Filipiye Ebaani
Ebaani
Kangundu kacomi ka Faala eli ntuma Poole ompi Ncya Yeemve kamaka Filipe, nca bungu lekala le romene ka Masedoyine (mpila kacu ka kalumu ma kaje kacu katemeŋe tari ŋa ka katali buuyi ka Ngerese). Ma ntini ye opinga o nde wo ywele ma kaje ka kaba Ncya Yeemve ŋa ma kasa alwoni a Jezu, kaŋa Poole wangi Okuga (lekese Act 16.12-40). Esibi eke eyira, eli nde kiigi ongeneŋe (asoke ka Efeze, asoke Sezare sikali ka Rome, leki ya aka syele ŋi, lekese Fil 1.7), ntuma Poole teendi ma aFilipiye okanda omo bila kanyima keenini. Nde kiigi jii bo kampa leve ma elogo ba si bo kaya kini nde ma Epaferodite, ŋaa eli ndemankulu kiigi nca mpasi. Nde kiigi jii ma kampa bo se kawasi ma kaka tele ma Kirisite, ma kabiza kayalaga eyizigi beebi ba eki nyunuŋa ma ompyele kanca esima e bo.
Ka ebaani (1. 1-11), Poole amweze kase bila kaya eli nde amono ove ma kabaraga akiricye a Filipiye. Amana nde mpi ancya ma amaami anjuru a nde. Ka osu o maami ma maaya eli nde ki ya ŋi, nde amweze tari leso ma ondigi o nde bila Jezu Kirisite wo ampa nde (1. 12-26). Nde awasa Afilipiye ma kaka pa nca lila ŋa ma kasaga eyugi beeve kanca mpanaŋa bo, ma kamvyere onyimi bila oduduma o janja wo aya ma Jezu Kirisite (1. 27-2. 18). Ma kajila kavura mono nde, Epaferodite, mbuuru eli a Filipiye atumi, bila Timote, wo ayira bila Poole, baaje kakyele obuga o bo kampanaŋa Poole bila oju wo Filipe (2. 19-30).
Amana Poole awobo bila mpari ŋa ayaligi ba Filipe ma kasa oyeri ma baari baali ka tele ma Ncya Yeemve e jaajaa ŋi. Nde cwoli Afilipiye aso ma kayuluga mva eki nde, ma kaselege kaciina mpila omwo ba akiricye: ma kafana mva Jezu Kirisite (katini 3). Okanda ofi ma akaga ma ewasi bila leve ŋa ebigi (katini 4).
Okanda wua acwoli ma okanda wo kase, kabila jaa lya letaaŋa okanda ncwo bila ŋa ncwo ye ngulu. Kase kya ma ondigi o bizi a be bila Kirisite. Janja le nde ayumi kanca kase ka 2.6-11. Be se lebaraga kase kya ma lengulu le be?
Currently Selected:
Filipiye Ebaani: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES