YouVersion Logo
Search Icon

HPAJI NINGLI 1

1
Asak Hkrun Lam Gaw Kaman Lila
1Ndai ni gaw Yerusalem hta hkawhkam galaw ai Dawi a kasha, Sumru Ninghkrin wa tsun ai ga ni rai nga ai.
2Dai gaw kaman lila, kaman lila, rai nga ai nga nna sumru ninghkrin wa tsun nga ai. Asak hkrun lam gaw kaman lila rai nga ai, yawng mayawng kaman lila rai nga ai. 3Nang gaw na a asak hkrun lam hta bungli galaw, amu shachyen let aten shama nga ndai, dai amu galaw madun ai majaw nang hpa baw hkam la lu a ta? 4Masha ban mi shang wa nna ban mi pru mat wa nga ai, rai ti mung mungkan ga gaw maren dinggrin arai nga ai. 5Ajan gaw pru nna bai shang mat nga ai, shi bai pru pru re ai shara de hki ba ai hte bai nhtang wa nga ai. 6Nbung gaw dingda de bung dat, dingdung de bung dat rai kayin bung bung rai nga ai. 7Hka nu shagu gaw panglai de lwi yu nga ai; rai ti mung panglai chyawm gaw hpring wa ai n rai. Hka gaw hka nu a hka hpawk shara de nhtang wa nna bai hpang la la rai nga ai. 8Yawng mayawng gaw hki ba ai de woi sa ai-hki ba ai ngu ai ga gaw nau wa kaba la nga ai. Anhte a myi ni gaw myit dik hkra galoi mung n mu lu nga ai; anhte a na ni na lu na daram galoi mung n na lu nga ai. 9Shawng e byin ngut sai gaw bai byin wa na ra ai. Bai byin wa na ra ai amu gaw shawng e galaw lai mat wa sai ni hkrai rai nga ai. Ndai mungkan ga ting hta ningnan hpa mung n nga nga ai. 10Shanhte gaw, “Yu u, nang e arai nnan nga nga a hka!,” nga nna tsun ma ai. Rai ti mung, n rai nga ai, dai gaw anhte pyi garai n shangai ai shawng e dai lam yawng mayawng byin lai mat wa sai. 11Kadai mung lai sai aten ni hta hpa byin lai wa sai hpe n dum nga ai, htawm hpang de du sa wa na ni kadai mung ndai prat hte hpang na aprat lapran hta hpa byin na lam dum na n rai.
Sumru Ninghkrin Wa A Mahkrum Madup
12Ngai, Sumru Ninghkrin wa gaw Yerusalem hta, Israela a ntsa e hkawhkam tai lai wa ni ai. 13Ngai gaw ndai mungkan ga hta galaw ai amu yawng mayawng hpe sawk yu nna sharin la na ngu, myit daw dan da nngai.
Karai Kasang gaw anhte a ntsa e myit daw hten hpa maka jaw da nu ai. 14Ngai gaw ndai mungkan ga ting hta galaw da ai amu magup shagu hte hpe mu ni ai; ngai nang hpe tsun de ga, dai yawng mayawng gaw kaman lila rai nga ai. Dai gaw nbung hpe shachyut ai zawn rai nga ai. 15Nang gaw magaw nga ai hpe malan lu ai n rai; dai yang e n nga ai arai ni hpe nang n hti lu nga ndai.
16Ngai gaw nye hkraw e, “Ngai gaw nye a shawng e Yerusalem hpe up nga ai ni kadai hta mung hpaji byeng-ya grau lu la ai hte galu kaba ai masha langai tai wa ni ai. Hpaji byeng-ya hte machye machyang hpaji gaw teng teng hpa rai nga ai hpe ngai chye ni ai,” ngu nna tsun ni ai. #1Hk 4:29-31. 17Machye machyang hpaji hte angawk angak re ai lam hpe mung, hpaji byeng-ya hte myit n su ai lam hpe mung chye ginhka la na matu, ngai daw dan da ni ai. Rai ti mung, dai mung nbung hpe shachyut ai sha rai nga ai hpe ngai mu nngai. 18Nang hpaji grau chye magang, grau nna myit ru magang rai nga ai; nang grau nna chye na magang, dai gaw grau nna nni nkri hkrum magang rai nga ai.

Currently Selected:

HPAJI NINGLI 1: JCLB

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy