรอด ตี. 40แม บอ โลว แตห เฆ โบง ซีโตว ตูน บอ ซาบรอด บอ กาแมะ, แตห บอ ฆอน อีมาย อาโรน ปึอน ดี ชึบ, แตห บอ เฆ มึห ซาเร, แตห เฆ ดูอี โรวเซ บอ เฆ. 41เบ แฮะ ฮอต โบง ครึง บอด ตี, แตห บอ อาโรน อี มูห อีกัด แม บอ เฆ ฆอน อีมาย อัน วี ชึบ ครึง ตี. วาย อัน ตี เบ โลว พ็อห นามัน บอด ดี ฆีณ เฆ, ดาง แตห เฆ แบน ดูอี อี โบง ฆาน โอว.
42เบ บอ โลว โบง ซีลา บัวะ, แตห บอ อาโรน บอ ฆอน อัน ชึบ, แตห อึณ กาบีด โดว เฆ. ซีลา ตี เบ โลว โบง ตา กาตัม ลูย. เบ โลว โบง แตห อึณ จูห ดี ณอย กอ ฌัม ดี ฆึม, กาบีด ฆึม เฆ. 43อาโรน บอ ฆอน อัน โลว ชึบ เซเซ ซีลา ตี ดอ ลึบ เฆ แคง ทึบ บีก บอด บอ ดอ ฮาว กาตัด เฆ กาโช็ง หลู, แตห เฆ โบง ฆาน โอว. ดอ กอย เฆ ดี โดง บอด ดอน โมยว, เซ เฆ ชึบ ครึง ปาย ตี อึณ ตู แตห เฆ มึห หมาบ, ตู แตห เฆ โลว ยัม.
แม โลว แตห อาโรน เฆ หลูกหลาน อัน โบง เซเซ ปี จัร โอว ฌึร ตี ดอน โมยว, แตห เฆ โดบ ซีคยา ดอน โจว ดอน บาน.” ปาย ตี เฌาพรา กาลาง ดี อาโมวแซ ดอ กอย อัน แดง นอน เฌาพรา ตึอน.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.